ߞߌ߲ߘߌߦߊ߫ ߝߙߋߝߎ߫ ߁߭ ߛߊߟߌ߫ ߞߣߍ : ߊߟߎ߫ ߦߋ߫ ߛߌߟߊ߲߫ ߒߠߋ ߊߟߊ߫ ߟߊ߫ ߢߍ߸ ߒ ߞߍ ߘߐ߫ ߞߵߊߟߎ߫ ߓߍ߯ ߟߊߘߍ߬ߣߍ߲ ߘߊ߲߫ ߢߊ߫ ߞߋߟߋ߲߫ ߡߊ߬ ߤߊߟߌ߬ ߣߴߊߟߎ߫ ߡߊ߫ ߞߍ߫ ߣߊ߯ߡߎ߲߫ ߞߋߟߋ߲߫ ߘߐ߫

ߛߌ߬ߣߌ߲߬ߟߏ߲ ߂߀߂߆ ߕߙߊߓߊ ߕߋ߬ߟߋ߫ ߂߀ ߣߌ߲߬ ߡߊ߬ ߸ ߏ߬ ߡߍ߲ ߞߍߣߍ߲߫ ߛߎ߲ߞߊߙߏ ߛߊߟߌ߫ ߟߏ߲ߓߊ ߘߌ߫ ߖߌ߬ߣߍ߫ ߘߎ߰ߞߣߍ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫…
ߒ߬ߓߊ߬،ߞߵߊ߬ ߓߍ߲߬ ߛߊߟߌߝߎߥߊ ߟߊߕߊ߯  ߕߐ߬ߣߐ ߥߊ߬ߙߊ ߡߊ߬ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߡߊ߬߸ ߞߌ߲ߘߌߦߊ߫ ߝߙߋߝߎ߫ ߁߭ ߞߵߏ߬ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫ ߸ߊ߬ ߕߌ߯ߕߌ߯ ߞߎߘߎ߲ ߡߍ߲ ߕߐ߯ ߞߏ߫ ߡߟߏ߬ߞ߭ߎߙߋ߬ ߂߲ ߣߴߊ߬ ߢߍߓߊ߮ ߦߋ߫ ߞߙߊ߬ߡߐ߰ ߛߋߞߎ߬ ߊߓߎߓߊߞߊߙ ߞߡߊ߬ߙߊ ߘߌ߫ .

ߢߍߓߊ߮ ߛߣߍ߫ ߘߊ߫ ߛߊߟߌߝߎߥߊ ߞߣߍ ߞߊ߲߬ ߉ ߙߋ߲ ߁߀ ߠߋ߬ ߡߊ߬ ߸ ߞߵߏ߬ ߞߐߝߍߟߊ ߞߍ߫ ߞߌ߲ߘߌߦߊ߫ ߡߐ߬ߞߟߐ߬ ߞߟߌߣߍ߲߫ ߞߙߍߞߙߍߣߍ߲߫ ߠߎ߬ ߢߣߊߓߊ߯ߦߊ߫ ߘߌ߫ ߖߊ߬ߡߊ ߟߊ߫߸ߞߵߏ߬ ߞߍ߫ ߛߊߟߌ ߟߊ߫ ߟߐ߭ ߘߌ߫ ߢߍߓߊ߮ ߓߟߏ߫ ߡߌ߬ߛߍ߲߬ ߅ ߕߊ߬ߡߌ߲߬ߣߍ߲ ߞߐߝߍ߬.

