ߓߐ߬ߓߐߖߎ߬ߟߊ߬ߛߏ߫ ߞߕߌ߫ ߡߛߊߦߌ߲ߘߊ ߞߎ߲߬ߞߏ߬ߓߊ߬ߕߐ߬ߦߊ ߓߏ߲ߘߋ߲ ߡߍ߲ ߦߋ߫ ߓߙߎߞߌߣߊ߫ ߝߊ߬ߛߏ߫ ߖߡߊ߬ߣߊ ߞߊ߲߬߸ ߏ߬ ߞߵߊ߬ ߦߌ߬ߘߊ߬ ߂߀߂߆ ߞߏ߲ߞߏߘߓߌ ߕߟߋ߬ ߁߃ ߡߊ߬߸ ߞߏ߫ ߊ߬ߟߎ߬ ߓߘߊ߫ ߗߍ߭ ߣߌ߲߬ ߓߌ߬ߟߊ߫ ߛߌ߭ ߡߎ߰ߡߍ ߥߛߎ ߟߊ߫߸ ߡߐ߱ ߝߊ߱ ߞߏߛߐ߲߬ ߊ߬ ߛߏ߬ߓߏ ߘߊߥߎ߲߫ ߞߊ߲ߡߊ߬߸ ߊ߬ ߣߌ߫ ߡߊ߬ߙߌ߬ߝߊ ߟߊߡߊ߬ߙߊ ߛߊ߬ߙߌ߬ߦߊ߬ ߞߊ߲ߞߕߐߡߊ߬߸ ߊ߬ ߣߌ߫ ߡߊ߬ߘߌ߬ߡߌ߲߬ߠߌ߲ ߟߊ߬ߥߟߌߒߡߊ߭، ߛߊ߬ߙߌ߬ߦߊ߫ ߞߵߊ߬ ߖߊ߲߬ߞߌ߲߫ ߛߌ߭ ߡߎ߰ߡߍ ߥߛߎ ߟߊ߫ ߏ߬ ߟߎ߫ ߟߋ߬ ߞߏߛߐ߲߬.

ߊ߬ ߖߊ߲߬ߞߌ߲߬ ߞߏ߬ ߝߟߐ ߞߍ߫ ߘߊ߫ ߂߀߂߂ ߥߊ߬ߛߌ߬ߥߙߊ ߕߟߋ߬ ߁߃ ߟߋ߬ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߓߍ߲߬ ߞߕߌ ߏ߬ ߡߊ߬߸ ߊ߬ ߞߵߊ߬ ߡߊߛߊ߬ߦߌ߲߬ ߞߏ ߟߊߢߌߣߌ߲߫߸ ߛߊ߫ ߘߏ߫ ߘߌ߫ ߓߐ߫ ߥߛߎ ߓߙߍ߬ߦߊ ߟߊ߫ ߢߊ ߡߍ߲ ߡߊ߬، ߓߊ߬ߙߌ߬߸ ߞߕߌ߫ ߡߛߊߦߌ߲ ߝߣߊ߫ ߣߐ߬ ߞߘߐ߬ߡߊ߲ ߏ߬ ߟߋ ߟߊߕߍ߰ ߟߊ߫߸ ߞߊ߬ ߓߍ߲߬ ߞߏ ߟߊ߫ ߖߎ߯ߦߊ ߡߊ߬.

ߞߕߌ߫ ߘߊߞߎ߲ ߘߐ߫߸ ߊ.ߟ ߣߌ߲߬ ߛߐ߬ߘߐ߲߬ ߘߊ߫ ߁߉߈߁ ߠߋ߬ ߟߊ߫ ߝߘߊ߫ ߒߜ߭ߎߙߑߡߊ߫ ߘߎ߱ ߞߣߐ߫߸ ߊ߬ ߦߋ߫ ߛߣߍ߬ߞߍ߬ߟߊ ߟߋ߬ ߘߌ߫߸ ߘߋ߲߫ ߞߋߟߋ߲߫ ߦߴߊ߬ ߓߟߏ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߛߐ߲߭ ߠߋ߬ ߣߌ߲߬ ߓߍ߯ ߘߌ߫߸ ߓߊ߬ߙߌ߬ ߞߏ߫ ߊ߬ ߡߊ߬ߞߏ ߦߋ߫ ߡߍ߲ ߠߊ߫߸ ߏ߬ ߟߋ ߞߊ߬ ߦߝߊ߬ ߞߍ߫ ߊ߬ ߡߊ߬.

