ߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߬ ߞߊ߬ ߓߊ߰ߓߊ߰ߟߌ߬ߟߊ߫ ߝߌ߬ߟߊ߫ ߟߋ߬ ߝߊ߰ ߟߋߙߋ߫ ߡߊߜߍ߲ ߘߐ߫ ߞߎߣߎ߲߬ ߞߐ߬ߟߏ߲ ߡߊ߬߸ ߕߙߊߓߊ ߕߋ߬ߟߋ߫، ߊ߬ ߡߐ߰ ߝߌ߬ߟߊ ߓߍ߯ ߕߎ߲߬ ߦߋ߫ ߔߏߔߏ ߟߋ߬ ߞߊ߲߬، ߣߊ߲߬ߕߌ߰ ߘߊ߯ߘߐ ߞߊ߲߫߸ ߞߏ߫ ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߟߊߛߏ߬ߓߌ߬ ߘߊ߫ ߡߐ߰ ߝߌ߬ߟߊ ߏ߬ ߟߎ߬ ߟߊ߫ ߞߏ ߟߊ߫ ߟߋ߬߸ ߊ߬ߟߎ߬ ߝߣߊ߫ ߞߵߊ߬ߟߎ߫ ߣߐ߭ߡߌ߬ߣߊ߬ ߌߞߘߐ߫߸ ߞߵߊ߬ߟߎ߬ ߛߊ߯ߘߊ߫߸ ߤߊ߲߯ ߞߵߊ߬ߟߎ߬ ߞߍ߫ ߛߎ߭ ߘߌ߫.
ߡߊ߬ߟߌ ߣߊ߲߬ߕߌ߰ ߝߊ߲ߞߊ ߟߊ߫ ߟߊ߬ߛߋ߬ߟߌ ߘߐ߫߸ ߞߏ߫ ߡߐ߰ ߝߌ߬ߟߊ ߢߌ߲߬ ߠߎ߫ ߕߍ߬ߘߍ߫ ߛߏ߬ߓߏ ߘߏ߫ ߟߎ߫ ߟߋ߬ ߕߊ߭ ߞߊ߲߬ ߦߙߐ ߏ߬ ߘߐ߫ ߦߋ߲߬߸ ߤߊ߲߯ ߣߊ߲߬ߕߌ߮ ߟߎ߬ ߝߣߊ߫ ߥߊ߫ ߘߴߊ߬ߟߎ߫ ߕߊ߬ ߊ߬ߟߎ߫ ߢߊ߲߭ ߘߐ߫߸ ߞߵߊ߬ߟߎ߬ ߞߍ߫ ߝߎ߬ߙߋ ߘߌ߫.
ߊ߬ߟߎ߬ ߞߐߛߊ߯ߘߊ ߣߌ߲߬ ߘߐ߫߸ ߣߊ߲߬ߕߌ߮ ߟߎ߫ ߞߊ߬ ߕߟߏߞߘߐ߫ ߛߊ߬ߓߊ߫ ߕߐ߬ߡߐ߲߫ ߊ߬ߟߎ߬ ߞߐ߫߸ ߊ߬ ߣߌ߫ ߞߌ߬ߛߍ߬ߘߙߐ߫ ߝߌ߬ߟߊ߬ ߣߌ߫ ߔߏߔߏ߫ ߞߋߟߋ߲߫߸ ߞߵߏ߬ ߟߊ߫ ߣߊ߲߬ߕߌ߮ ߟߎ߬ ߟߊ߫ ߜߋߟߋ߲ߜߋߟߋ߲߫ ߕߊߟߑߞߌ߫ ߥߍߟߑߞߌ߫ ߞߋߟߋ߲߫ ߞߊ߲߬.
ߣߊ߲߬ߕߌ߰ ߘߊ߯ߘߐ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߞߐߡߊߓߌ߲ߓߌ߲߫ ߠߊ߫߸ ߖߡߊ߬ߣߊ߬ߘߋ߲ ߠߎ߬ ߟߊߞߊ߲ߘߊ ߘߐ߫߸ ߖߐ߲߰ߛߊ߫ ߡߐ߱ ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߟߊ߫ ߖߌ߰ߣߌ߬ߦߟߍ ߘߌ߫ ߣߐ߰ߦߊ߫ ߢߊ ߡߍ߲ ߡߊ߬ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫.
ߛߌߕߊ߲߬ ߞߊ߬ߓߊ ߓߟߏ߫
Aucun commentaire pour le moment.