ߓߊߘߋ߲߫ ߓߘߍ ߟߎ߬߸ ߢߍߓߊ߮ ߛߋߞߎ߬ ߊߓߎߓߊߞߊߙ ߞߡߊ߬ߙߊ ߟߊ߫ ߓߌ߬ ߓߋߟߋ߲ߠߊ ߞߎߡߊ߫ ߘߊ߫ ߘߊߞߎ߲߫ ߛߘߍߡߊ߲߫ ߠߋ߬ ߞߊ߲߬،ߊ߬ ߜߋ߲ߜߋ߲߫ ߊߟߊ߫ ߢߍߛߌߟߊ߲ߢߍ ߣߴߊ߬ ߞߏߢߌߡߊߟߐ߲ ߣߌ߫ ߡߐ߱ ߟߎ߬ ߣߌ߫ ߢߐ߲߯ ߕߍ߫ ߞߊ߲߬߸ ߞߊ߬ ߓߍ߬ߘߍ ߛߌߟߊ ߛߎߥߊ߲ߘߌ߫ ߞߵߊ߬ ߟߐ߬ ߌ ߞߏߞߍߢߐ߲߮ ߠߎ߬ ߡߊ߬ ߡߐ߰ߦߊ ߘߐ߫،ߦߏ߫ ߊ߬ ߖߍ߬ߘߍ ߦߴߏ߬ ߟߊߛߙߋߦߊ߫ ߢߊ ߡߍ߲ ߡߊ߬ ߣߌ߲߬ :
<< ߡߊ߰ߙߌ߬ߓߊ ߞߎߡߊߞߊ߲ ߘߏ߫ ߦߴߊ߬ ߦߌ߬ߘߊ߬ ߟߊ߫ ߞߎ߬ߙߣߊ߬ ߞߟߊߒߞߋ ߘߐ߫،ߏ߬ ߡߍ߲ ߦߋ߫ ߡߐ߱ ߟߎ߬ ߞߟߌ߫ ߟߊ߫ ߞߏ߫ ߛߌߦߊߡߊ߲߫ ߡߊ߬߸ ߞߏ߫ ߊ߲ ߧߴߊ߬ ߟߐ߲߫ ߞߏ߫ ߊߟߊ߫ ߟߊ߫ ߖߐ߲߭ ߠߋ߬ ߒ߬ ߓߍ߯ ߟߊߘߍ߬ߣߍ߲ ߘߌ߫߸ߏ߬ ߞߘߐ ߟߋ߬ ߞߏ߫ ߊ߬ߟߋ ߟߋ߬ ߞߊ߬ ߒ߬ ߓߍ߯ ߘߊ߲߫،ߞߵߏ߬ ߟߊߛߎ߬ߘߎ߲߬ߧߊ߬ ߞߊ߲ ߝߐ߫ ߞߏ߫ ߒ߬ߓߊ߬߸ߊߟߎ߫ ߦߋ߫ ߛߌߟߊ߲߫ ߒߠߋ ߊߟߊ߫ ߟߊ߫ ߢߍ߸ ߒ ߞߍ ߘߐ߫ ߞߵߊߟߎ߫ ߓߍ߯ ߟߊߘߍ߬ߣߍ߲ ߘߊ߲߫ ߢߊ߫ ߞߋߟߋ߲߫ ߡߊ߬ ߤߊߟߌ߬ ߣߴߊߟߎ߫ ߡߊ߫ ߞߍ߫ ߣߊ߯ߡߎ߲߫ ߞߋߟߋ߲߫ ߘߐ߫، ߌ ߞߍ߫ ߘߊ߫ ߖߌ߬ߣߍ߬ߞߊ ߘߌ߬ ߓߊ߬ ߥߟߊ߫ ߍ߲߬ߍ߲߫߸ ߊߟߎ߫ ߓߍ߯ ߟߊߘߍ߬ߣߍ߲ ߘߊ߲ߣߍ߲߫ ߢߊ߫ ߞߋߟߋ߲߫ ߠߋ߬ ߡߊ߬.
ߊ߲ ߧߴߊ߬ ߟߐ߲߫ ߝߣߊ߫ ߞߏ߫ ߒ߬ ߓߍ߯ ߦߋ߫ ߝߊ߬ ߞߋߟߋ߲߫ ߠߋ߬ ߘߌ߫ ߣߴߊ߬ ߕߐ߯ ߞߏ߫ ߊߘߡߊ߫،ߏ߬ ߡߍ߲ ߞߐߙߍ ߓߐߣߍ߲߫ ߊ߬ ߖߍ߬ߘߍ ߘߐ߫ ߣߴߊ߬ ߕߐ߯ ߞߏ߫ ߤߥߊ߬߸ ߡߐ߰ ߝߌ߬ߟߊ ߏ߬ ߟߎ߫ ߟߋ߬ ߓߐ߲ߛߐ߲߫ ߦߴߊ߲ߠߎ߬ ߘߌ߫.
ߏ߬ ߓߍ߯ ߟߊߘߍ߬ߣߍ߲ ߟߊ߬ߢߌߣߌ߲ ߦߋ߫ ߡߍ߲ ߘߌ߫߸ ߏ߬ ߟߋ߬ ߤߊߟߌ߬ ߣߴߊ߲ ߞߐ߬ߟߐ ߟߎ߬ ߣߴߊ߲ ߓߐ߫ ߘߌ߲ߞߌߙߊ ߟߎ߬ ߓߐ߫ ߟߊ߫ ߢߐ߲߮ ߡߊ߬ ߥߟߊ߫ ߝߐߢߐ߲߯ߞߐ ߟߎ߫ ߘߏ߲߬ ߠߴߊ߲ ߕߍ߫߸ߒ߬ ߧߴߊ߬ ߟߐ߲߫ ߞߏ߫ ߡߊ߰ߙߌ߬ ߞߋߟߋ߲ ߠߴߊ߲ ߓߍ߯ ߟߊ߫. >>

