ߓߌ߬ߟߊ߬ ߞߍߣߍ߲߫ ߝߊ߬ߙߊ߲߬ߛߌ߬ ߞߊ߲ߕߌ߯ ߜߊߣߊ߲ߓߊ߫ ߞߘߐ ߣߌ߲߬ ߞߐ߫ ߟߋ߬߸ ߞߏ߫ ߊ߬ ߣߌ߫ ߟߓߌ߫ ߞߊ߲ߕߌ߯ ߝߘߊ߬ߝߌ߲߬ߠߊ߬ߟߊ߲߬ߘߌ߬ ߞߘߐ ߡߎߥߡߊߙ ߞߘߊߝߌ߫ ߕߘߍ߬ ߞߏ߫ ߡߊ߬߸ ߊ߬ ߞߊ߬ ߥߊߘߌ߫ ߛߌߦߊߡߊ߲߫ ߡߌ߬ߘߊ߫ ߏ߬ ߟߊ߫ ߣߊ߲߬ߞߊ߬ߡߎ߲߬ߣߊ߲ߞߊߡߎ߲ ߘߐ߫ ߞߵߊ߬ ߞߍ߫ ߊ߬ ߟߊ߫ ߓߙߊߡߊߖߊ߲ߓߊ߲ ߣߊ߲߬ߝߟߏ߬ߦߊ߬ ߝߋ߲ ߘߌ߫، ߥߊߘߌ ߏ߬ ߟߋ ߞߏ ߟߎ߬ ߡߊ߫ ߟߊߜߍ߫߸ ߞߵߏ߬ ߞߎ߲߭ ߞߍ߫ ߊ߬ ߣߴߊ߬ ߞߏߟߊߘߍߢߐ߲߮ ߘߏ߫ ߟߎ߫ ߟߊ߫ ߞߏ߫ ߢߊ߯ߡߌ߲ ߘߌ߫، ߒ߬ߓߊ߬߸ ߞߕߌ ߏ߬ ߟߋ ߛߌ߰ ߘߊ߫ ߛߋ߲߬ߠߊ߫߸ ߡߍ߲ ߘߌ߫ ߥߊ߯ߕߌ߫ ߦߙߌߞߊ߫ ߖߊ߲߫ ߓߐ߫. ߞߕߌ߫ ߝߟߐߡߊ ߟߊ߫ ߘߊ߫߸ ߞߵߊ߬ ߖߊ߲߬ߞߌ߫ ߏ߬ ߞߏߢߊ ߘߐ߫، ߓߊ߬ߙߵߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߓߍ߲߬ ߞߕߌ ߏ߬ ߡߊ߬.
ߣߌߞߏߟߊ߫ ߛߊߙߑߞߏߖ߭ߌ߫ ߕߘߍ߬ ߞߕߌߘߊ ߟߋ߬ ߢߊߞߘߐ߫ ߞߐ߬ߟߏ߲ ߣߌ߲߬ ߡߊ߬߸ ߞߊ߬ ߓߍ߲߬ ߊ߬ ߟߊ߫ ߞߕߌ ߘߏ߫ ߟߋ߬ ߡߊߛߊ߬ߦߌ߲ ߦߴߌߘߐ߫߸ ߡߍ߲ ߟߐ߬ߣߍ߲߫ ߊ߬ ߟߊ߫ ߂߀߀߇ ߞߊ߲ߕߌ߯ ߢߣߊߕߊߟߌ ߓߙߊߡߊߖߊ߲ߓߊ߲ ߣߊ߲߬ߝߟߏ߬ߦߊ߬ ߞߏ ߡߊ߬ ߟߓߌ߫ ߓߟߏ߫.
ߘߊߘߐߢߌߣߌ߲ߞߊߟߌ ߟߎ߬ ߘߊߡߌ߬ߣߊ߬ ߘߊ߫ ߔߊ߬ߙߌ߬ ߞߕߌ߫ ߡߛߊߦߌ߲ߘߊ ߟߊ߫ ߓߌ߬߸ ߝߊ߬ߙߊ߲߬ߛߌ߬ ߞߊ߲ߕߌ߯ ߞߘߐ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߟߓߌߞߊ ߟߎ߬ ߟߊ߫ ߘߙߐߡߍ߫ ߞߋߟߋ߲ ߡߊ߫ ߘߏ߲߬ ߊ߬ߟߋ߫ ߞߎ߲߬ߞߏ ߟߊ߫߸ ߊ߬ ߟߊ߫ ߓߙߊߡߊߖߊ߲ߓߊ߲ ߕߎ߬ߡߊ ߟߊ߫.
