ߕߊ ߟߋ߬ ߓߐߣߍ߲߫ ߓߐ߬ߙߑߘߏ߫ ߍߛ.ߏ.ߍߛ ߞߌ߲߬ߘߊ ߟߊ߫ ߞߎߣߎ߲߬ ߁߈ߕߎߡߊ ߝߊ߲߭ ߝߍ߬߸ ߕߊ ߡߍ߲ ߓߐ߫ ߞߎ߲߫ ߡߊ߫ ߟߐ߲߫، ߏ߬ ߞߍ߫ ߘߊ߫ ߝߏߝߣߊߟߞߊ ߟߎ߬ ߟߊ߫ ߘߋ߲ߓߦߊ ߟߋ߬ ߞߣߐ߫ ߞߊ߲ߞߊ߲߫ ߛߏ ߞߣߐ߫߸ ߞߵߊ߬ߟߎ߫ ߓߌ߬ߟߊ߫ ߞߣߐ߬ߘߐ߬ߝߟߌ ߘߐ߫.

ߞߎ߲߬ߠߊ߬ߘߌߦߊ ߞߏ߬ߣߌ߲߬ ߞߍ߫ ߘߊ߫ ߡߍ߲ ߘߌ߫߸ ߡߐ߰ ߛߌ߫ ߡߊ߫ ߓߐ߬ߣߐ߫ ߊ߬ ߣߌ ߘߐ߫߸ ߓߊ߬ߙߌ߬ ߓߟߏߝߋ߲߫ ߛߌߦߊߡߊ߲߫ ߠߋ߬ ߕߏ߫ ߘߴߊ߬ ߘߐ߫߸ ߞߵߏ߬ ߟߊ߫ ߓߊߟߏ߫ ߛߎߡߊ߲ ߠߎ߬ ߞߊ߲߬߸ ߊ߬ ߣߌ߫ ߥߊߘߌߜߍ، ߓߏ߲ ߡߍ߲ ߦߋ߫ ߕߋ߲߬߸ ߞߣߐ߫ ߛߊ߬ߓߊ߫ ߟߋ߬߸ ߏ߬ ߓߍ߯ ߟߋ߬ ߖߋ߬ߣߌ߲߬ߣߍ߫ ߞߵߏ߬ ߟߊ߫ ߝߏ߯ߟߋ߲ ߖߍ߬ߘߍ ߞߊ߲߬߸ ߓߟߏߝߋ߲߫ ߡߐ߬ߟߐ߲߬ ߜߍߟߍ߲ ߛߌߦߊߡߊ߲߫߸ ߊ߬ ߣߌ߫ ߛߓߍ߫ ߢߊ߬ߕߣߐ߬ߡߊ߬ ߛߌߦߊߡߊ߲߫߸ ߏ߬ ߓߍ߯ ߟߋ߬ ߕߏ߫ ߘߴߊ߬ ߘߐ߫ ߞߎ߲߫.

ߏ߬ ߟߋ ߘߐ߫߸ ߟߎߕߌ߯ ߓߊߞߊ߬ߙߌ߬ ߝߏߝߣߊ߫ ߞߊ߬ ߘߏ߫ ߝߐ߫߸ ߞߊ߬ ߓߍ߲߬ ߊ߬ߟߋ ߟߊߞߍ߫ ߢߊ ߡߊ߬ ߕߊߓߐ ߣߌ߲߬ ߞߊ߬ߟߊߡߊ߬:

<<ߞߎߣߎ߲߬ ߥߎ߬ߙߊ ߟߋ߬ ߝߍ߬߸ ߞߵߊ߬ ߛߐ߬ߘߐ߲߬ ߒߠߋ ߓߘߊ߫ ߓߐ߫ ߞߊ߬ ߥߊ߫ ߛߏ ߞߣߐ߫، ߒ ߕߏ߫ ߘߊ߫ ߛߌߟߊ ߟߋ߬ ߟߊ߫߸ ߒ ߡߏ߬ߛߏ ߞߊ߬ ߒ ߞߟߌ߫ ߞߊ߬ ߒ ߠߊߟߐ߲ߠߌ߲߫ ߞߏ߫ ߕߊ ߓߘߊ߫ ߓߐ߫ ߊ߲ ߠߊ߫ ߟߎ ߡߊ߬، ߒ ߞߐߛߊ߬ߦߌ߲ ߏ߬ ߘߐ߫߸ ߒ ߞߵߊ߬ ߛߐ߬ߘߐ߲߬ ߛߌ߰ߢߐ߲߮ ߠߎ߬ ߓߘߊ߫ ߓߐ߫߸ ߊ߬ߟߎ߬ ߦߋ߫ ߕߊ ߟߊߛߊ߭ ߞߊ߲߬، ߊ߲ ߞߊ߬ ߕߊߟߛߊߟߊ ߟߎ߬ ߟߊߟߐ߲ߠߌ߲߫ ߏ߬ ߢߊ ߟߋ߬ ߡߊ߬߸ ߏ߬ ߟߎ߫ ߣߊ߬ ߘߊ߫ ߞߊ߬ ߣߊ߬ ߕߊ ߟߊߛߊ߬.>>

