ߞߐ߬ߓߊ߬ߟߏ߲ ߣߌ߲߬ ߡߊ߬߸ ߂߀߂߆ ߕߙߊߓߊ ߕߟߋ߬ ߃߀߸ ߥߎߟߊߟߊߓߌߟߊߢߐ߲߯ߡߊ ߣߌ߫ ߗߋߓߏ߲ ߠߎ߬ ߘߏ߲߬ߖߟߎ߬ߡߊ߬ߟߌ ߞߏߟߊߕߍ߯ߘߊ (ߥߗߘߞ) ߓߘߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߟߊߓߐ߫߸ ߞߵߊ߬ ߦߌ߬ߘߊ߬ ߞߏ߫ ߓߟߐߟߐ߫ ߡߊߛߐߘߐ߲߫ ߛߌߟߊ ߡߍ߲ ߠߎ߬ ߡߊߞߍߣߍ߲߫ ߖߡߊ߬ߣߊ ߝߊ߲߭ ߠߎ߬ ߘߐ߫ ߕߋ߲߬߸ ߣߌ߫ ߡߐ߰ ߛߌߦߊߡߊ߲߫ ߓߘߊ߫ ߘߏ߲߬ ߊ߬ ߘߐ߫߸ ߞߏ߫ <<ߥߌ߯ߝߌ߫ ߖ߭ߏߣ>>߸ ߏ߬ ߓߊ߯ߙߊ ߓߘߊ߫ ߟߊߕߐ߲߫ ߊ߬ߟߎ߬ ߓߟߏ߫ ߖߌ߬ߣߍ߫ ߘߎ߰ߞߣߍ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊߘߌ߬ߢߍ߬ߓߊߟߌߦߊ ߘߌ߫.

ߘߏ߲߬ߖߟߎ߬ߡߊ߬ߟߌ߬ߘߊ ߣߌ߲߬ ߞߵߊ߬ ߦߌ߬ߘߊ߬ ߞߏ߫߸ ߖߌ߬ߣߍ߫ ߛߊ߬ߙߌ߬ߦߊ ߡߍ߲ ߝߙߍߕߍ ߦߋ߫ ߞ/߂߀߁߅/߀߁߈ ߞߊ߬ ߓߊ߯ߙߊ߫ ߛߎ߮ ߢߌ߲߬ ߠߎ߬ ߟߊߕߐ߲߫ ߠߋ߬ ߝߋߎ߫߸ ߞߊ߬ ߓߍ߲߬ ߞߌ߬ߓߊ߬ߙߏ߬ ߞߏ ߛߋߒߞߏߟߊߘߐߦߊ ߣߌ߫ ߥߎߟߊߟߊߓߌߟߊߢߐ߲߯ߡߊ ߛߙߊߕߌ ߟߎ߫ ߡߊ߬ ߖߡߊ߬ߣߊ ߞߣߐ߫، ߊ߬ߟߋ߬ ߛߌ߲߬ߝߏ߲߬ߘߊ ߟߊ߫ ߝߐߟߌ߫ ߘߐ߫߸ ߡߐ߱ ߟߎ߬ ߡߊߛߐ ߓߟߐߟߐ ߟߊ߫߸ ߏ߬ ߕߍ߫ ߞߍ߫ ߟߊ߫ ߦߋ߲߬ ߕߋ߲߬ ߘߋ߬، ߣߌ߫ ߡߍ߲ ߡߊ߫ ߢߊ߬ ߓߊ߯ߙߊ ߏ߬ ߞߐ߫ ߖߡߊ߬ߣߊ ߞߣߐ߫߸ ߝߏ߫ ߌ ߦߋ߫ ߟߊߞߎ߲߬ߘߎ߫ ߟߋ߬، ߏ߬ ߟߋ ߘߐ߫߸ ߊ߬ ߞߏߢߊ ߟߊߘߌ߬ߢߍ߬ߣߍ߲߬ ߡߍ߲ ߠߎ߬ ߦߋ߫߸ ߏ߬ ߟߎ߫ ߟߋ߬ ߜߋߟߋ߲ߜߋߟߋ߲߫ ߦߙߍߞߍߟߌߘߊ ߟߎ߬ ߣߌ߫ ߓߟߐߟߐ ߟߊߛߐߘߐ߲ ߡߊ߬ߛߐ߬ߟߌ߬ߟߊ ߟߎ߬ ߘߌ߫ (ߓߟߡ)، ߥߗߘߞ ߞߊ߲߫ ߏ߬ ߟߋ ߘߐ߫߸ ߞߏ߫ ߡߐ߰ ߛߌ߫ ߦߋ߫ ߡߐ߱ ߟߎ߬ ߡߊߛߐ߫ ߟߊ߫ ߓߟߐߟߐ ߟߊ߫ ߣߌ߫ ߛߊ߬ߙߌ߬ߦߊ߬ ߡߊ߫ ߖߡߊ߬ߙߌ ߘߴߌ ߡߊ߬߸ ߊ߬ ߟߊߟߐ߬ ߌߞߘߐߣߌ߲߬߸ ߣߴߏ߬ ߕߍ߫ ߓߌ߲߬ߓߊ߬ߥߏ߬ߟߌ ߦߴߊ߬ ߘߊ ߝߍ߬ ߛߊ߬ߙߌ߬ߦߊ߬ ߛߐߛߐ ߞߏߛߐ߲߬.

