ߗߍ߬ ߛߊ߲߬ ߄߀ ߘߏ߫ ߟߋ߬ ߟߊ߫ ߞߕߌ ߦߋ߫ ߛߋ߲߬ߠߊ߫ ߓߐ߬ߓߐ߫ ߖߎ߬ߟߊ߬ߛߏ߫ ߞߎ߲߬ߞߏ߬ߓߊ߬ߕߐ߬ߦߊ߬ ߓߏ߲ߘߋ߲ ߖߏߣߡߊߞߘߌߘߓߊ ߟߊ߫߸ ߊ߬ ߕߐ߮ ߡߊߛߎ߬ߕߙߊ߬ߣߍ߲ ߦߋ߫ ߏ.ߌ ߘߌ߫، ߣߌ߫ ߞߌ߬ߦߊ߬ ߡߊ߫ ߞߍ߫߸ ߛߌ߭ ߡߎ߰ߡߍ ߥߛߎ ߟߋ߬ ߦߴߊ߬߬ ߡߊߢߌߣߌ߲ ߞߊ߲߬ ߕߋ߲߬، ߡߎ߲߬ ߠߊ߫ ߞߏ߫ ߟߊ߫߸ ߊ߬ ߞߍ ߘߐ߫ ߞߵߊ߬ ߛߎߡߊ߲߫ ߊ߬ ߝߊ߬ ߝߊ߰ ߞߏ ߘߐ߫߸ ߞߊ߬ ߓߌ߲ߝߊ߯ߟߊ߲ ߞߍ߫ ߊ߬ߟߎ߬ ߟߊ߫ ߖߌ߲ߘߊ߮ ߘߐ߫߸ ߊ߬ ߖߍ߬ߘߍ ߛߐ߬ߘߐ߲߬ ߝߊ ߞߊ߬ߣߌ߲߬.

߂߀߂߆ ߥߊ߬ߛߌ߬ߥߙߊ ߕߟߋ߬ ߈ ߠߋ߬ ߡߊ߬߸ ߓߐ߬ߓߐ߫ ߖߎ߬ߟߊ߬ߛߏ߫ ߞߎ߲߬ߞߏ߬ߓߊ߬ߕߐ߬ߦߊ ߓߏ߲ߘߋ߲ ߞߊ߬ ߗߍ߭ ߢߌ߲߬ ߠߊ߫ ߞߕߌ ߘߊߡߌ߬ߣߊ߬߸ ߓߊߏ߬ ߊ߬ ߕߍ߬ߘߍ߫ ߊ߬ ߝߍ߬ ߞߵߊ߬ ߛߐ߬ߘߐ߲߬ ߝߊ ߞߣߐߞߍ߫ ߓߊ߱ ߟߊ߫، ߣߌ߲߬ ߞߏ ߞߍ߫ ߘߊ߫ ߞߊ߬߬ߦߌ߯ ߂߀߂߆ ߘߓߊ߬ߕߊ ߕߟߋ߬ ߁߅ ߛߎ ߟߋ߬ ߘߐ߫߸ ߞߵߊ߬ ߘߎ߰ߛߊ ߜߍ߫ ߊ߬ ߕߟߋ߬ ߁߆ ߟߊ߫، ߡߊ߬ߝߌ߲߬ߓߊ߰ߕߐ ߣߌ߲߬ ߞߊ߬ ߓߌ߲ߝߊ߯ߟߊ߲ ߠߋ߬ ߞߍ߫ ߊ߬ߟߎ߬ ߟߊ߫ ߖߌ߲ߘߊ߮ ߘߐ߫߸ ߓߍ߯ ߦߴߊ߬ ߡߌ߲߬ ߠߊ߫ ߖߌ ߡߍ߲ ߘߐ߫ ߞߊ߬ߣߌ߲߬.

ߞߏߢߊߢߌߣߌ߲ ߠߎ߬ ߞߵߊ߬ ߦߌ߬ߘߊ߬߸ ߞߏ߫ ߡߊ߬ߝߌ߲߬ߓߊ߰ߕߐ ߣߌ߲߬ ߣߊߘߐ߰ߣߍ߲߫ ߠߋ߬ ߞߵߊ߬ ߦߋ߫ ߝߢߐߘߊ ߟߊ߫߸ ߊ߬ ߦߴߊ߬ ߞߊ߲߬ ߞߊ߬ ߓߊ߱ ߞߍ߫ ߖߌ߲ߘߊ߯ߓߊ ߣߌ߲߬ ߘߐ߫، ߏ߬ ߝߣߊ߫ ߞߵߊ߬ ߗߍ߬ ߟߊߟߐ߲ߠߌ߲߫ ߌߞߘߐ߫߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߕߊ߲߬ߞߊ߬ ߞߍ߫ ߓߟߊ߬ߥߎ ߡߊ߬، ߓߊߏ߬߸ ߡߐ߰ ߡߊ߫ ߖߌ ߏ߬ ߡߌ߲߬ ߡߎ߬ߕߎ߲߬.

