ߕߎ߬ߡߊ ߡߍ߲ ߠߊ߫ ߞߊ߲ߕߌ߯ ߡߛߏ߫ ߛߊ߬ߡߌߦߊ߬ ߛߟߎߤߎ ߤߛߊߣ ߠߋ߬ ߦߌ߬ߘߊ߬ߣߍ߲߬ ߛߎߘߊ߲ߓߊ߮ ߘߌ߫߸ ߏ߬ ߕߎ߬ߡߊ߬ ߞߋߟߋ߲ ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ ߞߎߓߋߘߊ ߞߌ߲߬ߘߊ ߘߏ߫ ߟߎ߫ ߞߣߐߟߊ ߝߊߣߍ߲߫ ߔߊߞߌߛߦߊߟߊ ߟߎ߬ ߟߊ߫߸ ߡߍ߲ ߠߎ߬ ߖߊ߲߰ߞߕߊ߬ߣߍ߲߫ ߕߐ߲ߓߟߏߡߊ ߟߎ߬ ߓߟߏ߫ ߊ߬ ߢߊ ߡߊ߬، ߝߊ߲߬ߞߊߛߌ߬ߣߊ ߟߎ߬ ߓߘߊ߫ ߣߍ߰ߓߐ߫ ߢߣߊߕߊߟߌ߫ ߞߏ ߘߐ߫߸ ߏ߬ ߟߎ߬ ߡߍ߲ ߠߎ߬ ߞߊ߲߫ ߞߏ߫ ߝߊ߬ߥߏ߬ߡߊ߬ߛߘߌ߬ ߢߣߊߕߊߟߌ ߟߋ߬.
ߝߏߘߏ߲ߢߐ߲߯ߠߊ ߘߏ߫ ߟߎ߫ ߟߋ߬ ߞߍߣߍ߲߫ ߘߊߙߑߛߊ߬ߟߊߡ ߞߣߐ߫ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߉߸ ߞߵߏ߬ ߞߎ߲߭ ߞߍ߫ ߞߊ߲ߕߌ߯ ߢߣߊߕߊߟߌ߫ ߞߏ ߘߌ߫߸ ߏ߬ ߡߍ߲ ߞߍ ߦߴߌߘߐ߫ ߡߊ߲߬ߞߊ߲ ߣߌ߫ ߝߐߢߐ߲߯ߞߐ ߘߝߊߣߍ߲ ߞߊ߲߬، ߓߌ߬ ߕߋ߬ߟߋ ߘߐߞߍߣߍ߲߫ ߞߓߊ߫ ߟߊߝߟߌ ߟߋ߬ ߟߊ߫ ߘߊߙߑߛߊ߬ߟߊߡ ߞߣߐ߫߸ ߊ߬ ߣߌ߫ ߢߊߖߌߓߐߦߌ߲߫ ߝߟߌ ߣߌ߫ ߕߊߛߎ߸ ߞߎ߲߬ߠߊ߬ߛߌ߮ ߓߘߊ߫ ߓߟߐߟߐ ߕߍ߰ ߖߡߊ߬ߣߊ ߞߣߐ߫߸ ߏ߬ ߡߍ߲ ߠߊߛߙߋߦߊ߫ ߘߊ߫ ߓߟߐߟߐߕߍ߯ ߜߋߟߎ߲߫ ߞߍߦߙߐ ߓߟߏ߫ ߞߊ߬ߣߌ߲߬.