ߊ߬ߟߋ ߟߊ߫ ߝߐߟߌ߫ ߘߐ߫߸ ߝߏߦߌ߬ ߡߊ߫ ߛߋ߫ ߓߐ߫ ߟߊ߫ ߕߊߓߐ ߣߌ߲߬ ߘߐ߫:

<<ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍߣߍ߲߫، ߞߋ߲߬ߥߟߎ߬ ߇ ߥߊߘߌߜߍ ߕߘߍ߬ ߒ ߓߟߏ߫ ߓߏ߲ ߠߊ߫߸ ߊ߬ ߣߌ߫ ߒ ߠߊ߫ ߘߎ߰ ߛߓߍ߸ ߕߊ ߞߵߏ߬ ߓߍ߯ ߞߍ߫ ߟߋ߬ ߞߎ߲߫، ߒ ߡߏ߬ߛߏ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߥߊߘߌ ߘߏ߫ ߟߎ߫ ߕߍ߬ߘߍ߫ ߊ߬ ߓߟߏ߫ ߊ߬ ߟߊ߫ ߓߏ߲ ߠߊ߫.>>

ߕߊߓߐ ߣߌ߲߬ ߞߎ߲߬ ߖߐ߲ߖߐ߲߫ ߡߊ߫ ߟߐ߲߫، ߓߊߏ߬߸ ߝߏߝߣߊߗߍ ߞߵߊ߬ ߦߌ߬ߘߊ߬ ߞߏ߫: <<ߊ߬ ߞߵߊ߬ ߛߐ߬ߘߐ߲߫ ߠߋ߬ ߢߎߡߍ ߕߎ߲߬ ߡߊ߫ ߣߊ߬ ߡߎߣߎ߲߬߸ ߊ߲ ߧߋ߫ ߕߟߋ߬ߥߟߊ ߟߋ߬ ߟߊߓߊ߯ߙߊ߫ ߟߊ߫ ߦߊ߲߬، ߒ ߡߴߊ߬ ߟߐ߲߫ ߣߌ߫ ߕߊߘߊ߮ ߟߋ߬ ߘߌ߫ ߝߏߘߏ߲߫ ߓߊ߬߸ ߥߟߊ߫ ߡߍ߲ ߦߋ߫.>>

ߛߙߋ ߡߍ߲ ߠߎ߬ ߞߎߡߊ߫ ߘߊ߫ ߒ߬ ߢߊߞߘߐ߫ ߦߋ߲߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߘߋ߲ߣߍ߲ ߘߏ߫ ߟߋ߬ ߟߐ߬ ߘߊ߫ ߞߋߟߦߊ ߟߊ߫ ߟߎ ߞߣߐ߫߸ ߞߏ߫ ߊ߬ ߦߋ߫ ߥߊ߫ ߖߌ ߛߏ߬ߙߌ߬، ߏ߬ ߟߋ ߞߊ߬ ߛߌ߬ߛߌ ߦߋ߫ ߡߎ߬ߕߎ߲߬ ߛߊ߫߸ ߞߊ߬ ߞߣߍߡߊ߫ ߡߐ߮ ߟߎ߬ ߟߊߟߐ߲ߠߌ߲߫، ߛߌ߰ߢߐ߲߮ ߠߎ߬ ߓߐ߫ ߢߊ ߟߋ߬ ߞߍ߫ ߘߴߏ߬ ߘߌ߫ ߞߊ߬ ߣߊ߬ ߕߊ ߟߊߛߊ߬ ߞߊ߲ߡߊ߬߸ ߞߊ߬ ߞߐ߲߰ ߕߊߟߛߊ ߟߎ߫ ߣߊ߭ ߢߍ߫߸ ߏ߬ ߟߎ߬ ߡߍ߲ ߠߎ߬ ߞߊ߬ ߕߊ ߓߊ߱ ߡߊߝߊ߰، ߖߊ߬ߡߊ ߟߊ߫ ߘߐ߬ߖߊ ߏ߬ ߓߍ߯ ߣߴߊ߬ ߕߊ߫߸ ߓߏ߲ ߣߴߊ߬ ߞߣߐ߫ ߝߋ߲ ߠߎ߬ ߡߊ߫ ߞߛߌ߫ ߖߋ߬ߣߌ߲ ߡߊ߬.