ߏ.ߌ ߟߊ߫ ߞߕߌ߫ ߘߊߞߎ߲ ߘߐ߫߸ ߊ߬ ߞߵߊ߬ ߟߐ߬ ߊ߬ ߛߐ߲߭ ߠߊ߫، ߊ߬ ߞߊ߲߫ ߞߏ߫: <<ߓߊ߯ߙߊ߫ ߕߍ߫ ߒ ߠߊ߫߸ ߒ ߧߋ߫ ߒ ߖߍ߬ߘߍ߫ ߡߊ߬ ߦߋ߲߬ ߕߋ߲߬ ߠߋ߬، ߒ ߣߌ߫ ߒ ߝߊ߬ ߕߎ߲߬ ߕߍ߫ ߓߍ߲߬ߓߊ߫ ߘߐ߫، ߊ߬ ߓߘߊ߫ ߒ ߜߊ߬ߛߌ߫ ߞߘߐ߬ߡߊ߲߬߸ ߝߏ߫ ߞߵߊ߬ ߝߐ߫ ߞߏ߫ ߊ߬ ߘߌ߫ ߒ ߝߊ߰߸ ߊ߬ ߖߍ߬ߘߍ ߞߊ߬ ߒ ߜߍ߲߫ ߠߋ߬ ߟߎ ߡߊ߬، ߒ ߝߣߊ߫ ߞߵߊ߬ ߡߙߌߘߐߕߊ߬ ߏ߬ ߟߋ ߘߐ߫߸ ߒ ߞߏ߫ ߝߏ߫ ߒ ߓߊ߯ ߒ ߕߊߛߊ߬ߙߴߊ߬ ߟߊ߫.>> ߊ߬ ߞߵߏ߬ ߟߋ ߝߐ߫ ߞߕߌߕߍ߯ߟߊ ߢߊߞߘߐ߫.

ߊ߬ߟߋ߬ ߡߊ߬ߝߌ߲߬ߓߊ߰ߕߐ ߞߵߊ߬ ߦߌ߬ߘߊ߬ ߌߞߐ߫߸ ߞߏ߫ ߊ߬ ߞߊ߬ ߓߌ߲ߝߊ߯ߟߊ߲ ߣߌ߲߬ ߛߊ߲߬ ߟߐ߯ߝߍ ߟߋ߬ ߘߐ߫߸ ߦߊ߬ߣߴߊ߬ ߦߋ߫ ߣߵߊ߬ ߞߍ߫ ߖߌ ߘߐ߫، ߊ߬ ߢߌ߬ߣߌ߲߬ߞߊ߬ߣߍ߲ ߞߕߌߕߍ߯ߟߊ ߓߟߏ߫߸ ߞߏ߫ ߊ߬ ߞߵߏ߬ ߟߊߥߌ߬ߟߌ߫ ߡߎ߲߬ ߡߊ߬، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߕߎ߲߬ ߦߴߊ߬ ߞߵߊ߬ ߝߊ߬ ߟߋ߬ ߝߊ߰ ߝߛߊߦߌ߫، ߞߵߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߝߋ߲߫ ߜߘߍ߫ ߡߌ߲߬߸ ߝߏ߫ ߘߐ߬ߟߐ߸ ߊ߬ ߣߌ߫ ߛߙߊߡߟߋߞߋ.

ߞߕߌߓߋߟߋ߲ ߞߏ߬ߣߌ߲ ߞߊ߲߫ ߞߏ߫ ߊ߬ߟߎ߬ ߓߘߊ߫ ߓߊ߰ߦߊ߬ߟߌ߬ ߞߏ ߛߙߋߦߊ ߓߍ߯ ߛߐ߬ߘߐ߲߫ ߊ߬ ߟߊ߫ ߞߕߌ ߣߌ߲߬ ߘߐ߫، ߏ߬ ߘߐ߫߸ ߝߘߏ߬ߓߊ߬ ߞߏߕߌ߯ߘߊ ߞߵߊ߬ ߦߌ߬ߘߊ߫ ߡߌ߬ߣߊ߬ߞߊ߲߬ߝߐ ߘߐ߫߸ ߞߏ߫ ߊ߬ߟߎ߬ ߦߴߊ߬ ߝߍ߬ ߞߕߌߕߍ߯ߟߊ ߦߋ߫ ߗߍ߭ ߣߌ߲߬ ߓߌ߬ߟߴߊ߬ ߛߌ߭ ߡߎ߰ߡߍ ߥߛߎ ߟߋ߬ ߟߊ߫، ߊ߬ ߝߊ߬ ߕߘߍ߬ ߞߕߌߕߍ߯ ߦߌߟߊ ߣߌ߲߬ ߘߐ߫߸ ߊ߬ ߡߊ߫ ߝߏߦߌ߬ ߝߐ߫ ߞߊ߬ ߓߍ߲߬ ߊ߬ ߓߟߏߢߐ߲߯ߠߛߊߦߌ߲߫ ߞߏ ߡߊ߬ ߥߟߊ߫ ߞߏ߫ ߜߘߍ߫، ߊ߬ߟߋ ߞߊ߲߫ ߞߏ߫ ߊ߬ ߦߋ߫ ߛߊ߬ߙߌ߬ߦߊ߫ ߟߋ߬ ߞߐ߫.

ߞߕߌߘߊ ߝߣߊ߫ ߓߘߴߊ߬ ߞߏߢߊ ߟߊߕߊ߯ ߂߀߂߆ ߥߊ߬ߛߌ߬ߥߙߊ ߣߌ߲߬ ߕߋ߬ߟߋ߫ ߂߂ ߣߊ߬ߕߐ ߘߐ߫߸ ߞߵߏ߬ ߞߍ߫ ߞߕߌ ߕߍ߰ ߟߏ߲ ߘߌ߫، ߣߌ߫ ߡߍ߲ ߓߐ߫ ߘߴߏ߬ ߘߐ߫߸ ߊ߲ ߓߍߣߵߏ߬ ߦߌ߬ߘߴߊߟߎ߫ ߟߊ߫ ߟߏ߲߫ ߣߴߊ߬ ߣߊ߬ߕߐ ߟߎ߬ ߘߐ߫.