ߘߋ߲ߡߛߏߣߍ߲ ߘߏ߫ ߟߋ߬ ߟߊ߫ ߞߕߌ ߘߊߡߌ߬ߣߊ߬ ߘߊ߫ ߞߊ߲߫ ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫ ߞߎߣߎ߲߬ ߞߐ߬ߓߊ߬ߟ߲߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬߸ ߊ߬ ߗߍ߬ ߝߊ߰ ߞߏ ߘߐ߫ ߊ߬ ߓߟߏ߫߸ ߏ߬ ߡߍ߲ ߕߐ߯ ߞߏ߫ ߎߛߑߡߊߣ ߖߊ߰ߣߍ، ߞߕߌ߫ ߘߊߞߎ߲ ߘߐ߫ ߏ߬ ߘߐ߫߸ ߘߋ߲ߡߛߏ ߞߵߊ߬ ߦߌ߬ߘߊ߬ ߞߏ߫ ߞߘߊߡߊߟߌ߫ ߝߘߎ ߟߋ߬ ߞߵߊ߬ ߟߐ߬ ߏ߬ ߞߍ߫ ߟߊ߫߸ ߝߘߎ ߏ߬ ߡߍ߲ ߡߊ߫ ߘߌߦߴߊ߬ ߦߋ߫ ߞߊ߬ߦߌ߯ ߊ߬ ߘߊߡߌ߬ߣߊ߬ ߥߊ߯ߕߌ ߟߊ߫.
ߘߋ߲ߡߛߏ ߞߵߊ߬ ߦߌ߬ߘߊ߬ ߞߕߌߕߍ߯ߟߊ ߟߎ߬ ߢߊߞߘߐ߫ ߦߋ߲߬߸ ߞߏ߫ ߂߀߂߄ ߞߵߊ߬ߟߋ ߛߊ߲߬ ߁߃ ߟߋ߬ ߛߐ߬ߘߐ߲߬߸ ߊ߬ ߟߊ߫ ߡߐ߱ ߟߎ߫ ߞߵߊ߬ ߘߌ߫ ߎߛߑߡߊߣ ߖߊ߰ߣߍ ߡߊ߬ ߘߌߦߊߜߏߦߊ߫ ߓߟߏ ߡߊ߬، ߊ߬ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߡߊ߫ ߛߐ߲߬߸ ߊ߬ ߞߵߊ߬ ߟߊ߫ ߓߊ߲߭ ߝߣߊ߫ ߦߌ߬ߘߊ߬ ߸ ߞߵߊ߬ ߟߴߊ߬ ߞߊ߲߬ ߞߏ߫ ߊ߬ ߡߊ߲߫ ߘߴߊ߬ ߦߋ߫، ߓߊ߬ߙߌ߬߸ ߊ߬ ߞߊ߲߫ ߞߏ߫ ߊ߬ ߟߊ߫ ߡߐ߱ ߟߎ߫ ߞߵߊ߬ ߟߊ߫ ߝߘߎ߫ ߞߏ ߕߏ߫ ߊ߬ ߡߊ߬߸ ߞߵߊ߬ ߘߌ߫ ߗߍ߭ ߡߊ߬ ߝߘߎ߫ ߟߊ߫.
ߊ߬ ߞߊ߲߫ ߞߏ߫ ߊ߬ ߞߊ߬ ߕߟߋ߬ ߁߁ ߠߋ߬ ߞߍ߫ ߊ߬ ߡߊߟߐ߭ ߞߐߝߍ߬߸ ߦߊ߬ߣߴߊ߬ ߦߴߊ߬ ߗߍ߬ ߝߊ߰، ߊ߬ ߟߊ߫ ߞߕߌ ߣߌ߲߬ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߕߎ߬ߢߊ ߟߋ߬ ߝߋߎ߫߸ ߊ߬ ߞߊ߬ ߡߎ߬ߙߎ ߟߋ߬ ߞߍ߫ ߞߵߊ߬ ߗߍ߬ ߎߛߑߡߊߣ ߖߊ߰ߣߍ ߛߐ߰߸ ߞߵߊ߬ ߛߐ߬ߘߐ߲߬ ߊ߬ ߟߊߣߍ߲߫ ߛߎ߬ߣߐ߮ ߘߐ߫، ߊ߬ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߘߐ߫߸ ߞߏ߫ ߊ߬ ߕߎ߲߬ ߕߴߊ߬ ߝߊ߰ ߞߏ߫ ߘߐ߫߸ ߊ߬߬ ߕߍ߬ߘߴߊ߬ ߝߍ߬ ߟߋ߬ ߞߊ߬ ߓߐ߫ ߝߘߎ ߏ߬ ߘߐ߫ ߝߋߎ߫.
