ߛߘߋߦߊߥߏ ߟߊ߫ ߡߊ߬ߞߐ߬ߣߐ߲߬ߠߌ߲߬ ߣߊ߲ߕߌ߮ ߟߎ߬߸ ߥߟߊ߫ ߓߟߏߡߊߛߌ߯ ߣߊ߲ߕߌ߮ ߟߎ߬ ߟߊ߫ ߡߙߊ߬ߓߊ߮ ߘߊ߯ߟߋ߲߫ ߞߟߍ߬ߕߌ߯ ߛ߭ߍߞ ߛߎߟߋߡߊߣ ߡߛߊߞߎߥߊ߫ ߦߋ߫ ߓߐߒߡߊߟߌ ߟߊ߫ ߞߐߣߊߞߙߌ߫ ߕߋ߲߬، ߊ߬ ߓߌ߬ߟߊ߬ߣߍ߲߫ ߗߋߦߊߟߌ߫ ߟߋ߬ ߢߍ߫߸ ߡߍ߲ ߠߎ߬ ߣߊ߬ߣߍ߲߫ ߖߌ߬ߣߍ߫ ߞߟߍ߬ߞߍ߬ߞߙߎ ߡߊߝߟߍ߫ ߞߊ߲ߡߊ߬، ߒ߬ߓߊ߬߸ ߗߋߕߌ߯ߘߊ ߡߍ߲ ߘߐ߱ߘߏ߲߬ߣߍ߲߫ ߣߊ߲߬ߕߌ߰ ߘߊ߫ߘߐ ߟߊ߫ ߗߍ߬ߘߋ߲ ߠߎ߬ ߟߊ߫ ߓߊ߯ߙߊ߫ ߞߏ ߣߴߊ߬ߟߎ߬ ߟߊ߫ ߝߊ߲߬ߝߘߊ߬ߦߊ߬ߟߌ ߣߌ߫ ߦߙߍߞߍߟߌ ߟߎ߬ ߟߊ߫߸ ߏ߬ ߟߋ ߞߵߊ߬ ߣߴߊ߬ ߞߐ ߟߊߛߣߍ߫، ߖߌ߬ߣߍ߫ ߣߊ߲߬ߕߌ߮ ߡߍ߲ ߠߎ߬ ߘߐߓߍ߲߬ߣߍ߲߫ ߛߘߋߦߊߥߏ ߢߍ߫߸ ߊ߬ ߞߊ߫ ߞߊ߲߫ ߞߵߊ߬ ߢߊ ߡߊߖߌ߰ ߏ߬ ߟߎ߫ ߟߋ߬ ߟߊ߫ ߞߏ ߝߍ߬߸ ߞߵߊ߬ߟߎ߬ ߛߋߞߏߦߊ ߡߊߝߟߍ߫߸ ߊ߬ߟߎ߬ ߦߋ߫ ߘߐ߬ߓߍ߲ ߞߛߊߞߊ ߡߍ߲ ߘߐ߫߸ ߞߊ߬ ߛߐ߬ߘߐ߲߬ ߦߙߍߞߍߟߌ ߘߐ߫.

ߊ߬ ߘߏ߲߬ ߘߊ߫ ߞߐߣߊߞߙߌ߫ ߓߌ߬ ߞߐ߬ߟߏ߲ ߢߌ߲߬ ߠߋ߬ ߡߊ߬߸ ߂߀߂߆ ߞߊ߬ߙߌ߬ߝߐ ߕߟߋ߬ ߇، ߊ߬ ߘߏ߲߬ ߦߋ߫ ߦߊ߲߬ ߠߋ߬ ߤߊ߲߯ ߞߊߙߏ ߕߟߋ߬ ߁߂، ߊ߬ߟߎ߬ ߟߊ߫ ߣߊ߬ߟߌ ߣߌ߲߬ ߘߐ߫߸ ߊ߬ߟߎ߬ ߣߌ߫ ߣߊ߲߬ߕߌ߰ ߞߎ߲ߕߌ߮ ߟߎ߬ ߓߍߣߊ߬ ߓߊ߯ߙߊ ߘߏ߫ ߟߎ߫ ߞߍ߫ ߢߐ߲߯ ߝߍ߬߸ ߞߊ߬ ߥߊ߫ ߓߐ߫ ߦߙߐ ߘߏ߫ ߟߎ߫ ߘߐ߫، ߟߊ߬ߢߌߣߌ߲ ߦߋ߫ ߡߍ߲ ߘߌ߫߸ ߞߵߊ߬ ߟߐ߲߫߸ ߖߌ߬ߣߍ߬ ߞߊ߲߫ ߛߘߋߦߊߥߏ ߢߍ߫ ߞߏ߫ ߣߊ߲߬ߕߌ߮ ߡߍ߲ ߦߋ߫ ߖߡߊ߬ߣߊ ߓߟߏ߫ ߞߵߊ߬ ߘߌ߫ ߛߘߋߦߊߥߏ ߡߊ߬߸ ߣߴߏ߬ ߟߎ߬ ߘߝߊߣߍ߲߫߸ ߣߴߊ߬ߟߎ߬ ߘߌ߫ ߛߋ߫ ߕߊ߯ ߟߊ߫ ߦߙߍߞߍߟߌ ߘߐ߫، ߓߊߏ߬߸ ߛߘߋߦߊߥߏ ߖߡߊ߬ߣߊ ߕߐ߭ ߕߊ ߣߌ߫ ߏ߬ ߟߎ߫ ߟߋ߬ ߝߙߊ߬ߕߐ߫ ߢߐ߲߮ ߞߊ߲߬߸ ߣߴߊ߬ ߓߍ߲߬ ߘߊ߫ ߦߙߍߞߍߟߌ߫ ߡߊ߬ ߜߟߍ߬ߦߊ ߘߏ߫ ߞߏߛߐ߲߬߸ ߟߊ߬ߞߊ߲߬ߘߊ߬ߟߌ ߞߏߛߐ߲߬߸ ߖߐ ߞߏߛߐ߲߬߸ ߊ߬ߎ߬ ߘߌ߫ ߟߊߕߊ߯ ߦߋ߲߬ ߠߎ߬ ߘߐ߫.

