ߞߎ߲߬ߠߊ߬ߛߌ߰ߟߌ ߟߎ߬ ߕߌ߲߬ߞߎߘߎ߲߫ ߣߌ߲߬ ߞߣߐ߫
ߕߋߟߋ߲ߓߊ߯ߦߊߘߋ߲ߡߛߏߣߍ߲ ߢߌ߲߬ ߡߊߝߌ߲߬ߣߍ߲߫ ߠߋ߬ ߞߏ߫ ߊ߬ ߞߵߊ߬ ߗߍ߬ ߎߛߑߡߊߣߌ߲߬ ߖߊ߰ߣߍ ߟߋ߬ ߝߊ߰ ߂߀߂߄ ߠߊ߫߸ ߛߊ߬ߙߌ߬ߦߊ߫ ߞߊ߬ ߘߋ߲ߣߍ߲ߧߊ ߡߊ߬ߤߌߣߊ ߟߴߊ߬ ߞߊ߲߬ ߞߵߊ߬ ߓߌ߬ߟߊ߫ ߛߊ߲߭ ߝߌ߬ߟߊ߬ ߥߛߎ߫ ߟߊ߫.
ߕߋߟߋ߲ߓߊ߯ߦߊߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߓߌߟߊ ߕߟߋ߬ ߁߭߸ ߡߊ߬ߟߌ ߞߏߕߌ߯ ߝߟߐ߫ ߞߘߐ ߡߎߛߊ߫ ߡߊ߰ߙߊ ߓߐ߫ ߘߊ߫ ߥߛߎ ߟߊ߫߸ ߊ߬ ߕߍ߬ߘߍ߫ ߟߊ߬ߡߙߊ ߘߐ߫ ߦߋ߲߬ ߡߍ߲ ߘߐ߫ ߞߎ߬ߟߌ߬ߞߙߐ߫߸ ߞߵߏ߬ ߞߍ߫ ߊ߬ ߟߊ߫ ߛߊ߲߬ ߞߋߟߋ߲߫ ߥߛߎ ߞߎ߲߬ߘߏ߲ ߘߌ߫.
ߕߋߟߋ߲ߓߊ߯ߦߊߡߊ߲߬ߖߊ߲߬ߠߊ߫ ߞߕߌߘߊ ߦߌߟߡߊ߫ ߝߟߐ ߣߐ߬ ߡߎߛߊ߫ ߞߐ߲ߘߍ߫ ߘߏ߲߬ ߠߊ߫ ߛߊ߲߬ ߁߅ ߥߛߎ߫ ߟߋ߬ ߟߊ߫߸ ߊ߬ ߣߌ߫ ߞߊ߬ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߇߀߀ ߛߊ߬ߙߊ ߟߴߊ߬ ߞߎ߲߬ ߢߍ߬ߢߌ߲߬ߘߐ߬ߓߍ߲ ߘߌ߫߸ ߊ߬ߟߎ߫ ߖߊ߬ߡߊ ߞߍ ߞߏߛߐ߲߬ ߞߊ߬ ߓߋ߬ߒ߬ߞߊ߲߬ߠߌ߲ ߞߍ߫ ߖߏ߬ߡߊ߬ ߓߊߟߊ߲ߘߎ߯، ߊ߬ ߕߐ߬ߢߐ߲߯ ߝߌ߬ߟߊ ߎߡߊߙ ߞߐ߲ߘߍ߫ ߣߌ߫ ߟߊ߲߬ߛߋ߬ߦߌ߬ ߞߋߕߊ߬ ߟߎ߬ ߦߋ߫ ߘߋ߲ߣߍ߲ ߠߋ߬ ߘߌ߫߸ ߏ߬ ߟߎ߬ ߟߊ߫ ߞߏ ߘߏ߲߬ ߘߊ߫ ߘߋ߲ߣߍ߲ ߠߎ߬ ߟߊ߫ ߞߕߌߘߊ ߟߋ߬ ߓߟߏ߫.
ߕߋߟߋ߲ߓߊ߯ߦߊߞߕߌ ߘߏ߫ ߟߋ߬ ߘߊߡߌ߬ߣߊ߬ ߘߊ߫ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫ ߞߐ߬ߓߊ߬ߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬߸ ߊ߬ߟߋ ߞߕߌ ߦߴߌߘߐ߫ ߞߊ߬ ߓߍ߲߬ ߊ߬ ߗߍ߬ ߝߊ߰ ߞߏ ߟߋ߬ ߡߵߊ߬ ߓߟߏ߫، ߊ߬ ߝߘߎ߫ ߘߴߊ߬ ߛߊ߲߬ ߁߃ ߟߋ߬ ߡߊ߬߸ ߘߋ߲ߡߛߏ ߞߊ߲߫ ߞߏ߫ ߊ߬ ߞߵߏ߬ ߟߊߥߌ߬ߟߌ߫ ߟߋ߬ ߛߴߊ߬ ߘߌ߫ ߓߐ߫ ߕߙߐߦߊ ߞߘߐ߫ ߢߊ ߡߍ߲ ߡߊ߬߸ ߓߊ߬ߙߵߊ߬ ߡߴߊ߬ ߟߊߥߌ߬ߟߌ߫ ߝߊ߰ߟߌ߫ ߡߊ߬.
ߕߋߟߋ߲ߓߊ߯ߦߊߘߌ߬ߞߑߛߌߣ ߞߎ߲߬ߞߏ߬ߓߊ߬ߕߐ߬ߦߊ ߞߣߌߖߌ߲ ߡߍ߲ ߠߊߦߟߍ߬ߡߊ߲߬ߣߍ߲߫ ߞߐߣߊߞߙߌ߫ ߞߕߌߘߊ ߦߌߟߡߊ߫ ߝߟߐ ߟߊ߫߸ ߏ߬ ߞߊ߬ ߝߊߙߌ߲߫ ߓߌߦߍ߲ߝ߭ߋߣߎ߳ ߟߡߊ߫ ߟߊߜߍ߫ ߞߐ߬ߓߊ߬ߟߏ߲ ߢߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇߸ ߓߌ߬ߟߊ߬ ߞߍߣߍ߲߫ ߕߍ߬ߘߍ߫ ߊ߬ߟߋ ߡߍ߲ ߞߐ߫ ߂߀߀߉ ߕߎߟߊߝߌ߲ ߂߈ ߞߕߌ ߛߋ߲߬ߕߊ߬ ߝߌߟߊߣߊ߲ ߘߐ߫، ߒ߬ߓߊ߬߸ ߞߕߌߘߊ ߣߐ߬ ߊ߬ ߟߊߜߍ߫ ߟߊ߫߸ ߊ߬ߟߎ߫ ߞߵߊ߬ ߓߌ߬ߟߊ߬ ߞߏ ߖߊ߬ߡߊߙߌ ߘߌ߫ ߒߞߘߐ߫ ߞߏ߫ ߊ߬ ߘߌ߫ ߛߋ߫ ߥߊ߫ ߟߊ߫ ߟߎ ߡߊ߬.