ߎߡߊߙ ߝߊ߬ߙߎߞ ߞߐ߲ߘߍ߫ ߡߍ߲ ߦߋ߫ ߓߐ߬ߙߑߘߏ߫ ߍߛ.ߏ.ߍߛ ߞߎ߲߬ߘߊ ߘߏ߫ ߞߎ߲߬ߕߌ߮ ߘߌ߫߸ ߏ߬ ߞߊ߬ ߞߟߌߟߌ ߟߊߛߋ߫ ߓߟߏߘߐߢߌ߲ ߠߎ߫ ߡߊ߬: <<ߊ߲ ߧߋ߫ ߛߌ߰ߢߐ߲߮ ߠߎ߫ ߝߏ߬ ߟߊ߫߸ ߊ߬ߟߎ ߡߍ߲ ߠߎ߬ ߞߵߊ߬߬ߟߎ߬ ߛߋߞߏ ߖߍ߬ߘߍߖߍ߬ߘߍ ߞߍ߫ ߕߊ ߢߌ߲߬ ߠߊߛߊ߭ ߘߐ߫߸ ߦߊ߬ߣߌ߫ ߕߊߟߛߊߟߊ ߟߎ߬ ߦߋ߫ ߣߊ߬، ߓߌ߬߸ ߊ߲ ߧߋ߫ ߞߟߌߟߌ ߟߋ߬ ߟߊߛߋ߫ ߟߊ߫ ߘߍ߬ߡߍ߲߬ߠߌ߲߬ߠߊ ߟߎ߫ ߡߊ߬߸ ߊ߬ߟߎ߬ ߦߋ߫ ߘߋ߲ߓߦߊ ߣߌ߲߬ ߘߍ߬ߡߍ߲߬، ߦߏ߫ ߊߟߎ߫ ߖߍ߬ߘߍ ߢߊ߫ ߦߴߊ߬ ߟߊ߫ ߢߊ ߡߍ߲ ߡߊ߬߸ ߕߌߢߍߟߌ ߞߍߣߍ߲߫ ߠߋ߬ ߝߋߝߋ߫߸ ߓߟߏߝߋ߲ ߓߍ߯ ߟߋ߬ ߖߋ߬ߣߌ߲߬ߣߍ߲߬، ߊ߬ ߕߌߢߍߟߌ ߝߊ߲߬ߞߊ ߥߙߊ߬ߣߍ߲߫ ߠߋ߬، ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ ߞߍ߫ ߘߊ߫ ߞߎ߲߬ߠߊ߬ߘߌߦߊ ߘߌ߫߸ ߓߊߏ߬ ߡߐ߰ ߡߊ߫ ߓߐ߬ߣߐ߫ ߊ߬ ߣߌ ߘߐ߫.>>

ߎߡߊߙ ߝߊ߬ߙߎߞ ߞߐ߲ߘߍ߫ ߞߵߊ߬ ߟߊ߫ ߞߎߡߊ ߞߊ߲߬ ߌߞߐ߫߸ ߞߏ߫ ߝߏߝߣߊߟߞߊ ߟߎ߬ ߟߊ߫ ߘߋ߲ߓߦߊ ߣߌ߲߬ ߡߊ߬ߞߏ ߦߋ߫ ߘߍ߬ߡߍ߲ ߠߋ߬ ߟߊ߫ ߕߋ߲߬߸ ߏ߬ ߘߐ߫߸ ߓߍ߯ ߦߴߊ߬ ߛߋߞߏ߫ ߞߍ߫: <<ߊ߲ ߧߋ߫ ߥߊ߬ߣߌ߲߬ߞߋ߬ ߢߌ߬ߡߊ߬ߕߌ߮߮ ߓߍ߯ ߟߊ߫ ߘߍ߬ߡߍ߲ ߢߌߣߌ߲߫ ߠߊ߫߸ ߞߵߏ߬ ߟߊ߫ ߞߎ߲߬ߠߊ߬ߛߌ߮ ߟߎ߫ ߞߊ߲߬߸ ߞߊ߬ ߛߋ߫ ߘߋ߲ߓߦߊ ߣߌ߲߬ ߡߊߘߍ߬ߡߍ߲߬ ߠߊ߫، ߓߊߏ߬߸ ߊ߬ߟߎ߬ ߦߋ߫ ߜߟߍ߬ߦߊ߬ߓߊ߫ ߟߋ߬ ߕߍߡߊ߬ ߕߋ߲߬.>>

ߘߋ߲ߓߦߊ ߢߌ߲߬ ߠߎ߫ ߞߏ߬ߣߌ߲ ߛߌ߰ߣߍ߲߫ ߛߌ߰ߝߊߘߌ ߢߌ߲߬ ߠߋ߬ ߘߐ߫ ߕߋ߲߬߸ ߊ߬ߟߎ߬ ߓߟߏߝߋ߲ ߝߊ߲߬ߓߊ ߞߍߣߍ߲ ߞߐ߫ ߛߌ߬ߛߌ ߘߌ߫߸ ߝߏ߫ ߘߍ߬ߡߍ߲߬ߠߌ߲߫ ߠߋ߬ ߦߋ߫ ߛߋ߫ ߊ߬ߟߎ߫ ߡߊ߬.

ߟߏ߲ߞߊߛߌߦߊ߫ ߞߡߊ߬߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.