ߣߌ߲߬ ߞߏ ߓߍ߯ ߘߊߡߌ߬ߣߊ߬ ߘߊ߫ ߟߊ߬ߛߏ߬ߓߌ߬ߟߌ ߟߋ߬ ߡߊ߬، ߥߊ߬ߛߌ߬ߥߙߊ ߕߋ߬ߟߋ߫ ߂߁ ߠߋ߬ ߡߊ߬߸ ߕߎ߲ߞߊߙߊ߲ߞߋ߫ ߘߓߌߘߓߌ ߞߍ߬ߟߍ ߞߐ߬ߡߐ߲߬ߞߐߡߐ߲߫ ߕߌ߲߬ߞߎ߬ߘߎ߲߬ߠߊ߬ߞߊ ߡߍ߲ ߦߋ߫ ߗߍ߬ߘߎ߯߸ ߏ߬ ߟߎ߬ ߟߊߟߐ߲ߠߌ߲߫ ߘߊ߫߸ ߞߏ߫ ߟߎ ߘߏ߫ ߦߋ߫ ߞߊ߯ߙߊߞߋߣߊ߫߸ ߖߋ߬ߟߌ߬ߓߟߊ߬ߞߊ߬ ߘߋ߲ߡߛߏߣߍ߲ ߘߏ߫ ߟߎ߫ ߦߋ߫ ߟߊߘߏ߲߬ ߠߊ߫ ߛߣߍ߬ߜ߭ߊ߬ߟߌ߬ ߞߣߐ߫ ߦߋ߲߬߸ ߞߵߊ߬ߟߎ߬ ߘߌߦߊߜߏߦߊ߫ ߞߵߊ߬ߟߎ߫ ߟߐ߬ ߖߘߍ߬ߝߙߋ ߟߊ߫ (ߝߊߕߎߦߊ)، ߕߍ߮ ߞߍ߫ ߘߊ߫ ߡߊ߬ߞߘߐ ߘߏ߫ ߟߋ߬ ߘߐ߫ ߏ߬ ߘߐ߫ ߛߊ߫߸ ߡߍ߲ ߕߐ߯ ߞߏ߫ ߛ߭ߎߞߑߥߎߖ߭ߋߞߑߥߎ ߊߓߜ߭ߎ߫߸ ߊ߬ ߞߊ߲߬ߕߐ߮ ߦߋ߫ <<ߊ߲ߖ߭ߍߟ>> ߘߌ߫߸ ߕߍ߮ ߞߍ߫ ߘߴߊ߬ ߘߐ߫ ߊ߬ ߟߊ߫ ߟߎ ߡߊ߬ ߟߋ߬߸ ߏ߬ ߟߋ ߞߊ߬ ߝߌߘߊ ߓߐ߫ ߞߏ ߕߐ߭ ߡߎ߰ߡߍ ߢߍߡߊ߬ ߞߵߊ߬ߟߎ߫ ߜߎ߲߬ߘߎ ߟߊ߫ ߕߋ߬ߟߋ ߟߊ߫.

ߊ߬ ߟߊ߫ ߘߊߘߐߢߌߣߌ߲ߞߊߟߌ ߝߍ߬߸ ߛߌߞߊߒߡߊߓߊ߯ߕߐ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ߫ ߖߘߍ߬ߓߊ߬ߞߎ߲ ߠߋ߬ ߡߐ߰ ߝߌ߬ߟߊ߬ ߟߊߓߐ߫ ߖߋ߬ߟߌ߬ߓߊ߬ߟߊ߫ ߞߊ߬ ߣߵߊ߬ߟߎ߬ ߘߌ߫ ߞߊ߯ߙߊߞߋߣߊ߫ ߘߎ߱ ߞߣߐ߫߸ ߡߐ߰ ߝߌ߬ߟߊ ߏ߬ ߟߎ߫ ߟߋ߬ ߖ߭ߊߡߍߛ ߣߌ߫ ߋߖ߭ߋ ߘߌ߫، ߊ߬ ߞߊ߲߫ ߞߏ߫ ߊ߬ ߞߊ߬ ߡߐ߰ ߝߌ߬ߟߊ ߏ߬ ߟߎ߫ ߛߊ߲߬ ߛߍߝߊ ߁߉߇ ߀߀߀ ߟߋ߬ ߟߊ߫، ߊ߬ߟߎ߬ ߛߋ ߊ߬ߟߋ ߓߟߏ߫ ߛߣߍ߬ߜ߭ߊߟߌ߫ ߞߣߐ߫߸ ߘߋ߲ߡߛߏߣߍ߲߫ ߝߌ߬ߟߊ ߏ߬ ߓߍ߯߯ ߘߌߦߊߜߏߦߊ߫ ߘߊ߫ ߞߵߊ߬ߟߎ߫ ߟߐ߬ ߛߍߝߊ ߁ ߅߀߀ ߀߀߀ ߛߙߊ߬ ߟߴߊ߬ߟߋ߬ ߦߋ߫ ߘߌߦߊߜߏߦߊ߫ ߓߟߏ ߡߊ߬߸ ߞߵߊ߬ ߝߐ߫ ߊ߬ߟߎ߬ ߦߋ߫ ߞߏ߫ ߊ߬ߟߎ߬ ߟߊ߫ <<ߕߊ߯ߡߊ߫ ߛߙߊ>> ߟߵߏ߬ ߘߌ߫، ߏ߬ ߟߋ ߞߊ߫ ߞߊ߲߫ ߞߊ߬ ߟߊߛߊ߬ߦߌ߲߫ ߊ߬ߟߎ߬ ߓߟߏ߫، ߝߣߊ߫߸ ߥߊߘߌ߫ ߜߘߍ߫ ߝߣߊ߫ ߛߊ߬ߙߊ ߦߴߊ߬ߟߎ߫ ߡߊ߬ ߘߌߦߊߜߏߦߊ ߘߌ߫߸ ߊ߬ߟߎ߬ ߦߋ߫ ߛߍߝߊ ߁ ߅߀߀ ߟߋ߬ ߟߊߘߏ߲߬ ߠߊ߫ ߕߋ߬ߟߋ ߺ ߋ ߺ ߕߟߋ߬߸ ߞߵߏ߬ ߞߍ߫ ߊ߬ߟߎ߫ ߛߌ߬ ߓߏ߲ ߛߊ߬ߙߊ ߟߵߏ߬ ߘߌ߫.

ߊ߬ ߕߐ߬ ߡߐ߰ ߝߌ߬ߟߊ߬ ߜߘߍ ߛߊ߫߸ ߣߊߟߌ߬ߡߎ߲߫ ߋߞߋ߫ ߣߌ߫ ߙߝߊߦߍߟ ߘߌ߫߸ ߏ߬ ߟߎ߬ ߓߍ߯ ߦߋ߫ ߘߋ߲߬ߣߍ߲߫ ߛߊ߲߬ ߁߇ ߟߎ߫ ߟߋ߬ ߘߌ߫߸ ߊ߬ ߟߐ߲߫ ߘߊ߫ ߡߐ߰ ߝߌ߬ߟߊ ߏ߬ ߟߎ߬ ߟߊ߫ ߞߏ ߟߋ߬ ߝߍ߬߸ ߞߏ߫ <<ߊ߲ߖ߭ߍߟ>> ߞߋߟߋ߲߫ ߕߍ߫ ߞߙߏ߬ߝߏ ߣߌ߲߬ ߡߊ߬߸ ߊ߬ߟߎ߬ ߣߌ߫ ߡߛߏ߬ ߜߘߍ߫ ߟߎ߫ ߟߋ߬ ߓߟߏ ߦߋ߫ ߢߐ߲߯ ߓߟߏ߫߸ ߡߍ߲ ߠߎ߬ ߝߣߊ߫ ߦߋ߫ ߡߐ߰ ߢߌߣߌ߲ ߞߍ߫ ߟߴߊ߬ ߦߋ߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߊ߲߬، ߞߊ߬ߕߎ߲߯߸ ߡߏ߬ߛߏ߫ ߝߌ߬ߟߊ߫ ߟߋ߬ ߦߋ߫ ߖߋ߬ߟߌ߬ߓߊ߬ߟߊ߫߸ ߞߏ߫ ߔߑߙߍ߲ߛߍߛ߸ ߊ߬ ߣߌ߫ ߌߖ߭ߏߡߊ߫߸ ߏ߬ ߟߎ߫ ߟߋ߬ ߞߊ߬ ߘߋ߲ߣߍ߲߫ ߝߌ߬ߟߊ ߏ߬ ߟߎ߬ ߟߊߣߊ߬ <<ߊ߲ߖ߭ߍߟ>> ߡߊ߬ ߛߣߍ߬ߜ߭ߊߟߌ߫߸ ߏ߬ ߦߴߊ߬ߟߎ߫ ߟߐ߬ ߖߘߍ߬ߝߙߋ ߟߊ߫، ߊ߬ߟߎ߬ ߓߊ߯ ߕߐ߬ߣߐ ߡߍ߲ ߠߊߘߏ߲߬߸ ߏ߬ ߘߌ߫ ߟߊߕߊ߯ ߡߏ߬ߛߏ߫ ߝߌ߬ߟߊ ߏ߬ ߟߎ߫ ߡߊ߬ ߖߋ߬ߟߌ߬ߓߊ߬ߟߊ߫، ߏ߬ ߟߋ ߞߵߊ߬ ߦߌ߬ߘߊ߬߸ ߞߏ߫ ߞߙߏ߬ߝߏ߬ ߘߋ߲߬ߣߍ߲߬ ߕߴߊ߬ߟߎ߬ ߟߊ߫ ߞߙߏ߬ߝߏ ߣߌ߲߬ ߘߌ߫.

