ߞߊ߬ ߓߍ߲߬ ߘߋ߲ߣߍ߲ ߠߎ߬ ߞߍߟߌ ߡߊ߬ ߝߘߏ߬ߓߊ߬ ߘߌ߲ߞߌߙߊ ߛߌߦߊߡߊ߲߫ ߘߐ߫ ߖߡߊ߬ߣߊ ߢߊߝߍ߬ ߕߋ߲߬߸ ߊ߬ ߣߌ߫ ߓߊ߯ߙߊ߫ ߘߌ߲ߞߌߙߊ ߟߎ߬ ߘߐ߫߸ ߞߐߣߊߞߙߌ߫ ߞߕߌ߫ ߡߛߊߦߌ߲ߘߊ ߣߌ߫ ߞߊ߲ߞߊ߲߫ ߕߊ ߝߘߏ߬ߓߊ߬ ߞߕߌߞߊ߲ߘߊ߫ ߝߌ߬ߟߊ ߓߘߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߏ߬ ߞߏ ߘߐ߫߸ ߞߏ߫ ߊ߬ߟߎ߬ ߓߍߣߊ߬ ߓߟߏߘߐߓߍ߲߫ ߖߐ߲ߖߐ߲߫ ߛߌ߰ ߛߋ߲߬ߠߊ߫ ߞߊ߬ ߓߍ߲߬ ߘߋ߲ߣߍ߲ ߠߎ߬ ߟߊߕߊ߲߬ߞߊ߬ ߞߏ ߡߊ߬.

ߟߊ߬ߛߋ߬ߟߌ߫ ߟߋ߬ ߞߍ߫ ߘߊ߫ ߂߀߂߆ ߘߓߊ߬ߕߊ ߕߟߋ߬ ߇ ߡߊ߬߸ ߝߘߏ߬ߓߊ߬ ߞߕߌߞߊ߲ߘߊ߫ ߝߊ߬ߟߎ߫ ߘߎߎ߲߬ߓߎ߬ߦߊ߬ ߣߌ߫ ߡߊߙߑߥߊߣ ߓߊߟߑߘߋ߬ ߓߟߏ߫߸ ߞߕߌ߫ ߝߊ߯ߡߊ߫ ߝߌ߬ߟߊ ߢߌ߲߬ ߠߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߖߊ߬ߡߊߙߌ ߘߌ߫ ߞߕߌߘߊ ߦߌߟߡߊ߫ ߝߟߐ ߟߎ߫ ߡߊ߬߸ ߡߍ߲ ߠߎ߬ ߦߴߊ߬ߟߎ߬ ߟߊ߫ ߡߊ߬ߙߊ ߞߣߐ߫߸ ߞߏ߫ ߊ߬ߟߎ߬ ߦߋ߫ ߖߊ߲߬ߕߏ߬ߒ߬ߘߐ߬ ߜߘߋߜߘߋ ߛߌ߰ ߛߋ߲߬ߠߊ߫ ߞߊ߬ ߓߍ߲߬ ߘߋ߲ߣߍ߲ ߠߎ߬ ߟߊߕߊ߲߬ߞߊ߬ ߞߏ ߡߊ߬.

<<ߟߊ߬ߛߌ߲߬ߠߌ߲ ߏ߬ ߘߏ߲߬ ߞߐ ߛߍ߲߬ߓߍ߬ߣߍ߲߫ ߘߋ߲ߣߍ߲ ߠߎ߬ ߟߊ߫ ߛߊ߬ߙߌ߬ߦߊ߬ߛߎ߲ ߠߋ߬ ߟߊ߫߸ ߡߍ߲ ߦߴߊ߬ ߦߌ߬ߘߊ߬ ߞߏ߫ ߘߋ߲ߣߍ߲ ߕߴߛߋ߫ ߕߣߐ߬ߓߐ߬ ߟߊ߫ ߞߵߊ߬ ߞߍ߫ ߕߙߊߟߌߟߊ ߘߌ߫߸ ߞߵߊ߬ ߕߣߐ߬ߓߌߘߌ߲߫ ߥߊߘߌ߫ ߢߌߣߌ߲ ߘߊߞߘߐ߫߸ ߥߟߊ߫ ߞߵߊ߬ ߟߐ߬ ߓߊ߯ߙߊ߫ ߖߘߐ߬ߡߊ ߟߊ߫߸ ߊ߬ ߣߌ߫ ߓߊ߯ߙߊ߫ ߞߟߏߜߍߟߍ߲ ߛߎ߮ ߓߍ߯ ߘߏ߫߸ ߘߋ߲ߣߍ߲ ߕߴߛߋ߫ ߟߐ߬ ߟߴߏ߬ ߟߎ߬ ߛߌ߫ ߟߊ߫.>> ߟߊ߬ߛߋ߬ߟߌ߬ ߛߓߍ ߣߌ߲߬ ߞߵߏ߬ ߟߊߞߊ߬ߟߌ߬.