ߘߋ߲ߡߛߏ ߞߵߊ߬ ߦߌ߬ߘߊ߬ ߞߏ߫ ߊ߬ ߞߊ߬ ߕߟߋ߬ ߘߊ߲ߘߐ ߡߍ߲ ߞߍ߫ ߊ߬ ߗߍ߬ ߓߘߊ ߝߘߎ ߞߣߐ߫ ߦߋ߲߬߸ ߕߙߐߦߊ߫ ߛߌߦߊߡߊ߲߫ ߠߋ߬ ߟߊ߫ ߘߴߊ߬ ߞߊ߲߬߸ ߤߊߟߌ߬ ߞߊ߬ߝߏ߬ߢߐ߲߰ߦߊ ߕߊ߫ ߓߟߏ ߡߊ߬߸ ߏ߬ ߓߍ߯ ߘߌߦߊߜߏߦߊ߫ ߘߴߊ߬ ߞߊ߲߬ ߠߋ߬، ߊ߬ ߟߊ߫ ߞߎߡߊ ߟߊߓߊ߲ ߘߐ߫߸ ߡߊ߬ߝߌ߲߬ߓߊ߰ߕߐ ߞߵߊ߬ ߟߊ߫ ߣߡߌߛߊ ߦߌ߬ߘߊ߬߸ ߞߏ߫ ߊ߬ ߢߌߣߌ߲ߣߍ߲߫ ߛߊ߬ߙߌ߬ߦߊ߬ ߟߊ߫ ߞߏߘߐߣߐ߯ߦߊ ߡߊ߬ ߞߏߛߓߍ߫.
ߞߊ߬ߙߊ߲߬ߡߐ߯ ߊ߬ߟߌ߫ ߖߊ߰ߣߍ߫ ߕߘߍ߬ ߞߕߌ߫ ߘߊߞߎ߲ ߢߌ߲߬ ߘߐ߫߸ ߏ߬ ߞߍ߫ ߘߊ߫ ߛߙߋߦߊ ߟߋ߬ ߘߌ߫ ߣߌ߲߬ ߞߏ ߘߐ߫߸ ߘߋ߲ߡߛߏ ߓߏߙߌ߲ߗߍ߫ ߟߋ߬ ߊ߬ߟߋ߬ ߘߌ߫، ߊ߬ߟߋ߫ ߞߵߊ߬ ߦߌ߬ߘߊ߬ ߞߏ߫ ߝߘߎ߫ ߞߏ ߣߌ߲߬ ߘߊߡߌ߬ߣߊ߬ ߘߊ߫ ߞߊ߬ߦߌ߯ ߘߋ߲ߡߛߏ ߛߐ߬ߘߐ߲߬ ߛߊ߲ ߠߋ߬، ߞߏ߫ ߟߊ߬ߤߘߌ ߟߋ߬ ߕߊ߬ ߘߊ߫߸ ߞߏ߫ ߊ߬ ߞߊ߫ ߞߊ߲߫ ߞߊ߬ ߛߌ߰ ߎߛߑߡߊߣ ߖߊ߰ߣߍ ߟߋ߬ ߞߎ߲߬߸ ߣߴߊ߬ ߛߌ߭ ߛߋ߫ ߘߊ߫ ߝߘߎ ߡߊ߬.
ߘߋ߲ߡߛߏ ߓߏ߲߬ߧߊ߬ߣߍ߲ ߡߎ߬ߕߎ߲߬ ߛߊ߫߸ ߏ߬ ߞߵߊ߬ ߝߐ߫ ߞߏ߫ ߊ߬ ߕߍ߫ ߝߘߎ ߘߐ߫߸ ߊ߬ ߘߏ߲߬ ߘߴߊ߬ ߣߊ߫ ߘߐ߫߸ ߛߊ߫ ߝߘߎ߫ ߞߏ ߣߌ߲߬ ߘߌ߫ ߓߟߏߞߊ߬ ߢߊ ߡߍ߲ ߡߊ߬߸ ߓߊ߬ߙߌ߬ ߏ߬ ߡߊ߫ ߓߍ߲߬، ߛߙߋ ߣߌ߲߬ ߞߵߊ߬ ߦߌ߬ߘߊ߬ ߞߏ߫ ߘߎ߰ߣߍ߲ ߠߎ߬ ߞߣߐ߫߸ ߘߌߦߊߜߏߦߊ߫ ߝߘߎ ߦߋ߫ ߞߍ߫ ߟߊ߫ ߟߋ߬ ߝߛߊߦߌ߫߸ ߣߌ߫ ߞߐߡߐ߮ ߟߎ߬ ߓߊ߲߫ ߘߊ߫ ߘߌ߬ߢߍ߬ ߟߊ߫߸ ߊ߬ ߓߊ߲ߣߍ߲߫ ߠߵߏ߬ ߘߌ߫.
ߊߟߎ߫ ߦߴߊ߬ ߟߐ߲߫ ߞߏ߫ ߣߌ߲߬ ߞߏ ߞߍ߫ ߘߊ߫ ߞߊ߬ߦߌ߯ ߂߀߂߄ ߠߋ߬ ߟߊ߫߸ ߓߊߕߍ߫ ߛߏ߬ߦߌ߬ߟߊ߫ ߛߏ ߞߣߐ߫߸ ߏ߬ ߡߍ߲ ߦߋ߫ ߓߊߕߍ߫ ߣߝߊ߬ߖߌ߫ ߡߙߊ߬ߘߊ߬ߙߋ߲ ߘߐ߫.
ߊ߬ ߦߌ߬ߘߊ߬ ߘߊ߫ ߞߕߌߘߊ ߦߌߟߡߊ߫ ߝߟߐ ߓߟߏ߫߸ ߞߏ߫ ߘߋ߲ߡߛߏ ߟߊ߫ ߞߕߌ ߕߐ߭ ߘߌ߫ ߞߍ߫ ߂߀߂߆ ߞߊ߬ߙߌ߬ߝߐ ߕߟߋ߬ ߃߁ ߡߊ߬߸ ߊ߬ ߣߌ߫ ߡߍ߲ ߞߊ߫ ߞߊ߲߫߸ ߞߵߏ߬ ߟߴߊ߬ ߞߎ߲߬.
Aucun commentaire pour le moment.