<<ߒ ߛߐ߲߬ߣߴߊ߬ ߡߊ߬ ߝߛߊߦߌ߫߸ ߒߠߋ ߟߋ߬ ߞߊ߬ ߣߌ߲߬ ߓߍ߯ ߞߍ߫، ߓߊ߬ߙߌ߬߸ ߒ ߧߋ߫ ߦߊ߬ߝߊ ߕߙߊ߫ ߟߊ߫.>> ߊ߬ ߞߵߏ߬ ߟߋ ߝߐ߫ ߞߕߌߖߌ߲ ߢߊߞߘߐ߫.

ߊ߬ ߡߊߢߌ߬ߣߌ߲߬ߞߊ߬ߣߍ߲ ߡߐ߰ ߘߊ߬ߥߎ߲߬ ߞߏ ߡߊ߬߸ ߊ߬ ߡߴߊ߬ ߟߊ߫ ߡߐ߰ ߝߊ߰ߣߍ߲ ߠߎ߫ ߛߏ߬ߓߏ ߘߊߥߎ߲߫ ߞߏ ߟߊߟߐ߬ ߝߋߎ߫، ߊ߬ ߞߏ߬ߣߌ߲ ߞߊ߬ ߞߎߡߊ߫ ߝߐ߫߸ ߡߍ߲ ߝߣߊ߫ ߡߊߞߓߊߣߍ߲߫: <<ߒ ߡߊ߫ ߡߐ߰ ߛߓߏ߬ ߘߊߥߎ߲߫، ߒ ߕߍ߬ߘߍ߫ ߊ߬ߟߎ߫ ߖߋ߬ߟߌ ߟߋ߬ ߞߍ߫ ߟߊ߫ ߞߊ߬ ߒ ߠߊ߫ ߖߏ߭ ߛߐ߫.>>

ߊ߬ ߢߌ߬ߣߌ߲߬ߞߊ߬ߣߍ߲ ߝߘߏ߬ߓߊ߬ ߞߕߌߞߊ߲ߘߊ ߓߟߏ߫߸ ߞߏ߫ ߣߴߊ߬ ߟߊ߫ ߖߏ߭ ߏ߬ ߟߎ߬ ߦߋ߫ ߦߋ߲߬ ߡߎߣߎ߲߬߸ ߊ߬ ߞߵߊ߬ ߝߐ߫ ߞߏ߫ <<ߍ߲߬ߍ߲߫>>، ߊ߬ߟߋ ߞߏ߬ߣߌ߲ ߕߎ߲߬ ߦߋ߫ ߛߣߍ߬ߞߍ߬ߟߊ ߟߋ߬ ߘߌ߫߸ ߊ߬ ߓߊ߲ ߞߐ ߊ߬ ߟߊ߫ ߢߣߊߡߦߊ <<ߝߊ߲߬ߓߊ ߞߍ߫ ߟߊ߫ ߕߎ߲ߞߊ߲ ߠߊ߫>> ߞߊ߬ߣߌ߲߬.

ߞߕߌߞߊ߲ߘߊ ߞߊ߬ ߞߊ߲ ߡߍ߲ ߠߎ߬ ߝߐ߫ ߡߌ߬ߣߊ߬ߞߊ߲߬ߝߐ ߕߎ߬ߡߊ ߟߊ߫߸ ߝߘߏ߬ߓߊ߬ ߞߏߕߌ߯ߘߊ ߞߵߊ߬ ߖߊ߬ ߦߙߐ ߡߍ߲ ߞߊ߲߬߸ ߏ߬ ߟߋ ߗߍ߭ ߟߊ߫ ߓߊ߯ߙߊ߫ ߞߍߣߍ߲ ߠߊ߫ ߖߎ߯ߦߊ ߘߌ߫، ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߞߏ ߣߌ߲߬ ߜߊ߬ߣߍ߲߫ ߓߙߎߞߌߣߞߊ ߓߍ߯ ߟߋ߬ ߟߊ߫، ߝߘߏ߬ߓߊ߬ ߞߕߌߞߊ߲ߘߊ ߞߵߊ߬ ߦߌ߬ߘߊ߫ ߏ߬ ߟߋ ߘߐ߫߸ ߞߏ߫ ߊ߬ ߝߐ ߡߍ߲ ߞߍߣߍ߲߫ ߞߕߌ ߟߊ߫ ߞߏ߫ ߝߟߐ ߘߐ߫߸ ߞߏ߫ ߞߵߊ߬ ߓߌ߬ߟߴߊ߬ ߟߊ߫ ߢߣߊߡߦߊ ߡߎ߰ߡߍ ߥߛߎ ߟߊ߫߸ ߞߏ߫ ߊ߬ ߝߣߊ߫ ߛߐ߲߬ߣߍ߲߫ ߏ߬ ߡߊ߬߸ ߞߕߌߖߌ߲ ߦߴߏ߬ ߟߴߊ߬ ߞߎ߲߬ ߖߊ߱ߣߌ߲߬، ߞߕߌ ߘߏ߲߬ ߕߍ߰ߣߍ߲߸ ߊ߬ ߕߏ߫ ߘߴߏ߬ ߟߋ ߡߊ߬.