ߝߘߏ߬ߓߊ߬ ߞߕߌߞߊ߲ߘߊ ߢߌ߲߬ ߠߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߍߣߵߊ߬ߟߎ߬ ߓߟߏ ߟߊߘߌ߫ ߞߕߌ ߕߐ߲ߓߟߏߡߊ ߟߎ߫ ߡߊ߬߸ ߡߊ߬ߡߙߊ߬ߟߌ߬ ߞߏߟߊߕߍ߮ ߟߎ߫ ߡߊ߬߸  ߊ߬ ߣߌ߫ ߞߊ߬ߝߏ߬ߙߋ߲ ߡߊ߬ߡߙߊ߬ߟߌ߬ߟߊ ߟߎ߬߸ ߞߵߏ߬ ߟߊ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߣߌ߫ ߊߘߡߊߦߊ ߛߍ߬ߘߏ߲߬ߠߊ ߟߎ߫ ߡߊ߬߸ ߣߌ߲߬ ߞߎߡߊ߫ ߞߋߟߋ߲ ߛߋߕߐ߫ ߟߋ߬ ߤߊ߲߯ ߓߊ߯ߙߊ ߟߎ߫ ߜߋ߬ߟߎ߲߬ߠߌ߲߬ߘߊ ߟߊ߫߸ ߛߴߊ߬ߟߎ߬ ߘߌ߫ ߘߍ߬ ߞߊ߬ ߛߋ߫ ߣߌ߲߬ ߞߏ ߟߊߕߐ߲߫ ߠߊ߫.

ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߊ߬ ߝߐߣߍ߲߫ ߞߏ߫ ߖߊ߲߬ߕߏ߬ߟߌ ߦߙߍߞߍߟߌ ߘߌ߫ ߛߌ߰ ߛߋ߲߬ߠߊ߫߸ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߞߊ߲ߡߊ߬߸ ߊ߬ ߣߌ߫ ߡߐ߰ ߟߎ߬ ߡߊߟߐ߲߫ ߞߊ߲ߡߊ߬ ߡߍ߲ ߠߎ߬ ߗߋ ߦߴߊ߬ ߘߌ߫߸ ߖߐ߲߰ߛߊ߫ ߘߋ߲ߣߍ߲ ߠߎ߬ ߘߌ߫ ߟߊߕߊ߲߬ߞߊ߫، ߓߊߏ߬߸ ߛߋ߫ ߕߴߊ߬ߟߎ߫ ߖߍ߬ߘߍ ߦߋ߫ ߞߵߊ߬ߟߎ߫ ߓߊ߲߬، ߏ߬ ߟߋ ߘߐ߫߸ ߊ߬ߟߎ߬ ߓߍߣߊ߬ ߡߐ߱ ߟߎ߬ ߟߊߖߌ߰ ߦߙߐ߫ ߛߌߦߊߡߊ߲߫ ߘߐ߫߸ ߛߌߞߊ߫ ߓߊ߯ ߞߍ߫ ߝߊ߲߬ ߛߌ߫ ߡߊ߬߸ ߞߊ߬ ߥߊ߫ ߦߋ߲߬.