ߕߋߟߋ߲ߓߊ߯ߦߊߣߊ߲߬ߝߟߏ߬ߦߊ߬ߟߌ ߞߎ߬ߕߊ߬ߞߏ ߟߎ߬ ߟߊߕߐ߲ ߞߕߌߖߌ߲ ߣߐ߬ ߞߏߕߌ߯ ߞߘߐ߫ ߏߦߋ ߖߌߟߊߝ߭ߏߖߌ߫ ߟߋ߬ ߖߊ߲߬ߞߌ߲߬ ߠߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇߸ ߞߊ߬ ߛߊ߲߬ ߇ ߥߛߎ߫ ߟߴߊ߬ ߞߎ߲߬߸ ߞߊ߬ ߓߊ߲߫ ߞߵߊ߬ ߓߟߏߝߋ߲߫ ߛߌߦߊߡߊ߲߫ ߕߵߊ߬ ߓߟߏ߫߸ ߞߵߏ߬ ߓߍ߯ ߟߊ߫ ߡߌ߬ߣߊ߬ߟߌ߬ ߛߓߍ ߞߊ߲߬.
ߕߋߟߋ߲ߓߊ߯ߦߊߓߡߊ߬ߞߐ߫ ߞߕߌ߫ ߡߛߊߦߌ߲ߘߊ ߞߎ߲߬ߞߏ߬ߓߊ߬ߕߐ߬ߦߊ ߓߏ߲ߘߋ߲ ߣߐ߬ ߡߐ߰ ߥߐ߯ߙߐ߫ ߟߋ߬ ߖߊ߲߬ߞߌ߲߬ ߠߊ߫ ߞߵߊ߬ߟߎ߫ ߓߌ߬ߟߊ߬ ߥߛߎ ߟߊ߫ ߞߵߊ߬ ߕߊ߬ ߛߊ߲߬ ߇ ߥߛߎ߫ ߡߊ߬ ߞߵߊ߬ ߛߌ߰ ߛߊ߲߬ ߁߅ ߟߊ߫، ߞߵߏ߬ ߞߎ߲߭ ߞߍ߫ ߊ߬ߟߎ߬ ߛߎߡߊ߲ ߘߌ߫ ߞߊ߬ߝߏ߬ ߖߊߛߏ߲ ߘߐ߫߸ ߊ߬ ߣߌ߫ ߡߊ߬ߟߌ ߝߊ߰ߡߊ ߟߎ߬ ߢߊߞߘߐߣߐ߮ ߞߏߛߐ߲߬ ߊ߬ߟߎ߬ ߓߟߏ߫، ߞߕߌ ߕߍ߰ ߘߊ߫ ߛߌ߬ߣߌ߲߬ߟߏ߲ ߠߋ߬߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߄.
ߕߋߟߋ߲ߓߊ߯ߦߊߡߊ߬ߟߌ ߝߊ߬ߥߏ߬ߟߊ߬ߓߐ߬ߟߊ߫ ߛߘߊߡߓߊ߸ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߞߑߟߊ߬ߓߊ߸ ߏ߬ ߟߋ ߓߌ߬ߟߊ߬ߣߍ߲߫ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߁߄.
ߕߋߟߋ߲ߓߊ߯ߦߊߘߊ߯ߟߋ߲ ߞߟߍ߬ߕߌ߮ ߛ߭ߍߞ ߛߎߟߋߡߊߣ ߡߛߊߞߎߥߊ߫ ߦߋ߫ ߞߐߣߊߞߙߌ߫ ߕߋ߲߬߸ ߊ߬ ߣߌ߫ ߜߋ߬ߟߎ߲߬ߠߌ߲߬ ߗߋߦߊߟߌ ߟߋ߬ ߣߊ߬ߣߍ߲߫߸ ߞߊ߬ ߖߌ߬ߣߍ߫ ߞߟߍ߬ߞߙߎ ߟߊ߫ ߓߟߏߘߐߓߍ߲ ߞߛߊߞߊ ߡߊߝߟߍ߫߸ ߞߵߊ߬ߟߎ߬ ߛߋߞߏߦߊ ߝߣߊ߫ ߡߊߝߟߍ߫߸ ߣߴߊ߬ߟߎ߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߛߘߋߦߊߥߏ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߘߐ߫.
ߕߋߟߋ߲ߓߊ߯ߦߊߡߊ߬ߟߌ ߓߊ߬߸ ߓߙߎߞߌߣߊ߫ ߝߊ߬ߛߏ߫ ߓߊ߬߸ ߏ߬ ߟߎ߬ ߓߘߴߊ߬ ߦߌ߬ߘߊ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߍ߬ߟߊ߬ߞߊ ߟߊ߫ ߛߍߣߍ߲߬ ߔߊߞߌߛߊ߫߸ ߞߏ߫ ߊ߬ߟߎ߬ ߕߴߊ߬ ߘߐ߫ ߡߎ߬ߕߎ߲߬، ߊ߬ߟߎ߬ ߥߊߣߍ߲߫ ߖߋ߬ߟߌ߬ߓߊ߬ߘߎ߯ ߛߋ߲߬ߣߐ ߟߋ߬ ߞߊ߲߬ ߏ߬ ߘߌ߫، ߞߊ߬ߕߎ߲߯߸ ߡߙߌߦߊ ߣߌ߲߬ ߓߘߊ߫ ߕߊ߬ߡߌ߲߫ ߊ߬ߟߎ߬ ߟߊ߫ ߞߎߡߊ ߘߏ߫ ߛߍ߲ߓߍߘߏ߲߬ ߠߊ߫߸ ߊ߬ߟߎ߫ ߞߵߊ߬ ߝߐ߫ ߡߍ߲ߞߍ߬ ߂߀߂߅ ߕߎߟߊߝߌ߲ ߠߊ߫߸ ߞߏ߫ ߊ߬ߟߎ߬ ߦߋ߫ ߞߕߌ ߘߐ߫ ߖߘߍ߬ߕߌ߰ߦߊ ߟߋ߬ ߝߣߊ߫ ߝߍ߬ ߡߎ߬ߕߎ߲߬، ߒ߬ߓߊ߬߸ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߖߡߊ߬ߣߊ߫ ߛߊ߬ߓߊ ߓߘߴߊ߬ ߣߍ߰ߓߐ߫ ߘߋ߬.