ߞߏߢߊߢߌߣߌ߲ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߐ߰ ߜߘߍ߫ ߦߴߊ߬ߟߎ߬ ߓߟߏ߫߸ ߞߏ߫ ߐ߲ߤߎ߫߸ ߏ߬ ߟߋ ߘߊ߲ߡߛߏߣߍ߲ ߠߎ߬ ߢߣߊߕߐ߬ߡߐ߲߬ ߠߊ߫ ߖߋ߬ߟߌ߬ߓߊ߬ߟߊ߫ ߞߣߐ߫ ߞߵߊ߬ ߟߊߣߊ߬، ߘߏ߫ ߝߣߊ߫ ߛߋ߲߬ ߦߋ߫ ߣߌ߲߬ ߞߏ ߘߐ߫߸ ߏ߬ ߕߐ߯ ߟߋ߬ ߞߏ߫ ߌߣߏߛߊ߲߸ ߏ߬ ߦߋ߫ ߣߊ߲߬ߕߌ߮ ߟߋ߬ ߘߌ߫߸ ߊ߬ߟߎ߬ ߣߴߏ߬ ߟߋ ߓߟߏ ߦߋ߫ ߢߐ߲߮ ߓߟߏ߫ ߓߐߕߏ߲ ߠߊ߫߸ ߞߊ߬ ߟߕߊ߬ߡߌ߲߬ߠߌ߲ ߠߊߛߣߐ߬ߦߴߊ߬ߟߎ߫ ߡߊ߬ ߖߋ߬ߟߌ߬ߓߊ߬ߟߊ߫ ߓߋߣߍ߲߫ ߓߐߕߏ߲ ߠߊ߫، ߡߐ߰ ߜߘߍ߫ ߝߣߊ߫ ߦߴߊ߬ߟߎ߬ ߓߟߏ߫߸ ߞߏ߫ ߊ߬ߟߊ߯ߖߌ߬߸ ߏ߬ ߟߋ ߝߣߊ߫ ߦߋ߫ ߘߐ߬ߛߙߋ߬ ߝߏߝߏ ߟߎ߬ ߟߊߘߊ߲߫ ߠߊ߫ ߞߵߊ߬ ߘߌ߫ ߊ߬ߟߎ߬ ߟߊ߫ ߘߋ߲ߡߛߏߣߍ߲ ߠߎ߬ ߡߊ߬، ߡߊ߬ߟߌ߬ߞߊ߬ ߞߋߟߋ߲߫ ߝߣߊ߫ ߛߋ߲߬ ߦߴߊ߬ ߞߏ ߘߐ߫߸ ߏ߬ ߦߋ߫ ߥߊߟߌߥߊߟߌ߫ ߓߏߙߌߟߊ ߟߋ߬ ߘߌ߫߸ ߏ߬ ߟߋ ߊ߬ߟߎ߬ ߟߊ߫ ߡߐ߱ ߟߎ߫ ߕߊ߬ ߟߊ߫ ߡߊ߬ߟߌ ߟߊ߫߸ ߞߵߊ߬ߟߎ߬ ߟߊߘߏ߲߬ ߛߣߍ߬ߜ߭ߊߟߌ߫ ߞߣߐ߫ ߘߏ߲߰ߠߌ߲߬ߘߏ߰ߠߌ߲߬ ߓߟߏ ߡߊ߬.

ߏ߬ ߟߋ ߘߐ߫߸ ߕߍ߮ ߞߍ߫ ߘߊ߫ ߡߏ߬ߛߏ ߡߍ߲ ߘߐ߫ ߗߍ߬ߘߎ߰ ߡߙߊ ߘߐ߫ ߣߌ߲߬߸ ߊ߬ߟߋ ߓߘߊ߫ ߟߊߘߏ߲߬ ߥߛߎ ߟߊ߫߸ ߡߐ߰ ߞߏ߬ߙߏ߲߬ ߘߍ߸ ߥߎߦߊ ߛߋ߲߬ߘߏ߲߬ߢߐ߲߰ߦߊ߸ ߡߊ߬ߞߘߐ߬ߦߊ߸ ߊ߬ ߣߌ߫ ߡߐ߱ ߕߣߐ߬ߓߌߘߌ߲ ߞߏߛߐ߲߬، ߘߋ߲ߡߛߏߣߍ߲߫ ߡߐ߰ ߣߊ߯ߣߌ߲ ߡߍ߲ ߠߎ߬ ߕߍ߬ߘߍ߫ ߊ߬ߟߎ߬ ߓߟߏ߫ ߦߋ߲߬߸ ߏ߬ ߟߎ߫ ߕߊ߬ ߘߊ߫ ߞߵߊ߬ߟߎ߬ ߘߌ߫ ߛߘߞ ߘߏ߫ ߡߊ߬߸ ߞߏ߫ ߟߊ߬ ߟߎ߳ߡߌߦߍߙ ߘߋ߬ ߗߍ߬ߘߎ߯.