ߖߌ߬ߦߊ߬ߖߟߎ ߘߏ߫ ߟߋ߬ ߣߐ߬ ߛߊ߲ߞߊ ߛߐ߬ߘߐ߲߬ ߠߊ߫ ߘߍ߬ߞߙߏߝߏ ߟߎ߫ ߞߊ߲߬ ߛߣߍ߬ߜ߭ߊߟߌ߫ ߞߣߐ߫، ߖߌ߬ߦߊ߬ߖߟߎ ߣߌ߲߬ ߘߐ߫߸ ߊ߲ ߧߋ߫ ߗߍ߭ ߘߏ߫ ߟߋ߬ ߦߋ߫ ߟߊ߫߸ ߖߐ߬ߟߋ߲߬ ߥߎߟߋ߲ ߦߴߊ߬ ߞߊ߲ߠߊ߫߸ ߊ߬ ߛߌ߰ߣߍ߲߫ ߖߌߘߊ ߟߊ߫߸ ߊ߬ ߦߋ߫ ߞߊ߲ߓߍ߲ ߞߊ߲ߕߌ߮ ߡߊߣߊ߬ߣߌ߲ ߞߊ߲߬߸ ߞߊ߬ ߛߋ߫ ߞߕߌߞߊ߲ߘߊ ߡߊ߬߸ ߞߕߌߕߍ߯ߟߊ ߡߊ߬߸ ߘߏ߫ ߡߊ߫ ߓߐ߫ ߘߏ߫ ߘߐ߫، ߊ߬ ߞߊ߲߫ ߞߏ߫: <<ߊ߲ ߓߌߣߍ߲߫ ߞߊ߬ ߕߊ ߓߌ߬ߟߊ߫ ߛߣߍ߬ߜ߭ߊߟߌ߫ ߟߊ߫߸ ߤߊ߲߯ ߖߡߊ߬ߣߊ ߣߌ߲߬ ߦߋ߫ ߞߍ߫ ߞߋ߬ߡߎ߲ ߘߌ߫ ߕߎ߬ߡߊ ߡߍ߲ ߠߊ߫ ߝߋߎ߫.>> ߊ߬ߟߋ߬ ߗߍ߭ ߟߋ߬ ߞߊ߲߫ ߕߋ߲߬߸ ߊ߬ߟߋ ߡߍ߲ ߞߊ߲߫ ߊ߬ ߖߍ߬ߘߍ߫ ߡߊ߬ ߞߏ߫ ߔߊߛߑߕߍߝ ߓߏߛߋߦߊ߫.

ߊ߬ ߟߊ߫ ߞߎߡߊ ߡߊ߫ ߘߊ߲߬ ߦߋ߲߬ ߘߋ߬، ߊ߬ ߞߵߊ߬ ߢߍߛߌ߲߫ ߠߋ߬ ߞߊ߲ߓߍ߲ ߞߊ߲ߕߌ߮ ߟߊ߫ ߝߊ߲ߞߊߢߊ߲߫߸ ߊ߬ ߞߊ߬ ߣߊ߬ߣߌ߲߬ߠߌ߲ ߘߊߓߊ߲߫ ߕߋ߲߬ ߠߋ߬: <<ߖߏ߬ߡߊߦߌ߬߸ ߝߊ߬ ߕߴߌ ߘߐ߫، ߌߟߋ ߓߊ߬߸ ߌ ߟߊ߫ ߞߕߌߞߊ߲ߘߊ ߓߊ߬߸ ߊ߬ ߣߴߌ ߟߊ߫ ߞߕߌߕߍ߯ߟߊ ߟߎ߬߸ ߊ߲ ߘߴߊߟߎ߫ ߓߍ߯ ߖߋ߬ߣߌ߲߫ ߦߊ߲߬ ߞߎߙߍ߫.>> ߊ߬ ߞߵߏ߬ ߝߙߊ߬ ߞߎߡߊ ߞߊ߲߬.

ߊ߬ ߟߊ߫ ߞߎߡߊ ߏ߬ ߟߋ ߦߋߣߍ߲߫ ߛߊ߬ߙߌ߬ߦߊ߬ ߓߟߏ߫ ߘߊ߲߬ߠߕߊ߬ߡߌ߲߬ ߞߎߡߊ ߖߍ߬ߘߍߖߍ߬ߘߍ ߘߌ߫߸ ߝߏ߫ ߛߍ߲ߟߎߥߌ߫ ߞߕߌߓߋߟߋ߲ ߖߍ߬ߘߍ ߞߊ߬ ߣߌ߲߬ ߞߏ ߡߌ߬ߣߴߊ߬ ߖߘߍ߬ ߦߋ߫߸ ߞߊ߬ ߟߊ߫ ߞߏ ߢߊߢߌߣߌ߲߫߸ ߞߵߊ߬ ߡߌ߬ߣߊ߫ ߞߵߊ߬ ߟߊߕߊ߬ߡߌ߲߫ ߖߡߊ߬ߣߊ ߞߟߍ߬ߡߐ߰ߘߊ ߟߊ߫، ߊ߬ ߥߊ߫ ߘߊ߫ ߦߋ߫ ߞߏ߫ ߊ߬ ߕߐ߯ ߟߋ߬ ߞߏ߫ ߊߡߊߘߎ߬ ߓߊߙߌ߫߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߄߁ ߖߊ߬ߕߋ߬ ߘߐ߫߸ ߊ߬ ߡߊߖߌ߰ߣߍ߲߫ ߘߎ߲ߖߍߟ ߟߋ߬߸ ߡߋ߬ߘߌߣߊ߬ ߒߖߊߕߑߓߋ߫ ߞߊ߬ߝߏ߬ߙߋ߲ ߞߣߐ߫، ߊ߬ ߞߊ߲߫ ߞߏ߫ ߜߋߟߋ߲ߜߋߟߋ߲߫ ߘߐߓߍ߲ߠߊ ߟߋ߬ ߦߴߊ߬ ߘߌ߫.

ߊ߬ ߡߌ߬ߣߊ߬ ߘߊ߫ ߞߎߣߎ߲߬ ߖߋ߲ߖߋ߲߫ ߕߎߡߊ ߟߋ߬ ߟߊ߫߸ ߊߦߋߙߏ߫ ߟߊߥߏ߫ ߞߟߍ߬ߡߐ߰ߘߊ ߓߟߏ߫߸ ߞߣߊ߬ߕߏ߫ ߊ߬ ߟߊߕߊ߯ ߟߊ߫ ߏ߬ ߟߏ߲߫ ߞߋߟߋ߲ ߡߎ߰ߡߍ ߘߐ߫ ߛߍ߲ߟߎߥߌ߫ ߞߟߍ߬ߡߐ߰ߘߊ ߞߏߢߊߢߌߣߌ߲ߘߊ ߟߊ߫߸ ߊ߬߬ ߓߌ߬ߟߊ߬ ߘߊ߫ ߢߟߊߥߛߎ ߟߊ߫ ߦߋ߲߬ ߠߋ߬ ߛߊ߫.