ߊߟߎ߫ ߓߍ߯ ߟߊߘߍ߬ߣߍ߲ ߦߴߊ߬ ߞߊ߬ߟߊߡߊ߬ ߞߏ߫ ߟߊ߬ߝߐ߬ߓߊ߰ ߓߛߌߞߌ ߘߏ߫ ߞߊ߬ ߞߎߣߎ߲߬ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߅ ߟߋ߬ ߝߐ߫ ߘߎߢߊ߫ ߟߊߓߊ߲߫ ߞߏ ߘߐ߫، ߌߞߏߡߌ߲߬ ߏ߬ ߞߏ ߡߊ߫ ߓߐ߫ ߛߍߣߍ߲߬ ߛߊ߫، ߒ߬ߓߊ߬߸ ߜ߭ߊ߯ߣߞߊ ߟߎ߬ ߟߊ߫ ߣߏߍߟ ߢߊ߰ߢߊ߮ ߛߋ߲߭ߝߍ߬ ߏ߬ ߘߐ߫߸ ߓߌ߬ߟߊ߬ߒ߬ߘߐ ߘߏ߫ ߟߎ߫ ߓߌ߬ߟߊ߬ ߘߴߊ߬ ߘߐ߫߸ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߓߟߏߝߋ߲ ߘߏ߫ ߟߎ߫ ߘߐߕߌߢߍ߫، ߞߵߏ߬ ߞߎ߲߭ ߞߍ߫ ߗߍ߭ ߟߊ߫ ߞߊ߬ߙߏ߲߬ߕߍ߰ ߞߎߡߊ ߟߎ߬ ߥߊ߬ߙߊ ߘߌ߫ ߡߐ߰ ߛߌߦߊߡߊ߲߫ ߡߊ߬߸ ߝߏ߫ ߘߏ߫ ߟߎ߫ ߕߎ߲߬ ߓߘߊ߫ ߟߴߊ߬ ߟߊ߫ ߘߍ߲߬ߞߣߍ߬ߦߊ߬ ߓߟߏ ߡߊ߬ ߝߋߎ߫، ߊ߬ ߞߎߡߊ ߘߏ߲߬ ߛߌߦߊߦߊ߫ ߘߊ߫ ߘߍ߬ߞߙߏߝߏ ߟߎ߬ ߞߊ߲߬ ߓߊߟߋ߬.

ߌߞߏߡߌ߲߬ ߟߊ߬ߝߐ߬ ߞߊ߲ ߘߏ߫ ߕߎ߲߬ ߓߘߊ߫ ߝߐ߫ <<ߟߊ߬ߝߐ߬ߓߊ߰>> ߓߛߌߞߌ ߘߏ߫ ߓߟߏ߫ ߘߎߢߊ߫ ߟߊߓߊ߲߫ ߞߏ ߘߐ߫߸ ߏ߬ ߡߊ߫ ߛߋ߫ ߛߌߟߊ߫ ߛߐ߬ߘߐ߲߬ ߠߊ߫ ߓߏ߲߬، ߒ߬ߓߊ߬߸ ߋߓߏ߫ ߣߏ߬ߥߊ ߟߊ߫ ߞߎߡߊ ߏ߬ ߟߋ ߣߐ߬ ߡߐ߱ ߟߎ߬ ߟߊߡߐߣߍ߫ ߟߴߊ߬ߟߎ߫ ߘߌ߲߬ߞߌߙߊ ߘߐ߫߸ ߊ߲ ߓߟߏ ߛߋ߫ ߘߊ߫ ߟߊ߫ ߟߊ߫ ߡߍ߲ ߖߌ߬ߦߊ߬ߖߟߎ ߘߐ߫، ߞߊ߬ߕߎ߲߯߸ ߊ߬ ߝߐ ߡߍ߲ ߞߍ߫ ߘߊ߫ ߞߊ߲ߡߋߙߋ߲ ߣߌ߲߬ ߓߟߏ߫ ߞߏ߫ ߘߎߢߊ߫ ߘߌ߫ ߓߊ߲߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߅ ߣߌ߲߬ ߡߊ߬߸ ߊ߬ ߕߘߍ߬ ߏ߬ ߝߐ߫ ߟߊ߫ ߞߵߊ߬ ߕߏ߫ ߞߎߟߎ߲ ߘߏ߫ ߟߋ߬ ߘߊߝߍ߬ ߛߐ߲߬߸ ߓߍ߯ ߕߘߍ߬ ߡߍ߲ ߖߌ߰ ߟߴߊ߬ ߕߊ ߣߴߊ߬ ߟߊ߫ ߓߊ߯ߙߊߣߐ ߘߌ߫، ߒ߬ߓߊ߬߸ ߡߐ߱ ߟߎ߬ ߥߊߣߍ߲߫ ߕߊ ߛߎ߫ ߟߴߏ߬ ߟߋ ߟߊ߫߸ ߞߵߊ߬ ߖߋ߬ߣߌ߲߬.

ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߘߍ߬ߞߙߏߝߏ ߟߎ߬ ߞߊ߲߬߸ ߗߍ߭ ߘߏ߫ ߟߋ߬ ߡߐߣߍߣߍ߲߫߸ ߞߊ߬ ߥߊ߫ ߕߊ ߛߎ߫ ߞߎߟߎ߲ ߏ߬ ߟߊ߫، ߓߊߏ߬߸ ߊ߰ ߞߍ߫ ߊ߬ߟߋ ߢߣߊ߫߸ ߞߏ߫ ߣߏ߬ߥߊ ߕߊ ߟߋ߬ ߞߎߟߎ߲ ߏ߬ ߘߌ߫، ߞߊ߬ߕߎ߲߯߸ ߊ߬ ߕߘߍ߬ ߝߐ߫ ߟߊ߫ ߞߏ߫ ߣߏ߬ߥߊ ߦߴߊ߬ ߝߍ߬ ߘߎߢߊ߫ ߟߊߓߊ߲ ߓߊ߯ ߛߋ߫߸ ߊ߬ ߦߴߊ߬ ߟߊߓߊ߬ߕߏ߬ߓߊ߮ ߟߎ߬ ߞߊ߲ߘߊ߫ ߞߎߟߎ߲ ߏ߬ ߟߋ ߞߣߐ߫، ߒ߬ߓߊ߬߸ ߌߞߏߡߌ߲߬ ߗߍ߭ ߣߌ߲߬ ߘߍ߲߬ߞߣߍ߬ߦߊ߬ ߘߊ߫ ߣߏ߬ߥߊ ߟߊ߫ ߞߎߡߊ ߏ߬ ߡߊ߬߸ ߊ߬ ߝߣߊ߫ ߞߵߊ߬ ߟߊ߫ ߘߋ߲ߓߦߊ ߡߎ߰ߡߍ ߟߊߘߍ߬߸ ߊ߬ ߘߋ߲ ߣߴߊ߬ ߡߏ߬ߛߏ ߟߎ߬߸ ߞߊ߬ ߥߴߊ߬ߟߎ߬ ߡߝߊ߫ ߞߎߟߎ߲ ߏ߬ ߘߊߝߍ߬߸ ߞߏ߫ ߛߊ߫ ߘߎߢߊ߫ ߟߊߓߊ߲߫ ߟߏ߲߸ ߊ߬ߟߎ߬ ߦߋ߫ ߦߟߍ߬ ߞߎߟߎ߲ ߏ߬ ߞߣߐ߫ ߞߵߊ߬ߟߎ߬ ߞߊ߲ߘߊ߫.

ߞߎߣߎ߲߬ ߛߋ ߏ߬ ߘߐ߫߸ ߞߌ߬ߛߍ߬ ߡߊ߫ ߦߋ߫ ߖߓߊ߬ ߘߐ߫߸ ߞߓߊߞߏ߫ ߞߎߡߊ ߡߊ߫ ߞߍ߫ ߕߎ߬ߢߊ߬ ߘߌ߫، ߗߍ߭ ߝߣߊ߫ ߡߐߣߍ߫ ߢߊ ߟߋ߬ ߞߍߣߴߏ߬ ߘߌ߫߸ ߞߊ߬ ߕߊ ߛߎ߫ ߞߎߟߎ߲ ߏ߬ ߟߊ߫، ߕߊ ߛߎ ߞߐ ߟߋ߬ ߘߐ߫߸ ߊ߬ ߣߊ߬ ߘߴߊ߬ ߟߐ߲߫ ߞߏ߫ ߖߊ߰ ߞߎߟߎ߲ ߏ߬ ߖߍ߬ߘߍ ߝߣߊ߫ ߕߍ߫ ߣߏ߬ߥߊ ߕߊ߫ ߘߌ߫߸ ߊ߬ ߟߐ߲߫ ߞߏ߫ ߖߘߍ߬ ߕߍ߫ ߞߎߟߎ߲ ߠߊ߫ ߞߏ ߘߐ߫، ߊ߬ ߣߡߌߛߊ߫ ߘߊ߫ ߕߊ ߛߎ ߞߐ ߘߐ߫ ߞߏߛߓߍ߫، ߓߊ߬ߙߌ߬߸ ߞߍߢߊ߫ ߜߘߍ߫ ߕߴߊ߬ ߟߊ߫.

ߊ߲ ߞߏ߬ߣߌ߲ ߡߊ߫ ߕߍ߰ߒ߬ߞߊ߲߬ ߜߘߍ߫ ߛߐ߬ߘߐ߲߫ ߊ߬ ߞߏ ߞߊ߲߬ ߡߎߣߎ߲߬߸ ߝߏ߫ ߖߌ߬ߦߊ ߡߍ߲ ߠߎ߬ ߦߴߊߟߎ߫ ߓߟߏߞߘߐ߫ ߣߌ߲߬، ߓߊߏ߬߸ ߏ߬ ߟߎ߫ ߟߋ߬ ߝߌߙߌ߲ߝߌߙߌ߲ ߞߊ߲߬ ߞߌ߬ߓߊ߬ߙߏ߬ߘߊ ߟߎ߬ ߣߌ߫ ߘߍ߬ߞߙߏߝߏ ߟߎ߫ ߞߊ߲߬ ߕߋ߲߬ ߡߎߣߎ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.