ߞߊ߯ߙߌߟߏ߲ ߂߀߂߆ ߞߏ߲ߞߏߘߓߌ ߕߟߋ߬ ߁߂ ߡߊ߬߸ ߝߙߊߣߊ߫ ߣߌ߫ ߞߛߌ߬ߘߎ߰ ߛߌߟߊ ߞߊ߲߬߸ ߓߌ߬ߟߊ߬ߒ߬ߘߐ߬ߖߎ߮ ߟߋ߬ ߞߍ߫ ߘߊ߫ ߦߋ߲߬ ߞߊ߬ ߞߊ߲ߡߋߙߋ߲߫ ߡߐ߰ ߝߌ߬ߟߊ߬ ߕߏ߫ ߊ߬ ߘߐ߫، ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߔߏߔߏ ߘߏ߫ ߣߌ߫ ߝߊ߯ߞߊ߲ߓߋ߲ ߘߏ߫ ߟߋ߬ ߛߋߣߍ߲߫ ߢߐ߲߮ ߡߊ߬ ߡߙߎߟߌ߫ ߦߙߐ ߘߏ߫ ߘߐ߫.

ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍ߫ ߘߊ߫ ߝߙߏ߬ߘߎ߬ ߞߎߘߊ߫ ߂߲ ߠߋ߬ ߞߣߐ߫߸ ߞߎߘߍ߫ ߃ ߟߋ߬ ߦߋ߲߬ ߣߌ߫ ߓߊ߰ߢߊ߬ ߛߏߞߣߐߟߊ ߕߍ߫߸ ߝߙߊߣߊ߫ ߣߌ߫ ߞߛߌ߬ߘߎ߰ ߛߌߟߊ ߟߊ߫، ߒ߬ߓߊ߬߸ ߞߊ߲ߡߋߙߋ߲߫ ߡߐ߰ ߝߌ߬ߟߊ߫ ߟߋ߬ ߕߘߍ߬ ߔߏߔߏ ߞߊ߲߬ ߏ߬ ߘߐ߫߸ ߊ߬ߟߎ߬ ߥߊߕߐ߫ ߕߘߍ߬ ߟߐ߯ߟߐ߯ ߦߌߟߊ ߟߋ߬ ߘߐ߫ ߓߊ߰ߢߊ߬߸ ߊ߬ߟߎ߬ ߣߌ߫ ߝߊ߯ߞߊ߲ߓߋ߲ ߘߏ߫ ߞߵߊ߬ ߛߌ߰ ߢߐ߲߮ ߞߎ߲߬ ߦߋ߲߬.

ߔߏߔߏ ߞߊ߲߬ ߡߐ߯ ߝߌ߬ߟߊ߸ ߣߊߟߌ߬ߡߎ߲߫ ߊߟߑߛߋߣߌ߲߬ ߓߊߙߌ߫ ߣߌ߫ ߡߊߡߊߘߎ߬ ߓߊ ߘߌ߫߸ ߣߴߊ߬ߟߎ߬ ߓߍ߯ ߛߌ߬ߞߛߊߓߌ ߦߋ߫ ߛߊ߲߭ ߡߎ߬ߥߊ߲߬ ߣߌ߫ ߞߐ߫߸ ߊ߬ߟߎ߬ ߛߌ߫ ߡߊ߫ ߓߐ߫ ߊ߬ ߘߐ߫߸ ߊ߬ߟߎ߬ ߓߍ߯ ߕߏ߫ ߘߴߊ߬ ߘߐ߫ ߊ߬ߟߎ߫ ߣߐ߭ ߘߐ߫ ߦߋ߲߬ ߠߋ߬ ߌߞߘߐ߫߸ ߞߵߏ߬ ߞߎ߲߭ ߞߍ߫ ߊ߬ ߖߎ߯ߦߊ ߘߌ߫.

ߝߊ߰ߡߊ ߟߎ߬ ߟߊߟߐ߲ߠߌ߲ ߡߍ߲ ߞߍ߫ ߘߊ߫߸ ߞߟߍ߬ߡߐ߮ ߟߎ߬ ߣߌ߫ ߕߐ߲ߓߟߏߡߊ ߟߎ߬߸ ߏ߬ ߟߎ߬ ߕߊ߯ ߘߊ߫ ߞߣߍ ߞߊ߲߬ ߦߋ߲߬ ߌߞߘߐ߫߸ ߞߊ߬ ߟߊ߬ߞߙߐ߬ߛߌ߬ߟߌ߫ ߞߎ߲߬ߝߟߐ ߟߎ߬ ߞߍ߫، ߊ߲ ߛߋ߫ ߘߊ߫ ߟߌ߬ߤߟߊ ߡߍ߲ ߠߎ߬ ߛߐ߬ߘߐ߲߬ ߠߊ߫ ߦߋ߲߬ ߏ߬ ߘߐ߫߸ ߓߏ߬ߙߌ߬ ߞߏ߬ߖߎ߰ߦߊ ߟߋ߬ ߞߍߣߍ߲߫ ߘߌ߫ ߞߍ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߕߎ߬ߙߎ ߘߌ߫.

ߏ߬ ߥߊ߯ߕߌ ߟߊ߫߸ ߛߌߟߊ ߕߍ߰ ߘߊ߫ ߟߋ߬ ߝߊߦߌߘߊ߫߸ ߡߐ߰ ߝߌ߬ߟߊ ߢߌ߲߬ ߠߎ߫ ߛߎ߭ ߞߊ߬ ߕߎ߬ߡߊ߬ ߖߊ߲߫ ߞߍ߫ ߟߋ߬ ߛߌߟߊ ߝߍ߬ ߦߋ߲߬߸ ߦߊ߬ߣߌ߫ ߢߊ߫ ߢߌߣߌ߲ߕߐ߫ ߊ߬ߟߎ߬ ߟߊ߫ ߞߏ ߡߊ߬.

ߓߊ߰ߢߊ߫ ߘߊ߲ߘߊߟߌ߫ ߦߙߐ ߞߎ߲߬ߕߌ߮ ߟߊߟߐ߲ߠߌ߲ ߡߍ߲ ߞߍ߫ ߘߊ߫߸ ߊ߬ߟߋ ߡߍ߲ ߕߐ߯ ߞߏ߫ ߞߏ߲߬ߓߏ ߒߜ߭ߊߘߌ߫ ߛߎߡߊ߬߸ ߏ߬ ߞߊ߬ ߛߋ߲߬ߘߐ߬ߞߎߟߎ߲ ߠߊߥߟߌ߬߸ ߞߊ߬ ߕߊ߯ ߝߎ߬ߙߋ߬ߣߍ߲߫ ߝߌ߬ߟߊ ߕߊ߬ ߞߊ߬ ߥߴߊ߬ߟߎ߬ ߘߌ߫ ߝߙߊߣߊ߫، ߊ߬ߟߎ߬ ߘߌ߫ ߘߴߊ߬ߟߎ߬ ߟߊ߫ ߡߐ߱ ߟߎ߬ ߡߊ߬ ߏ߬ ߟߋ ߞߐ ߘߐ߫ ߡߎ߬ߕߎ߲߬ ߛߊ߫߸ ߖߐ߲߰ߛߴߊ߬ߟߎ߬ ߛߎ߭ ߘߌ߫ ߘߏ߲߬.