߂߀߂߅ ߞߊ߲ߕߌ߯ ߢߣߊߕߊߟߌ ߓߘߊ߫ ߛߎ߬ߘߎ߲߬ߧߊ߬ ߜߐߞߎ߫߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ ߓߘߊ߫ ߣߊ߬ ߞߣߐ߬ߘߐ߬ߝߟߌ ߘߌ߫ ߡߐ߱ ߟߎ߬ ߟߊ߫߸ ߓߘߍ߬ߓߘߍ߬ߟߌ ߞߊߡߊ߲ ߞߣߐ߫߸ ߊ߬ ߣߌ߫ ߛߊ߬ߙߌ߬ߦߊ ߖߍ߬ߘߍ ߞߊߡߊ߲ ߞߣߐ߫: ߣߊ߲߬ߕߌ߮ ߘߌ߫ ߛߋ߫ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߓߊ߬ ߞߵߊ߬ ߛߐ߬ߘߐ߲߬ ߊ߬ ߡߊ߫ ߓߙߐߕߐ߫ ߣߊ߲߬ߕߌ߰ߦߊ ߘߐ߫؟
߂߀߂߅ ߣߍߣߍߓߊ ߕߋ߬ߟߋ߫ ߃ ߟߋ߬ ߡߊ߬߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߟߊ߫ ߡߊ߬ߡߌ߬ߘߊ߬ߟߌ ߟߊߘߏ߲߬ ߖߌ߬ߣߍ߬ ߞߕߌߖߌ߲ ߛߊ߲ߘߐߕߊ ߟߊ߫، ߊ߬ ߟߊ߫ ߕߊ߯ߡߊ ߏ߬ ߓߐ߫ ߘߊ߫ ߢߟߊ߫ ߣߍߣߍߓߊ ߕߟߋ߬ ߁߀ ߡߊ߬߸ ߡߐ߰ ߉ ߡߍ߲ ߠߎ߬ ߛߎߥߊ߲ߘߌ߫ ߘߊ߫ ߞߵߊ߬ߟߎ߬ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߊ߬ ߕߐ߮ ߣߊ߬ ߘߊ߫ ߏ߬ ߟߎ߬ ߘߐ߫، ߏ߬ ߟߋ ߞߏ ߓߘߊ߫ ߘߏ߫ ߟߎ߫ ߓߊ߬ߟߌ߬ ߛߊ߫߸ ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߊ߬ ߦߋ߫ ߣߊ߲߬ߕߌ߰ ߝߊ߯ߡߊ ߟߋ߬ ߘߌ߫߸ ߊ߬ ߣߴߊ߬ ߦߋ߫ ߘߐ߬ߕߊߡߌ߲ ߞߊ߲ߕߌ߮ ߟߋ߬ ߘߌ߫߸ ߕߏ߲ߕߊߟߊ߲ ߦߋ߫ ߡߍ߲ ߞߊ߲ߠߊ߫ ߡߎߣߎ߲߬.
ߞߎߡߊ ߦߋ߫ ߡߌ߲߫ ߛߍߣߍ߲߬؟
ߣߊ߲߬ߕߌ߮ ߟߎ߬ ߟߊ߫ ߝߘߏ߬ߓߊ߬ ߛߌ߯ߞߊ߲ ߞߵߊ߬ ߝߐ߫ ߟߋ߬ ߞߵߊ߬ ߓߐ߱ ߘߐߘߐ߲߬߸ ߞߵߊ߬ ߓߍ߲߬ ߣߊ߲߬ߕߌ߰ ߕߏ߲ߕߊߟߊ߲ߕߌ߮ ߛߐ߬ߘߐ߲߬ ߞߏ ߡߊ߬ ߓߘߍ߬ߓߘߍ߬ߟߌ ߘߐ߫. ߊ߬ ߦߌ߬ߘߊ߬ߣߍ߲߫ ߛߊ߬ߙߌ߬ߦߊ ߏ߬ ߞߣߐ߫ ߞߏ߫: <<ߣߊ߲߬ߕߌ߮ ߡߍ߲ ߦߋ߫ ߣߊ߲߬ߕߌ߰ߦߊ ߘߐ߫߸ ߏ߬ ߕߴߛߋ߫ ߛߐ߲߬ߘߐ߲߬ ߠߊ߫ ߛߎߥߊ߲ߘߟߌ߫ ߞߏ߫ ߜߘߍ߫ ߛߌ߫ ߘߐ߫.>> ߞߎߡߊߕߍ߫ ߖߡߊ߬ߣߊ߬ ߞߎ߲ߕߎߙߎ߲ ߞߊ߲ߕߌ߯ߦߊ ߡߊ߬ ߛߎߥߊ߲ߘߟߌ ߛߌߟߊ ߝߍ߬߸ ߝߏ߫ ߊ߬ ߕߌ߱ ߦߋ߫ ߓߐ߫ ߣߊ߲߬ߕߌ߰ߦߊ ߘߐ߫ ߟߋ߬ ߡߎߣߎ߲߬.
