ߜ߭ߊߓߐ߲߫ ߓߘߊ߫ ߡߙߌߘߐ ߘߏ߫ ߕߊ߬ ߖߡߊ߬ߣߊ ߟߊ߫ ߛߐ߬ߘߐ߲ ߓߊ߯ߙߊ ߘߏ߫ ߟߎ߫ ߟߊߕߊ߲߬ߞߊ߲߬ ߞߊ߲ߡߊ߬، ߊ߬ߟߎ߬ ߞߊ߲߫ ߞߏ߫ ߡߙߌߘߐ ߏ߬ ߕߊ߬ߣߍ߲߫ ߖߡߊ߬ߣߊ ߘߋ߲ߡߌߛߍ߲ ߠߎ߬ ߣߴߊ߬ ߡߏ߬ߛߏ ߟߎ߫ ߟߋ߬ ߡߊߘߍ߬ߡߍ߲߬ ߞߊ߲ߡߊ߬߸ ߛߴߊ߬ߟߎ߬ ߘߌ߫ ߛߋ߫ ߞߍ߫ ߟߴߊ߬ߟߎ߫ ߖߘߍ߬ ߘߌ߫ ߓߊ߯ߙߊ ߘߏ߫ ߟߎ߫ ߘߐ߫߸ ߞߵߊ߬ߟߎ߬ ߟߊߝߙߍ߫ ߝߊ߲ߞߎߟߊ߲߫߸ ߞߊ߬ ߛߋ߫ ߕߐ߬ߣߐ߫ ߛߐ߬ߘߐ߲߬ ߠߴߊ߬ߟߎ߬ ߟߊ߫ ߓߊ߯ߙߊ ߘߐ߫.

ߜ߭ߊߓߐ߲߫ ߞߣߐ߫߸ ߣߊ߲߬ߝߟߏ߬ ߞߏ ߝߊ߰ߡߊ ߟߎ߬ ߓߘߊ߫ ߘߋ߲ߡߌߛߍ߲ ߠߎ߬ ߣߌ߫ ߡߏ߬ߛߏ ߟߎ߬ ߡߊߘߍ߬ߡߍ߲ ߡߙߌߘߐ ߘߏ߫ ߕߊ߬߸ ߞߏ߫ ߞߊ߲ߕߌ߮ ߡߙߌߦߊ ߦߴߏ߬ ߟߋ ߘߌ߫ ߖߡߊ߬ߣߊ ߞߣߐ߫، ߏ߬ ߟߋ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߝߊ߲߬ߞߊ ߘߌ߫ ߘߎ߰ߙߋ߲ ߠߎ߬ ߡߊ߬ ߞߏ߫ ߘߏ߫ ߟߎ߫ ߘߐ߫ ߡߎ߬ߕߎ߲߬߸ ߞߊ߬ ߛߋ߫ ߛߐ߬ߘߐ߲ ߞߍ߫ ߟߊ߫ ߖߡߊ߬ߣߊ ߞߣߐ߫. ߊ߬ߟߎ߬ ߟߊ߫ ߟߊ߬ߢߌߣߌ߲ ߦߋ߫ ߟߋ߬߸ ߓߊ߯ߙߊ ߡߍ߲ ߠߎ߬ ߛߐ߬ߘߐ߲ ߕߍ߫ ߢߊ ߏ߬ ߡߊ߬߸ ߞߵߏ߬ ߕߏ߫ ߘߎ߰ߙߋ߲ ߠߎ߬ ߘߐߙߐ߲߫ ߓߟߏ߫߸ ߞߊ߬ ߟߏ߲ߟߊ߲ ߠߎ߬ ߛߋ߲߬ߓߐ߫ ߏ߬ ߘߐ߫، ߣߌ߲߬ ߞߎߡߊ ߝߐ߫ ߘߴߊ߬ߟߎ߬ ߟߊ߫ ߞߏߕߌ߯ ߟߊߘߍ ߘߏ߫ ߟߋ߬ ߛߋ߲߭ߝߍ߬ ߞߊ߲ߕߌ߯ ߞߎߓߋ ߟߊ߫߸ ߞߏ߫ ߖߡߊ߬ߣߊ ߡߙߊ߬ߓߊ߮ ߟߎ߬ ߟߊ߫ ߖߊ߬ߕߋ߬ߘߐ߬ߛߌ߮ ߦߴߏ߬ ߟߋ ߘߌ߫߸ ߞߊ߬ ߛߋ߫ ߜ߭ߊߓߐ߲߫ ߠߊߛߓߊ߬ߕߌ߬ ߟߊ߫ ߢߊ߫ ߞߎߘߊ߫ ߡߊ߬.