ߕߋߟߋ߲ߓߊ߯ߦߊߟߊ߬ ߜ߭ߑߙߊ߲ߘ ߘߐ߲߬ߞߟߌ ߟߊߓߐ ߡߍ߲ ߞߍ߫ ߘߊ߫ ߡߊ߬ߘߋ߲߬ ߝߏߘߋ߫ ߓߟߏ߫߸ ߊ߬ ߡߊߝߌ߲߬ ߘߊ߫ ߕߐ߯ߕߌߢߍߟߌ߫ ߞߏ ߘߐ߫ ߟߊ߬ ߟߌߦߐߣ ߓߟߏ߫ ߞߵߊ߬ ߟߊߛߋ߫ ߛߊ߬ߙߌ߬ߦߊ߬ ߟߊ߫، ߒ߬ߓߊ߬߸ ߏ߬ ߟߋ ߞߕߌ ߕߍ߰ߣߍ߲߫ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫߸ ߊ߬ ߦߋ߫ ߘߊ߫ ߞߏ߫ ߊ߬ ߛߐ߲߬ ߕߴߊ߬ ߘߐ߫.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߓߍߣߊ߬ ߡߊ߲߬ߘߋ߲߬ ߝߏߘߋ߫ ߟߊ߫ ߞߏߢߊ ߞߕߌߕߍ߰ ߞߊ߬ߙߌ߬ߝߐ ߕߋ߬ߟߋ߫ ߃ ߣߊ߬ߕߐ ߡߊ߬߸ ߞߊ߬ ߓߍ߲߬ ߊ߬ ߣߌ߫ ߟߊ߬ ߟߌߦߐߣ ߕߍߟߊ ߡߊ߬، ߞߕߌߞߊ߲ߘߊ ߞߏ߬ߣߌ߲ ߓߘߴߊ߬ ߟߊ߫ ߡߌ߬ߘߊ߬ߞߊ߲߬ߝߐ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߞߵߊ߬ ߓߌ߬ߟߊ߬ ߞߊߙߏ߫ ߥߐ߯ߙߐ߫ ߥߛߎ ߟߊ߫߸ ߊ߬ ߣߌ߫ ߞߊ߬ ߞߋ߲߬ߥߟߎ߬ ߞߋߟߋ߲߫ ߝߣߊ߫ ߛߊ߬ߙߊ ߟߴߊ߬ ߞߎ߲߬ ߢߍ߬ߢߌ߲߬ߘߐ߬ߓߍ߲ ߘߌ߫.
ߕߋߟߋ߲ߓߊ߯ߦߊߗߍ߬ ߛߊ߲߬ ߄߁ ߘߏ߫ ߟߋ߬ ߡߌ߬ߣߊ߬ߣߍ߲߫ ߞߟߍ߬ߡߐ߮ ߟߎ߬ ߓߟߏ߫ ߊߦߙߋ߫ ߟߊߥߏ߫߸ ߞߵߊ߬ ߟߊߕߊ߯ ߛߍ߲ߟߎߥߌ߫ ߞߏߢߊߢߌߣߌ߲ߘߊ ߟߊ߫، ߞߊ߬ߕߎ߲߯߸ ߊ߬ߟߋ߫ ߣߐ߬ ߖߌ߬ߦߊ߬ߖߟߎ ߘߏ߫ ߟߋ߬ ߟߊߖߍ߲ߛߍ߲߫ ߠߊ߫߸ ߖߌ߬ߦߊ߬ߖߟߎ ߏ߬ ߘߐ߫߸ ߊ߬ ߦߋ߫ ߖߡߊ߬ߣߊ ߞߊ߲ߕߌ߮ ߟߋ߬ ߡߊߓߊ߰ߓߊ߰ ߟߊ߫ ߓߘߍߞߍ߭߸ ߊ߬ ߣߌ߫ ߞߕߌߞߊ߲ߘߊ ߣߌ߫ ߞߕߌߕߍ߯ߟߊ߸ ߞߏ߫ ߊ߬ ߘߌ߫ ߕߊ ߛߎ߫ ߏ߬ ߟߎ߬ ߟߊ߫ ߞߵߊ߬ߟߎ߫ ߖߋ߬ߣߌ߲߬، ߏ߬ ߟߋ ߞߏߢߊ ߣߐ߬ ߛߍ߲ߟߎߥߌ߫ ߞߕߌߘߊ ߕߙߐ߫ ߟߊ߫߸ ߝߏ߫ ߊ߬ߟߎ߫ ߖߍ߬ߘߍ ߞߵߊ߬ߟߎ߬ ߕߍ߯ ߞߍ߫ ߗߍ߭ ߣߌ߲߬ ߘߐ߫.
ߕߋߟߋ߲ߓߊ߯ߦߊߕߎ߲ߞߊߙߊ߲ߞߋ߫ ߘߓߌߘߓߌ ߞߍ߬ߟߍ ߞߐ߬ߡߐ߲߬ߞߐߡߐ߲߫ ߝߊ߬ߛߏ߬ߟߊ߬ߞߊ ߡߍ߲ ߦߋ߫ ߗߍ߬ߘߎ߯߸ ߏ߬ ߟߋ ߣߐ߬ ߊ߬ ߕߍ߯ ߞߍ߫ ߟߊ߫ ߞߙߏ߬ߝߏ߬ ߓߟߋߓߟߋ߫ ߡߊ߲߬ߕߏ߲߬ߕߍ߬ߟߊ߬ߞߊ ߘߏ߫ ߘߐ߫߸ ߡߊ߬ߞߘߐ߬ߦߊ߬ ߓߊ߯ߙߊ ߖߍ߬ߘߍߖߍ߬ߘߍ ߦߋ߫ ߞߍ߫ ߟߊ߫ ߡߍ߲ ߠߎ߬ ߓߟߏ߫߸ ߏ߬ ߞߍߍ߫ ߘߊ߫ ߞߊ߯ߙߊߞߋߣߊ߫ ߘߎ߰ߣߍ߲ ߠߋ߬ ߞߣߐ߫، ߦߙߍߞߍߟߌ ߟߋ߬ ߛߌ߰ ߘߊ߫ ߛߋ߲߬ߠߴߊ߬ߟߎ߬ ߞߊ߲ߡߊ߬ ߥߊ߬ߛߌ߬ߥߙߊ ߕߋ߬ߟߋ߫ ߂߁ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߕߍ߯ ߞߍ߫ ߊ߬ߟߎ߬ ߟߊ߫ ߞߙߏ߬ߝߏ ߡߊ߬ߞߘߐ߬ ߞߎ߲ߕߌ߮ ߘߐ߫߸ ߞߵߊ߬ ߛߐ߬ߘߐ߲߬ ߖߋ߬ߟߌ߬ߓߟߊ߬ߞߊ߬ ߘߋ߲ߡߛߏߣߍ߲߫ ߡߐ߰ ߣߊ߯ߣߌ߲߫ ߦߴߊ߬ߟߎ߬ ߓߟߏ߫ ߦߋ߲߬߸ ߏ߬ ߟߎ߫ ߖߍ߬ߘߍ ߓߘߊ߫ ߓߌ߬ߟߊ߬، ߡߐ߰ ߣߊ߯ߣߌ߲ ߏ߬ ߘߐ߫߸ ߘߋ߲ߣߍ߲߫ ߡߐ߰ ߝߌ߬ߟߊ߬ ߦߴߏ߬ ߘߐ߫.