ߊ߬ ߘߏ߲߬߸ ߓߊ߰ߓߊ߰ߟߌ ߓߘߊ߫ ߝߊ߲߬ߞߊ߫ ߛߐ߬ߘߐ߲߬ ߓߊߟߋ߬ ߕߋ߲߬߸ ߓߐߕߏ߲߫ ߞߏ߫ ߥߦߐ ߟߎ߬ ߕߍ߫ ߓߊ߲߫߸ ߜߟߍ߬ߦߊ ߦߋ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߖߡߊ߬ߣߊ ߘߏ߫ ߟߎ߫ ߕߍ߫، ߊ߬ ߖߍ߬ߘߍ߸ ߂߀߂߆ ߞߏ߲ߞߏߜߍ ߟߊ߫߸ ߝߕߞߡߘ ߟߊ߫ ߓߊ߰ߓߊ߰ߟߌ ߞߍ߬ߟߍ ߞߵߊ߬ ߦߌ߬ߘߊ߬ ߞߏ߫ ߣߊ߲߬ߕߌ߰ ߁ ߆߅߀ ߦߴߊ߬ߟߎ߬ ߓߟߏ߫ ߓߊ߰ߓߊ߰ߟߌ߬ߟߊ ߟߎ߫ ߞߟߍ߬ ߞߊ߲ߡߊ߬߸ ߡߍ߲ ߠߎ߬ ߟߊߞߐ߯ߣߍ߲߫߸ ߊ߬ߟߎ߬ ߓߌߣߍ߲߫ ߞߘߊߎ߫.

ߏ߬ ߟߋ ߘߐ߫߸ ߓߐߒߡߊߟߌ ߣߌ߲߬ ߕߐ߬ߣߐ ߞߊ߫ ߓߏ߲߬ ߖߌ߬ߣߍ߫ ߞߊ߲߬ ߞߏߛߓߍ߫، ߓߊߏ߬߸ ߊ߬ ߘߌ߫ ߞߍ߫ ߕߙߎ߬ ߘߌ߫߸ ߊ߬ ߘߌ߫ ߟߐ߲߫߸ ߖߌ߬ߣߍ߬ ߕߊ ߏ߬ ߟߎ߬ ߟߊ߫ ߟߊ߬ߞߐ߰ߟߌ ߞߊߓߋ ߦߋ߫ ߘߌ߬߸ ߊ߬ߟߎ߬ ߘߝߊߣߍ߲߫ ߓߊ߬߸ ߊ߬ߟߎ߬ ߟߊ߫ ߖߐ߯ߙߊ߲ ߠߎ߬ ߣߴߊ߬ߟߎ߬ ߟߊ߫ ߞߟߍ߬ߡߎߙߊ߲ ߠߎ߬ ߝߣߊ߫ ߘߏ߲߬߸ ߊ߬ߝߐ߫ ߏ߬ ߓߍ߯ ߘߝߊߣߍ߲߫، ߗߋߦߊߟߌ ߢߌ߲߬ ߠߋ߬ ߞߍߕߐ߫ ߏ߬ ߓߍ߯ ߢߊߢߌߣߌ߲߫ ߠߊ߫ ߞߵߊ߬ߟߎ߬ ߓߟߏ ߟߴߊ߬ ߓߊ ߘߐ߫߸ ߞߵߊ߬ ߟߐ߲߫ ߣߴߊ߬ߟߎ߬ ߘߌ߫ ߛߋ߫ ߛߘߋߦߊߥߏ ߡߊ߬ߞߏߢߊ߬ ߟߊ߫.