ߡߏ߬ߛߏ ߟߎ߬ ߕߐ߯ߟߊ߫ ߟߏ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߟߏ߲ߓߊ ߓߍ߲߬ߒ߬ߛߋ߲߬ߡߊ ߟߋ߬ ߞߏߛߐ߲߬߸ ߏ߬ ߡߍ߲ ߦߋ߫ ߞߍ߫ ߟߊ߫ ߕߙߊߓߊ ߕߟߋ߬ ߈ ߡߊ߬ ߛߊ߲߭ ߓߍ߯ ߟߊ߫، ߛߙߊ߬ߣߎ߲ ߘߌ߫ ߘߊ߫ ߡߐ߰ ߛߌߦߊߡߊ߲߫ ߡߊ߬߸ ߛߴߊ߬ߟߎ߬ ߘߴߊ߬ߟߎ߬ ߡߙߌߦߊ ߘߌ߫ ߞߊ߬ ߓߍ߲߬ ߡߏ߬ߛߏ ߟߎ߬ ߟߊ߫ ߞߏ ߡߌ߬ߣߊ߬ ߢߊ ߡߊ߬، ߏ߬ ߟߋ ߘߐ߫߸ ߞߊ߬ ߓߍ߲߬ ߡߏ߬ߛߏ ߟߎ߬ ߣߌ߫ ߡߛߏ߬ߦߊ߫ ߟߐ߬ߘߎ߮ ߡߊ߬ ߘߍ߭ ߞߣߐ߫߸ ߓߐ߬ߟߐ߲߬ߞߊ߬ ߛߌߙߋ߬ ߓߊߥߊ߬ߞߊߟߌ߫ ߞߊ߬ߓߊ ߛߙߊ߬ߣߎ߲߬ ߘߊ߫߸ ߊ߬ߟߋ ߡߍ߲ ߦߋ߫ ߒߞߏߞߏ ߛߍ߬ߘߏ߲߬ߠߊ߫ ߘߌ߫ ߞߊ߬ߣߌ߲߬، ߊ߬ ߞߵߊ߬ ߡߙߌߦߊ ߘߌ߫ ߞߊ߬ ߓߍ߲߬ ߟߐ߲ߠߌ߲ߦߊ ߣߌ߫ ߟߊ߲߬ߘߊ ߣߌ߫ ߘߌ߯ߣߊ ߣߌ߫ ߊߘߡߊߦߊ ߖߍ߬ߘߍ ߕߊ߯ߛߌߟߊ ߟߎ߫ ߡߊ߬߸ ߊ߬ ߣߌ߫ ߞߊ߬ߞߎ߬ߘߊ߬ߦߊ ߤߊߞߍ߫ ߡߞߊߘߊ߲ߠߊ ߟߎ߬ ߕߊ߯ ߢߊ.
ߊ߲ ߕߊ߯ ߘߴߊ߬ ߛߐ߬ߘߐ߲߫ ߊ߬ ߟߊ߫ ߟߎ ߞߣߐ߫ ߛߍ߲߬ߞߍ߬ߝߙߊ߫ ߞߌ߲߬ߘߊ ߟߊ߫߸ ߛߊ߲߬ ߓߌ߬ߛߓߊ߬߬ߟߊ߬ߞߊ ߣߌ߲߬ ߞߊ߬ ߞߵߊ߬ ߦߌ߬ߘߊ߬ ߞߏ߫ ߕߙߊߓߊ ߕߟߋ߬ ߈ ߦߋ߫ ߟߏ߲ߓߊ߫ ߟߋ߬ ߘߌ߫߸ ߡߏ߬ߛߏ ߓߍ߯ ߣߌ߫ ߕߍߛߘߌ ߞߊ߫ ߞߊ߲߫ ߞߊ߬ ߡߍ߲ ߟߏ߲ߓߊ ߟߊߢߣߊߡߦߊ߫߸ ߞߊ߬ ߓߍ߲߬ ߊ߬ ߕߐ߬ߣߐ ߥߊ߬ߙߊ ߡߊ߬. ߓߊߏ߬߸ ߊ߬ ߦߋ߫ ߡߏ߬ߛߏ ߟߎ߬ ߟߊ߫ ߛߍ߬ߘߏ߲ ߞߐߝߟߌ ߟߋ߬ ߘߌ߫ ߘߎߢߊ߫ ߞߣߐ߫.
