ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ߸ ߓߍ߲ߖ߭ߊߡߍ߲ ߣߋߕߊ߲ߦߊߤߎ߫ ߞߊ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߞߍ߫ ߓߌ߬ ߞߊ߯ߙߌ ߂߀߂߆ ߕߙߊߓߊ ߕߟߋ߬ ߁߅ ߢߌ߲߬ ߡߊ߬߸ ߊ߬ ߟߊ߫ ߌߞߛ (ߕߑߥߌߕߍߙ) ߖߊ߬ߕߋߘߊ ߟߊ߫، ߖߌ߬ߦߊ߬ߖߟߎ߬ ߞߎ߲߬ߞߎ߬ߘߎ߲߬ߣߍ߲߫ ߠߋ߬ ߕߋ߲߬߸ ߞߵߊ߬ ߛߐ߬ߘ߲߬ ߊ߬ ߦߋ߫ ߜߞߋ߬ߘߊ ߘߏ߫ ߟߊ߫، ߞߵߊ߬ ߦߌ߬ߘߊ߬ ߞߏ߫ ߊ߬ ߝߊ߰ ߞߏ߬ ߞߎߡߊ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߦߋ߫ ߛߋ߲߬ߠߊ߫ ߕߟߋ߬ ߘߊ߲ߘߐ ߣߌ߲߬ ߞߣߐ߫ ߘߍ߬ߞߙߏߝߏ ߟߎ߫ ߞߊ߲߬߸ ߞߏ߫ ߕߎ߬ߢߊ߬ ߕߴߏ߬ ߘߐ߫.

ߊ߬ ߞߵߊ߬ ߟߊ߫ ߜߋ߬ߞߋ ߕߊ߬߸ ߞߵߊ߬ ߢߊ ߟߐ߬ ߖߌ߬ߦߊ߬ߖߟߎ߬ߦߊ߬ߟߊ߲ ߘߐ߫ ߞߵߊ߬ ߝߐ߫ ߞߏ߫: <<ߊߟߎ߫ ߦߴߊ߬ ߝߍ߬ ߟߋ߬ ߒ ߧߋ߫ ߒ ߓߟߏߞߏ߬ߋ߬ߣߍ߲ ߠߎ߬ ߘߊ߲߫؟>> ߞߵߏ߬ ߞߍ߫ ߡߐ߰ ߟߎ߫ ߖߋ߬ߓߌ ߘߌ߫߸ ߡߍ߲ ߠߎ߬ ߞߊ߬ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߠߊߓߊ߯ߙߊ߫ ߊ߬ ߟߊ߫ ߛߊ߬ߦߊ ߛߌߞߊ ߟߊߘߏ߲߬ ߞߊ߲ߡߊ߬ ߡߐ߱ ߟߎ߬ ߘߐ߫.

ߦߏ߫ ߊ߲ ߠߊ߫ ߞߎߣߎ߲߬ ߝߐ߰ߓߍ ߞߵߊ߬ ߝߐ߫ ߢߊ ߡߍ߲ ߡߊ߬߸ ߣߌ߲߬ ߞߏ ߓߍ߯ ߘߊߡߌ߬ߣߊ߬ ߘߊ߫ ߕߙߊߓߊ ߕߟߋ߬ ߁߂ ߟߋ߬ ߡߊ߬߸ ߞߵߊ߬ ߛߐ߬ߘߐ߲߬ ߣߋߕߊ߲ߦߊߤߎ߫ ߦߋ߫ ߖߡߊ߬ ߘߐ߬ ߞߎߡߊ ߘߏ߫ ߞߊ߲߬߸ ߞߊ߬ ߓߍ߲߬ ߌߛߌ߬ߙߊ߬ߌߟߊ߫ ߣߌ߫ ߊߡߙߌߞߌ߬ ߟߊ߫ ߌߙߊ߲߫ ߘߐߥߊ߬ߟߏ߲ ߞߏߢߊ ߡߊ߬، ߒ߬ߓߊ߬߸ ߘߍ߬ߞߙߏߝߏ ߟߊߓߊ߯ߙߊߓߊ߮ ߟߎ߫ ߞߊ߬ ߖߌ߬ߦߊ߬ߖߟߎ ߘߏ߫ ߟߋ߬ ߕߐ߬ߡߐ߲߫ ߏ߬ ߘߐ߫߸ ߊ߬ ߞߍߣߍ߲߫ ߦߏ߫ ߣߋߕߊ߲ߦߊߤߎ߫ ߓߟߏߞߏ߬ߋ߬ߣߍ߲ ߦߋ߫ ߥߐ߯ߙߐ߫ ߟߋ߬ ߘߌ߫ ߦߋ߲߬، ߏ߬ ߘߐ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߣߐ߬ ߖߌ߬ߦߊ ߟߋ߬ ߡߊߘߓߊ߬ߙߌ߬ ߟߊ߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߠߊ߫߸ ߞߵߊ߬ ߟߊ߫ ߛߦߊ߬ ߞߏ ߢߡߊߘߏ߲߰، ߒ߬ߓߊ߬߸ ߖߌ߬ߦߊ߬ ߛߎ߮ ߏ߬ ߟߎ߬ ߡߊߝߟߍ߫ ߘߊ߫ ߝߐ߰ߓߍ߬ߘߊ ߘߏ߫ ߟߎ߫ ߓߟߏ߫߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߓߐߣߍ߲߫ ߖߌ߬ߦߊ ߕߊ߬ ߢߊ ߟߋ߬ ߘߐ߫߸ ߊ߬ ߣߌ߫ ߖߌ߬ߦߕߊ߬ߟߊ߲ ߟߐ߬ ߗߏ߮ ߊ߬ ߘߐ߫.

