ߖߌ߬ߣߍ߬ ߜߍߞߊ߲ߠߊ ߘߌ߲߬ߞߌߙߊ ߡߍ߲ ߦߋ߫ ߣߌ߲߬߸ ߊ߬ ߘߎ߰ߘߋ߲ ߠߎ߬ ߛߊ߲߬ ߦߙߌߞߊ ߟߋ߬ ߛߌ߱ ߘߐ߫ ߕߋ߲߬߸ ߞߎ߲߬ߠߊ߬ߛߌ߮ ߟߎ߬ ߡߊߞߐ߬ߣߐ߲ ߠߊ߫߸ ߛߴߊ߬ߟߎ߬ ߟߊ߫ ߛߌߟߊ ߘߌ߫ ߘߐߓߍ߲߬߸ ߞߊ߬ ߓߊ߲߫ ߞߵߊ߬ߟߎ߬ ߡߊߘߍ߬ߡߍ߲߫ ߊ߬ߟߎ߬ ߟߊ߫ ߕߌ߲ߓߌߘߌ߲ߘߊ ߟߐ߭ ߟߊ߫.

ߞߎߘߍ߫ ߃߅ ߟߋ߬ ߜߙߋߘߎ߯ ߓߙߊߣߡߊ߬ ߣߌ߫ ߞߊ߲ߞߊ߲߫ ߞߊ߬ߝߏ߬ߙߋ߲ ߕߍ߫߸ ߊ߬ ߛߌߟߊ ߖߎ߯ߡߊ߲߫ ߠߋ߬ ߢߊ ߓߍ߯ ߡߊ߬، ߕߍߞߎߘߎ߲ ߡߍ߲ ߦߋ߫ ߜߙߋߘߎ߯ ߓߙߊߣߡߊ߬ ߛߏ߫ ߞߣߐߟߊ ߣߌ߫ ߞߊ߲ߞߊ߲߫ ߕߍ߫߸ ߣߴߊ߬ ߖߊ߲߰ߧߊ ߦߋ߫ ߞߎߘߍ߫ ߃߅ ߢߐ߲߰ ߘߌ߫߸ ߏ߬ ߕߌߢߍ ߓߘߊ߫ ߞߍ߫ ߕߙߎ߬ ߘߌ߫ ߝߏ߫ ߡߐ߱ ߘߌ߫ ߛߋ߫ ߕߎ߬ߡߊ߬ߙߋ߲߫ ߝߌ߬ߟߊ ߞߍ߫ ߟߊ߫ ߛߌߟߊ ߣߌ߲߬ ߓߏ߬ߙߌ ߞߊ߲߬، ߞߵߊ߬ ߕߊ߬ ߖߘߍ߬ߕߌ߰ߦߊ ߕߎ߬ߡߊ ߡߊ߬ ߤߊ߲߯ ߕߋ߲߬߸ ߘߐ߬ߓߍ߲߬ߠߌ߲߬ ߝߏߦߌ߬ ߡߊ߫ ߞߍ߫ ߛߌߟߊ ߢߌ߲߬ ߠߊ߫ ߞߏ ߘߐ߫ ߡߎߣߎ߲߬߸ ߡߐ߰ ߘߌ߫ ߛߍߥߊ߫ ߡߍ߲ ߠߊ߫߸ ߊ߬ ߞߊ߲߬ ߓߏ߬ߙߌ߬ߟߊ ߟߎ߬ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬، ߝߏ߫ ߛߊ߲߭ ߂߀߀߀ ߝߊ߲߬ߝߍ߬ߟߊ ߟߋ߬ ߘߐ߫߸ ߞߐߙߐ߲ߘߌ߫ ߖߊߕߋߘߐߛߌ߮ ߞߊ߬ ߛߌߟߊ߫ ߡߛߊ ߡߍ߲ ߞߍ߫߸ ߏ߬ ߟߎ߫ ߞߵߊ߬ߟߎ߬ ߢߊ ߟߐ߬ ߦߋ߲߬ ߘߐ߫ ߞߵߊ߬ ߛߌߟߊ ߛߊ߫ ߣߍ߲ߞߍ߫، ߞߵߊ߬ ߕߊ߬ ߏ߬ ߡߊ߬ ߤߊ߲߯ ߕߋ߲߬߸ ߘߏ߫ ߜߘߍ߫ ߡߊ߫ ߞߍ߫ ߏ߬ ߞߐ߫.