ߖߌ߬ߦߊ߬ߖߟߎ ߡߍ߲ ߠߎ߬ ߦߋߣߍ߲߫ ߒ߬ ߓߟߏ߫ ߘߍ߬ߞߙߏߝߏ ߟߎ߫ ߞߊ߲߬߸ ߘߋ߲ߡߌߛߍ߲ ߠߎ߬ ߟߋ߬ ߓߐߣߍ߲߫ ߛߌߟߊ ߞߊ߲߬߸ ߊ߬ߟߎ߬ ߣߌ߫ ߕߐ߲ߓߟߏߡߊ ߟߎ߬ ߦߋ߫ ߢߐ߲߯ ߠߊ߫، ߞߊ߬ ߓߊ߲߫߸ ߊ߲ ߞߊ߬ ߕߊ ߦߋ߫ ߟߋ߬ ߖߌߥߎߘߊ ߘߏ߫ ߟߊ߫، ߞߌ߲߬ߘߊ߬ ߣߊ߯ߣߌ߲߫ ߦߋ߫ ߘߊߙߑߛߊ߬ߟߊߡ ߞߣߐ߫߸ ߏ߬ ߟߎ߫ ߛߏ߰ߟߊ߬ߣߍ߲߬ ߓߊߟߋ߬ ߣߌ߲߬ ߞߏ ߘߐ߫߸ ߛߙߋ߫ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫ ߞߊ߬ߣߌ߲߬، ߔߊߞߌߛߦߊߟߊ ߘߏ߫ ߞߵߊ߬ߟߎ߬ ߣߌ߫ ߕߐ߲ߓߟߏߡߊ ߟߎ߬ ߟߊ߫ ߢߐ߲߯ ߠߊߛߐߘߐ߲߫ ߢߊ ߢߊߝߐ߫ <<ߊ߲ ߕߘߍ߬ ߕߊ߯ߡߊ ߟߋ߬ ߞߊ߲߬ ߞߊ߬ ߥߊ߫ ߛߋߟߊ߲ߘߍߙ ߛߍ߲ߓߊ ߟߋ߬ ߡߊ߬ ߕߋ߲߬߸ ߞߊ߬ ߛߏ߫ ߕߍߡߟߊ ߟߊߡߌ߬ߣߊ߬߸ ߕߐ߲ߓߟߏߡߊ ߞߍߢߊ ߟߵߏ߬ ߘߌ߫ ߞߊ߬ ߢߊߖߌߓߐߦߌ߲ ߝߌ߬ߟߌ ߘߊߡߌ߬ߣߊ߫ ߒ ߕߎ߫ ߘߐ߫.>> ߔߊߞߌߛߦߊߟߊ ߘߏ߫ ߟߋ߬ ߞߊ߬ ߣߌ߲߬ ߝߐ߫ ߕߐ߯ߜߎߕߙߎ߫ ߓߟߏ ߡߊ߬.
ߛߊ߬ߡߊ߲߬ߢߐ߲߰ߕߍ ߘߊߡߌ߬ߣߊ߬ ߘߊ߫ ߝߊ߲߬ߞߊߛߌ߬ߣߊ ߟߎ߫ ߛߋ߲߬ߓߐ ߟߋ߬ ߝߍ߬ ߢߣߊߕߊߟߌ ߘߐ߫، ߛ߭ߊߘߋߡߊ߸ ߏ߬ ߟߎ߬ ߡߍ߲ ߠߎ߬ ߦߋ߫ ߝߊ߲߬ߞߊߛߌ߬ߣߊ߫ ߞߘߐ߬ߡߊ߲ ߠߎ߬ ߘߏ߫ ߘߌ߫߸ ߏ߬ ߟߎ߫ ߛߋ߲߬ߓߐ߫ ߘߊ߫ ߘߐ߲߭ ߘߐ߫ ߞߊ߬ߦߌ߯ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߊ߬ ߓߊ߲߭ ߞߏߛߐ߲߬ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߞߟߊ߬ߣߐ߬ߦߊ߬ ߞߏ ߡߊ߬، ߊ߬ߟߎ߬ ߟߊ߫ ߥߊ߬ߣߊ߸ ߕߎ߲ߘߎ ߟߌߛߎ߫߸ ߏ߬ ߓߘߊ߫ ߞߕߌ߫ ߕߋ߲߭ߕߋ߲߭ ߣߌ߲߬ ߘߐ߫ ߖߊ߲߬ߝߊ߬ ߞߏ ߘߐ߫߸ ߊ߬ ߞߏ߬ߣߌ߲ ߛߐ߬ߣߍ߲߬ ߕߴߊ߬ ߡߊߝߌ߲߬ ߞߊ߲ ߏ߬ ߡߊ߬ ߡߎߣߎ߲߬.
ߏ߬ ߢߐ߲߰ ߠߋ߬ ߝߣߊ߫ ߟߊߣߍ߲߫ ߟߎߤߊ߲ߜ߭ߊ߫ ߒߔߌߣߊ߫ ߞߎ߲߬߸ ߝߊ߲߬ߞߊߛߌ߬ߣߊ ߟߎ߬ ߟߊ߫ ߞߙߎߞߊ߫ ߝߌߟߊߣߊ߲ ߡߊ߬ߡߌ߬ߘߊ߬ߟߌ߬ߟߊ߸ ߊ߰ ߝߐ߫ ߟߊ߫ ߞߙߎߞߊ ߡߍ߲ ߡߊ߬ ߞߏ߫ ߊ.ߛߋ.ߕߋ-ߥߖ߭ߊߟߋ߲ߘߏ߸ ߏ߬ ߝߣߊ߫ ߛߋ߲߬ߓߐ߬ ߘߊ߫ ߘߐ߲߭ ߘߐ߫ ߝߘߏ߬ߓߊ߬ ߞߕߌߞߊ߲ߘߊ ߟߊ߫ ߞߐߘߏ߲ߠߌ߲߫ ߛߓߍ ߘߏ ߟߋ߬ ߟߊ߫. ߝߊ߲߬ߞߊߛߌ߬ߣߊ ߏ߬ ߟߎ߫ ߛߋ߲߬ߓߐ߬ ߢߊ ߏ߬ ߟߋ ߣߐ߬ ߛߌߟߊ ߟߊߞߊ߬ ߟߊ߫ ߞߊ߲ߕߌ߯ ߓߐߕߊ߫ ߛߊ߬ߡߌߦߊ߬ ߛߟߎߤߎ߫ ߤߛߊߣ ߦߋ߫ ߝߊ߲ߞߎߟߊ߲߫߸ ߞߵߊ߬ ߞߋߟߋ߲߫ ߔߋ߫ ߕߏ߫ ߡߊ߬ߡߌ߬ߘߊ߬ߟߌ߬ ߛߙߍߘߍ ߞߊ߲߬ ߛߍߣߍ߲߬߸ ߊ߬ ߣߌ߫ ߞߙߎߞߊ߫ ߡߌߛߍ߲ ߘߏ߫ ߟߎ߫.