ߗߍ߭ ߞߊ߬ ߓߊ߯ߙߊ ߣߌ߲߬ ߞߍ߫ ߞߊ߬ߦߌ߯ ߂߀߁߃ ߟߋ߬ ߟߊ߫، ߊ߬ ߟߊ߫ ߞߕߌ ߞߣߐߞߏ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߗߍ߭ ߣߌ߲߬ ߡߝߊߣߍ߲߫ ߕߍ߬ߘߍ߫ ߞߙߎ߬ߝߊߟߊ߲ ߘߏ߫ ߟߋ߬ ߟߊ߫ ߥߊ߭ ߞߣߐ߫߸ ߓߐ߬ߓߐߖߎ߬ߟߊ߬ߛߏ߫ ߞߎ߲߬ߘߊ ߂߅ ߟߊ߫߸ ߊ߬ߟߎ߬ ߟߊ߫ ߛߌߟߓߊ ߘߏ߫ ߝߍ߬، ߊ߬ ߡߊߝߌ߲߬ ߘߊ߫ ߟߋ߬ ߦߋ߲߬߸ ߞߏ߫ ߊ߬ ߓߘߊ߫ ߡߐ߰ ߛߌߦߊߡߊ߲߫ ߝߊ߰߸ ߊ߬ ߣߌ߫ ߞߊ߬ ߡߐ߰ ߖߋߟߌ ߞߍ߫ ߞߵߊ߬ ߟߊ߫ ߖߏ߬ߛߐ ߟߎ߬ ߞߍ߫ ߊ߬ ߟߊ߫߸ ߊ߬ ߟߊ߫ ߓߊߛߌ߫ ߟߊߓߊ߯ߙߊ ߟߎ߬ ߘߐ߫ ߛߐ߲߬.

ߊ߬ ߦߋ߫ ߘߴߊ߬ ߟߊ߫ ߞߕߌ ߣߌ߲߬ ߘߐ߫ ߝߣߊ߫߸ ߞߏ߫ ߊ߬ ߕߍ߬ߘߍ߫ ߡߐ߰ ߛߓߏ ߘߊߥߎ߲߫ ߠߊ߫، ߊ߬ ߖߍ߬ߘߍ߸ ߊ߬ ߟߊ߫ ߡߐ߰ ߝߊ߰ߣߍ߲ ߘߏ߫ ߓߍ߫߸ ߏ߬ ߦߋ߫ ߘߋ߲ߣߍ߲߫ ߛߊ߲߬ ߈ ߠߋ߬ ߘߌ߫߸ ߏ߬ ߦߙߐߣߍ߲ ߝߣߊ߫ ߜߊ߬ ߘߊ߫ ߟߋ߬ ߡߐ߰ ߛߌߦߊߡߊ߲߫ ߠߊ߫ ߝߋߎ߫.

ߒ߬ߓߊ߬߸ ߞߕߌߘߊ ߟߊ߫ ߡߙߌߘߐ߫ ߕߊ߬ߣߍ߲ ߡߍ߲ ߦߋ߫ ߣߌ߲߬߸ ߏ߬ ߓߘߴߊ߬ ߦߌ߬ߘߊ߬ ߞߏ߫ ߓߙߎߞߌߣߊ߫ ߞߕߌߘߊ ߕߴߊ߬ ߕߏߟߏ߲߫ ߠߊ߫ ߞߎ߲߬ߞߏ߬ߓߊ ߟߎ߬ ߟߊ߫ ߛߊ߲߬ ߘߊ߲ߘߐ ߣߌ߲߬ ߞߣߐ߫، ߓߊߏ߬߸ ߊ߬ߟߎ߬ ߓߘߊ߫ ߥߛߎ ߓߍ߯ ߘߐ߫ ߛߊ߲ߘߐ ߟߊ߫ <<ߓߐ߬ߓߐ߫ ߡߐ߰ߘߊ߬ߥߎ߲߬ߠߊ>> ߞߎ߲߬.