ߒ߬ߓߊ߬߸ ߘߊ߲߬ ߓߘߊ߫ ߛߌ߰ ߟߏ߲ߟߊ߲ ߠߎ߬ ߟߊ߫ ߓߊ߯ߙߊ߫ ߞߍߕߊ ߘߏ߫ ߟߎ߫ ߟߊ߫ ߜ߭ߊߓߐ߲߫ ߞߣߐ߫ ߡߎ߬ߕߎ߲߬، ߊ߬ߟߎ߬ ߞߊ߲߫ ߞߏ߫ ߥߊߘߌ߫ ߟߊߕߊ߮ ߞߵߊ߬ ߛߐ߬ߘߐ߲߬ ߘߌ߬ߢߍ߬ߛߓߍ߬ ߕߴߌ ߓߟߏ߫߸ ߘߎ߰ߙߋ߲ ߠߎ߬ ߟߋ߬ ߘߐߙߐ߲߫ ߣߴߏ߬ ߞߊ߫ ߞߊ߲߫ ߡߎ߬ߕߎ߲߬، ߜߋߟߋ߲ߜߋߟߋ߲߫ ߘߐߓߍ߲߸ ߊ߬ ߣߌ߫ ߞߍߟߊ߲߫ ߡߌߛߍ߲ߣߍ߲ ߠߎ߬߸ ߏ߬ ߟߎ߬ ߓߘߊ߫ ߟߊߕߐ߲߫ ߟߏ߲ߟߊ߲ ߠߎ߬ ߡߊ߬، ߞߎ߲߬ߡߊ߬ߕߍ߮ ߣߌ߫ ߞߎ߲߬ߘߊ߲߸ ߊ߬ ߣߌ߫ ߡߊ߬ߢߍ߰ߙߍ߬ ߓߊ߰ߙߊ߬ ߡߌ߬ߛߍ߲߬ߣߍ߲ ߏ߬ ߘߏ߫ ߟߎ߫ ߛߌߟߊ ߝߍ߬߸ ߏ߬ ߟߎ߬ ߟߊߘߤߊ߬ߣߍ߲߫ ߘߎ߰ߙߋ߲ ߠߎ߬ ߟߋ߬ ߘߐߙߐ߲߫ ߦߋ߫ ߡߎ߬ߕߎ߲߬، ߘߊ߬ߡߊ߲߬ߛߋ߲߬ ߟߊߕߐ߲ߣߍ߲ ߠߎ߬߸ ߛߎ߬ߡߊ߲߬ ߛߌ ߟߎ߬ ߛߊ߲߭ ߢߐ߲߯ ߡߊ߬ ߢߊ ߏ߬ ߡߊ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߞߎ߲߬ ߕߍ߫߸ ߕߏ߲߬ߜߏ߬ ߘߐ߰ߡߊ߲߬ߣߍ߲ ߘߏ߫ ߓߊ߬߸ ߞߵߏ߬ ߟߊ߫ ߕߏߟߏ߲߫ ߕߙߏߞߏ ߘߏ߫ ߟߎ߫ ߞߊ߲߬ ߡߍ߲ ߠߎ߬ ߟߊߞߎ߲߬ߘߎ߬ߣߍ߲߬ ߕߍ߫ ߖߡߊ߬ߣߊ ߞߎ߲߬ߠߊ߬ߛߌ߮ ߓߟߏ߫߸ ߏ߬ ߟߎ߬ ߓߍ߯ ߓߘߊ߫ ߟߊߕߐ߲߫ ߟߏ߲ߟߊ߲ ߠߎ߬ ߡߊ߬ ߖߡߊ߬ߣߊ ߞߣߐ߫.

ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߊ߬ߟߎ߬ ߞߊ߲߫ ߞߏ߫ ߟߏߟߊ߲ ߠߎ߬ ߞߍ ߞߊ߬ ߓߊ߯ߙߊ ߘߏ߫ ߟߎ߫ ߞߍ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߏ߬ ߣߊ߬ ߟߊ߫ ߟߋ߬ ߓߊ߯ߙߘߊ ߟߊߕߐߘߐ߲߫ ߠߊ߫، ߏ߬ ߟߋ ߘߐ߫߸ ߞߏ߫ ߡߐ߰ ߛߌ߫ ߕߍ߫ ߜ߭ߊߓߐ߲ߞߊ߫ ߘߌ߫ ߡߎ߬ߕߎ߲߬߸ ߏ߬ ߟߎ߬ ߓߍ߯ ߞߊ߫ ߞߊ߲߫ ߞߊ߬ ߛߊ߬ߙߌ߬ߦߊ߬ ߝߐߣߍ߲ ߢߌ߲߬ ߠߋ߬ ߡߊߓߏ߲߬ߧߊ߬߸ ߊ߬ߟߎ߬ ߓߘߊ߫ ߥߊ߯ߕߌߣߍ߲߫ ߘߴߊ߬ ߞߍߓߊ߮ ߟߎ߫ ߡߊ߬، ߊ߬ߟߎ߬ ߞߊ߲߫ ߞߏ߫ ߣߌ߫ ߡߍ߲ ߠߎ߬ ߡߊ߫ ߛߋ߫ ߞߎߡߊ߫ ߝߐߣߍ߲ ߣߌ߲߬ ߡߊߓߏ߲߬ߧߊ߬ ߟߊ߫߸ ߞߏ߫ ߘߌ߫ ߟߊߕߐ߲߫ ߏ߬ ߟߎ߬ ߟߊ߫ ߢߊ߫ ߡߊ߬߸ ߊ߬ߟߎ߬ ߣߌ߫ ߡߍ߲ ߞߊ߫ ߞߊ߲߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.