<< ߊ߬ ߦߋ߫ ߟߏ߲ߓߊ߫ ߟߋ߬ ߘߌ߫߸ ߡߍ߲ ߦߋ߫ ߘߎߢߊ߫ ߓߍ߯ ߟߊߘߍ߬ߣߍ߲ ߠߊ߫ ߞߏ߫ ߘߌ߫ ߡߛߏ߬ߦߊ߬ ߞߎ߲ߠߊ߫، ߡߍ߲ ߘߍ߲ߣߍ߲߫ ߕߍ߫ ߛߌߦߊ߫ ߞߏ߫ ߣߌ߫ ߛߎ߯߯ߦߊ߫ ߞߏ߫ ߣߌ߫ ߟߊ߲߬ߘߊ߬ ߞߏ߫ ߟߎ߫ ߟߊ߫߸ ߓߊ߬ߙߵߊ߬ ߦߋ߫ ߡߏ߬ߛߏ ߓߍ߯ ߡߊ߬ ߟߏ߲ߓߊ߫ ߟߋ߬ ߘߌ߫، ߊ߬ ߦߋ߫ ߞߎ߲߬ߠߊ߬ߦߋ߬ߙߋ߲߬ ߟߏ߲ߓߊ߫ ߟߋ߬ ߘߌ߫߸ ߊ߬ ߣߌ߫ ߢߐ߲߯ߘߍߡߍ߲ ߟߏ߲ߓߊ߸ ߞߵߊ߲ ߛߋߞߏߦߊ ߟߎ߫ ߦߌ߬ߘߊ߬߸ ߊ߬ ߣߴߊ߲ ߠߊ߫ ߓߊ߯ߙߊ߫ ߞߍߣߍ߲ ߠߎ߬.>> ߊ߬ ߞߵߏ߬ ߢߊߝߐ߫.
ߒߞߏ ߟߊߥߙߎߞߌ ߛߍ߬ߘߏ߲߬ߠߊ ߢߌ߲߬ ߞߎߡߊ߫ ߘߊ߫߸ ߞߵߊ߬ ߦߌ߬ߘߊ߬ ߞߏ߫ ߡߊ߬ߞߕߌ߬ߟߌ߬ ߞߎߡߊ ߘߏ߫ ߟߎ߫ ߦߋ߫ ߛߋ߲߬ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߝߘߊ߬ߝߌ߲߬ߠߊ߫ ߟߊ߲߬ߘߊ ߟߎ߬߸ ߊ߬ ߣߌ߫ ߘߌ߯ߣߊ ߡߍ߲ ߦߋ߫ ߦߋ߲߬߸ ߏ߬ ߟߎ߬ ߡߊ߫ ߡߏ߬ߛߏ ߡߐ߬ߟߐ߲ ߣߴߊ߬ ߟߊ߲߬ߓߋ ߘߴߊ߬ ߡߊ߬، ߓߊ߬ߙߌ߬߸ ߊ߬ߟߋ ߞߵߏ߬ ߦߋ߫ ߞߏ߫ ߢߊߦߋߓߊߟߌߦߊ ߟߋ߬ ߘߌ߫.
