ߛߌ߬ߣߌ߲߬ߟߏ߲ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߂߀߂߆ ߕߙߊߓߊ ߕߋ߬ߟߋ߫ ߂߈ ߠߋ߬ ߟߊ߫، ߞߎ߲߬ߠߊ߬ߛߌ߮ ߟߎ߫ ߞߊ߬ ߟߊ߬ߛߋ߬ߟߌ߬ ߛߓߍ ߘߏ߫ ߟߋ߬ ߟߊߓߐ߫߸ ߊ߬ߟߎ߬ ߦߋ߫ ߡߊ߬ߟߌ ߞߎ߲߬ߠߊ߬ߛߌ߮ ߟߎ߬ ߖߙߊ߬ߞߌ߬ ߟߊ߫ ߡߍ߲ ߞߣߐ߫߸ ߞߵߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߝߊ߰ߟߌ ߞߐ߲߫ ߞߏߛߓߍ߫߸ ߊ߬ ߣߌ߫ ߞߵߊ߬ߟߎ߬ ߞߊ߲ߘߌ߫ ߡߊ߬ߟߌ߫ ߞߎ߲߬ߠߊ߬ߛߌ߮ ߟߎ߫ ߡߊ߬߸ ߊ߬ߟߎ߬ ߦߋ߫ ߘߊ߲߭ߛߌ߰ ߊ߬ߟߎ߬ ߟߊ߫ ߝߊ߰ߟߌ߬ ߓߊ߲ߓߊߟߌ ߟߊ߫߸ ߡߍ߲ ߠߎ߬ ߦߋ߫ ߟߐ߬ ߟߊ߫ ߡߏߙߌߕߊߣߌ߲߫ ߡߊ߬، ߡߏߙߌߕߊߣߌ߲߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߊ߬ ߛߊ߲߬ ߣߊ߯ߣߌ߲߫ ߠߋ߬ ߕߋ߲߬.

ߘߊ߲߬ ߕߍ߫ ߛߌ߰ ߟߊ߫ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߝߊ߰ ߟߊ߫ ߡߊ߬ߟߌ ߞߣߐ߫߸ ߊ߬ߟߎ߫ ߞߏ߬ߣߌ߲ ߡߊ߫ ߝߊ߰ߓߊ߰ߕߐ ߟߎ߫ ߓߙߍ߬ߦߊ߫ ߟߐ߲߫߸ ߓߊ߬ߙߌ߫߸ ߊ߬ߟߎ߬ ߛߋ߫ ߘߊ߫ ߟߏ߯ߟߎ ߡߍ߲ ߡߊߟߐ߲߫ ߠߊ߫߸ ߏ߬ ߟߎ߬ ߦߋ߫ ߡߏߙߌߕߊߣߌ߲ߞߊ ߟߎ߬ ߟߋ߬ ߘߌ߫߸ ߞߊ߬ ߓߐ߫ ߛߋߙߑߛߊߙ ߘߎ߱ ߟߊ߫، ߊ߬ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߡߊ߬ߟߌ߫ ߞߎ߲߬ߠߊ߬ߛߌ߮ ߟߎ߬ ߦߋ߫ ߢߊߢߌߣߌ߲ߠߌ߲߫ ߜߍߣߍ߲ ߛߌ߰ ߛߋ߲߬ߠߊ߫ ߞߊߟߌߦߊ߫ ߘߐ߫߸ ߞߊ߬ ߡߐ߰ ߝߊ߰ߟߊ ߡߍ߲߬ ߠߎ߬ ߢߌߣߌ߲߫ ߞߵߊ߬ߟߎ߬ ߟߊߓߐ߫، ߊ߬ ߣߌ߫ ߊ߬ߟߎ߫ ߦߋ߫ ߝߍ߬ߙߍ ߓߍ߯ ߘߐߞߍ߫ ߞߊ߬ ߘߎ߰ߘߋ߲ ߠߎ߬ ߟߊߞߊ߲ߘߊ߫߸ ߡߏߙߌߕߊߣߌ߲߫ ߞߎ߲߬ߠߊ߬ߛߌ߮ ߟߎ߬ ߞߊ߲߫ ߟߊ߬ߛߋ߬ߟߌ߬ ߛߓߍ ߣߌ߲߬ ߘߐ߫߸ ߞߏ߫ ߊ߬ߟߎ߬ ߓߌߣߍ߲߫ ߞߎߡߊߢߐ߲߯ߦߊ ߟߊ߫.

ߊ߬ߟߎ߫ ߘߏ߲߬ ߕߍߛߘߌ߬ߣߍ߲߫ ߓߊ߯ߙߊߢߐ߲߯ߦߊ ߣߌ߫ ߟߊ߬ߞߊ߲߬ߘߊ߬ߟߌ ߛߌߟߊ ߝߍ߬ ߝߣߊ߫، ߞߏ߫ ߊ߬ߟߎ߬ ߟߊ߫ ߖߡߊ߬ߣߊ߬ ߞߣߐ߬ߘߋ߲ ߠߎ߬ ߟߊ߫ ߟߊ߬ߞߊ߲߬ߘߊ߬ߟߌ߬ ߞߏ ߕߍ߫ ߊ߬ߟߎ߬ ߓߟߏ߫ ߕߏߟߏ߲߫ ߞߏ߫ ߘߌ߫ ߡߎ߰ߡߍ߫߸ ߊ߬ߟߎ߬ ߓߊ߲߫ ߘߊ߫ ߞߊ߬ ߛߊ߬ߦߌ߲߬ߠߌ߲߬ ߞߍ߫ ߞߵߊ߬ ߝߐ߫ ߡߏߙߌߕߊߣߌ߲߫ ߖߡߊ߬ߣߊ߬ߘߋ߲ ߠߎ߬ ߦߋ߫߸ ߊ߬ ߕߌ߯ߕߌ߮ ߘߐ߫ ߡߍ߲ ߠߎ߬ ߦߋ߫ ߡߊ߬ߟߌ ߓߐߕߏ߲ ߠߊ߫، ߞߏ߫ ߊ߬ߟߎ߬ ߦߋ߫ ߛߋ߫ ߊ߬ߟߎ߫ ߖߘߍ߬ ߟߊ߫ ߡߊ߬ߟߌ ߘߏ߲߬ߠߌ߲ ߡߊ߬߸ ߊ߬ߟߎ߫ ߘߏ߲߬ ߕߍߣߊ߬ ߣߌ߲߬ ߞߏ ߓߌ߬ߟߊ߬ ߟߊ߫ ߕߋ߲߬߸ ߓߊߏ߬߸ ߦߟߌߓߌߟߊ߫ ߓߟߏߡߊ߬߸ ߡߏߙߌߕߊߣߌ߲ߞߊ ߝߌ߬ߟߊ ߟߋ߬ ߝߊ߰ ߘߊ߫ ߟߐ߯ߞߎ߲߫ ߕߊ߬ߡߌ߲߬ߣߍ߲ ߡߊ߬ ߡߊ߬ߟߌ ߘߎ߰ߞߟߏ ߞߊ߲߬߸ ߏ߬ ߞߍ߫ ߘߊ߫ ߡߏߙߌߕߊߣߌ߲߫ ߓߐߕߏ߲ ߞߍ߬ߙߍߝߍ߬ ߟߋ߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.