ߘߐ߲߬ߞߟߌ߬ߟߊ߬ߟߊ߫ ߖߏ߰ߛߏ߬ߖߊ߰ߛߊ߬ߟߊ߫ ߋߟߌ߫ ߞߡߊߣߏ߫߸ ߊ߬ߟߋ ߡߍ߲ ߦߋ߫ ߣߊ߲߬ߕߌ߰ ߝߊ߲ߞߊ ߣߌ߲߬ ߡߊߓߎ߬ߙߎ߲߬ߕߎ߬ߟߊ߬ߓߊ ߘߏ߫ ߘߌ߫߸ ߏ߬ ߓߘߴߊ߬ ߟߊߕߍ߰ ߝߛߊߦߌ߫߸ ߞߏ߫ ߊ߬ ߡߐ߰ ߝߌ߬ߟߊ߬ ߓߘߊ߫ ߖߊ߬ߛߏ߲߫ ߊ߬ ߘߋ߲ ߠߎ߬ ߘߐ߫ ߊ߬ ߟߊ߫ ߟߎ ߡߊ߬ ߡߐ߰ ߢߡߊߛߘߌ߬ߣߍ߲ ߘߏ߫ ߟߎ߫ ߓߟߏ߫، ߊ߬ ߞߊ߬ ߖߙߊ߬ߞߌ߬ߟߌ ߢߍߛߌ߲߫ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߡߊ߬ ߌߞߘߐ߫.
ߊ߬ ߟߊ߫ ߖߌ߬ߦߊ߬ߖߟߎ߬ ߟߊߖߍ߲ߛߍ߲ ߘߏ߫ ߘߐ߫ ߊ߬ ߓߌ߬ ߞߊ߯ߙߌ ߣߌ߲߬ ߡߊ߬ ߂߀߂߅ ߣߍߣߍߓߊ ߕߟߋ߬ ߁߆ ߝߍߛߑߓߎߞ ߞߊ߲߬߸ ߖߌ߬ߣߍ߫ ߘߐ߲߬ߞߟߌ߬ߟߊ߬ߟߊ߫ ߋߟߌ߫ ߞߡߊߣߏ߫ ߞߊ߬ ߣߊ߲߬ߕߌ߰ ߝߊ߲ߞߊ ߢߌ߲߬ ߠߎ߬ ߡߊߝߌ߲߬، ߊ߬ ߞߵߊ߬ ߦߌ߬ߘߊ߬߬ ߞߏ߫ ߊ߬ ߘߋ߲߫ ߡߐ߰ ߛߊ߬ߓߊ߫ ߟߋ߬ ߥߊ߫ ߘߊ߫ ߕߵߊ߬ ߟߊ߫ ߟߎ ߞߣߐ߫ ߄ߙߋ߲ ߡߊ߬ ߞߐߣߊߞߙߌ߫߸ ߡߍ߲ ߘߐ߯ߡߊ߲߫ ߊ߬ߟߎ߬ ߓߍ߯ ߘߌ߫߸ ߊ߬ߟߎ߫ ߞߵߊ߬ߟߎ߬ ߓߟߏߓߐ߫ ߏ߬ ߘߐ߫ ߞߵߊ߬ ߟߊߞߐߛߊ߬ߦߌ߲߬ ߟߎ ߡߊ߬.