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߣߐ߬ ߓߙߊߣߡߊ߬ ߣߌ߫ ߛߊߣߊ߲ߠߊ߫ ߕߍߟߊ ߡߊ߲߬ߞߊ߲ ߞߕߌ ߟߋ߬ ߕߍ߰ ߟߊ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߂߸ ߡߍ߲ ߖߊ߲߬ߞߌ߬ߟߌ ߘߏ߫ ߟߎ߫ ߕߊ߯ߣߍ߲߫ ߤߊ߲߯ ߛߊ߲߬ ߂߀ ߖߊ߬ߕߋ߬، ߖߊ߲߬ߞߌ߬ߓߊ߰ߕߐ ߟߎ߬ ߟߊߘߍ߬ߣߍ߲߫ ߥߊߘߌ ߡߍ߲ ߛߊ߬ߙߊ ߟߊ߫߸ ߏ߬ ߥߊߣߍ߲߫ ߠߋ߬ ߝߏ߯ ߖߌ߬ߣߍ߬ ߕߊߡߊ߲ ߥߟߎ߬ߡߊ߬ ߣߊ߯ߣߌ߲߫ ߖߊ߬ߕߋ߬߸ ߞߵߏ߬ ߞߍ߫ ߓߟߏߢߐ߲߯ߠߛߊߦߌ߲ ߣߌ߫ ߕߐ߬ߣߐ ߘߌ߫، ߘߏ߫ ߟߎ߫ ߞߊ߲߫ ߞߏ߫ ߊ߬ߟߎ߬ ߡߊ߫ ߓߍ߲߬ ߞߕߌ ߡߊ߬߸ ߊ߬ ߡߊߛߊ߬ߦߌ߲߬ ߟߐ߮ ߟߋ߬ ߦߴߏ߬ ߟߎ߬ ߟߊ߫.
ߕߋߟߋ߲ߓߊ߯ߦߊߕߍ߮ ߞߍߣߍ߲߫ ߡߐ߰ ߗߡߍ߬ ߡߊ߬ߜߍ߲߫ ߠߋ߬ ߘߐ߫߸ ߡߍ߲ ߠߎ߬ ߡߌ߬ߣߊ߬ߣߍ߲߫ ߛߊߣߌ߲ ߢߌߣߌ߲߫ ߢߊ߫ ߖߎ߮ ߘߐ߫ ߛߌ߯ߙߌ߲߫ ߞߣߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬، ߡߌ߬ߣߊ߬ߓߊ߰ߕߐ ߟߎ߬ ߘߐ߫߸ ߓߙߎߞߌߣߞߊ ߦߴߊ߬ ߘߐ߫߸ ߜ߯ߊߣߞߊ ߣߌ߫ ߛߣߍ߬ߜ߭ߊ߬ߟߌ߬ߞߊ ߟߎ߬ ߓߍ߯ ߘߏ߫ ߦߴߊ߬ ߘߐ߫، ߞߊ߬ߕߎ߲߯߸ ߗߋߦߊߟߌ ߟߋ߬ ߥߟߌ߬ߣߍ߲߫ ߞߊ߬ ߝߘߊ߫ ߞߊ߲ߞߊ߲߫ ߞߕߌߡߛߊߦߌ߲ߘߊ ߟߊ߫߸ ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ ߞߎ߬ߕߊ߬ߞߏ ߟߎ߬ ߟߊߕߐ߲ ߞߕߌߖߌ߲ ߠߊ߫߸ ߞߊ߬ ߥߴߊ߬ߟߎ߬ ߢߊ ߟߊ߫ ߘߊ߬ߡߊ߲߬ߘߊ ߘߏ߫ ߟߎ߫ ߞߊ߲߬ ߛߌ߯ߙߌ߲߫ ߞߣߐ߫߸ ߓߐ߰ߝߍ ߘߐߖߊߛߌ߫ ߢߊ߫ ߛߎ߮ ߡߍ߲ ߠߎ߬ ߦߋ߫ ߛߋ߲߬ߠߊ߫ ߦߋ߲߬߸ ߞߵߏ߬ ߟߎ߬ ߡߊߝߟߍ߫߸ ߊ߬ ߣߌ߫ ߕߍ߮ ߞߍߣߍ߲߫ ߕߙߏ߬ߞߏ߬ ߓߟߏߓߊ ߡߍ߲ ߠߎ߬ ߘߐ߫߸ ߞߵߏ߬ ߟߎ߬ ߝߣߊ߫ ߡߌ߬ߣߊ߬ ߞߏ ߕߎ߬ߢߊ߬ߦߊ ߛߍ߯ߛߍ߯.
ߕߋߟߋ߲ߓߊ߯ߦߊSߗߍ߬ ߛߊ߲߬ ߄߉ ߘߏ߫ ߟߋ߬ ߘߋ߲ߣߍ߲ ߠߎ߬ ߟߊߓߌ߬ߟߊ߬ ߟߊ߫ ߛߊߟߌ߫ ߛߎ߯ߙߊ ߟߎ߬ ߟߊ߫ ߕߋ߲ߞߏߘߜ߭ߏ߫ ߕߌ߲ߓߌߘߌ߲ߘߊ ߟߊ߫߸ ߏ߬ ߟߋ ߡߌ߬ߣߊ߬ߞߏ߲߫ ߞߵߊ߬ ߞߕߌ߫߸ ߞߏ߫ ߊ߬ ߓߘߊ߫ ߓߋ߬ ߘߋ߲ߣߍ߲߫ ߛߊ߲߬ ߛߊ߲߬ ߈ ߘߏ߫ ߞߊ߲߬ ߡߌ߬ߛߙߌ ߟߊ߫ ߦߋ߲߬ ߛߋ߲߬ߢߊ߬ ߛߌߦߊߡߊ߲߫، ߊ߬ ߟߊ߫ ߞߕߌ ߓߍߣߊ߬ ߕߍ߰ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬.