ߓߌ߲ߕߎ߫ ߡߎߛߊ߫ ߞߙߏ߬ߡߊ߬ ߡߍ߲ ߦߋ߫ ߜߙߋߘߎ߯ ߓߙߊߣߡߊ߬ ߁߭ ߘߎ߰ߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ <<ߞߵߊ߬ ߕߊ߬ ߒ߬ߠߎ߬ ߢߊ߫ ߟߊߞߌ߬ߦߊ ߡߊ߬ ߤߊ߲߯ ߕߋ߲߬߸ ߊ߲ ߢߊ ߡߊ߫ ߛߙߋߦߊ߫ ߕߙߏ߬ߞߏ߬ ߝߏߦߌ߬ ߡߊ߬ ߛߌߟߊ ߣߌ߲߬ ߞߊ߲߬ ߡߎߣߎ߲߬ ߞߵߊ߬ ߘߐߓߍ߲߬.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߘߋ߲ߡߌߛߍ߲ ߠ߬ߎ ߞߏ߬ߣߌ߲ ߝߏ߬ߕߊ ߟߋ߬߸ ߊ߬ ߕߌ߯ߕߌ߯ ߞߕߊ߬ߞߕߊ߬ߣߍ߲߬ ߓߏ߬ߙߌ߬ߟߊ ߟߎ߬߸ ߏ߬ ߟߎ߬ ߡߍ߲ ߠߎ߬ ߦߋ߫ ߕߊ߯ ߟߊ߫ ߞߓߊ ߕߊ߬ ߟߴߊ߬ߟߎ߫ ߖߘߍ߬ ߦߋ߫ ߞߊ߬ ߣߵߊ߬ ߞߍ߫ ߛߌߟߊ ߦߙߐ߫ ߕߌߢߍߣߍ߲ ߠߎ߬ ߘߐ߫߸ ߏ߬ ߡߍ߲ ߕߍ߫ ߞߏ߫ ߘߏ߰ߣߍ߲߬ ߘߌ߫߸ ߣߴߌ ߦߋ߫ ߛߌߟߊ ߏ߬ ߞߊ߲߬.

ߟߊ߬ߓߏ߬ߙߟߌ߬ߟߊ ߘߏ߫߸ ߞߏ߫ ߊߘߡߊ߫ ߞߡߊ߬ߙߊ߬߸ ߏ߬ ߛߊ߲߬ ߁߅ ߟߋ߬ ߛߌߟߊ ߏ߬ ߞߊ߲߬ ߕߋ߲߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߘߏ߬ߣߌ߲ ߡߍ߲ ߦߴߊ߬ߟߎ߫ ߞߎ߲߬ ߛߌߟߊ ߣߌ߲߬ ߞߊ߲߬߸ ߊߟߊ߫ ߞߋߟߋ߲߫ ߠߋ߬ ߞߵߏ߬ ߟߐ߲߫: <<ߛߊ߬ߡߊ ߓߊ߯ ߘߏ߲߬߸ ߊ߲ߠߎ߬ ߦߋ߫ ߓߏ߬ߙߌ߬ ߟߊ߫ ߞߐ߲߬ߡߘߊ߬ ߝߙߋ߬ߟߊ ߟߎ߫ ߟߋ߬ ߦߋ߫ ߛߍߣߍ߲߬، ߒ ߓߘߊ߫ ߒ ߠߊ߫ ߅߀߀ ߀߀߀ ߞߐ߲ߡߘߊ ߡߊߝߊ߬ߟߋ߲߫ ߛߋ߲߬ߢߊ߬ ߣߊ߯ߣߌ߲߫ ߛߊ߬ߡߊ ߢߌ߲߬ ߘߐ߫.>> ߟߊ߬ߓߏ߬ߙߟߌ߬ߟߊ ߟߋ߬ ߞߊ߲߫ ߕߋ߲߬.

