ߡߊ߬ߡߌ߬ߘߊ߬ߟߌ߬ ߟߊ߬ߘߏ߲ ߞߎ߲߬ߝߊ߮ ߦߋ߫ ߛߎ߬ߘߎ߲߬ߧߊ ߞߊ߲߬߸ ߞߊ߲ߕߌ߮ ߘߏ߲߬ ߡߊߞߎ߲߬ߣߍ߲߬ ߡߎߣߎ߲߬ ߜߘߎ߫، ߒ߬ߓߊ߬߸ ߞߏߕߌ߯ ߝߟߐ ߓߘߊ߫ ߖߌ߰ߡߝߊ߬ߣߍ߲߬ ߘߌ߫ ߖߊ߬ߡߊ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߘߎ߲߬ߓߎߦߊ߬ ߓߍߣߊ߬ ߞߎߡߊ߫߸ ߤߊߟߵߊ߬ ߕߍ߫ ߡߍ߲߫.
ߣߍߣߍߓߊ ߕߋ߬ߟߋ߫ ߃ ߦߋ߫ ߛߎ߬ߘߎ߲߬ߧߊ ߟߋ߬ ߞߊ߲߬ ߜߐߞߎ߫߸ ߏ߬ ߡߍ߲ ߦߋ߫ ߞߊ߲ߕߌ߯ ߢߣߊߕߊߟߌ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߟߊ߫ ߡߊ߬ߡߌ߬ߘߊ߬ߟߌ߬ ߟߊ߬ߘߏ߲ ߞߎ߲߬ߝߊ߮ ߘߌ߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߞߊ߲ߕߌ߯ ߢߣߊߕߊߟߌ ߘߐ߫، ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߍ߲ ߣߊ߬ ߘߊ߫ ߖߡߊ߬ߣߊ ߞߎ߲߬ߠߊ߫ ߞߊ߬ߦߌ߯ ߂߀߂߁ ߕߎߟߊߝߌ߲ ߕߟߋ߬ ߅ ߡߊ߬߸ ߊ߬ߟߋ ߡߊ߫ ߝߏߦߌ߬ ߟߋ߬ ߝߐ߫ ߡߎߣߎ߲߬߸ ߊ߬ ߘߌ߫ ߓߐ߫ ߞߊ߲ߕߌ߯ߦߊ ߞߐ߫ ߥߟߴߊ߬ ߕߍ߫ ߓߐ߫߸ ߊ߬ ߞߎߡߊ ߓߘߊ߫ ߜߊ߬ ߝߊ߲߭ ߓߍ߯ ߘߐ߫ ߞߎߚߎߕߎߕߎ߫߸ ߓߊ߬ߙߵߊ߬ߟߋ ߡߊߞߎ߲߬ߣߍ߲߬ ߡߎߣߎ߲߬ ߜߘߎ߫، ߏ߬ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߣߊ߬ ߕߡߊ߬ߖߌ ߘߌ߫ ߡߐ߱ ߟߎ߬ ߘߐ߫߸ ߊ߬ ߘߌ߫ ߓߐ ߣߴߊ߬ ߕߍ߫ ߓߐ ߞߊ߲߬.
ߌ ߓߊ߯ ߖߌ߬ߣߍ߬ ߡߊߝߟߍ߫ ߓߌ߬߸ ߊ߬ ߛߌߟߊ߫ ߞߊ߲ߠߊ ߟߎ߬ ߓߘߊ߫ ߞߎߡߊ߫߸ ߓߟߐߟߐ ߝߊ߲߭ ߓߍ߯ ߓߘߊ߫ ߟߊߝߌ߲߬߸ ߝߊߦߌߘߊ߫ ߓߙߊߡߊߖߊ߲ߓߊ߲ ߓߘߊ߫ ߖߎ߭ߛߌ߰ ߖߡߊ߬ߣߊ ߞߣߐ߫߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߟߌ ߦߴߌߘߐ߫ ߓߍ߯ ߓߟߏ߫ ߞߏ߫ ߝߏ߫ ߊ߬ ߦߋ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߟߋ߬ ߘߌߦߊߜߏߦߊ ߟߊ߫، ߤߊߟߌ߬ ߓߌ߬ ߞߊ߯ߙߌ ߣߌ߲߬ ߡߊ߬߸ ߞߊ߲ߞߊ߲ߞߊ ߟߎ߬ ߓߐ߫ ߘߊ߫ ߟߋ߬߸ ߏ߬ ߟߎ߬ ߡߍ߲ ߠߎ߬ ߓߘߊ߫ ߥߟߎ߬ߡߊ߬ ߞߋߟߋ߲߫ ߘߴߊ߬ ߡߊ߬߸ ߞߏ߫ ߞߵߊ߬ ߟߊ߫ ߞߎ߲߬ߞߘߐ߬ߛߌ߰ ߥߊߘߌ ߛߙߊ߬، ߊ߬ ߞߊ߬ߣߌ߲߬ߒ߬ߕߋ ߦߋ߫ ߝߊ߲߬ ߛߌ߫߸ ߓߍ߯ ߓߘߴߊ߬ ߥߊ߬ߣߌ߲߬ߞߋ ߦߌ߬ߘߊ߬߸ ߞߏ߫ ߝߏ߫ ߊ߬ ߦߋ߫ ߓߐ߫ ߟߋ߬߸ ߓߊߏ߬ ߡߐ߰ ߜߘߍ߫ ߕߴߦߋ߲߬ ߣߴߊ߬ߟߋ߬ ߕߍ߫، ߛߊߣߌ߲߫ ߖߎߟߊ ߟߎ߬ ߟߊ߫ ߘߍ߬ߞߙߎ ߘߏ߲߬ߖߟߎ߬ߡߊ߬ߘߊ ߡߍ߲ ߦߋ߫ ߞߊ߲ߞߊ߲߫߸ ߣߴߊ߬ ߘߏ߲߬ߖߟߎ߬ߡߊ߬ߟߌ߬ߟߊ ߦߋ߫ ߛߋ߭ߘߎ߬ ߞߡߊ߬ߙߊ߬߬ ߘߌ߫߸ ߏ߬ ߟߎ߬ ߓߍ߯ ߞߵߊ߬ ߦߌ߬ߘߊ߫ ߟߋ߬ ߓߌ߬ ߞߏ߫ ߣߌ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߊ߫ ߓߐ߫ ߢߣߊߕߊߟߌ ߡߊ߬ߡߌ߬ߘߊ߬ߟߌ ߘߐ߫߸ ߞߏ߫ ߊ߬ߟߎ߬ ߡߴߊ߬ ߞߍߢߊ߫ ߟߐ߲߫.
ߒ߬ߓߊ߬߸ ߖߊ߬ߡߊ ߟߊ߫ ߞߟߌߟߌ ߣߌ߲߬ ߞߏߛߐ߲߬߸ ߞߏߕߌ߯ ߝߟߐ߫ ߊߡߊߘߎ߫ ߎ߯ߙߌ߬ ߓߊ ߓߘߊ߫ ߞߎߡߊ߫، ߊ߬ ߞߵߊ߬ ߕߏ߫ ߓߐߒߡߊߟߌ ߟߊ߫ ߝߙߊߣߊ߫ ߟߋ߬߸ ߞߵߊ߬ ߦߌ߬ߘߊ߬ ߞߏ߫: <<ߊߟߴߊߟߎ߫ ߡߎ߬ߢߎ߲߬ ߣߍ߲ߞߍ߫߸ ߗߍ߬ߓߊ ߖߘߍ߬ߓߊ߬ߞߎ߲ ߓߍߣߵߊߟߎ߫ ߖߋ߬ߓߌ߬ ߟߏ߲߫ ߣߊ߬ߕߐ ߟߎ߬ ߘߐ߫.>>
ߊ߬ ߟߊ߫ ߞߎߡߊ ߡߍ߲ ߏ߬ ߘߌ߫߸ ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ ߣߐ߬ ߊ߬ ߝߐ߫ ߟߊ߫ ߦߟߌߡߊߟߐ ߟߋ߬ ߘߐ߫߸ ߓߊ߬ߙߵߊ߬ ߞߏ߬ߣߌ߲ ߓߘߊ߫ ߤߊ߲ߞߟߌߡߊ ߘߏ߫ ߟߎ߫ ߦߟߌ ߟߊߞߊ߬، ߓߊߏ߬߸ ߛߌߞߊ ߟߋ߬ ߥߙߊ߬ߣߍ߲߬ ߓߍ߯ ߘߐ߫ ߕߋ߲߬߸ ߝߏ߫ ߘߎ߲߬ߓߎߦߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߣߌ߲߬ ߓߘߊ߫ ߞߍ߫ ߡߎ߬ߕߎ߲߬ ߦߏ߫ ߓߙߊߡߊߖߊ߲ߓߊ߲ ߠߋ߬ ߦߴߌߘߐ߫، ߓߍ߯ ߞߏ߬ߣߌ߲ ߦߋ߫ ߞߊ߲ߕߌ߮ ߟߊ߫ ߞߎߡߊ ߟߋ߬ ߘߐߙߐ߲߫ ߡߊߞߐ߬ߣߐ߲ ߞߊ߲߬ ߡߎ߬ߕߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.