ߕߋߟߋ߲ߓߊ߯ߦߊߗߍ߬ ߛߊ߲߬ ߓߌߣߊ߯ߣߌ߲ ߘߏ߫ ߟߋ߬ ߟߊ߫ ߞߕߌ ߕߎ߲߬ ߦߴߌߘߐ߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߈ ߣߌ߲߬ ߡߊ߬߸ ߓߐ߬ߓߐ߫ ߖߎ߬ߟߊ߬ߛߏ߫ ߞߎ߲߬ߞߏ߬ߓߊ߬ߕߐ ߟߎ߬ ߟߊ߫ ߓߏ߲ߘߋ߲ ߖߏߣߡߊߞߕߌߘߓߊ ߟߊ߫، ߊ߬ߟߋ ߡߊߝߌ߲߬ߣߍ߲߫ ߞߏ߫ ߊ߬ ߣߐ߬ ߓߌ߲ߝߊ߯ߟߊ߲ ߠߋ߬ ߞߍ߫ ߟߴߊ߬ߟߎ߬ ߟߊ߫ ߖߌ߲ߘߊ߯ߓߊ ߘߐ߫߸ ߛߴߊ߬ ߘߴߊ߬ ߝߊ߬ ߝߊ߰ ߢߊ ߡߍ߲ ߡߊ߬߸ ߊ߬ ߖߍ߬ߘߍ ߛߐ߬ߘߐ߲߬ ߝߊ ߞߊ߬ߣߌ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߓߘߊ߫ ߢߎߡߍ߫ ߡߟߊߡߟߊ߫ ߛߏ߲ߧߊ߫ ߞߏ ߞߕߌߕߍ߰، ߊ߬ ߝߐߣߍ߲߫ ߞߏ ߢߎߡߍ ߡߍ߲ ߞߊ߫ ߞߊ߲߫ ߞߊ߬ ߛߏ ߟߊߡߍߣߍ߲߫߸ ߏ߬ ߡߟߊߡߟߊ ߟߋ߬ ߕߍ߬ߘߍ߫ ߛߏ߲߬ߧߊ߬ ߟߊ߫، ߕߍ߮ ߞߍ߫ ߘߊ߫ ߊߓߎߓߞߊߙ ߞߡߊ߬ߙߊ߬ ߣߌ߫ ߢߍߓߊ߯ ߟߊ߱ߖߌ߬ ߡߊ߬ߡߘߎ ߞߐ߲ߘߍ߫ ߘߐ߫ ߏ߬ ߟߋ ߞߊߡߊ߲ ߞߣߐ߫، ߒ߬ߓߊ߬߸ ߊߓߎߓߞߊߙ ߞߡߊ߬ߙߊ߫ ߖߊ߲߬ߞߌ߲߬ ߘߊ߫ ߞߊߙߏ߫ ߁߈ ߥߛߎ ߟߊ߫߸ ߊ߬ ߣߌ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߞߋߟߋ߲߫ ߛߊ߬ߙߊ ߟߊ߫ ߛߏ߲߬ߧߊ߬ߟߌ߬ߓߊ ߞߏߛߐ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߞߊ߬ ߖߊ߲߬ߞߌ߬ߟߌ ߟߋ߬ ߞߍ߫ ߞߎߣߎ߲ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߀ ߡߊ߬߸ ߞߟߍ߬ߡߐ߮ ߟߎ߫ ߞߵߊ߬ߟߎ߬ ߕߍ߯ ߞߍ߫ ߡߐ߰ ߁߇ ߡߍ߲ ߘߐ߫ ߦߙߍߞߍߟߌ ߘߏ߫ ߝߍ߬ ߞߙߎ߬ߛߊ߫߸ ߏ߬ ߟߎ߫ ߟߋ߬ ߞߏ߫ ߦߋ߫ ߣߌ߲߬، ߖߡߊ߬ߣߊ߬ ߜߘߍ ߡߐ߰ ߕߊ߲ߣߌߥߐ߯ߙߐ߫ ߣߌ߫ ߖߌ߬ߣߍ߬ߞߊ߬ ߞߋߟߋ߲߫߸ ߏ߬ ߟߎ߫ ߟߋ߬ ߛߐ߲߭ ߦߋߣߍ߲߫ ߘߊ߬ߡߊ߲߬ ߓߊ߯ߙߊ ߘߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߘߐ߫.
ߕߋߟߋ߲ߓߊ߯ߦߊߓߏ߬ߙߌ߬ߝߋ߲߬ߕߌ߰ ߛߌߦߊߡߊ߲߫ ߠߋ߬ ߕߎ߬ߡߊ߬ߙߋ߲߬ ߦߙߌߞߊ߫ ߞߍ߫ ߟߊ߫ ߕߋ߬ߟߋ ߞߘߐ߫ ߕߋ߲߬߸ ߛߴߊ߬ߟߎ߬ ߘߌ߫ ߖߌߥߎ ߛߐ߬ߘߐ߲߬߸ ߓߊ߬ߙߵߊ߬ ߕߍ߫ ߓߍ߲߬ ߠߊ߫، ߢߣߊߕߐߡߐ߲ߠߌ߲ ߣߌ߫ ߘߏߣߍ߲߫ ߓߐ ߓߘߊ߫ ߓߌ߬ߟߴߊ߬ ߘߐ߫ ߖߌߥߎߘߊ߫ ߛߌߦߊߡߊ߲߫ ߠߊ߫، ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߢߊ߫ ߛߐ߬ߘߐ߲߬ߣߍ߲߬ ߕߍ߫ ߖߌߥߎ߫ ߞߏ߫ ߜߟߍߦߊ ߣߌ߲߬ ߡߊ߬ ߝߊ߰ߡߊ ߟߎ߬ ߓߟߏ߫.
ߕߋߟߋ߲ߓߊ߯ߦߊߔߊ߬ߙߌ߬ ߞߣߐ߫߸ ߞߕߌߓߋߟߋ߲ ߞߊ߬ ߡߌ߬ߣߊ߬ߞߊ߲߬ߝߐ ߞߍ߫ ߟߋ߬ ߞߎߣߎ߲ߟߏ߲߸ ߞߊ߬ ߛߊ߲߬ ߥߐߙߐ߲ߝߌ߬ߟߊ߬ ߟߊ߫ ߞߏ ߝߐ߫ ߣߌߞߏߟߊ߫ ߛߊߙߑߞߏߖ߭ߌ߫ ߞߎ߲߬߸ ߟߓߌ߫ ߣߊ߲߬ߝߏ߬ߦߊ߬ߟߌ߬ ߞߏ ߣߌ߲߬ ߘߐ߫، ߓߊߏ߬߸ ߊ߬ ߦߌ߬ߘߊ߬ߣߍ߲߫ ߞߏ߫ ߊ߬ ߟߊ߫ ߂߀߀߇ ߓߙߊߡߊߖߊ߲ߓߊ߲ ߣߊ߲߬ߝߟߏ߬ߦߊ߬ ߘߊ߫ ߟߓߌ߫ ߥߊߘߌ ߟߋ߬ ߘߐ߫߸ ߏ߬ ߓߘߊ߫ ߕߊ߬ߡߌ߲߬ ߊ߬ ߟߊ߫ ߞߏߢߊ ߣߌ߲߬ ߡߊ߲߬ߞߊ߲ ߥߙߊ߬ ߟߊ߫ ߌߞߐ߫.