ߛߌߟߊ߫ ߞߏ߫ ߜߟߍߦߊ ߣߌ߲߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߜߙߋߘߎ߯ ߓߙߊߣߡߊߞߊ ߟߎ߬ ߦߋ߫ ߞߊ߬ߛߌ߬ ߟߊ߫ ߞߏ߫ ߜߘߍ߫ ߝߣߊ߫ ߞߐ߫ ߓߌ߬߸ ߏ߬ ߟߋ ߊ߬ߟߎ߬ ߟߊ߫ ߕߌ߲ߓߌߘߌ߲ߘߓߊ ߘߐߓߍ߲߬ ߞߏ ߘߌ߫، ߏ߬ ߡߍ߲ ߓߘߊ߫ ߞߘߐ߬ߦߊ߫ ߝߏ߫ ߊ߬ ߘߌ߫ ߛߊ߲߬ ߄߅ ߢߐ߲߰ ߓߐ߫، ߊ߬ ߟߐ߬ ߘߊ߫ ߓߙߊߣߡߊߞߊ ߟߎ߫ߎ ߖߍ߬ߘߍ ߟߋ߬ ߓߟߏ߫ ߊ߬ߟߎ߬ ߞߐߞߟߏ ߟߊ߫߸ ߣߊ߲߬ߝߟߏ ߡߊ߫ ߓߐ߫ ߞߐߞߊ߲߫ ߦߙߐ߫ ߛߌ߫ ߘߐ߫ ߞߊ߬ ߣߊ߬، <<ߊ߲ ߓߋ߲ߓߊ ߟߎ߫ ߟߋ߬ ߞߊ߬ ߦߊ߲߬ ߟߐ߬ ߊ߬ߟߎ߬ ߞߐߞߟߏ ߟߊ߫߸ ߞߊ߬ ߛߍ߬ߣߍ ߞߍ߫߸ ߞߊ߬ ߛߋ߫ ߡߌ߬ߛߙߌ ߣߌ߲߬ ߟߐ߬ ߟߊ߫، ߓߌ߬߸ ߊ߲ ߧߋ߫ ߞߟߌߟߌ ߟߋ߬ ߟߐ߬ ߟߊ߫ ߞߎ߲߬ߠߊ߬ߛߌ߮ ߟߎ߫ ߡߊ߬߸ ߞߏߟߊߘߍ ߟߎ߫ ߡߊ߬߸ ߘߍ߬ߞߙߎ ߟߎ߫ ߡߊ߬߸ ߛߊ߫ ߡߙߌߛߙߌ ߣߌ߲߬ ߘߌ߫ ߓߐ߫ ߝߊ߬ߘߌ ߣߌ߲߬ ߘߐ߫.>> ߏ߬ ߝߐ߫ ߘߊ߫ ߝߊ߲ߕߊ߫ ߛߋߞߎ ߞߐ߲ߘߍ߫ ߟߋ߬ ߓߟߏ߫߸ ߊ߬ߟߋ ߡߍ߲ ߦߋ߫ ߜߙߋߘߎ߯ ߓߙߊߣߡߊ߬ ߄߲ ߘߎ߰ߕߌ߮ ߘߌ߫.