<< ߡߐ߱ ߓߊ߯ ߞߍ߫ ߟߐ߲ߠߌ߲ߠߊ ߘߌ߫߸ ߌ ߘߐߖߊ߬ ߟߐ߲ߠߌ߲ ߛߎ߯ߦߊ߫ ߘߊߡߊ߲ߘߐ߫ ߦߋ߲߬߸ ߌ ߞߊߡߊ߲߫ ߞߊ߬ ߞߍ߫ ߏ߬ ߞߊ߬ߟߊߡߊ߬، ߏ߬ ߟߐ߲ߠߌ߲ ߝߟߐߝߟߐ ߟߋ߬߸ ߌߟߋ ߖߍ߬ߘߍ ߦߋ߫ ߘߌ߲߬ߞߌߙߊ ߡߍ߲ ߘߐ߫߸ ߏ߬ ߟߐ߲ߠߌ߲߸ ߌ ߞߊ߫ ߞߊ߲߫ ߞߊ߬ ߞߍ߫ ߏ߬ ߞߊ߬ߟߊߡߊ߬، ߣߊߟߌ߬ߡߎ߲߬߸ ߌ ߟߊ߫ ߟߐ߲ߠߌ߲ߦߊ ߣߴߌ ߟߊ߫ ߟߊ߲߬ߘߊ ߘߌ߫، ߟߐ߲ߠߌ߲ߦߊ ߛߎ߯ߦߊ߫ ߢߌ߬ߡߊ߲߬ ߠߎ߬ ߦߋ߫ ߒߠߋ ߓߘߊ߸ ߕߊ߯ߛߌߟߊ߫ ߢߌ߬ߡߊ߲߬ ߠߎ߫ ߟߋ߬ ߦߋ߲߬، ߡߎ߲߬ ߓߍ߲߬ߣߍ߲߫ ߡߐ߰ߦߊ ߡߊ߬߸ ߡߎ߲߬ ߡߊ߫ ߓߍ߲߬ ߡߐ߰ߦߊ ߡߊ߬، ߌ ߞߊߡߊ߲߫ ߞߊ߬ ߓߐ߫ ߏ߬ ߞߊ߬ߟߊߡߊ߬ ߝߟߐ߫.>>
ߊ߬ߟߋ ߟߊ߫ ߝߐߟߌ߫ ߘߐ߫߸ ߝߘߊ߬ߝߌ߲߬ߠߊ߫ ߛߍ߰ߣߍ߲߫ ߘߊߞߎ߲߫ ߛߌߦߊߡߊ߲߫ ߠߋ߬ ߘߐ߫: ߛߊ߬ߙߌ߬ߦߊ ߟߎ߬ ߦߋ߫ ߕߎ߬ߓߊ߬ߓߎ ߟߎ߬ ߕߊ ߘߌ߫، ߛߣߐ߬ߡߍ߬ߘߍߦߊ ߦߋ߫ ߊߙߊߓߎ ߟߎ߬ ߕߊ߫ ߓߟߏ߫ ߡߊ߬߸ ߊ߬ ߣߴߊ߲ ߓߘߊ߫ ߟߐ߲ߠߌ߲ߦߊ ߟߎ߬ ߢߍߡߙߌ، ߒ߬ߓߊ߬߸ ߣߌ߫ ߡߍ߲ ߡߊ߫ ߘߊߞߎ߲߫ ߛߊ߬ߓߊ ߏ߬ ߓߍ߯ ߓߊߓߋ߬߸ ߏ߬ ߘߌ߫ ߣߊ߬ ߝߙߋߞߋ߫ ߡߌߛߍ߲ ߠߎ߬ ߘߌ߫ ߥߊ߯ߕߌ ߘߏ߫ ߟߎ߫ ߟߊ߫߸ ߝߏ߫ ߌ ߘߌ߫ ߥߊ߫ ߓߊ߬ߛߊ߲ ߓߌ߬ߟߊ߬ ߞߏ߫ ߘߐ߫߸ ߡߍ߲ ߢߊߓߐߣߍ߲߫ ߞߘߐ ߦߋ߫.