ߡߟߏ߬ߞ߭ߎߙߋ߬ ߂߲ ߢߍߓߊ߮ ߛߋߞߎ߬ ߊߓߎߓߊߞߊߙ ߞߡߊ߬ߙߊ ߞߵ ߊ߬ ߦߌ߬ߘߊ߬ ߞߏ߫ ߡߊ߰ߙߌ߬ߓߊ ߢߍߛߌߟߊ߲ߢߍ ߘߐߙߐ߲߫ ߕߍ߫ ߘߋ߬߸ ߝߏ߫ ߡߐ߰ ߛߋ߫ ߞߵߌ ߣߴߌ ߞߏߞߍߢߐ߲߮ ߠߎ߬ ߝߣߊ߫ ߤߊߞߍ ߟߎ߬ ߘߴߊ߬ߟߎ߫ ߡߊ߬߸ ߏ߬ ߡߍ߲ ߦߴߊߟߊ߫ ߢߍߛߌߟߊ߲ߢߍ ߓߏ߲߬ߓߊ ߘߏ߫ ߘߌ߫ :
<< ߊ߲  ߦߋ߫ ߘߏ߫ ߟߊ߫ ߡߊ߰ߙߌ߬ߓߊ ߢߍߛߌߟߊ߲ߢߍ ߞߊ߲߬ ߓߊߘߋ߲ߧߊ ߣߌ߫ ߞߏߟߊߘߍߢߐ߲߯ߦߊ ߣߌ߫ ߘߌ߯ߣߊ ߣߌ߫ ߛߌ߰ߢߐ߲߰ߦߊ ߞߣߐ߫ ߡߊ߬߸ߊ߬ ߣߌ߫… ߞߊ߬ ߓߍ߯ ߡߌ߬ߣߵߊ߬ ߡߌ߬ߣߊ߬ߢߊ ߡߊ߬ ߞߵߊ߬ߟߎ߬ ߤߊߞߍ ߘߴߊ߬ߟߎ ߡߊ߬߸ ߓߊߏ߬ ߞߊ߬ ߛߌߟߊ߲߫ ߊߟߊ߫ ߢߍ߫ ߞߵߌ ߓߊ߲߬ ߛߌ߬ߢߐ߲߰ߡߊ ߟߎ߬ ߤߊߞߍ ߡߊߕߊ߲߬ߞߊ߬ ߟߊ߫߸ ߊߜߊ߫ ߹ߊ߬ ߟߐ߲߫ ߞߏ߫ ߊߟߊ߫ ߕߍߣߊ߬ ߘߌ߬ߢߍ߬ ߟߴߌ ߡߊ߬ ߝߛߍߞߘߎ߫.>>