ߊ߬ ߞߵߊ߬ ߦߌ߬ߘߊ߬ ߞߏ߫: <<ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߒ ߘߋ߲ ߠߎ߬ ߖߊ߬ߛߏ߲߬ ߒ ߠߊ߫ ߟߎ ߡߊ߬ ߞߐߣߊߞߙߌ߫߸ ߄ߙߋ߲ ߡߊ߬، ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߌ߫ ߖߌ߯ߓߊ߫ ߖߊ߬ߞߌ߬ߕߋ߬.>> ߊ߬ ߞߵߏ߬ ߝߐ߫ ߡߐߣߍ ߣߌ߫ ߛߊ߬ߙߌ ߖߍ߬ߘߍ ߟߋ߬ ߘߐ߫، ߊ߬ ߟߊ߫ ߞߎߡߊ߫ ߘߐ߫߸ ߡߐ߰ ߢߊ߫ ߘߊߕߎ߲߯ߣߍ߲ ߠߎ߬ ߟߋ߬ ߣߊ߬ ߘߊ߫ ߘߏ߲߬ ߊ߬ ߟߊ߫ ߓߏ߲ ߞߣߐ߫߸ ߞߵߊ߬ ߟߊ߫ ߓߏ߲߫ ߞߣߐ߫ ߝߋ߲ ߠߎ߬ ߘߐߕߌߢߍ߫߸ ߞߵߊ߬ ߘߋ߲߫ ߞߎ߲߬ߝߟߐ߫ ߡߐ߰ ߝߌ߬ߟߊ߫ ߕߊ߬، ߘߐ߰ߡߊ߲ߣߍ߲߸ ߏ߬ ߟߊߞߐ߬ߛߊ߬ߦߌ߲߬ ߘߊ߫ ߟߎ ߡߊ߬، ߊ߬ߟߎ߫ ߡߊ߬ߞߏ ߕߍ߬ߘߍ߫ ߞߘߐ߬ߡߊ߬ߡߐ߰ߕߊ ߟߋ߬ ߟߊ߫߸ ߓߊ߬ߙߌ߬ ߘߐ߯ߞߍ ߞߵߊ߬ ߝߐ߫ ߞߏ߫ ߣߴߊ߬ ߞߘߐ߬ߞߍ߬ ߡߊ߫ ߓߌ߬ߟߊ߬߸ ߞߏ߫ ߊ߬ߟߋ ߝߣߊ߫ ߕߍ߫ ߖߌ߰ ߟߊ߫ ߡߎ߰ߡߍ߫، ߏ߬ ߟߋ ߞߵߊ߬ ߞߍ߫߸ ߊ߬ ߘߋ߲߫ ߡߐ߰ ߝߌ߬ߟߊ ߥߊ߫ ߘߊ߫ ߢߊ ߏ߬ ߡߊ߬.
ߋߟߌ߫ ߞߡߊߣߏ߫ ߡߍ߲ ߦߋ߫ ߣߌ߲߬߸ ߊ߬ ߕߍ߬ߘߍ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲ߠߊ ߟߋ߬ ߘߌ߫ ߞߘߐ߬ߡߊ߲߬߸ ߓߊ߬ߙߵߊ߬ߟߎ߬ ߟߊ߫ ߞߊ߬ߣߌ߲߬ ߓߘߊ߫ ߛߊ߬ ߞߊ߬ߦߌ߯ ߕߎ߬ߡߊ߬ ߖߊ߲߫، ߞߵߊ߬ ߕߊ߬ ߏ߬ ߟߋ ߡߊ߬ ߤߊ߲߯ ߕߋ߲߬߸ ߊ߬ ߓߘߊ߫ ߘߊ߲ߕߌߢߍߟߌ߫ ߛߌߦߊߡߊ߲߫ ߣߌ߫ ߡߊ߬ߓߎ߬ߙߎ߲߬ߕߟߌ߬ ߛߌߦߊߡߊ߲߫ ߠߋ߬ ߟߐ߬ ߖߌ߬ߣߍ߫ ߝߊ߰ߡߊ ߢߌ߲߬ ߠߎ߫ ߡߊ߬، ߊ߬ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߎߡߊ߫ ߘߐ߫ ߓߌ߬߸ ߞߏ߫ ߞߵߊ߬ ߘߋ߲ ߠߎ߬ ߓߌ߬ߟߊ߬ ߌߞߘߐߞߘߐߣߌ߲߬، ߣߴߊ߬ߟߎ߬ ߡߊ߫ ߓߌ߬ߟߊ߬߸ ߊ߬ ߞߍߕߐ߫ ߡߍ߲ ߞߍ߫ ߟߊ߫߸ ߊ߬ ߞߏ߬ߣߌ߲߬ ߡߴߏ߬ ߝߐ߫.