ߕߋߟߋ߲ߓߊ߯ߦߊߛߊ߲߬ ߇߅ ߥߛߎ߫ ߟߋ߬ ߟߊߣߍ߲߫ ߖߋ߬ߟߌ߬ߓߊ߬ߟߊ߫ ߜߟߐߡߌ߲ ߞߏߕߌ߯ ߞߘߐ ߛߊߟߋ ߡߊߡߡߊ߲߫ ߞߎ߲߬ ߞߊ߬ߙߏ߲ ߣߌ߫ ߜߍߟߊߜߍ ߞߏߛߐ߲߬߸ ߡߍ߲ ߥߊߘߌ ߥߊߣߍ߲߫ ߝߏ߯ ߣߊߦߌߙߊ ߥߟߎ߬ߡߊ߬ ߃߃،߈ ߢߐ߲߰، ߛߊ߬ߙߌ߬ߦߊ߬ ߞߊ߲߫ ߞߏ߫ ߞߵߊ߬ ߓߟߏߝߋ߲ ߠߎ߬ ߡߊߣߡߊߙߊ߫߸ ߦߏ߫ ߥߊߘߌߜߍ ߡߍ߲ ߠߎ߬ ߦߴߊ߬ ߓߟߏ߫߸ ߊ߬ ߣߌ߫ ߓߏ߲߫ ߣߊ߯ߣߌ߲߫ ߝߣߊ߫ ߦߴߊ߬ ߓߟߏ߫ ߊߓߎߖߊ߫߸ ߞߵߏ߬ ߟߎ߫ ߡߌ߬ߣߴߊ߬ ߟߊ߫.
ߕߋߟߋ߲ߓߊ߯ߦߊߜ߭ߊ߯ߣߊ߬ ߥߛߊ߬ߘߋ߲ ߡߍ߲ ߕߐ߯ ߞߏ߫ ߞߑߥߊߡߋ߫ ߏߤߍߣ ߝߌߙߌ߲ߔߐ߲߫߸ ߏ߬ ߟߋ ߡߌ߬ߣߊ߬ ߘߊ߫ ߛ߭ߌߔߐߟ ߛߊ߲ߡߊߘߊ߲ ߠߊ߫߸ ߊߡߛߑߕߍߙߑߘߊߡ ߘߎ߱ ߞߣߐ߫߸ ߞߊ߬ ߓߍ߲߬ ߞߘߛ ߟߊ߫ ߢߊߢߌߢߌ߲ߠߌ߲ ߘߏ߫ ߡߊ߬، ߜ߭ߊ߯ߣߊ߬ ߝߊ߰ߡߊ ߟߎ߬ ߦߋ߫ ߣߌ߲߬ ߞߏ ߢߊߢߌߣߌ߲ ߞߊ߲߬ ߡߎߣߎ߲߬߸ ߞߵߊ߬ ߟߐ߲߫ ߊ߬ ߡߌ߬ߣߊ߬ ߘߊ߫ ߡߎ߲߬ ߞߏߛߐ߲߬.
ߕߋߟߋ߲ߓߊ߯ߦߊߞߕߏߣߎ߫ ߞߣߐ߫ ߓߡߞߟߞ ߣߐ߬ ߛߊ߲߬ ߟߏ߯ߟߎ߫ ߥߛߎ߫ ߟߋ߬ ߝߐ߫ ߟߊ߫ ߞߋߡߌ߫ ߛߋߓߊ߫ ߞߙߍ߬ߝߍ߬ ߡߐ߮ ߘߏ߫ ߝߍ߬ ߞߐ߬ߓߊ߬ߟߏ߲߸ ߂߀߂߆ ߘߓߊ߬ߕߊ ߕߟߋ߬ ߁߁، ߞߏ߫ ߊ߬ ߓߘߊ߫ ߡߐ߱ ߟߎ߬ ߡߊߞߟߌ߫ ߡߙߎߕߟߌ ߡߊ߬߸ ߊ߬ ߣߌ߫ ߞߊ߬ ߞߊ߬ߙߏ߲߬ߕߍ߮ ߞߍ߫ ߓߟߐߟߐ ߞߊ߲߬، ߊ߬ ߟߊ߫ ߞߕߌ ߕߍ߱ ߡߊߞߐ߬ߣߐ߲ ߦߴߌߘߐ߫ ߘߓߊ߬ߕߊ ߕߋ߬ߟߋ߫ ߂߉ ߣߊ߬ߕߐ ߣߌ߲߬ ߡߊ߬.
ߕߋߟߋ߲ߓߊ߯ߦߊߦߙߍߞߍߟߌ߫ ߟߋ߬ ߛߌ߰ߣߍ߲߫ ߛߋ߲߬ߠߊ߫ ߜߋ߲ߞߐ߰ߖߌ߬ߘߊ ߞߟߍ߬ߡߐ߮ ߟߎ߬ ߓߟߏ߫߸ ߝߏ߫ ߊ߬ߟߎ߬ ߛߋ߫ ߘߴߊ߬ߟߎ߬ ߕߍ߯ ߞߍ߫ ߟߊ߫ ߡߐ߰ ߁߃ ߘߐ߫߸ ߊ߬ ߣߌ߫ ߞߵߊ߬ߟߎ߬ ߟߊ߫ ߘߎ߰ ߛߌߦߊߡߊ߲߫ ߥߦߊ߬ ߛߊߣߌ߲߫ ߛߋ߲߫ ߦߙߐ߫ ߛߌߦߊߡߊ߲߫ ߘߐ߫ ߌߛߌߦߊ߫ ߡߊ߬ߙߊ ߘߐ߫߸ ߖߡߊ߬ߣߊ ߕߟߋ߬ߓߋ ߘߐ߫.
