ߣߊ߲߬ߝߟߏ߬ߦߊ߬ߟߌ ߞߎ߬ߕߊ߬ߞߏ ߟߎ߬ ߟߊߕߐ߲ ߞߕߌߖߌ߲ (ߣߞߟߞ) ߣߐ߬ ߞߕߌ ߟߋ߬ ߕߍ߰ ߟߊ߫ ߞߐ߬ߓߊ߬ߟߏ߲ ߢߌ߲߬ ߡߊ߬߸ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬ ߞߐߣߊߞߙߌ߫߸ ߞߊ߬ ߓߍ߲߬ ߥߎߟߊߟߊߓߌߟߊߢߐ߲߯ߡߊ ߞߏߕߌ߯ ߞߘߐ ߏߦߋ ߖߌߟߊߝ߭ߏߖߌ߫ ߟߊ߫ ߞߕߌ ߡߊ߬.
ߞߕߌ ߣߌ߲߬ ߘߐ߫߸ ߞߕߌߕߍ߯ߟߊ߫ ߊߟߌߝߊ߫ ߞߡߊ߬ߙߊ߬ ߞߊ߬ ߞߏߕߌ߯ ߞߘߐ ߣߌ߲߬ ߖߊ߲߬ߞߌ߲߫ ߛߊ߲߬ ߥߐ߯ߙߐ߫ ߥߛߎ߫ ߟߋ߬ ߟߊ߫، ߞߕߌߘߊ ߓߊ߲߫ ߘߊ߫ ߝߣߊ߫ ߞߊ߬ ߡߌ߬ߣߊ߬ߟߌ߬ ߛߓߍ ߓߌ߬ߟߴߊ߬ ߞߐ߫.
ߞߕߌߖߌ߲ ߞߊ߬ ߖߡߊ߬ߙߌ߬ ߜߘߍ߫ ߘߌ߫߸ ߞߵߊ߬ ߓߟߏߝߋ߲ ߠߎ߬ ߓߍ߯ ߡߣߊߡߙߊ߫ ߞߵߊ߬ ߘߌ߫ ߖߡߊ߬ߣߊ ߡߊ߬߸ ߏߦߋ ߖߌߟߊߝ߭ߏߖߌ߫ ߟߊ߫ ߘߎ߱ ߡߍ߲ ߦߋ߫ ߛߊ߲߬ߜ߭ߏ߬ߦߊ߫ ߓߊ߬߸ ߞߌߔߋ߬ ߓߊ߬߸ ߊ߬ ߣߌ߫ ߞߐ߬ߓߊ߬ߦߊ߫، ߊ߬ ߟߊ߫ ߟߎ ߘߏ߫ ߝߣߊ߫ ߦߋ߫ ߞߌ߲ߘߌߦߊ߫߸ ߊ߬ ߣߌ߫ ߡߊ߬ߛߊ߲߬ߕߊ߲߫߸ ߏ߬ ߟߎ߬ ߓߍ߯ ߡߌ߬ߣߊ߬ߣߍ߲߫ ߠߋ߬، ߊ߬ ߘߏ߲߬ ߘߊ߲߬ ߕߴߏ߬ ߘߌ߫߸ ߊ߬ ߟߊ߫ ߛߣߐ߬ߝߍ ߘߏ߫ ߦߋ߫ ߡߊ߬ߛߊ߲߬ߕߊ߲߫߸ ߏ߬ ߝߣߊ߫ ߡߌ߬ߣߊ߬ߣߍ߲߫ ߠߋ߬ ߊ߬ ߟߊ߫، ߞߏߕߌ߯ ߞߘߐ ߣߌ߲߬ ߞߊ߫ ߞߊ߲߫ ߞߊ߬ ߖߌ߬ߣߍ߬ ߕߊߡߊ߲ ߥߟߎ߬ߡߊ߬ ߟߏ߯ߟߎ߫ ߝߣߊ߫ ߛߙߊ߬߸ ߞߵߏ߬ ߞߍ߫ ߓߟߏߢߐ߯ߟߛߊߦߌ ߟߎ߬ ߘߌ߫.
ߥߊߘߌ ߡߍ߲ ߠߎ߬ ߘߌ߫ ߘߊ߫߸ ߞߏ߫ ߞߊ߬ ߛߏߕߍߟߑߖߌ ߟߊߥߟߌ߬߸ ߏ߬ ߥߊߘߌ ߢߡߊߞߍ߫ ߞߏ ߛߋ߲߬ ߦߴߊ߬ ߟߊ߫ ߞߕߌ ߣߌ߲߬ ߘߐ߫، ߞߊ߬ߕߎ߲߯߸ ߘߟߊ ߞߋ߲߬ߥߟߎ߬ ߅߀ ߟߋ߬ ߘߌ߫ ߘߊ߫߸ ߞߏ߫ ߞߊ߬ ߛߏߕߍߟߑߖߌ ߓߊ߯ߙߊ ߟߊߥߟߌ߬߸ ߊ߬ ߦߋ߫ ߘߊ߫ ߞߏ߫ ߞߏߕߌ߯ ߞߘߐ ߣߌ߲߬ ߞߊ߬ ߜߍߟߊߜߍ ߞߍ߫ ߏ߬ ߘߊߞߎ߲ ߘߐ߫߸ ߞߊ߬ ߝߘߏ߬ߓߊ߬ ߣߊ߲ߝߟߏ ߞߎ߲߬ߡߙߎ߫، ߏ߬ ߟߋ ߘߐ߫߸ ߝߘߏ߬ߓߊ߬ ߞߏߕߌ߯ߘߊ ߞߵߊ߬ ߦߌ߬ߘߴߊ߬ ߟߊ߫ ߡߌ߬ߣߊ߬ߞߊ߲߬ߝߐ ߘߐ߫߸ ߞߏ߫ ߞߵߊ߬ ߓߌ߬ߟߊ߫ ߛߊ߲߬ ߁߀ ߥߛߎ߫ ߟߊ߫߸ ߊ߬ ߣߌ߫ ߖߌ߬ߣߍ߬ ߕߊߡߊ߲ ߥߟߎ߬ߡߊ߬ ߅߀ ߢߍ߬ߢߌ߲߬ߘߐ߬ߓߍ߲.
ߏߦߋ ߖߌߟߊߝ߭ߏߖߌ߫ ߓߐ߫ ߘߊ߫ ߖߌ߬ߣߍ߬ ߞߣߐ߫ ߂߀߂߃ ߟߋ߬ ߟߊ߫߸ ߊ߬ ߟߊߓߐ߫ ߘߊ߫ ߞߏ߫ ߊ߬ ߦߋ߫ ߥߴߊ߬ ߘߊ߲ߘߊ߫ ߦߌߟߊ ߟߋ߬ ߘߐ߫، ߞߊ߬ߦߌ߯ ߏ߬ ߞߍ߫ ߘߊ߫߸ ߊ߬ ߡߴߊ߬ ߞߐߛߊ߬ߦߌ߲߫ ߡߎ߬ߕߎ߲߬.
ߡߌ߬ߣߊ߬ߟߌ߬ ߛߓߍ ߞߏ߬ߣߌ߲ ߓߘߊ߫ ߓߌ߬ߟߴߊ߬ ߞߐ߫߸ ߛߌ߰ ߞߍߣߍ߲߫ ߞߵߏ߬ ߞߐߝߟߌ ߟߋ߬ ߡߊߞߐ߬ߣߐ߲߫ ߡߎ߬ߕߎ߲߬ ߛߊ߫.
Aucun commentaire pour le moment.