ߤߊ߲߯ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߲ ߢߊ ߡߊ߫ ߛߙߋߦߊ߫ ߘߐ߬ߛߙߋ߬ ߝߏߦߌ߬ ߡߊ߬ ߡߎߣߎ߲߬߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߓߙߐߕߐ߫ ߞߊ߬ ߓߐ߫ ߣߊ߲߬ߕߌ߰ߦߊ ߘߐ߫߸ ߏ߬ ߟߋ ߘߏ߲߬ ߜߎ ߦߋ߫ ߞߍߕߊ ߘߌ߫ ߣߴߊ߬ ߦߴߊ߬ ߝߍ߬ ߞߊ߬ ߞߍ߫ ߖߡߊ߬ߣߊ ߣߌ߲߬ ߞߊ߲ߕߌ߮ ߘߌ߫ ߛߊ߬ߙߌ߬ߦߊ߬ ߓߟߏ ߡߊ߬، ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߓߍ߫߸ ߏ߬ ߟߎ߬ ߦߴߊ߬ ߟߊ߫ ߡߊ߬ߞߎ߲߬ ߞߏ ߣߌ߲߬ ߝߐ߫ ߟߊ߫߸ ߏ߬ ߡߍ߲ ߦߴߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߞߍ߫ ߟߊ߫ <<ߛߌ߰ߞߊ߲ ߕߊ߬ߣߊ ߘߌ߫>>߸ ߣߴߊ߬ ߞߏ ߡߊ߫ ߘߐߞߣߍ߫ ߞߊ߬ߣߌ߲߬.
ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߞߕߌߖߌ߲ ߛߊ߲ߘߐߕߊ ߓߘߴߊ߬ ߟߊ߫ ߡߊ߬ߡߌ߬ߘߊ߬ߟߌ ߟߊߘߌ߬ߢߍ߬߸ ߊ߬ ߟߊ߫ ߡߊ߬ߡߌ߬ߘߊ߬ߟߌ ߦߋ߫ ߕߎ߬ߢߊ ߛߌߟߊ ߡߟߊ ߟߋ߬ ߘߌ߫߸ ߥߟߊ߫ ߢߊ ߟߋ߬ ߡߊߛߌ߬ߣߴߊ߬ ߡߊ߬ ߞߊ߬ ߞߏ ߥߊ߫ ߢߊ߫ ߓߘߍ ߕߏ߫ ߦߋ߲߬.
ߦߙߐ ߡߍ߲ ߞߊ߫ ߞߊ߲߫ ߞߊ߬ ߘߐߞߣߍ߫ ߓߍ߯ ߡߊ߬߸ ߛߓߍ߫ ߦߋ߫ ߞߴߦߋ߲߬߸ ߡߍ߲ ߦߴߊ߬ ߟߊ߫ ߓߙߐߕߐߟߌ߫ ߞߏ ߝߐ߫ ߟߊ߫ ߜߍ ߘߐ߫ ߓߍ߯ ߢߣߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߓߘߊ߫ ߓߐ߫ ߣߊ߲߬ߕߌ߰ߦߊ ߘߐ߫.