ߏ߬ ߟߋ ߘߐ߫߸ ߘߋߥߐ߲ߜ߭ߙߊߕߎ߳ߛ ߡߎ߳ߣߌߛ߭ߌ߫ ߡߍ߲ ߦߋ߫ ߛ߭ߊߘߋߡߊ ߞߐߞߊ߲ߞߏ ߟߎ߫ ߞߟߊ߬ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߢߣߊߕߊߟߌ߫ ߕߴߌߘߐ߫ ߕߊ߲ߖ߭ߊߣߌ߫ ߘߋ߬߸ ߡߊ߲߬ߛߊ߬ ߟߊ߬ߛߌ߮ ߟߋ߬ ߦߴߌߘߐ߫.>>
ߡߊ߬ߞߕߌ߬ߟߌ߬ߓߊ ߏ߬ ߟߎ߬ ߓߍ߯ ߣߴߊ߬ ߕߊ߫߸ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߢߣߊߕߊߟߌ ߘߊߡߌ߬ߣߊ߬ ߘߴߊ߬ ߢߌ߬ߡߊ ߟߊ߫߸ ߜߍߦߊ ߞߊ߲߬، ߊ߬ߟߎ߬ ߡߊ߫ ߛߐ߲߬ ߊ߬ ߡߊ߬ ߝߋߎ߫߸ ߞߵߊ߬ ߟߊߕߍ߰ ߞߏ߫ ߡߐ߰ߦߊ ߤߊߞߍ ߘߏ߫ ߟߎ߫ ߛߐ߬ߛߐ߬ ߘߴߊ߬ߟߎ߬ ߓߟߏ߫، ߞߊ߲ߕߌ߯ ߤߛߊߣ ߞߊ߲߫ ߠߋ߬߸ ߞߏ߫ ߖߡߊ߬ߣߊ߬ߘߋ߲ ߠߎ߬ ߦߴߊ߬ߟߎ߬ ߞߊߘߊ߲߫ ߞߊ߬ ߥߊ߫ ߢߣߊߕߊߟߌ ߞߍ߫߸ ߊ߬ߟߋ ߖߍ߬ߘߍ ߓߊ߲ ߞߐ ߊ߬߬ ߟߊ߫ ߢߣߊߕߊߟߌ ߞߍ߫ ߟߊ߫߸ ߞߵߊ߬ ߟߊ߫ ߘߎ߰ߘߋ߲߬ߧߊ ߤߊߞߍ ߘߝߊ߫߸ ߊ߬ ߞߊ߬ ߢߣߊߕߊߟߌ ߞߍ߫ ߘߏߘߏߡߊ߫ ߟߋ߬.
ߢߣߊߕߊߟߌ ߡߍ߲ ߦߋ߫ ߕߋ߲߬߸ ߞߊ߲ߕߌ߯ ߢߣߊߕߊߟߌ ߦߴߊ߬ ߘߐ߫߸ ߥߛߊ߬ߘߋ߲߬ ߢߣߊߕߊߟߌ ߦߴߊ߬ ߘߐ߫߸ ߏ߬ ߡߍ߲ ߞߍߕߐ߫ ߞߎߡߊߞߍߓߏ߲ ߠߊߛߌ߰ ߟߊ߫ (ߛߌ߰ߟߊ߲߫ ߄߀߀) ߣߌ߫ ߢߐ߲߯ ߕߍ߫߸ ߊ߬ ߣߌ߫ ߖ߭ߊ߲ߖ߭ߌߓߊߙ ߛߌ߲߬ߝߏ߲߬ߘߊ ߕߍ߫߸ ߏ߬ ߡߍ߲ ߦߋ߫ ߕߌ߲ߖߟߐߞߐ߫ ߖߘߍ߬ߕߌ߰ ߡߊ߲ߞߊ߲ ߘߏ߫ ߘߌ߫.