ߊ߬ ߞߵߊ߬ ߦߌ߬ߘߊ߬ ߞߏ߫ <<ߊߟߎ߫ ߦߋ߫ ߒ ߘߋ߲ ߠߎ߬ ߟߊߛߊ߬ߦߌ߲߫ ߊ߬ߟߎ߫ ߣߐ߭ ߘߐ߫߸ ߓߊߏ߬ ߊ߬ߟߎ߬ ߕߊ߫ ߛߌ߫ ߕߍ߫ ߒߠߋ ߟߊ߫ ߛߍ߬ߘߏ߲ ߘߐ߫، ߊߟߎ߫ ߣߐ߬ ߡߍ߲ ߞߍ߫ ߟߊ߫ ߕߐ߭ ߟߎ߬ ߟߊ߫߸ ߏ߬ ߕߍ߫ ߓߍ߲߬ ߒߠߋ ߓߘߊ ߘߋ߬.>> ߊ߬ ߞߵߏ߬ ߟߋ ߝߐ߫.
ߋߟߌ߫ ߞߡߊߣߏ߫ ߡߐߣߍߣߍ߲ ߠߊ߫ ߞߎߡߊ߫ ߘߐ߫߸ ߊ߬ ߞߊ߬ ߖߊ߬ߛߏ߲߬ߠߌ߲߬ ߞߘߐ ߘߏ߫ ߟߎ߫ ߞߏߝߐ߫߸ ߡߍ߲ ߠߎ߬ ߣߴߊ߬ ߕߊ ߣߌ߲߬ ߡߎߣߎ߲ߧߊߣߍ߲߫ ߢߐ߲߯ ߠߊ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߘߐ߯ߞߍ߫ ߞߟߍ߬ߡߐ߮ ߘߏ߫ ߓߘߊ߫ ߖߊ߬ߛߏ߲߬߸ ߓߊߟߌߟߊ߫ ߛߐ߬ߘߐ߲߬ ߝߊ ߝߣߊ߫ ߖߊ߬ߛߏ߲߬ߣߍ߲߫ ߏ߬ ߢߊ߫ ߞߋߟߋ߲ ߠߋ߬ ߡߊ߬ ߒߛߙߍߜߘߍ߬߸ ߏ߬ ߟߎ߬ ߡߍ߲ ߠߎ߬ ߦߋߣߍ߲߫ ߕߍ߫ ߤߊ߲߯ ߕߋ߲߬، ߊ߬ ߞߊ߬ ߣߊ߲߬ߕߌ߰ ߝߊ߲ߞߊ ߖߙߊ߬ߞߌ߬߸ ߞߏ߫ ߊ߬ߟߎ߬ ߓߘߊ߫ ߛߌߟߊ߲ ߠߊߘߏ߲߬ ߓߍ߯ ߖߛߎ߬ߞߎ߲ ߘߐ߫߸ ߞߊ߬ ߕߏ߫ ߓߊ߰ ߟߊ߫ ߡߐ߱ ߟߎ߬ ߟߊ߫ ߘߋ߲ߓߦߊ ߡߊ߬، <<ߊߟߎ߫ ߦߴߊ߬ ߞߊ߲߬ ߖߌ߬ߣߍ߬ ߞߍ߫ ߕߐ߲ߓߟߏߡߊ߫ ߖߡߊߣߊ ߘߌ߫.>>
ߞߎ߲߬ߠߊ߬ߛߌ߮ ߞߏ߬ߣߌ߲ ߡߊ߫ ߝߏߦߌ߬ ߝߐ߫ ߣߌ߲߬ ߞߏ ߞߊ߲߬ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.