ߞߎ߲߬ߠߊ߬ߛߌ߮ ߦߋ߫ ߓߊ߲߫ ߞߵߏ߬ ߟߊ߬ߛߋ߬ߟߌ ߞߍ߫߸ ߥߟߊ߫ ߞߊ߲ߕߌ߯ߘߊ ߖߍ߬ߘߍ ߦߴߏ߬ ߟߊߛߋ߫، ߏ߬ ߟߋ ߡߊ߫ ߞߍ߫ ߡߎߣߎ߲߬، ߓߊߏ߬߸ ߊ߬ ߘߌ߫ ߛߋ߫ ߞߍ߫ ߟߊ߫߸ ߊ߬ ߓߘߊ߫ ߓߙߐߕߐ߫߸ ߓߊ߬ߙߌ߬ ߣߴߊ߬ ߡߊ߫ ߟߊߛߋ߫ ߜߍ ߘߐ߫߸ ߡߐ߱ ߟߎ߬ ߘߌ߫ ߕߏ߫ ߞߣߐ߬ߘߐ߬ߝߟߌ ߘߐ߫.
ߊ߬ ߘߏ߲߬߸ ߣߴߊ߬ ߡߊ߫ ߓߙߐߕߐ߫߸ ߏ߬ ߦߋ߫ ߛߊ߬ߙߌ߬ߦߊ߬ ߛߐߛߐ ߟߋ߬ ߘߌ߫، ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߝߣߊ߫ ߞߏ߫ ߝߊ߲߬ߞߊ ߡߊ߫ ߟߊߕߊ߬ߡߌ߲߫ ߣߊ߲߬ߒ߬ߕߊ߲ ߠߎ߬ ߡߊ߬ ߡߎߣߎ߲߬ ߝߋߎ߫.
ߓߍ߯ ߞߏ߬ߣߌ߲ ߦߋ߫ ߡߍ߲ ߞߊ߬ߟߊߡߊ߬ ߕߋ߲߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ ߓߘߊ߫ ߟߊߘߌ߬ߢߍ߬ ߞߕߌߖߌ߲ ߛߊ߲ߘߐߕߊ ߓߟߏ߫߸ ߓߊ߬ߙߌ߬ ߡߐ߰ ߕߴߊ߬ ߟߊ߫ ߓߙߐߕߐߟߌ߫ ߞߏ ߞߊ߬ߟߊߡߊ߬ ߣߊ߲߬ߕߌ߰ߦߊ ߘߐ߫߸ ߏ߬ ߓߘߊ߫ ߞߍ߫ ߝߐߢߐ߲߯ߞߐ ߘߌ߫ ߛߊ߬ߙߌ߬ߦߊ߬ ߓߟߏ ߡߊ߬.
ߣߌ߫ ߖߡߊ߬ߣߊ ߛߌ߲߬ߝߏ߲߬ߘߊ ߟߎ߬ ߕߏ߫ ߘߊ߫ ߡߊ߬ߞߎ߲߬ ߘߐ߫ ߣߌ߲߬ ߢߊ߸ ߞߊ߬ ߞߏ߫ ߡߊߓߌ߬ߟߊ߬߸ ߡߍ߲ ߞߊ߫ ߞߊ߲߫ ߞߊ߬ ߘߐߞߣߍ߫߸ ߏ߬ ߦߋ߫ ߢߣߊߕߊߟߌ ߟߊ߫ ߜߍߦߊ߫ ߞߏ ߓߎߘߎ߲ߛߊ߫ ߟߊ߫ ߟߋ߬߸ ߊ߬ ߘߌ߫ ߓߊ߲߫ ߞߊ߬ ߡߐ߱ ߟߎ߬ ߟߊߛߌߞߊ߫ ߢߣߊߕߊߟߌ ߖߍ߬ߘߍ ߕߊ߬ߡߌ߲߬ ߞߏ ߡߊ߬ ߕߎ߬ߢߊ ߣߌ߫ ߕߋߟߋ߲ ߞߊ߲߬.
ߊ߲ ߞߏ߬ߣߌ߲ ߢߊ ߦߴߊ߬ ߝߍ߬ ߥߍ߫߸ ߣߴߊ߬ ߞߏ ߘߌ߫ ߟߊߓߐ߫ ߕߋ߬ߟߋ ߟߊ߫ ߥߟߊ߫ ߍ߲߬ߍ߲ߍ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߓߟߏ߫.
Aucun commentaire pour le moment.