ߊ߲ ߞߵߊ߬ ߦߋ߫ ߘߐ߬ߛߙߋ߬ ߟߊߖߍ߲ߛߍ߲ߣߍ߲ ߘߏ߫ ߟߋ߬ ߘߐ߫ ߂߀߂߆ ߞߊ߬ߙߌ߬ߝߐ ߕߟߋ߬ ߁߭ ߡߊ߬߸ ߡߊ߬ߟߌ ߣߌ߫ ߓߙߎߞߌߣߊ߫ ߓߘߴߊ߬ߟߎ߬ ߟߊ߫ ߟߊ߬ߛߏ߬ߓߟߌ߬ ߛߓߍ ߟߊߘߏ߲߬ ߡߟߛ ߝߘߏ߬ߓߊ߬ ߞߟߊ߬ߕߌ߮ ߞߊ߲߬߸ ߊ߲ߕߏߣߌߦߏ ߜ߭ߎߕߋߙߍߛ߸ ߙߐߡߎ߲߬ ߛߌ߰ߞߊ߲ ߦߴߊ߬ߟߋ ߡߍ߲ ߠߊ߫ ߞߊ߬ߙߌ߬ߝߊ ߞߣߐ߫، ߒ߬ߓߊ߬߸ ߊ߬ߟߎ߫ ߞߊ߬ ߛߓߍ ߟߊߘߏ߲߬ ߊ߬ ߞߊ߲߬ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߠߋ߬ ߡߊ߬߸ ߊ߬ ߟߊߞߎ߲߬ߘߎ߬ ߘߊ߫ ߕߟߋ߬ ߃߀ ߡߊ߬، ߖߋ߬ߟߌ߬ߓߊ߬ߘߎ߯ ߟߋ߬ ߝߟߐ߫ ߞߊ߬ ߛߌߟߊ ߛߊ߫ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬.

ߡߊ߬ߟߌ ߣߌ߫ ߓߙߎߞߌߣߊ߫ ߝߊ߬ߛߏ߬ ߟߊ߫ ߛߓߍ߫ ߗߋߣߍ߲ ߣߌ߲߬ ߘߐ߫߸ ߊ߬ߟߎ߬ ߓߍ߯ ߓߍ߲߬ ߘߊ߫ ߞߊ߲߫ ߞߋߟߋ߲߫ ߠߋ߬ ߡߊ߬، ߞߊ߬ߕߎ߲߯߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߓߞߡ ߟߊߘߊ߲ߣߍ߲߫ ߘߎߢߊ߫ ߟߋ߬ ߦߋ߫߸ ߓߊ߬ߙߵߊ߬ߟߎ߬ ߦߋ߫ ߓߊ߯ߙߊ߫ ߟߴߊ߬ߟߎ߬ ߣߴߊ߬ߟߎ߫ ߢߌ߲߭ ߠߎ߬ ߟߋ߬ ߦߋ߫، ߞߊ߬ߕߎ߲߯߸ ߊ߬ߟߎ߬ ߞߊ߲߫ ߞߏ߫ <<ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߟߊߘߊ߲ߣߍ߲߫ ߞߊ߲ ߡߍ߲ ߞߊ߲߬߸ ߊ߬ߟߎ߬ ߓߘߴߏ߬ ߝߘߏ߬ ߝߊ߯ߙߌ߫.>> ߞߎ߲߬ߠߊ߬ߛߌ߯ ߝߌ߬ߟߊ ߣߌ߲߬ ߞߵߏ߬ ߦߌ߬ߘߊ߬߸ ߞߵߊ߬ߟߎ߬ ߘߊߣߐ ߕߏ߫ ߊ߬ ߡߊ߬ ߞߏ߫ ߞߕߌߘߊ ߢߌ߲߬ ߠߊ߫ ߞߕߌ߫ ߟߢߊ ߛߌ߫ ߓߍ߲߬ߣߍ߲߬ ߕߍ߫߸ ߊ߬ ߓߍ߯ ߦߋ߫ ߞߣߐߘߐߛߏߙߏ߲ߞߏ߫ ߞߕߌ ߟߎ߫ ߟߋ߬ ߘߌ߫ <<ߢߣߊߕߐߡߐ߲ߠߌ߲>> ߓߟߏ ߡߊ߬.

