ߓߌ߬ߟߊ߬ߒ߬ߘߐ߬ߖߎ߮ ߟߋ߬ ߞߍߣߍ߲߫ ߖߟߊߞߘߐ߫ ߞߎߣߎ߲ߟߏ߲ ߂߀߂߆ ߞߏ߲ߞߏߘߓߌ ߕߟߋ߬ ߀߈ ߡߊ߬߸ ߦߋ߲߬ ߡߍ߲ ߦߋ߫ ߡߊ߲߬ߖߊ߲߬ߠߊ߫ ߡߊ߬ߙߊ ߘߐ߫.

ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߞߣߍ ߞߊ߲߬ ߦߋ߲߬߸ ߔߏߔߏ߫ ߝߌ߬ߟߊ߫ ߟߋ߬ ߞߵߊ߬ ߛߌ߰ ߢߐ߲߮ ߞߎ߲߬߸ ߞߊ߬ ߘߋ߲ߡߛߏߣߍ߲߫ ߞߋߟߋ߲߫ ߓߐ߬ߣߐ߫ ߊ߬ ߣߌ ߘߐ߫ ߓߌ߬ߟߊ߬ߒ߬ߘߐ߬ߖߎ߮ ߞߍ߫ ߦߙߐ ߘߐ߫ ߦߋ߲߬ ߌߞߘߐ߫.

ߛߊ߬ߓߊ߰ߕߐ ߣߌ߲߬ ߕߐ߯ ߟߋ߬ ߞߏ߫ ߛߌߙߋ߬ ߞߎߦߊߕߍ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߭ ߂߀ ߖߊ߬ߕߋ߬ ߘߐ߫، ߊ߬ ߦߋ߫ ߗߍ߬ ߞߎ߲߬߸ ߘߋ߲߫ ߞߋߟߋ߲߫ ߦߴߊ߬ ߓߟߏ߫، ߘߋ߲ߡߛߏ ߣߌ߲߬ ߕߘߍ߬ ߔߏߔߏ ߟߋ߬ ߞߊ߲߬߸ ߊ߬ ߣߌ߫ ߔߏߔߏ߫ ߕߌ߯ ߜߘߍ߫ ߟߋ߬ ߞߵߊ߬ ߛߌ߰ ߢߐ߲߮ ߞߎ߲߬ ߏ߬ ߘߐ߫ ߛߊ߫߸ ߊ߬ߟߋ ߡߊ߫ ߓߐ߫ ߊ߬ ߘߐ߫.

ߣߊߤߊ߲߫ ߞߎ߬ߟߌߓߊ߬ߟߌ߬ ߘߊߘߐߢߌ߬ߣߌ߲߬ߞߊ߬ߣߍ߲ ߒ߬ ߓߟߏ߫߸ ߊ߬ߟߋ ߦߋ߫ ߖߟߊߞߘߐ߫ ߛߌ߰ߓߊ߮ ߘߏ߫ ߟߋ߬ ߘߌ߫߸ ߊ߬ ߞߊ߬ ߢߊߝߐߟߌ߫ ߞߍ߫ ߞߊ߬ ߓߍ߲߬ ߣߌ߲߬ ߞߏ ߕߊ߬ߡߌ߲߬ ߢߊ ߡߊ߬:

<<ߊ߬ ߓߊ߲ߣߍ߲߫ ߕߓߌߟߌߟߌ ߟߋ߬ ߟߊ߫߸ ߞߏ߫ ߊ߬ ߕߊ߯ߕߐ߫ ߛߎ߬ߡߊ ߏ߬ ߡߊߟߐ߬ ߟߊ߫ ߟߎߓߊ ߡߊ߬، ߘߋ߲ߡߛߏߣߍ߲ ߘߏ߫ ߛߌ߰ߣߴߊ߬ ߞߐߝߍ߬߸ ߛߎ߬ߡߊ߲ ߡߌ߬ߣߊ߬ߣߴߏ߬ ߓߟߏ߫، ߊ߬ߟߎ߬ ߕߏ߫ ߘߊ߫ ߥߊ ߟߋ߬ ߟߊ߫ ߡߎ߬ߕߎ߲߬߸ ߊ߬ߟߎ߬ ߣߌ߫ ߔߏߔߏ߫ ߕߌ߯ ߜߘߍ߫ ߞߵߊ߬ ߛߌ߰ ߢߐ߲߮ ߞߎ߲߬، ߛߌߙߋ߬ ߞߎߦߊߕߍ߫ ߡߍ߲ ߕߘߍ߬ ߔߏߔߏ ߓߏ߬ߙߌ ߞߊ߲߬߸ ߊ߬ߟߋ ߓߣߐ߬ ߘߴߊ߬ ߣߌ ߘߐ߫ ߦߙߐ ߏ߬ ߟߋ ߘߐ߫ ߦߋ߲߬ ߌߞߘߐ߫߸ ߞߵߏ߬ ߞߎ߲߭ ߞߍ߫߸ ߓߌ߬ߟߊ߬ߒ߬ߘߐ ߘߌ߯ ߘߴߊ߬ ߞߎ߲߭ ߠߋ߬ ߟߊ߫ ߓߘߍߞߍ߭، ߡߍ߲ ߕߍ߬ߘߍ߫ ߊ߬ ߞߐߝߍ߬߸ ߞߵߏ߬ ߞߌ߲߬ߘߏ߲߫ ߊ߬ ߟߊ߫ ߡߎߣߎ߲߬߸ ߓߊ߬ߙߵߊ߬ ߓߌ߬ߟߊ߬ ߘߴߊ߬ ߦߟߌ߫ ߘߐ߫ ߘߊ߲ߘߊߛߏ ߟߊ߫، ߔߏߔߏ߫ ߕߌ߯ ߘߐ ߏ߬ ߛߊ߫߸ ߏ߬ ߛߋ߫ ߘߊ߫ ߕߟߊ߫ ߟߴߊ߬ ߘߐ߫߸ ߊ߬ ߡߊ߫ ߖߐߞߌ߫ ߞߏߖߎ߯ߦߊ߫، ߘߋ߲ߡߛߏ ߝߎ߬ߙߋ ߡߊ߫ ߛߌ߬ ߜߘߍߞߍ߫ ߡߎ߬ߕߎ߲߬߸ ߊ߬ ߓߘߴߊ߬ ߖߌ߰ߦߘߊ߬ ߟߊ߬ߓߊ߲ ߡߊߛߐ߬ߘߐ߲߬.>> ߏ߬ ߟߊ߫ ߟߊ߬ߛߙߋ߬ߦߊ߬ߟߌ ߟߵߏ߬ ߘߌ߫.

ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍߢߊ߫ ߖߐ߲ߖߐ߲߫ ߞߏ߬ߣߌ߲ ߡߊ߫ ߟߐ߲߫ ߒ߬ ߓߟߏ߫߸ ߝߊ߰ߡߊ ߟߎ߫ ߘߏ߲߬ ߝߣߊ߫ ߡߊ߫ ߢߊߝߐߟߌ߫ ߜߘߍ߫ ߞߍ߫ ߊ߬ ߞߏߢߊ ߞߊ߲߬.