ߢߍߓߊ߯ ߟߊ߱ߖߌ߬ ߡߎߛߊ߫ ߞߐ߲ߘߍ߫ ߝߣߊ߫ ߞߵߊ߬ ߦߌ߬ߘߊ߬ ߌߞߐ߫: <<ߘߎߢߊ߫ ߓߊ߯ ߦߟߍ߬ߡߊ߲߬߸ ߝߏ߫ ߞߊ߬ ߓߟߏ ߘߐߛߌ߰ ߛߋߕߌ߮ ߟߎ߫ ߟߋ߬ ߦߋ߫.>> ߣߴߌ ߘߏ߲߬ ߞߊ߬ ߛߐ߯ߣߊ߫ ߡߊ߲ߖߊ߲߫ ߛߘߌ߬ߓߋ߬ ߝߣߊ߫ ߟߊ߫ ߞߎߡߊ ߘߐߜߍ߫߸ ߏ߬ ߡߍ߲ ߦߋ߫ ߜߙߋߘߎ߯ ߓߙߊߣߡߊ߬ ߂߲ ߘߎ߰ߕߌ߮ ߘߌ߫߸ ߏ߬ ߤߊߡߌ߲ߣߍ߲߫ ߊ߬ߟߎ߬ ߟߊ߫ ߛߏ ߡߊ߲߬ߞߕߎ ߘߌ߫ ߞߏߛߓߍ߫: <<ߊ߲ ߧߋ߫ ߡߊ߬ߟߏ߬ߦߊ߬ ߟߊ߫ ߟߋ߬ ߊ߲ ߖߘߍ߬ ߘߌ߫ ߡߌ߬ߛߙߌ ߣߌ߲߬ ߞߣߐ߫ ߦߊ߲߬߸ ߊ߬ ߖߍ߬ߘߍ߫ ߝߊ߲߭ ߣߌ߫ ߡߐ߰ߓߊ ߘߏ߫ ߣߊ߬ ߘߊ߫߸ ߝߏ߫ ߣߴߌ ߕߏ߫ ߘߊ߫ ߞߐߝߍ߬߸ ߤߊߞߍߕߏ߫ ߡߌ߬ߛߙߌ ߦߋߝߊߘߌ ߘߌ߫ ߡߐ߰ ߞߎ߲߬ߡߊߖߌ߰.>>

ߒ߬ߓߊ߬߸ ߞߏ߫ ߝߌ߬ߟߊ ߢߌ߲߬ ߠߎ߫ ߟߋ߬ ߤߊߡߌ߲ ߦߋ߫ ߜߙߋߘߎ߯ ߓߙߊߣߡߊߞߊ ߟߎ߬ ߟߊ߫ ߕߋ߲߬، ߊ߬ ߞߏ߬ߣߌ߲߸ ߊ߬ߟߎ߫ ߛߌ߰ߣߍ߲߬ ߕߍ߫ ߣߌ߲߬ ߞߏ ߘߊ ߝߍ߬ ߘߋ߬، ߊ߬ߟߎ߬ ߓߘߊ߫ ߓߋ߭ ߕߋ߬ ߛߏ ߛߌ߰ߓߊ߮ ߟߎ߬ ߞߘߐ߫߸ ߛߊ߫ ߛߏ ߖߍ߬ߘߍ ߘߌ߫ ߛߋ߫߫ ߘߏ߫ ߞߍ߫ ߟߊ߫ ߡߎߣߎ߲߬߸ ߞߊ߬ ߞߐ߲߰ ߡߊ߬ߘߍ߬ߡߍ߲߬ߠߌ߲߬ߠߊ ߟߎ߬ ߣߊ߭ ߢߍ߫، ߏ߬ ߟߋ ߘߐ߫߸ ߊ߬ߟߎ߬ ߦߟߌ߫ ߦߴߊ߬ ߟߊ߫߸ ߞߏ߫ ߞߎ߲߬ߠߊ߬ߛߌ߮ ߡߊ߫ ߢߌ߬ߣߴߊ߬ߟߎ߬ ߞߐ߫߸ ߢߊ ߘߌ߫ ߟߐ߬ ߊ߬ߟߎ߬ ߘߐ߫، ߊ߬ ߞߏ߬ߣߌ߲߸ ߊ߲ ߧߋ߫ ߞߎߡߊ ߣߌ߲߬ ߝߐ ߞߊ߲߬ ߦߙߐ ߡߍ߲ ߘߐ߫ ߣߌ߲߬߸ ߘߍ߬ߡߍ߲߬ߠߌ߲߬ ߝߏߦߌ߬ ߡߊ߫ ߛߴߊ߬ߟߎ߫ ߡߊ߬ ߝߟߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߣߌ߫ ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