ߕߋ߬ߟߋ ߕߍߡߟߊ ߣߌ߲߬ ߞߵߊ߬ ߛߐ߬ߘߐ߲߫ ߠߋ߬ ߢߣߊߟߌߟߊ ߡߊ߲߫ ߛߌߦߊ߫ ߢߣߊߕߊߟߌ߫ ߖߛߊ ߟߎ߬ ߞߣߐ߫، ߢߣߊߕߊߟߌ߫ ߛߓߍߘߊ ߟߎ߬ ߘߊ ߓߍߣߊ߬ ߕߎ߲߯ ߁߆ߙߋ߲ ߡߊ߬߸ ߞߐߝߟߌ ߟߎ߬ ߡߊߞߐ߬ߣߐ߲߬ߣߍ߲߫ ߕߋ߬ߟߋ߫ ߛߓߊ߬ ߞߣߐ߫.
ߛߊ߬ߡߌߦߊ߬ ߛߟߎߤߎ߫ ߤߛߊߣ ߣߊ߬ ߘߊ߫ ߖߡߊ߬ߣߊ ߞߎ߲߬ߠߊ߫ ߞߊ߬ߦߌ߯ ߂߀߂߁ ߠߋ߬ ߟߊ߫߸ ߊ߬ ߞߊ߬ ߡߐ߱ ߟߎ߫ ߖߌ߰ߡߝߊ߬ ߞߏߛߓߍ߫߸ ߞߏ߫ ߊ߬ ߢߍߓߌߟߊ ߞߊ߬ ߡߌ߬ߣߊ߬ߞߏ߬ߖߎ߰ߦߊ ߡߍ߲ ߠߎ߬ ߟߊ߫ ߡߐ߱ ߟߎ߫ ߞߊ߲߬߸ ߞߏ߫ ߊ߬ߟߋ ߘߴߏ߬ ߟߎ߬ ߟߊߕߐ߲߫، ߓߊߏ߬߸ ߊ߬ ߣߊ߬ ߘߊ߫ ߖߐߣ ߡߊߜ߭ߝߎߟߌ߫ ߟߋ߬ ߣߐ߭ ߘߐ߫، ߓߊ߬ߙߌ߬ ߛߊ߲߬ ߝߌ߬ߟߊ߬ ߟߊ߬ߓߊ߲ ߣߌ߲߬ ߞߣߐ߫߸ ߝߊ߲߬ߞߊߛߌ߬ߣߊ ߟߎ߫ ߓߊ߬߸ ߛߘߞ ߟߎ߫ ߓߊ߬߸ ߏ߬ ߟߎ߬ ߓߘߊ߫ ߞߎߡߊ߫ ߞߵߊ߬ ߦߌ߬ߘߊ߬ ߞߏ߫ ߞߏ ߘߏ߫ ߟߎ߫ ߞߍ ߦߴߌߘߐ߫߸ ߡߍ߲ ߠߎ߬ ߡߊ߫ ߢߌ߲߬، ߦߏ߫ ߡߐ߰ ߟߊ߬ߕߎߣߎ߲߸ ߖߊ߬ߛߏ߬ߠߌ߲߸ ߡߐ߱ ߟߎ߬ ߘߌ߫ ߕߊ߬ ߦߋ߲߬ ߕߋ߲߬ ߣߌ߫ ߢߊߝߐߟߌ߫ ߞߟߊ߬ߟߡߊ߬ ߛߌ߫ ߕߍ߫.
ߊ߬ ߡߊ߫ ߡߍ߲߫ ߡߎߣߎ߲߬߸ ߕߊ߲ߖ߭ߊߣߌ߫ ߟߊ߬ߛߌ߰ߘߋ߲߬ ߞߘߐ ߡߍ߲ ߕߘߍ߬ ߞߎ߳ߓߊ߫߸ ߣߴߊ߬ ߓߘߊ߫ ߞߍ߫ ߝߊ߲߬ߞߊߛߌ߬ߣߊ ߘߌ߫ ߞߐ ߢߌ߲߬ ߠߊ߫߸ ߏ߬ ߖߊ߬߬ߛߏ߲߬ ߘߴߊ߬ ߟߊ߫ ߟߎ ߞߣߐ߫، ߕߐ߲ߓߟߏߡߊ ߟߎ߫ ߞߊ߬ ߢߊߢߌߣߌ߲ߠߌ߲߫ ߞߏ ߝߐ߫߸ ߓߊ߬ߙߌ߬ ߝߏߦߊ߲߫߸ ߞߊ߲߬ߞߎ߬ߡߊ ߝߏߦߌ߬ ߡߊ߫ ߟߊߓߐ߫ ߊ߬ߟߎ߬ ߓߟߏ߫ ߡߎߣߎ߲߬߸ ߡߍ߲ ߘߌ߫ ߦߌ߬ߘߊ߫ ߖߊ߬ߡߊ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.