ߊߜߊ߫߸ ߖߌ߬ߦߊ ߏ߬ ߟߋ ߞߊ߬ ߘߎߢߊ߫ ߟߊߝߏ߬ ߞߊߟߌߦߊ߫ ߘߐ߫ ߢߊ ߏ߬ ߡߊ߬ ߌߞߘߐ߫، ߌߙߊ߲߫ ߞߌ߬ߓߊ߬ߙߏ߬ߘߊ ߡߍ߲ ߕߐ߯ ߞߏ߫ ߕߊߛߑߣߌߡ߸ ߏ߬ ߞߵߊ߬ ߛߊ߲߬ߞߊ ߟߊߕߋ߬، ߓߌ߬ ߡߍ߲ ߘߏ߲߬ ߦߋ߫ ߓߌ߬ ߘߌ߫߸ ߌߙߊ߲߫ ߢߍߓߊ߯ ߛߊ߲ߘߐߕߊ߫ ߞߎߘߊ ߞߵߊ߬ ߝߐ߫ ߟߋ߬ ߞߏ߫ ߣߌ߫ ߣߋߕߊ߲ߦߊߤߎ߫ ߝߊ߰ߣߍ߲߬ ߡߊ߫ ߞߍ߫߸ ߞߏ߫ ߊ߬ߟߎ߬ ߘߴߊ߬ ߦߙߐ߫ ߢߌߣߌ߲߫ ߞߵߊ߬ ߞߍ߫ ߛߎ߭ ߘߌ߫ ߟߋ߬ ߘߍ߯، ߒ߬ߓߊ߬߸ ߣߋߕߊ߲ߦߊߤߎ߫ ߟߊ߫ ߖߌ߬ߦߊ߬ߖߟߎ ߣߌ߲߬ ߝߣߊ߫ ߦߋߣߍ߲߫ ߓߌ߬ ߟߋ߬߸ ߊ߬ ߞߊ߲߫ ߊ߬ ߞߣߐ߫ ߞߏ߫ ߊ߬ ߛߊ߲߬ߞߊ ߟߊߕߋ߬ ߞߏ߸ ߏ߬ ߦߋ߫ ߥߎߦߊ ߟߋ߬ ߘߌ߫، ߊ߬ ߞߊ߲߫ ߞߏ߫ <<ߒ ߧߋ߫ ߓߊߟߏ߫ ߘߐ߫߸ ߒ ߘߏ߲߬ ߦߋ߫ ߒ ߠߊ߫ ߓߊ߯ߙߊ ߟߎ߬ ߘߊߓߊ߲ ߞߊ߲߬>>

ߖߌ߬ߦߊ߬ߖߟߎ߬ ߞߋߟߋ߲ ߣߌ߲߬ ߘߐ߫߸ ߣߋߕߊ߲ߦߊߤߎ߫ ߞߵߊ߬ ߝߐ߫ ߌߞߐ߫߸ ߞߏ߫ ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߦߴߊ߬ߟߎ߬ ߟߊ߫ ߦߙߍߞߍߟߌ ߞߊ߲߬߸ ߊ߬ߟߎ߬ ߦߴߊ߬ ߞߊ߲߬ ߞߊ߬ ߌߙߊ߲߫ ߣߌ߫ ߟߌߓߊ߲߫ ߝߌ߬ߙߌ߲߬ߕߊߥߏ߫، ߏ߬ ߘߐ߫߸ ߞߏ߫ ߊ߬ߟߎ߫ ߣߐ߬ ߞߊ߲ ߡߍ߲ ߝߐ߫ ߟߊ߫ ߖߡߊ߬ߣߊ߬ߘߋ߲ ߠߎ߬ ߦߋ߫ ߞߊ߬ ߓߍ߲߬ ߞߏ ߟߎ߬ ߟߊߕߊ߯ߡߊ߫ ߢߊ ߡߊ߬߸ ߞߏ߫ ߓߍ߯ ߦߋ߫ ߕߏ߫ ߞߊ߲ ߏ߬ ߞߕߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.