ߞߎߟߎ߲߫ ߝߘߌ ߘߏ߫ ߟߋ߬ ߞߐ ߞߍ߫ ߘߊ߫ ߡߐ߰ ߃߀ ߣߌ߫ ߞߐ߫ ߛߕߊ ߘߌ߫ ߕߏߡߑߓߕߎ߫ ߕߌ߲߬ߞߎߘߎ߲ ߘߐ߫߸ ߖߡߊ߬ߣߊ ߞߐ߬ߘߎ߮ ߘߐ߫، ߞߎ߲߬ߠߊ߬ߛߌ߮ ߟߎ߬ ߖߍ߬ߘߍ ߞߊ߬ ߘߊ߲߬ߕߍ߰ߟߌ ߞߍ߫ ߊ߬ ߞߏ ߞߊ߲߬ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߊ߬ߟߎ߫ ߞߵߊ߬ ߦߌ߬ߘߊ߬ ߘߊ߲߬ߕߍ߰ߟߌ ߘߐ߫߸ ߞߏ߫ ߡߐ߰ ߛߌߦߊߡߊ߲߫ ߠߋ߬ ߣߌ ߕߏ߫ ߘߴߊ߬ ߘߐ߫.

ߊ߬ ߣߌ߫ ߞߊ߬ ߘߏ߫ ߜߘߍ߫ ߟߎ߫ ߕߎߣߎ߲߫߸ ߕߎߣߎ߲ߓߊ߯ߕߐ ߟߎ߬ ߞߏ߬ߣߌ߲ ߖߊ߬ߕߋ߬ ߞߋߟߋ߲߫ ߟߐ߲ߣߍ߲߫ ߕߍ߫߸ ߞߎ߲߬ߠߊ߬ߛߌ߮ ߟߊ߫ ߟߊ߬ߛߙߋ߬ߦߊ߬ߟߌ߬ ߘߐ߫ ߞߊ߬ߣߌ߲߬߸ ߘߎ߰ߘߋ߲ ߘߏ߫ ߝߣߊ߫ ߟߊ߫ ߞߎߡߊ ߦߴߊ߬ ߦߌ߬ߘߊ߬ ߟߊ߫߸ ߛߊ߬ߓߊ߰ߕߐ߫ ߟߎ߬ ߘߌ߫ ߡߐ߰ ߃߀ ߢߐ߲߰ ߓߐ߫߸ ߡߐ߰ ߅߀ ߢߐ߲߰ ߠߋ߬ ߕߘߍ߬ ߦߋ߫ ߞߎߟߎ߲ ߣߌ߲߬ ߞߣߐ߫߸ ߞߎߟߎ߲ ߝߘߌ ߘߊ߫ ߓߌߟߏ߲ ߕߊ߬ߡߌ߲߬ߣߍ߲ ߂߂ ߕߎߡߊ ߟߋ߬ ߟߊ߫، ߞߎ߲߬ߠߊ߬ߛߌ߮ ߟߊ߫ ߟߊ߬ߛߙߋ߬ߦߊ߬ߟߌ ߟߎ߬ ߘߐ߫ ߤߊߟߌ߬ ߓߌ߬߸ ߛߍ߯ߛߍ߯ߟߌ ߞߎ߲߬ߝߟߐ ߡߍ߲ ߠߎ߬ ߞߍ߫ ߘߊ߫߸ ߏ߬ ߟߎ߬ ߦߴߊ߬ ߦߌ߬ߘߊ߬ ߟߊ߫ ߟߋ߬
ߞߏ߫ ߞߎߟߎ߲߫ ߣߌ߲߬ ߠߊߓߏ߬ߙߌ߬ߟߊ ߟߎ߬ ߡߊ߫ ߖߌ߫ ߞߊ߲߫ ߕߊ߯ߡߊ ߛߊ߬ߙߌ߬ߦߊ ߟߎ߬ ߡߊߓߏ߲߬ߧߊ߫.

ߊ߬ ߣߌ߫ ߞߏ߫ ߛߍ߯ߛߍ߯ߟߌ ߟߎ߬ ߦߋ߫ ߛߋ߲߬ ߠߊ߫߸ ߊ߬ ߓߊ߲߫ ߘߊ߫ ߞߊ߬ ߞߊ߬ߛߙߊ߬ ߝߏߟߌ ߟߊߛߋ߫ ߛߦߊ߬ߓߊ߰ߕߐ ߟߎ߬ ߟߊ߫ ߡߐ߱ ߟߎ߫ ߡߊ߬߸ ߝߣߊ߫ ߞߏ߫ ߞߎߟߎ߲߫ ߠߊߓߏߙߌߟߊ ߟߎ߬ ߦߋ߫ ߊ߬ߟߎ߫ ߞߙߐ߬ߛߌ߬ ߖߌ߫ ߞߊ߲߫ ߕߊ߯ߡߊ ߛߊ߬ߙߌ߬ߦߊ ߟߎ߬ ߘߐ߫߸ ߓߟߏߝߋ߲߫ ߛߌߦߊߡߊ߲߫ ߠߋ߬ ߝߣߊ߫ ߘߐߕߌߢߍ߫ ߘߊ߫ ߞߵߊ߬ ߟߊ߫ ߡߐ߰ ߝߊ߰ߣߍ߲ ߠߎ߬ ߞߊ߲߬߸ ߣߌ߲߬ ߞߍ߫ ߘߊ߫ ߝ߭ߑߟߏߝ߭ ߖߋ߬ߟߌ߬ߓߊ߬ߘߎ߯ ߞߐ߰ߖߌ ߡߍ߲ ߞߊ߲߬߸ ߏ߬ ߦߋ߫ ߡߊ߬ߟߌ ߘߐߛߊ߲߬ ߠߊ߫ ߞߎߘߍ߫ ߁߇߅߀ ߢߐ߲߰ ߠߋ߬ ߟߊ߫߸ ߕߊ߯ߣߌ߲ߞߊߛߋߦߌ߲ ߛߌߦߊߡߊ߲߫ ߠߋ߬ ߦߋ߫ ߞߍ߫ ߟߊ߫ ߝ߭ߑߟߏߝ߭ ߖߋ߬ߟߌ߬ߓߊ߬ߘߎ߯ ߞߐ߰ߖߌ ߣߌ߲߬ ߞߊ߲߬߸ ߞߊ߬ ߓߐ߫ ߡߊ߬ߟߌ߫ ߥߙߏ߬ߘߎ߮ ߣߴߊ߬ ߞߐߘߐ߲ ߘߐ߫߸ ߦߟߌߓߌߟߊߟߊ ߓߟߏߡߊ߬߸ ߂߀߁߅ ߟߊ߫ ߣߌ߲߬ ߞߊ߬ߛߙߊ ߘߏ߫ ߞߍ߫ ߘߊ߫ ߝߣߊ߫߸ ߞߊ߬ ߡߐ߰ ߛߌߦߊߡߊ߲߫ ߓߐ߬ߣߐ߫ ߊ߬ ߣߌ ߘߐ߫߸ ߡߐߕ ߕߌ߲߬ߞߎߘߎ߲ ߘߐ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.