ߋߖ߭ߌߔߕ ߛߊ߬ߙߌ߬ߦߊ ߓߘߊ߫ ߕߐ߮ ߘߏ߫ ߟߎ߫ ߟߊߕߐ߲߫߸ ߡߍ߲ ߠߎ߬ ߦߋ߫ ߘߋ߲ߣߍ߲ ߠߊ߫ ߡߊ߲߬ߕߎ߬ߙߋ߬ߦߊ ߡߊߣߐ߯ ߟߊ߫߸ ߊ߬ ߣߌ߫ ߡߍ߲ ߕߍ߫ ߓߍ߲߬ ߠߊ߫ ߘߌ߯ߣߊ ߡߊ߬، ߏ߬ ߟߋ ߘߐ߫߸ ߊ߬ߟߎ߬ ߓߘߊ߫ ߓߌ߲߬ߓߊߥߏ ߘߏ߫ ߝߐ߫ ߞߏߘߐߕߍ߮ ߏ߬ ߞߊ߲߬.
ߡߌߛߌ߬ߙߊ߲߬ ߞߣߐ߫߸ ߘߋ߲ߣߍ߲ ߠߎ߬ ߟߊ߫ ߛߊ߬ߙߌ߬ߦߊ ߓߘߴߊ߬ ߦߌ߬ߘߊ߬ ߞߏ߫ ߘߋ߲ߣߍ߲ ߓߍ߯ ߣߌ߫ ߕߐ߯ ߞߟߊ߬ߟߊ߬ߡߊ ߟߋ߬ ߦߊ߫ ߞߊ߲߫߸ ߡߍ߲ ߦߴߊ߬ ߞߋߟߋ߲߫ ߘߎ߲߬ߘߎ߬ߡߊ ߘߌ߫߸ ߞߊ߬ ߓߊ߲߫ ߞߵߊ߬ ߕߐ߮ ߛߓߍ߫ ߞߎ߲߬ߠߊ߬ߛߌ߮ ߟߊ߫ ߛߙߋߘߐ ߞߣߐ߫، ߕߐ߮ ߡߍ߲ ߏ߬ ߘߌ߫ ߛߊ߫߸ ߏ߬ ߡߊ߲߫ ߞߊ߲߫ ߞߊ߬ ߞߍ߫ ߘߋ߲ ߞߎ߲߬ߠߊ߬ߖߌ߰ ߕߐ߯ ߘߌ߫߸ ߊ߬ ߡߊ߲߫ ߞߊ߲߫ ߞߊ߬ ߞߍ߫ ߕߐ߯ ߝߣߊ߫ ߘߌ߫߸ ߡߍ߲ ߘߌ߫ ߘߏ߲߬ ߘߌ߯ߣߊ ߞߊ߬ߛߌ ߘߐ߫.
ߊ߬ߟߎ߬ ߟߊ߫ ߛߊ߬ߙߌ߬ߦߊ ߣߌ߲߬ ߦߋ߫ ߘߋ߲ߠߎ߬ ߟߊߞߊ߲ߘߊ߫ ߞߏ ߟߋ߬ ߞߊ߲߬߸ ߏ߬ ߡߍ߲ ߘߏ߫ ߟߎ߫ ߦߋ߫ ߘߋ߲ ߓߊߟߏ ߘߌ߫ ߊ߬ ߢߌ߬ߡߊ ߟߊ߫߸ ߞߵߊ߬ ߟߊߖߌ߰ߦߊ߬ ߦߙߐ߫ ߢߣߊߡߊ ߘߐ߫߸ ߞߵߊ߬ ߟߊߞߊ߲ߘߊ߫ ߞߵߊ߬ ߟߊߕߊ߲߬ߞߊ߬߸ ߞߊ߬ ߓߊ߲߫ ߞߊ߬ ߖߊ߲߬ߕߏ߬ ߞߍ߫ ߊ߬ ߓߟߏߝߋ߲ ߠߎ߬ ߘߐ߫߸ ߞߵߊ߬ ߖߏ߯ߘߏ߲߬ ߞߵߊ߬ ߘߏ߲߬ ߞߊ߬ߙߊ߲߬ߕߊ ߟߊ߫، ߒ߬ߓߊ߬߸ ߕߐ߯ ߞߏ ߝߣߊ߫ ߓߘߊ߫ ߞߍ߫ ߏ߬ ߘߐ߫ ߘߌߦߊߜߏߦߊ ߘߏ߫ ߘߌ߫߸ ߞߊ߬ ߕߐ߯ ߢߌߡߊ߫ ߟߊ߫ ߘߋ߲ ߠߊ߫.
ߊ߬ߟߎ߬ ߟߊ߫ ߞߟߏߜߍ ߣߌ߲߬ ߓߎ߲ߓߎ߲ߣߍ߲߫ ߁߉߉߄ ߞߎ߬ߙߎ߲߬ߘߎ ߝߙߍߕߍ߫ ߁߄߃ ߟߋ߬ ߡߊ߬߸ ߏ߬ ߕߐ߲ߛߋ߲ ߂߁߲ ߞߣߐ߫߸ ߊ߬ ߝߐߣߍ߲߫ ߏ߬ ߘߐ߫ ߞߏ߫ ߊ߬ ߟߊߕߐ߲ߣߍ߲߫ ߠߋ߬:
- ߞߊ߬ ߕߐ߯ ߛߎ߯ ߞߋߟߋ߲߫ ߟߊ߫ ߘߋ߲߫ ߠߎ߫ ߟߊ߫߸ ߡߍ߲ ߠߎ߬ ߦߋ߫ ߝߊ߬ ߞߋߟߋ߲ ߠߊ߫.
- ߞߊ߬ ߕߐ߯ ߞߏߟߏ߲ߛߏ߲ߣߍ߲ ߟߊ߫ ߘߋ߲ ߠߊ߫.
- ߞߊ߬ ߕߐ߯ ߟߊ߫ ߘߋ߲ ߠߊ߫߸ ߡߍ߲ ߣߌ߫ ߘߌ߯ߣߊ ߛߊ߬ߙߌ߬ߦߊ ߝߘߏ߬ߣߍ߲߬ ߢߐ߲߮ ߡߊ߬.
ߡߐ߰ ߛߌ߫ ߞߊ߬ ߛߊ߬ߙߌ߬ߦߊ ߏ߬ ߛߐ߬ߛߐ߬߸ ߏ߬ ߘߌ߫ ߖߊ߲ߞߌ߲߫ ߌߖ߭ߋߔߕ ߟߌߝ߭ߙߊ ߥߊߘߌ ߁߀߀ ߤߊ߲߯ ߂߀߀ ߛߊ߬ߙߊ ߟߊ߫.
ߊ߬ߟߎ߬ ߞߊ߲߫ ߞߏ߫ ߞߎ߲߬ ߜߘߍ߫ ߛߌ߫ ߕߍ߬ ߢߌ߲߬ ߠߊ߫߸ ߝߏ߫ ߞߊ߬ ߡߌߛߌ߬ߙߊ߲߬ ߠߊ߫ ߟߐ߲ߠߌ߲ߦߊ ߟߎ߫ ߟߋ߬ ߟߊߕߊ߲߬ߞߊ߬߸ ߞߊ߬ ߘߋ߲ߣߍ߲ ߠߎ߬ ߟߊ߫ ߡߊ߲߬ߕߎ߬ߙߋ߬ߦߊ ߟߊߞߊ߲ߘߊ߫߸ ߞߵߊ߬ ߓߍ߲߬ ߘߌ߯ߣߊ ߕߊ߯ߛߌߟߊ ߣߌ߫ ߖߡߊ߬ߣߊ ߖߍ߬ߘߍ ߟߊ߫ ߛߣߐ߬ߡߍ߬ߘߐ߬ߦߊ ߡߊ߬.
ߊ߬ ߘߏ߲߬ ߂߀߁߇ ߟߊ߫߸ ߊ߬ߟߎ߫ ߕߎ߲߬ ߞߊ߬ ߛߊ߬ߙߌ߬ߦߊ ߘߏ߫ ߝߣߊ߫ ߞߎߡߊ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߕߐ߯ ߛߌ߫ ߞߊߣߊ߬ ߟߊ߫ ߕߐ߯ ߟߊ߫ ߡߎ߬ߕߎ߲߬߸ ߡߍ߲ ߕߍ߫ ߛߌ߬ߟߡߊ߬ ߕߐ߯ ߘߌ߫، ߓߊ߬ߙߌ߬߸ ߏ߬ ߞߏ ߛߋ߲߭ ߡߊ߫ ߘߎ߱ ߛߐ߬ߘߐ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.