ߕߋߟߋ߲ߓߊ߯ߦߊߘߍ߬ߒ߬ߡߊ߬ ߟߊߛߋߟߌ߫ ߟߋ߬ ߞߍߣߍ߲߫ ߂߀߂߆ ߘߓߊ߬ߕߋ ߕߟߋ߬ ߇ ߡߊ߬߸ ߖߌ߬ߣߍ߬ ߞߕߌߓߋߟߋ߲߫ ߝߌ߬ߟߊ ߓߟߏ߫߸ ߞߊ߲ߞߊ߲߫ ߕߊ ߣߌ߫ ߞߐߣߊߞߙߌ߫ ߕߊ߸ ߞߵߊߟߎ߫ ߕߣߊ߬ ߜߍߟߍ߲ ߟߊ߫ ߘߊ߱ ߘߐ߫ ߞߊ߬ ߓߍ߲߬ ߘߋ߲ߣߍ߲ ߠߎ߬ ߞߍ ߡߊ߬ ߛߌߟߊ߫ ߞߊ߲ߠߊ ߟߎ߬ ߣߌ߫ ߟߐ߯ߝߍ߫ ߞߣߐߟߊ ߟߎ߬ ߣߌ߫ ߡߍ߲߬ߛߍ߲߬ߧߊ߬ߘߊ ߟߎ߬ ߣߌ߫ ߓߊ߯ߙߊ߫ ߦߙߐ ߟߎ߬ ߘߐ߫، ߞߕߌ ߝߊ߰ߡߊ ߢߌ߲߬ ߠߎ߬ ߞߊ߲߫ ߞߏ߫ ߊ߬ߟߎ߬ ߓߍߣߊ߬ ߥߊߟߋ߫ ߖߎ߯ ߛߎ߮ ߏ߬ ߞߍߓߊ߮ ߟߎ߫ ߣߐ߭ߡߌ߬ߣߊ߬߸ ߘߋ߲ߣߍ߲ ߠߎ߬ ߤߊߞߍ ߟߊߕߊ߲߬ߞߊ߬ߓߊߟߌߦߊ ߞߏߛߐ߲߬.
ߕߋߟߋ߲ߓߊ߯ߦߊߕߊ߬ߡߌ߲߬ߘߊ ߞߏߟߊߕߍ߮ ߟߎ߬ ߣߌ߫ ߛߊ߬ߙߌ߬ߦߊ߬ ߞߏߟߊߕߍ߮ ߟߎ߬ ߞߊ߬ ߓߊߛߌ߫ ߥߟߏߒߘߐ߫ ߞߏߙߏ߲ ߘߏ߫ ߟߎ߫ ߟߋ߬ ߦߌ߬ߘߊ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߓߌߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߟߋ߬ ߇، ߝߎߝߎ߫ ߁߇߁ ߠߋ߬ ߡߌ߬ߣߊ߬ ߘߊ߫ ߕߊ߬ߡߌ߲߬ߘߊ ߡߐ߱ ߟߎ߬ ߓߟߏ߫߸ ߊ߬ߟߎ߬ ߓߍߣߊ߬ ߖߋ߬ߣߌ߲߬ ߟߏ߲߫ ߣߊ߬ߕߐ ߟߎ߬ ߘߐ߫߸ ߞߊ߬ ߝߘߏ߬ߓߊ߬ ߞߍ߲ߘߍߦߊ ߟߊߕߊ߲߬ߞߊ߬ ߞߊ߬ ߞߛߌ߫ ߞߍ߫ ߖߐ߬ߘߐ ߡߊ߬.
ߕߋߟߋ߲ߓߊ߯ߦߊߛߘߋߦߊߥߏ ߓߘߊ߫ ߓߊ߬ߓߊ߰ߟߌ߬ߟߊ ߟߎ߬ ߟߊ߫ ߞߏ߲ߞߏߘߓߌ ߂߅ ߡߙߊ߬ߒ߬ߡߊ߬ߟߌ ߟߊߜߏߦߊߢߍ߫ ߡߊ߬ߟߌ ߞߣߐ߫߸ ߞߵߊ߬ ߞߊ߲ߠߊߘߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߡߊ߬߸ ߞߍߞߋߟߋ߲ߘߌ߫ ߣߌ߫ ߞߍߢߐ߲߯ߝߍ ߟߊ߫߸ ߖߐ߲߰ߛߊ߫ ߖߐ ߣߌ߫ ߖߛߎ߬ߛߎߡߊ ߘߌ߫ ߟߊߘߏ߲߬ ߢߊ ߡߍ߲ ߡߊ߬߸ ߞߊ߬ ߖߎ߮ ߟߎ߬ ߞߐ ߞߊߘߌ߫.
ߕߋߟߋ߲ߓߊ߯ߦߊߓߙߎߞߌߣߊ߫ ߝߊ߬ߛߏ߬ ߞߣߐ߫߸ ߓߐ߬ߓߐߖߎ߬ߟߊ߬ߛߏ߫ ߞߕߌߘߊ ߣߐ߬ ߗߍ߭ ߘߏ߫ ߟߋ߬ ߓߌ߬ߟߊ߬ ߟߴߊ߬ ߛߌ߭ ߡߎ߰ߡߍ ߥߛߎ ߟߊ߫߸ ߊ߬ߟߋ ߖߊ߲߬ߞߌ߬ߣߍ߲߫ ߡߐ߰ ߛߓߏ߬ߘߊ߬ߥߎ߲߬ ߞߏ ߟߋ߬ ߘߐ߫، ߊ߬ ߟߊ߫ ߞߕߌ߫ ߘߊߞߎ߲ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߕߍ߬ߘߍ߫ >
ߕߋߟߋ߲ߓߊ߯ߦߊߢߊߢߌߣߌ߲ߠߌ߲ߠ߫ߌ߲ ߠߋ߬ ߛߌ߰ߣߍ߲߫ ߛߋ߲߬ߠߊ߫ ߕߋ߲߬߸ ߡߐ߰ ߘߊ߲ߘߐ߫ ߡߊߝߌ߲߭ ߞߏߛߐ߲߬߸ ߞߏ߫ ߊ߬ߟߎ߬ ߓߘߊ߫ ߓߋ߬ ߘߋ߲ߣߍ߲߫ ߡߛߏ߬ߡߊ߲߬ߣߍ߲߫ ߛߊ߲߬ ߁߂ ߘߏ߫ ߞߊ߲߬ ߏߡߊߙߌߦߊߣ ߕߌ߲ߓߌߘߌ߲ߘߓߊ ߞߣߐߘߐߞߊߙߊ߲ߕߊ ߟߊ߫، ߡߐ߰ ߟߏ߯ߟߎ ߏ߬ ߟߎ߬ ߘߐ߫߸ ߘߋ߲ߣߍ߲ ߠߎ߬ ߞߊ߬ߙߊ߲߬ߡߐ߰ ߞߋߟߋ߲߫ ߦߴߊ߬ ߘߐ߫߸ ߊ߬ߟߎ߬ ߦߋ߫ ߢߟߊߥߛߎ ߟߊ߫ ߕߋ߲߬، ߓߊߏ߬߸ ߘߊ߲ߘߊߟߌߟߊ ߟߎ߬ ߓߘߴߊ߬ ߞߏ ߟߊߛߙߋߦߊ߫߸ ߘߊ߬ߟߎ߬ ߜߘߍ߫ ߟߎ߫ ߝߣߊ߫ ߓߘߊ߫ ߛߐ߬ߘߐ߲߬ ߢߊߢߌߣߌ߲ߠߌ߲ߠߊ ߟߎ߬ ߓߟߏ߫߸ ߞߊ߬ ߓߍ߲߬ ߊ߬ ߞߏ ߘߊߡߌ߬ߣߊ߬ ߢߊ ߡߊ߬.