ߢߍߓߊ߮ ߊߓߎߓߊߞߊߙ ߛߋߞߎ߬ ߞߡߊ߬ߙߊ ߞߵߊ߬ ߦߌ߬ߘߊ߫ ߊ߬ ߟߊ߫ ߞߎߡߊ ߞߎ߲߬ߘߏ߲ ߘߐ߫ ߞߏ߫ ߸ ߣߵߌ ߞߵߊ߬ ߦߋ߫ ߕߙߐߦߊ ߦߋ߫ ߖߌ߬ߣߍ߬ߞߊ߬ ߛߘߍߡߊ߲߫ ߞߊ߲߬، ߏ߬ ߞߎ߲߭ ߠߋ߬߸ ߓߊߏ߬ ߊ߬ ߦߋ߫ ߘߌ߯ߣߊߡߐ߮ ߘߏ߫ ߟߎ߫ ߞߎ߲߭ ߘߐ߫ ߟߋ߬ ߞߏ߫ ߊ߬ ߞߊ߫ ߞߊ߲߫ ߠߋ߬ ߘߐߙߐ߲߫ ߞߵߊ߬ ߡߊ߰ߙߌ ߟߋ߬ ߞߋߟߋ߲߫ ߠߊߓߊ߬ߕߏ߫ ߞߵߊ߬ ߡߐ߰ߢߐ߲߮ ߡߙߌߣߊ߲ ߞߐ߲߰߸ߞߵߊ߬ ߛߐ߬ߘߐ߲߬ ߡߊ߰ߙߌ߬ߓߊ ߞߵߊ߬ ߦߌ߬ߘߊ߫ ߟߋ߬ ߝߋߎ߫ ߞߵߊ߬ ߟߊߕߍ߰ ߞߏ߫ ߞߵߊ߬ ߞߊ߲ ߓߊ߬ߕߏ߬ ߞߵߊ߲ ߡߐ߰ߢߐ߲߮ ߠߎ߬ ߤߊߞߍ ߟߎ߬ ߘߴߊ߬ߟߎ ߡߊ߬، ߦߏ߫ ߊ߲ ߠߊ߫ ߢߍߡߐ߮ ߟߎ߬ ߣߌ߫ ߟߎ߬ ߣߌ߫ ߒ߬ ߠߊ߫ ߡߐ߰ ߡߊߓߏ߲߬ߧߊ߬ߕߊ ߟߎ߬ ߊ߬ ߣߌ߫… ߞߵߏ߬ ߞߎ߲߬ߘߏ߲ ߞߍ߫ ߤߌߣߊߢߐ߲߰ߠߊ ߘߌ߫ >>

ߊߦߌߛߊ߬ ߛߌ߬ߟߊ ߛߊߟߌߝߎߥߊ ߟߊߕߊ߯ߟߊ ߘߏ߫߸ ߏ߬ ߞߵߊ߬ ߦߌ߬ߘߊ߫ ߞߏ߫ ߛߊߟߌ߫ ߞߣߍ ߟߊߕߊ߯ ߦߋ߫ ߓߙߊ߬ߖߌ߬ ߘߝߊ ߟߋ߬ ߘߌ߫ : << ߒߠߋ ߟߊ߫ ߣߊ߬ߟߌ ߛߎ߲ߞߊߙߏ ߛߊߟߌ߫ ߞߣߍ ߞߊ߲߬߸ ߒ ߞߵߊ߬ ߟߐ߲߫ ߠߋ߬ ߞߏ߫ ߓߙߊ߬ߖߌ ߟߴߊ߬ ߘߐ߫߸ߣߌ߫ ߡߐ߱ ߞߊ߬ ߛߎ߲ߞߊߙߏ ߕߟߋ߬ ߃߀ ߓߍ߯ ߛߎ߲߫، ߌ ߞߊ߫ ߞߊ߲߫ ߠߴߏ߬ ߘߐ߫ ߞߣߊ߬ ߛߊߟߌߝߎߥߊ ߘߐ߫ ߞߵߌ ߓߙߊ߬ߖߌ ߕߐ߭ ߘߝߊ߫. >>