ߞߊ߬ߦߦߌ߯ ߂߀߂߅ ߕߎߟߊߝߌ߲ ߂߂ ߟߋ߬ ߡߊ߬߸ ߖߡߊ߬ߣߊ߫ ߝߌ߬ߟߊ ߢߌ߲߬ ߠߎ߬ ߞߎߡߊ߫ ߘߊ߫ ߓߞߡ ߟߊ߫ ߞߏ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߞߕߌߘߊ߫ ߟߋ߬ ߦߴߊ߬ ߘߌ߫߸ ߡߍ߲ ߦߋ߫ <<ߥߙߎߣߍߞߎߘߦߊ ߡߎ߬ߙߊ߲ ߘߌ߫ ߛߟߊߕߌ߯ߦߟߊ ߟߎ߬ ߕߍ߯ߞߘߐ߫>>، ߊ߬ ߖߍ߬ߘߍ߸ ߡߊ߬ߟߌ ߞߊ߲ߕߌ߮ ߊߛߡߌ߫ ߜ߭ߏ߬ߦߌ߬ߕߊ߫ ߞߵߊ߬ ߦߌ߬ߘߊ߫ ߏ߬ ߕߎ߬ߡߊ ߟߋ߬ ߟߊ߫߸ ߞߏ߫ ߓߞߡ ߦߋ߫ ߞߕߌߘߊ߫ <<ߖߘߍ߬ߡߊ߬ߘߌ߬ߦߊ߬ߟߊ߫ ߓߏߓߏ>> ߟߋ߬ ߘߌ߫ ߞߎ߲߬ߞߏ ߘߏ߫ ߟߎ߫ ߡߊ߬، ߓߊ߬ߙߌ߬߸ ߊ߬ߟߎ߬ ߘߴߊ߬ߟߎ߬ ߜߛߋߞߘߎ߬ ߞߵߊ߬ߟߎ߫ <<ߞߐ߲߬ߞߐ߲ ߝߊ߫ ߢߊ߲ߜߏߦߊ ߟߊ߫ ߡߐ߱ ߘߏ߫ ߟߎ߫ ߞߊ߲ߡߊ߬.>> ߞߵߊ߬ߟߎ߬ ߢߊ ߟߊߜߊ߲߫ ߘߎߢߊ߫ ߕߐ߭ ߟߊ߫ ߞߎ߲߬ߞߏ߬ ߘߐߕߍ߰ߣߍ߲ ߠߎ߬ ߞߎ߲߬ߠߊ߫߸ ߊ߬ߟߎ߬ ߣߌ߫ ߡߍ߲ ߠߎ߬ ߦߋ߫ ߡߙߌߦߊ߫ ߞߋߟߋ߲߫ ߞߊ߲߬.

ߞߊ߬ ߓߍ߲߬ ߙߐߡߎ߲߬ ߛߌ߰ߞߊ߲ ߕߐ߲ߛߋ߲ ߂߇߲ ߡߊ߬߸ ߌ ߓߴߌ ߟߊ߫ ߟߊ߬ߛߏ߬ߓߌ߬ߟߌ ߟߊߘߏ߲߬ ߟߏ߲ ߡߍ߲ ߞߏ߫ ߌ ߦߴߊ߬ ߝߍ߬ ߞߊ߬ ߓߐ߫߸ ߌ ߟߊ߫ ߓߐߟߌ ߦߋ߫ ߕߏ߫ ߟߴߊ߬ ߡߊ߬ ߏ߬ ߛߊ߲߬ ߞߋߟߋ߲ ߘߝߊ ߟߋ߬ ߡߊ߬، ߡߊ߬ߟߌ ߘߏ߲߬ ߘߊ߫ ߓߞߡ ߘߐ߫ ߂߀߀߀ ߟߋ߬ ߟߊ߫߸ ߓߙߎߞߌߣߊ߫ ߝߊ߬ߛߏ߫ ߘߏ߲߬ ߘߊ߫ ߂߀߀߄ ߠߊ߫، ߒ߬ߓߊ߬߸ ߊ߬ߟߎ߬ ߦߴߊ߬ ߘߐ߫ ߟߋ߬ ߝߣߊ߫ ߝߎߚߎ߫ ߤߊ߲߯ ߕߎ߬ߡߊ߬ ߝߐߣߍ߲ ߦߋ߫ ߛߋ߫ ߕߎ߬ߡߊ ߡߍ߲ ߠߊ߫߸ ߣߴߏ߬ ߦߋ߫ ߂߀߂߇ ߥߊ߬ߛߌ߬ߥߙߊ ߕߟߋ߬ ߃߀ ߘߌ߫߸ ߏ߬ ߟߋ ߊ߬ߟߎ߬ ߟߊ߫ ߓߐߟߌ߫ ߞߏ ߕߏߣߍ߲ ߘߴߊ߬ ߡߊ߬ ߛߍߣߍ߲߬ ߝߛߊߦߌ߫.