ߕߋߟߋ߲ߓߊ߯ߦߊߛߏ߲߬ ߞߙߎ ߘߏ߫ ߟߎ߫ ߟߊ߫ ߞߙߏ߬ߝߏ ߓߘߊ߫ ߟߊߞߏߟߐ߲߫߸ ߊ߬ߟߎ ߓߟߏߡߊߞߊ߬ߣߍ߲߫ ߔߏߔߏ߫ ߛߏ߲ߧߊ ߟߋ߬ ߞߊ߲ߡߊ߬، ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߛߏ߲߬ߧߊ߬ߟߌ ߞߍ߫ ߟߊ߫ ߥߊߘߌ߫ ߞߏߖߊ ߟߋ߬ ߞߏߛߐ߲߬. ߊ߬ߟߎ߫ ߡߐ߰ ߥߐ߯ߙߐ߫ ߓߘߊ߫ ߛߋ߫ ߕߐ߲ߓߟߏߡߊ ߟߎ߬ ߕߍ߯ ߞߘߐ߫߸ ߊ߬ߟߎ߫ ߕߐ߭ ߟߎ߬ ߢߌߣߌ߲ ߦߴߌߘߐ߫، ߊ߬ߟߎ߬ ߦߋ߫ ߔߏߔߏ ߘߏ߫ ߟߎ߫ ߛߏ߲߬ߧߊ߬ ߟߊ߫ ߞߊ߬ ߥߴߊ߬ ߝߋ߬ߙߋ߫ ߛߣߍ߬ߜ߭ߊߟߌ߫ ߟߋ߬.
ߕߋߟߋ߲ߓߊ߯ߦߊߡߊ߬ߝߊ߲߬ߞߏ߬ ߞߕߌߘߊ ߓߘߊ߫ ߛߊ߲߭ ߝߌ߬ߟߊ߬ ߥߛߎ߫ ߘߐ߲ߘߐ߫ ߦߡߊ߫ ߛߋߜ߭ߊ߬ ߣߌ߫ ߡߊ߭ߦߊ߬ ߡߊ߬، ߞߊ߬ߙߊ߲߬ߡߐ߰ ߔߏߟ ߦߏ߲߬ߓߊ߫ ߞߙߎ߬ߡߊ߫ ߞߊ߬ ߞߕߌߘߊ ߟߊ߫ ߡߙߌߘߐ߫ ߕߊ߬ߣߍ߲ ߕߊ߲߬ߘߏ߬߸ ߞߵߊ߬ ߦߌ߬ߘߊ߬ ߞߏ߫ ߞߕߌ ߣߌ߲߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߡߐ߰ ߝߌ߬ߟߊ ߢߌ߲߬ ߠߎ߬ ߟߊߘߏ߲߬ ߥߏ߬ ߞߋߟߋ߲߫ ߠߊ߫ ߓߍ߲߭ ߞߣߐ߫.
ߕߋߟߋ߲ߓߊ߯ߦߊߞߊ߲ߞߊ߲߫ ߞߣߐ߫߸ ߛߌ߬ߛߍ ߣߌ߫ ߖߍ߮ ߘߏ߫ ߟߎ߫ ߟߋ߬ ߕߌߢߍߣߍ߲߫ ߕߊߓߐ ߘߏ߫ ߘߐ߫ ߛߏ߬ߣߌ ߔߍߛ߭ ߟߊ߫ ߛߌ߲߬ߓߌ߬ߓߏ߲ ߠߊ߫߸ ߡߏ߬ߛߏ ߘߏ߫ ߟߎ߫ ߓߘߴߊ߬ߟߎ߬ ߗߋ ߓߊ߲߫ ߞߵߊ߬ ߘߍ߲߫ ߏ߬ ߟߎ߫ ߟߋ߬ ߕߊ߭ ߟߊ߫ ߞߵߊ߬ߟߎ߫ ߝߙߋ߬ ߟߐ߮ ߘߐ߫ ߞߏߞߎߘߊ߫، ߏ߬ ߟߋ ߞߏߢߊ ߓߘߊ߫ ߜߊ߬ ߝߊ߰ߡߊ ߟߎ߬ ߟߊ߫߸ ߊ߬ߟߎ߬ ߓߘߊ߫ ߓߟߏߘߐߓߍ߲ ߠߎ߬ ߞߍ߫، ߕߍ߮ ߞߏ߬ߣߌ߲߬ ߓߘߊ߫ ߞߍ߫ ߡߏ߬ߛߏ ߘߏ߫ ߟߎ߫ ߘߐ߫.
ߕߋߟߋ߲ߓߊ߯ߦߊߢߐ߲߯ ߞߘߐߡߊߕߍ߮ ߝߍߛߑߓߎߞ ߞߊ߲߬߸ ߢߐ߲߯ ߖߓߍ߸ ߏ߬ ߟߊߓߊ߲߫ ߘߊ߫ ߡߌ߬ߣߊ߬ߟߌ ߟߋ߬ ߡߊ߬߸ ߞߊ߬ ߞߕߌ߫ ߟߞߊߟߌߡߊ߲ ߛߌ߰ ߛߋ߲߬ߠߊ߫ ߞߵߊ߬ߟߎ߫ ߖߊ߲߬ߞߌ߲߬: ߦߡߊ߫ ߛߋߜ߭ߊ߬ ߣߌ߫ ߡߊ߭ߦߊ߬ ߓߘߊ߫ ߓߌ߬ߟߊ߫ ߛߊ߲߭ ߝߌ߬ߟߊ߬ ߥߛߎ߫ ߟߊ߫ ߘߐ߲ߘߐߟߌ߫ ߓߟߏ ߡߊ߬߸ ߞߊ߬ ߞߋ߲߬ߥߟߎ߬ ߄߀ ߟߴߊ߬ߟߎ߫ ߞߎ߲߬ ߓߌ߲߬ߓߊߥߏ ߘߌ߫߸ ߊ߬ ߣߌ߫ ߛߊ߲߭ ߂߸ ߊ߬ߟߎ߬ ߕߍ߫ ߘߍ߬ߞߙߏߝߏ ߟߊߓߊ߯ߙߊ߫ ߟߊ߫ ߝߏ߫ ߓߊ߯ߙߊ߫ ߘߊߞߎ߲ ߠߎ߬.