ߞߕߌߓߋߟߋ߲ ߢߌ߲߬ ߠߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ <<ߘߋ߲ߣߍ߲ ߠߎ߬ ߟߊߕߊ߲߬ߞߊ ߦߋ߫ ߛߊ߬ߙߌ߬ߦߊ߫ ߞߊ߲߬ ߘߌߦߊߜߏߦߊ ߟߋ߬ ߘߌ߫߸ ߊ߬ ߦߋ߫ ߡߐ߰ߦߊ ߣߌ߫ ߞߎ߲߬ߠߊ߬ߛߌ߰ߟߌ ߖߍ߬ߘߍ ߝߣߊ߫ ߡߊ߬ ߛߋ߲ߛߋߘߋ߲ ߘߌ߫ ߕߋ߲߬ ߠߋ߬.>> ߓߍ߯ ߟߋ߬ ߘߏ߲߬ ߞߏ߫ ߦߋ߫߸ ߌ ߞߍ߫ ߘߊ߫ ߡߏߦߌߓߊ߯ ߘߌ߫߸ ߟߊ߬ߡߐ߬ߓߊ߯ ߘߌ߫߸ ߓߊ߯ߙߊ߫ ߞߎ߲ߕߌ߯ ߘߌ߫߸ ߓߊ߯ߙߊ߫ ߦߙߐ߫ ߖߋ߬ߓߌ߬ߦߊ߬ߟߊ߫ ߘߌ߫߸ ߡߍ߲߬ߛߍ߲߬ߧߊ߬ߘߊ߫ ߘߌ߫߸ ߊ߬ ߣߌ߫ ߓߊ߯ߙߊ߫ ߦߙߐ߫ ߜߘߍ ߕߐ߭ ߛߎ߯ ߺ ߎ ߺ ߛߎ߯߸ ߓߍ߯ ߟߋ߬ ߣߌ߫ ߘߋ߲ߣߍ߲ ߠߎ߬ ߟߊߕߊ߲߬ߞߊ ߞߊ߫ ߞߊ߲߫.

ߝߘߏ߬ߓߊ߬ ߞߏߕߌ߯ߘߊ ߝߣߊ߫ ߞߵߊ߬ ߦߌ߬ߘߊ߬ ߞߏ߫: <<ߞߏߟߊߕߐ߲߫ ߣߐߝߍߜߍ߲ߠߌ߲ ߓߍߣߊ߬ ߛߌ߰ ߛߋ߲߬ߠߊ߫ ߡߐ߰ ߟߎ߬ ߞߊ߲ߡߊ߬߸ ߡߍ߲ ߠߎ߬ ߓߊ߯ ߡߌ߬ߣߊ߫ ߣߌ߲߬ ߞߏ ߘߐ߫߸ ߡߍ߲ ߠߎ߬ ߘߏ߲߬ߣߍ߲߫ ߘߋ߲ߣߍ߲ ߠߎ߬ ߞߊ߬ߛߌ ߘߐ߫ ߞߵߊ߬ߟߎ߬ ߤߊߞߍ ߓߐ߫ ߊ߬ߟߎ߬ ߓߟߏ߫.>>

ߊ߬ߟߎ߬ ߟߊ߫ ߛߓߍ߫ ߞߋߟߋ߲ ߣߌ߲߬ ߞߣߐ߫߸ ߞߕߌ ߝߊ߰ߡߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߬ ߞߊ߲ߠߊߘߌ߫ ߟߊ߫ ߖߡߊ߬ߣߊ߬ߘߋ߲ ߠߎ߫ ߡߊ߬߸ ߛߏ ߣߌ߫ ߞߌ߲߬ߘߊ ߞߎ߲߬ߕߌ߮ ߟߎ߫ ߡߊ߬߸ ߘߍ߭ ߛߌ߲߬ߝߏ߲߬ߘߊ ߟߎ߫ ߡߊ߬߸ ߝߐ߰ߓߍ߬ߘߊ ߟߎ߫ ߡߊ߬߸ ߓߍ߯ ߦߋ߫ ߣߌ߲߬ ߞߏ ߘߐߘߌߦߊ߫ ߖߡߊ߬ߣߊ ߡߎ߰ߡߍ ߞߣߐ߫߸ ߞߊ߬ ߢߍߓߍ߲ߠߌ߲ ߠߎ߬ ߞߍ߫߸ ߊ߬ ߣߌ߫ ߞߊ߬ ߘߋ߲ߣߍ߲ ߠߎ߬ ߟߊߕߊ߲߬ߞߊ߬.