ߞߵߊ߬ ߟߊ߫ ߞߎߡߊ ߢߌ߲߬ ߠߎ߬ ߛߍ߲ߓߍߒߕߋߦߊ߫߸ ߓߐ߬ߟߐ߲߬ߞߊ߬ ߛߌߙߋ߬ ߓߊߥߊ߬ߞߊߟߌ߫ ߞߊ߬ ߟߊߒߡߊ ߕߊ߬ ߡߊ߲߬ߘߋ߲߫ ߘߐ߬ߝߐ ߡߊ߬߸ ߞߊ߬ ߛߏ߲߬ߖߘߊ߫ ߟߊ߫ ߘߊߞߎ߲ ߘߏ߫ ߢߊߛߌߝߊ߫، ߊ߬ ߞߊ߬ ߦߟߌߓߌߟߊߟߌ ߞߍ߫߸ ߕߎ߬ߡߊ ߡߍ߲ ߠߊ߫ ߛߏ߲߬ߖߘߊ߫ ߣߴߊ߬ ߓߊߘߋ߲ ߠߎ߬ ߦߋ߫ ߢߊߣߌ߲ߡߊߓߏߙߌ ߘߐ߫ ߡߍ߭ߡߊ߬߸ ߗߋߘߋ߲ ߡߍ߲ ߠߎ߬ ߕߊ߯ ߘߴߊ߬ ߢߌߣߌ߲߫ ߞߊ߲ߡߊ߬߸ ߡߏ߬ߛߏ߫ ߝߌ߬ߟߊ߫ ߟߋ߬ ߓߌ߬ߟߊ߬ ߘߴߏ߬ ߟߎ߬ ߕߍߟߊ߫߸ ߏ߬ ߟߎ߬ ߦߋ߫ ߥߴߊ߬ ߢߌߣߌ߲߫ ߞߊ߬ ߣߊ߬ ߡߊ߲߬ߘߋ߲߬ ߓߐ߫ ߓߟߏߘߐ߫.
ߊ߬ ߟߊ߫ ߝߐߟߌ߫ ߘߐ߫߸ ߡߏ߬ߛߏ߫ ߝߌ߬ߟߊ ߓߌ߬ߟߊ ߛߙߍߘߍ ߏ߬ ߘߐ߫߸ ߏ߬ ߞߎ߲߭ ߞߍ߫ ߘߊ߫ ߡߏ߬ߛߏ ߟߎ߫ ߟߐ߬ߘߎ߮ ߞߍ ߟߋ߬ ߘߌ߫ ߦߋ߲߬، ߓߊߏ߬߸ ߡߊ߲߬ߘߋ߲߫ ߞߊ߬ ߓߍ߯ ߟߋ߬ ߟߐ߬ߘߎ߰ ߟߐ߲߫߸ ߞߵߊ߬ ߟߐ߲߫ ߡߍ߲ ߘߌ߫ ߛߋ߫ ߡߍ߲ ߠߊ߫߸ ߞߵߏ߬ ߕߊ ߘߏ߲߬ ߊ߬ ߓߟߏ߫.
ߓߊߥߊ߬ߞߊߟߌ߫ ߞߍߕߐ ߗߍ߭ ߣߌ߫ ߡߏ߬ߛߏ ߟߊ߫ ߞߊ߲ߧߊߟߌߌ ߞߎߡߊ߫ ߣߌ߲߬ ߞߐߡߊߓߌ߲ߓߌ߲߫ ߠߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߋ߫ ߕߡߊ߬ߖߌ ߓߐ߫ ߌ ߘߐ߫߸ ߗߍ߭ ߣߌ߫ ߡߏ߬ߛߏ ߕߴߛߋ߫ ߞߊ߲ߧߊ߫ ߟߊ߫، << ߣߴߊ߬ߟߎ߬ ߞߊ߲߫ ߞߏ߫ ߝߍ߲ߝߍߘߍ߲߫ ߞߏ߫ ߝߏ߫ ߞߵߊߟߎ߬ ߘߐߞߢߊ߫، ߌ ߓߊ߯ ߏ߬ ߡߍ߲߫ ߡߏ߬ߛߏ ߡߍ߲ ߠߊ߫߸ ߞߵߊ߬ ߝߐ߫ ߞߏ߫ ߞߵߊ߲ ߣߌ߫ ߗߍ߭ ߟߎ߬ ߘߐߞߢߊ߫߸ ߊ߬ߟߎ߬ ߦߋ߫ ߛߍ߬ߘߏ߲ ߠߊ߫ ߏ߬ ߘߐ߫߸ ߌ ߦߋ߫ ߘߊ߬ߓߊ ߟߋ߬ ߘߌ߫ ߟߴߊ߬ ߡߊ߬، ߞߊ߬ ߝߏ߬ߘߏ ߟߊߓߐ߫ ߞߏ߫ ߊ߬ߟߎ߬ ߦߋ߫ ߛߍ߬ߣߍ ߘߐ߫، ߏ߬ ߓߊ߯ ߞߍ߫ ߛߌߛߍ߲߬߸ ߕߋ߬ߟߋ ߖߊ߲߬ߝߊ߬ ߟߊ߫ ߕߎ߬ߡߊ ߡߍ߲ ߠߊ߫߸ ߊ߬ߟߋ ߘߴߊ߬ ߟߐ߲߫ ߞߵߊ߬ ߝߐ߫߸ ߣߴߊ߲ ߞߊߡߊ߲߫߸ ߥߟߴߊ߲ ߡߊ߲߫ ߞߊ߲߫.>> ߊ߬ ߞߵߏ߬ ߟߋ ߝߐ߫߸ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ߫ ߜߍߟߍ߲ ߘߏ߫ ߟߎ߫ ߓߍ߫߸ ߗߍ߭ ߣߌ߫ ߡߏ߬ߛߏ ߕߴߛߋ߫ ߞߊ߲ߧߊ߫ ߟߴߏ߬ ߟߎ߬ ߘߐ߫.
ߒߞߏߞߏ ߛߍ߬ߘߏ߲߬ߠߊ ߣߌ߲߬ ߞߵߊ߬ ߦߌ߬ߘߊ߬߸ ߞߏ߫ ߜߟߍ߬ߦߊ ߘߏ߫ ߦߋ߫ ߡߏ߬ߛߏ ߟߎ߫ ߞߊ߲߬ ߓߌ߬߸ ߏ߬ ߟߋ ߗߍ߭ ߟߎ߬ ߟߊ߫ ߘߏߞߍߓߊߟߌߦߊ ߘߌ߫߸ ߞߵߊ߬ߟߎ߬ ߕߏ߲ߓߐ߫ ߊ߬ߟߎ߬ ߟߊ߫ ߞߍߕߊ ߟߎ߬ ߘߐ߫.
<<ߛߎ߲ߞߎ߲ ߛߊ߬ߙߌ߬ߦߊ ߘߐ߫߸ ߗߍ߭ ߟߋ߬ ߣߌ߫ ߓߊ߯ߙߊ ߦߊ߫ ߞߊ߲߫ ߞߊ߬ ߡߏ߬ߛߏ ߡߊ߬ߞߏ ߟߎ߬ ߣߌ߫ ߞߐߙߍ ߢߊ߬ߞߏ ߟߎ߬ ߢߊߓߐ߫ ߊ߬ ߛߋߞߏ ߟߊ߫، ߓߊ߬ߙߌ߬ ߓߌ߬߸ ߗߍ߬ ߛߌߦߊߡߊ߲߫ ߘߐ߰ߓߐ߬ߣߍ߲߫ ߠߋ߬ ߘߋ߲ߓߦߊ ߟߊ߫ ߞߏ ߟߊ߫߸ ߞߵߊ߬ߟߎ߬ ߓߊ߲߬ ߊ߬ߟߎ߬ ߟߊ߫ ߖߋ߬ߓߌ߬ߦߊ߬ߟߌ ߟߎ߬ ߞߍ߫ ߟߊ߫.>> ߊ߬ ߣߡߌߛߊߣߍ߲ ߠߋ߬ ߞߊ߲߫ ߕߋ߲߬.