ߛߊߙߑߞߏߖ߭ߌ߫ ߓߍߣߊ߬ ߖߏߓߊ߮ ߟߊ߫ ߣߌ߫ ߝߊ߲߬ ߜߘߍ߫ ߟߎ߫ ߟߊ߫ ߢߌ߬ߣߌ߲߬ߞߊ߬ߟߌ ߟߎ߫ ߖߋ߬ߓߌ߫ ߕߋ߬ߟߋ߫ ߛߊ߬ߓߊ߫ ߞߎ߲߬ߕߊ߯ ߞߣߐ߫.
ߞߕߌߘߊ ߦߌߟߡߊ߫ ߝߟߐ ߟߊ߫߸ ߞߊ߬ߝߏ߬ ߞߎ߲߬ߕߌ߰ ߞߘߐ ߣߌ߲߬ ߖߊ߲߬ߞߌ߲߬ ߘߊ߫ ߛߊ߲߬ ߟߏ߯ߟߎ߫ ߥߛߎ߫ ߟߋ߬ ߟߊ߫ ߦߋ߲߬߸ ߞߏ߫ ߊ߬ ߓߘߴߊ߬ ߛߋ߲߭ߘߏ߲߬ ߡߐ߰ ߞߏ߬ߙߏ߲߬ ߘߍ ߘߐ߫ ߞߏߢߊ ߣߌ߲߬ ߘߐ߫.
ߊ߬ ߡߊߝߌ߲߬ߣߍ߲߫ ߞߕߌߘߊ ߓߟߏ߫ ߝߣߊ߫߸ ߞߏ߫ ߊ߬ ߞߵߊ߬ ߞߏߟߊߘߍߢߐ߲߮ ߠߎ߬ ߕߏ߫ ߊ߬ߟߎ߫ ߓߋ߭ ߘߐ߫߸ ߞߵߊ߬ߟߎ߬ ߣߌ߫ ߟߓߌ߫ ߓߟߏ ߕߏ߫ ߢߐ߲߮ ߓߟߏ߫߸ ߞߊ߬ ߞߏ߫ ߞߍ߫߸ ߡߍ߲ ߘߌߡߊ߲߫ ߊ߬ߟߎ߬ ߣߌ ߢߍ߫، ߟߓߌߞߊ ߟߎ߫ ߘߏ߲߬ ߝߣߊ߫ ߦߋ߫ ߣߌ߲߬ ߞߏ ߞߐߞߘߐߓߌ߲ߓߌ߲ ߞߊ߲߬ ߖߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߊ߬ ߛߊߙߛߑߞߏߖ߭ߌ߫ ߡߊߘߍ߬ߡߍ߲߫ ߠߋ߬ ߝߛߊߦߌ߫߸ ߊ߬ ߟߊ߫ ߕߊ߯ߟߌ ߘߐ߫ ߋߟߌߖ߭ߋ߫، ߏ߬ ߥߊ߯ߕߌ ߘߏ߲߬ ߞߍ߫ ߘߊ߫ ߟߋ߬߸ ߞߵߊ߬ ߛߐ߬ߘߐ߲߬ ߘߎߢߊ߫ ߓߘߴߊ߬ ߞߐߘߏ߲߬ ߞߘߊߝߌ߫ ߟߊ߫߸ ߞߵߊ߬ ߕߏ߫ ߊ߬ ߞߋߟߋ߲߫ ߠߊ߫.
ߞߕߌ ߣߌ߲߬ ߓߍߣߊ߬ ߕߏ߫ ߊ߬ ߡߊ߬ ߤߊ߲߯ ߞߵߊ߬ ߛߌ߰ ߥߊ߬ߛߌ߬ߥߙߊ ߕߋ߬ߟߋ߫ ߃ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.