ߓߐ߬ߟߐ߲߬ߞߊ ߊߦߌߛߊ߬ ߛߌ߬ߟߊ ߞߵߊ߬ ߦߌ߬ߘߊ߬ ߞߏ߫ ߣߴߌ ߞߵߊ߬ ߦߋ߫ ߡߏ߬ߛߏ ߘߏ߫ ߟߎ߫ ߕߍ߫ ߛߊߟߌ߫ ߞߣߍ ߡߊߛߐ߬ߘߐ߲߬ ߠߊ߫ ߛߊߟߌ߫ ߟߏ߲ ߘߐ߫߸ ߏ߬ ߞߎ߲߭ ߦߋ߫ ߞߍ߫ ߟߊ߫ ߓߟߏߞߘߐߜߊ ߟߋ߬ ߘߌ߫:
  << ߕߎ߬ߢߊ ߟߋ߬ ߝߋߎ߫ ߡߏ߬ߛߏ ߘߏ߫ ߟߎ߫ ߕߍ߫ ߥߊ߫ ߟߊ߫ ߛߊߟߌߡߊߝߏ ߘߐ߫ ߸ ߒ߬ߞߊ߬ ߡߏ߬ߛߏ ߘߏ߫ ߟߎ߬ ߦߋ߫ ߦߋ߲߬، ߕߊ߯ߟߌ ߟߐ߮ ߦߋ߫ ߞߍ߫ ߟߴߊ߬ߟߎ߬ ߟߊ߫،ߓߊ߬ߙߌ߬ ߓߟߏߞߘߐߜߊ ߟߋ߬ ߦߴߊ߬ ߞߍ߫ ߟߊ߫ ( ߣߴߏ߬ ߦߋ߫ ߓߊ߯ߙߊ ߛߌߦߊߦߊ߫ ߘߴߊ߬ߟߎ ߡߊ߬)߸ ߏ߬ ߓߍ߯ ߣߴߊ߬ ߕߊ߫،ߒ߬ߠߎ߬ ߦߴߊ߲ ߖߘߍ߬ ߛߘߊߞߊ߫ ߟߊ߫ ߟߋ߬ ߞߣߊ߬ ߖߐ߲߰ߛߊ߫ ߞߊ߬ ߒ߬ ߓߙߊ߬ߖߌ ߘߝߊ߫. >>
ߊ߬ ߞߵߊ߬ ߦߌ߬ߘߊ߬ ߞߏ߫ ߢߍߓߊ߮ ߟߊ߫ ߓߋߟߋ߲ߠߊ ߕߊ߬ߡߌ߲߬ ߘߴߊ߬ ߢߌ߬ߡߊ ߟߊ߫ ߞߏߛߓߍ߫ ߏ߬ ߡߍ߲ ߠߊ߫ ߞߎߡߘߊ ߘߏ߫ ߕߘߍ߬ ߊ߬ߟߋ߬ ߛߎ߲ߞߊߙߏ߫ ߛߊߟߌ߫ ߞߏ ߘߌ߫߸ ߡߊ߰ߙߌ ߦߋ߫ ߘߌ߬ߢߍ߬ ߞߊ߬ ߛߎ߲ߞߊߙߏ ߓߙߊ߬ߖߌ ߘߴߊ߲ ߓߍ߯ ߟߊߘߍ߬ߣߍ߲ ߡߊ߬ >>

ߒ߬ߓߊ߬߸ ߡߐ߰ ߘߴߊ߬ ߝߐ߫ ߞߏ߫ ߞߌ߲ߘߌߦߊ߫ ߝߙߋߝߎ߫ ߁߭߸  ߡߟߏ߬ߞ߭ߎߙߋ߬ ߞߎߘߎ߲߫  ߂߲ ߛߊߟߌ ߘߊ߫ ߛߍߥߊ ߣߌ߫ ߢߊ߯ߟߋ߲߫ ߠߋ߬ ߘߐ߫߸ ߊߟߊߡߊ߬ ߡߊ߰ߙߌ߬ߓߊ ߞߊ߬ ߣߌ߲߬ ߢߐ߲߰ ߛߓߍߡߊ߲߫ ߘߴߊ߲ ߓߍ߯ ߟߊߘߍ߬ߣߍ߲ ߡߊ߬ ߞߍ߲ߘߍߦߊ ߘߝߊߣߍ߲ ߘߐ߫.

ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫ ߞߌ߲ߘߌߦߊ߫