ߊ߬ ߟߊ߫ ߝߐߟߌ߫ ߘߐ߫߸ ߗߍ߭ ߟߎ߬ ߟߊ߫ ߘߏߞߍߓߊߟߌߦߊ ߓߘߊ߫ ߞߍ߫ ߕߙߎ߬ ߘߌ߫߸ ߞߊ߬ ߡߏ߬ߛߏ ߟߎ߫ ߘߏ߬ߣߌ߲ ߛߌߦߊߦߊ߫߸ ߡߏ߬ߛߏ ߟߎ߫ ߟߋ߬ ߓߐ߫ ߟߊ߫ ߡߎ߬ߕߎ߲߬߸ ߞߊ߬ ߕߊ߯ ߢߌߣߌ߲ߠߌ߲ ߞߍ߫߸ ߞߊ߬ ߘߋ߲ ߠߎ߬ ߓߊߟߏ߫߸ ߞߊ߬ ߟߐ߬ ߞߍ߫ ߞߐߙߍ ߟߊ߫ ߞߏ ߟߊ߫߸ ߞߊ߬ߙߊ߲߬ ߞߏ ߟߊ߫߸ ߊ߬ ߣߌ߫ ߓߊߟߞߏ ߖߍ߬ߘߍ ߟߊ߫.
ߞߎߡߊ ߟߊߓߊ߲ ߘߐ߫߸ ߓߐ߬ߟߐ߲߬ߞߊ߬ ߛߌߙߋ߬ ߓߊߥߊ߬ߞߊߟߌ߫ ߞߊ߬ߓߊ ߞߵߊ߬ ߞߊ߲ߠߊߘߌ߫ ߝߊ߰ߡߊ ߟߎ߫ ߡߊ߬߸ ߞߊ߬ ߖߊ߲߬ߕߏ߬ ߞߍ߫ ߡߏ߬ߛߏ ߟߎ߬ ߟߊ߫ ߞߊ߬ߙߊ߲߬ ߞߏ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߝߘߊ߬ߝߌ߲߬ߠߊ߬ ߟߐ߲ߠߌ߲߫ ߛߌ߫ ߕߴߦߋ߲߬߸ ߡߍ߲ ߞߵߊ߬ ߦߌ߬ߘߊ߬ ߞߏ߫ ߡߏ߬ߛߏ ߡߊ߲߫ ߞߊ߲߫ ߞߊ߬ ߞߊ߬ߙߊ߲߬߸ ߥߟߴߊ߬ ߡߊ߲߫ ߞߊ߲߫ ߞߊ߬ ߘߊ߲ߘߊ߫߸ ߥߟߴߊ߬ ߡߊ߲߫ ߞߊ߲߫ ߞߊ߬ ߘߏ߲߬ ߘߟߊ߫، ߓߊ߬ߙߌ߬߸ ߗߍ߭ ߣߌ߫ ߡߏ߬ߛߏ ߓߍ߯ ߣߴߊ߬ ߟߊ߫ ߘߏ߲߬ߘߊ߬ߟߊ ߛߙߊߕߌ߫ ߟߋ߬ ߝߘߊ߬ߝߌ߲߬ߠߊ߬ ߞߣߐ߫.
<<ߣߴߊ߲ ߞߵߊ߲ ߠߊ߫ ߟߐ߲ߠߌ߲ߦߊ ߟߐ߲߫ ߞߵߊ߬ ߓߊߓߋ߬߸ ߞߊ߬ ߟߊ߲߬ߘߊ ߟߎ߬ ߟߐ߲߫߸ ߊ߬ ߣߌ߫ ߘߌ߯ߣߊ߸ ߊ߲ ߘߴߊ߬ ߟߐ߲߫ ߡߎ߬ߕߎ߲߬ ߛߊ߫߸ ߗߍ߭ ߣߌ߫ ߡߏ߬ߛߏ ߟߊ߫ ߞߊ߲ߧߊߟߌ߫ ߞߏ ߞߕߌ ߘߌ߫ ߕߍ߰، ߓߊߏ߬߸ ߓߍ߯ ߘߴߊ߬ ߖߍ߬ߘߍ߫ ߓߙߍ߬ ߟߐ߲߫.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.