ߛߊ߬ߙߌ߬ߦߊ߬ ߞߏ ߣߌ߲߬ ߖߍ߬ߘߍ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫ ߝߋߎ߫߸ ߥߗߘߞ ߝߘߏ߬ߓߊ߬ ߗߋߕߌ߯ߘߊ ߞߵߊ߬ ߦߌ߬ߘߊ߬ ߞߏ߫ ߛߋߒߞߏߟߦߊ ߣߌ߫ ߟߊ߬ߞߊ߲߬ߘߊ߬ߟߌ ߖߡߊ߬ߙߌ߬ߟߌ ߝߣߊ߫ ߦߴߊ߬ ߘߐ߫، ߏ߬ ߟߋ ߘߐ߫߸ ߟߊ߬ߛߋ߬ߟߌ߬ ߛߓߍ ߣߌ߲߬ ߞߵߊ߬ ߦߌ߬ߘߊ߬ ߞߏ߫: <<ߛߊ߬ߙߌ߬ߦߊ߬ ߛߐ߬ߛߐ߬ ߡߊߞߍߟߌ ߡߍ߲ ߦߋ߫ ߕߋ߲߬߸ ߊ߬ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߞߙߏ߬ߝߏ ߖߐ߲ߝߐ߲߫߸ ߞߊ߬ ߓߌ߬ߟߊ߬ߢߐ߲߰ߡߊ߬ ߛߌߟߊ ߟߎ߫ ߖߍ߬ߘߍ ߝߣߊ߫ ߞߙߌ߬ߞߙߊ߬.>> ߊ߬ߟߎ߫ ߞߵߊ߬ ߝߐ߫ ߝߣߊ߫ ߞߏ߫ ߡߍ߲ ߠߎ߬ ߦߴߊ߬ ߟߊߓߊ߯ߙߊ߫ ߟߊ߫߸ ߊ߬ ߘߌ߫ ߛߋ߫ ߞߍ߫ ߟߊ߫߸ ߏ߬ ߟߎ߬ ߟߊ߫ ߟߐ߲ߕߊ ߟߎ߬ ߟߊߕߊ߲߬ߞߊ߬ߣߍ߲߬ ߕߍ߫ ߊ߬ߟߋ߬ ߥߌ߯ߝߌ߫ ߖ߭ߏߣ ߟߊߓߊ߯ߙߊ߫ ߕߎߡߊ ߟߊ߫.

ߣߌ߲߬ ߦߋ߫ ߘߊ߬ߟߎ߫ ߟߋ߬ ߘߌ߫ߟ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߦߴߊ߬ ߝߍ߬ ߞߊ߬ ߖߡߊ߬ߣߊ ߓߟߐߟߐߞߏ ߣߴߊ߬ ߢߎߡߍߙߋ߲߫ ߞߏߢߊ ߟߎ߬ ߕߏ߫ ߛߊ߬ߙߌ߬ߦߊ ߞߊ߬ߘߊ߲ ߠߋ߬ ߞߣߐ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߌ߫ ߡߐ߰ ߟߎ߫ ߣߐ߬ߝߍ߬ߜߍ߲߫ ߞߊ߬ ߞߏߟߊߕߐ߲߫ ߊ߬ߟߎ߬ ߟߊ߫߸ ߡߍ߲ ߠߎ߬ ߓߴߊ߬ߟߎ߬ ߟߊ߫ ߞߎߡߊ߫ ߝߐߣߍ߲ ߣߌ߲߬ ߡߊߛߐ߬ߛߐ߬.

ߖߡߊ߬ߣߊ߬ߘߋ߲ ߠߎ߬ ߞߏ߬ߣߌ߲ ߞߊ߲߫ ߞߏ߫ <<ߊ߬ߟߎ߬ ߕߙߐߣߍ߲߫ ߠߋ߬ ߓߟߐߟߐ߫ ߞߏ ߘߐ߫߸ ߘߐ ߣߌ߲߬ ߕߎ߲߬ ߓߘߊ߫ ߞߍ߫ ߖߌ߰ߡߝߊ߬ ߘߴߊ߬ߟߎ߫ ߞߊ߲߬، ߓߊߏ߬߸ ߛߟߏߟߏ ߞߙߏ߬ߝߏ ߕߴߊ߲ ߘߓߐ߫ ߟߊ߫ ߢߊ ߺ ߊ ߺ ߢߊ߫ ߟߋ߬ ߡߊ߬، ߓߟߐߟߐ ߟߊߛߐ߬ߘߐ߲ ߓߘߊ߫ ߞߍ߫ ߣߐ߲ߛߌ߲߫ ߕߊ߯ߡߊ ߘߌ߫.>> ߘߎ߰ߘߋ߲ ߘߏ߫ ߟߋ߬ ߞߊ߲߫ ߏ߬ ߘߌ߫ ߜߎ߬ߕߙߎ ߞߣߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.