ߓߌ߲߬ߓߊ߬ߥߏ߬ߟߌ߬ ߞߕߌߖߌ߲ ߕߘߍ߬ߒ߬ߘߐ߬ ߖߡߊߣߊ ߟߎ߬ ߟߊ߫ ߝߊ߬ߛߏ߬ ߜߙߊ ߓߘߴߊ߬ ߦߌ߬ߘߊ߬ ߞߏ߫ ߡߊ߬ߟߌ ߣߌ߫ ߓߙߎߞߌߣߊ߫ ߟߊ߫ ߓߐߟߌ ߣߌ߲߬ ߡߊ߫ ߘߌߦߴߊ߬ߟߎ߬ ߦߋ߫߸ ߞߊ߬ߕߎ߲߯߸ ߞߏ߫ ߊ߬ߟߎ ߦߋ߫ ߓߊ߯ߙߊ߫ ߕߣߐ߬ߡߊ ߡߍ߲ ߠߎ߬ ߞߊ߲߬ ߡߐ߰ߦߊ ߤߊߞߍ ߡߞߊߘߊ߲ ߘߐ߫߸ ߖߡߊ߬ߣߊ ߢߌ߲߬ ߠߎ߬ ߡߊ߲߫ ߞߊ߲߫ ߞߊ߬ ߓߐ߫، ߏ߬ ߟߋ ߖߍ߬ߘߍ ߞߏߛߐ߲߬߸ ߊ߬ߟߎ߬ ߟߊ߫ ߞߎߡߟߊ ߘߏ߫ ߞߵߊ߬ ߦߌ߬ߘߊ߬ ߞߏ߫ ߌ߬ߦߏ߯߸ ߖߡߊ߬ߣߊ ߢߌ߲߬ ߠߎ߫ ߡߐ߱ ߟߎ߬ ߕߏߕߐ߫ ߟߋ߬ ߕߋ߲߬߸ ߡߞߊ߬ߞߊ߲߬ߓߊ߯ ߕߴߊ߬ߟߎ߬ ߟߊ߫ ߞߎ߲߬ߞߏ߬ ߖߎ߮ ߟߎ߬ ߘߐ߫ ߡߎ߬ߕߎ߲߬، ߊ߬ ߞߏ߬ߣߌ߲߸ ߊ߬ߟߎ߬ ߟߊ߫ ߞߎߡߊ ߏ߬ ߕߍߣߊ߬ ߞߞߢ ߖߡߊ߬ߣߊ߫ ߛߊ߬ߓߊ ߢߌ߲߬ ߠߎ߬ ߢߊߛߌ ߡߞߊߘߌ߫ ߟߊߊ߫ ߥߍ، ߓߊߏ߬߸ ߊ߬ߟߎ߬ ߓߘߊ߫ ߓߌ߫ ߞߵߊ߬ߟߎ߫ ߖߘߍ߬ߞߊ߬ߣߌ߲߬ ߞߕߌߘߊ ߟߊߘߊ߲߫߸ ߞߵߊ߬ߟߎ߫ ߣߍ߰ߓߐ߫ ߢߣߊߕߐߡߐ߲ߠߌ߲߫ ߞߕߌߘߊ ߢߌ߲߬ ߠߊ߫ ߞߏ ߘߐ߫߸ ߊ߬ߟߎ߬ ߟߊ߫ ߝߐߟߌ߫ ߘߐ߫.