ߞߊ߲ߞߊ߲߫ ߞߣߐ߫ ߕߋ߲߬߸ ߖߌߥߎ߫ ߞߏߖߊ ߕߍ߫ ߓߊ߲߫߸ ߓߏ߬ߙߌ߬ߝߋ߲߬ߕߌ߮ ߟߎ߬ ߓߘߊ߫ ߛߋ߲߬ߠߊߛߘߌ߬، ߟߐ߬ߖߟߎ߬ ߖߊ߲ ߠߎ߬ ߦߋ߫ ߝߊ߲߭ ߓߍ߯ ߘߐ߫߸ ߕߋ߬ߟߋ ߦߋ߫ ߞߎ߲߬ߕߍ ߟߎ߬ ߘߐ߫߸ ߊ߬ ߘߊ߬ߟߎ߫ ߘߏ߲߬ ߕߍ߫ ߡߐ߰ ߓߟߏ߫߸ ߞߏ߫ ߒ ߘߌ߫ ߛߏ߬ߙߌ߫ ߞߊ߬ ߕߋ߬ߟߋ߲ ߓߊ߲ ߟߐ߬ߟߌ ߘߐ߫߸ ߞߊ߬ ߓߊ߲߫ ߞߊ߬ ߖߌߥߎ ߛߐ߬ߘߐ߲߬، ߓߊߏ߬߸ ߌ ߘߌ߫ ߛߋ߫ ߕߋ߬ߟߋ ߖߊ߲߬ߝߊ߬ ߟߊ߫߸ ߘߊߞߎ߲ ߛߋ߫ ߕߎߡߊ߫ ߓߘߍߓߘߍ ߌ ߡߊ߬߸ ߌ ߘߴߊ߬ ߡߍ߲߫ ߞߏ߫ ߓߊ߯ߙߊ ߓߘߊ߫ ߟߊߟߐ߬، ߘߏ߫ ߟߎ߫ ߘߌ߫ ߥߊ߫ ߛߎ ߝߍ߬߸ ߞߊ߬ ߞߣߍ ߟߊߓߐ߫ ߖߌߥߎߘߊ ߟߊ߫، ߏ߬ ߞߏ ߓߘߊ߫ ߞߍ߫ ߖߛߎ߬ߡߊ߬ߞߛߊ ߘߌ߫߸ ߞߊ߬ ߘߌߡߌ߲ ߞߍ߫ ߓߍ߯ ߕߊ߯ߟߊ߲ ߘߌ߫߸ ߞߍߢߊߕߍߒߞߣߐߐ ߓߘߊ߫ ߝߊ߲߬ߞߊ߫ ߛߐ߬ߘߐ߲߬.

<<ߒ ߣߊ߬ߣߍ߲߫ ߊߡߊߘߎ߫ ߦߍߛ ߟߊ߫ ߖߌߥߎߘߊ ߟߊ߫ ߦߊ߲߬ ߞߊ߬ߦߌ߯߸ ߈ ߕߎߡߊ ߝߊ߲߭ߝߍ߬߸ ߓߊ߬ߙߌ߫߸ ߊ߲ ߧߋ߫ ߁߂ ߕߎߡߊ ߟߋ߬ ߘߐ߫ ߕߋ߲߬߸ ߒ ߡߊ߫ ߖߌߥߎ߫ ߛߐ߬ߘߐ߲߬ ߝߟߐ߫.>> ߕߎ߬ߡߊ߬ߣߌ߫ ߛߌ߬ߡߊ߬ߜ߭ߊ߲߫ ߠߋ߬ ߞߊ߲߫ ߏ߬ ߘߌ߫߸ ߊ߬ߟߋ ߡߍ߲ ߓߘߊ߫ ߛߍ߰ ߡߊ߬ߞߐ߬ߣߐ߲߬ߠߌ߲ ߘߐ߫، ߊ߬ ߓߘߊ߫ ߛߌ߬ߛߌ߫ ߣߌ߲߬ ߞߏ ߘߐ߫ <<ߣߴߌ ߦߴߊ߬ ߝߍ߬ ߞߊ߬ ߖߌߥߎ ߛߐ߬ߘߐ߲߬ ߞߊߟߌߦߊ߫ ߓߟߏߡߊ߬ ߕߋ߲߬߸ ߝߏ߫ ߊ߬ ߦߴߊ߬ ߛߐ߬ߘߐ߲߬ ߌ ߣߌ߫ ߡߊ߬ߛߐ߬ߟߌ߬ߟߊ ߟߎ߬ ߘߌߡߊ߲߫߸ ߊߟߎ߫ ߞߊ߬ ߢߐ߲߯ ߟߐ߲߫، ߓߊߏ߬߸ ߝߊߦߌߘߊ߫ ߊ߬ߟߎ߬ ߦߴߊ߬ ߞߍ߫ ߟߊ߫ ߊ߬ߟߎ߬ ߟߐ߲ߓߊ߮ ߜߊ߲߬ߛߊ߲߫ ߠߎ߫ ߟߋ߬ ߞߎ߲߬߸ ߊ߲ ߟߐ߬ߣߍ߲߫ ߕߟߋ߬ߜߍ ߞߘߐ߫߸ ߊ߬ߟߎ߬ ߘߌ߫ ߓߊ߲߫ ߞߊ߬ ߔߐ߲ߔ ߟߊߛߊ߬ ߞߏ߫ ߖߌߥߎ߫ ߕߍ߫ ߦߋ߲߬.>> ߊ߬ ߞߵߏ߬ ߝߐ߫ ߞߵߊ߬ ߦߌ߬ߘߊ߬ ߞߏ߫ ߢߣߊߕߐߡߐ߲ߠߌ߲ ߠߋ߬ ߓߘߊ߫ ߝߊ߲߬ߞߊ߫ ߛߐ߬ߘߐ߲߬.

ߞߊ߬ ߓߍ߲߬ ߖߌߥߎ ߛߐ߬ߘߐ߲߬ߓߊߟߌߦߊ ߡߊ߬߸ ߖߌߥߎߘߊ ߟߎ߬ ߝߣߊ߫ ߓߘߊ߫ ߛߊ߬ߙߌ߬ߦߊ߬ ߜߍߟߍ߲߫ ߛߌ߰، ߡߎߛߊ߫ ߞߋߕߊ߬ ߞߊ߲߫ ߞߏ߫ ߘߊ߲߭ ߠߋ߬ ߡߐ߰ ߞߋߟߋ߲ ߠߊ߫ ߕߏ߲ߜߊ߫ ߛߐ߬ߘߐ߲߬ߕߊ ߟߊ߫ ߖߌߥߎߘߊ߫ ߛߌߦߊߡߊ߲߫ ߞߣߐ߫߸ ߤߊߟߌ߬ ߥߊߟߌߥߊߟߌ߫ ߓߏߙߌߟߊ ߟߎ߬ ߝߣߊ߫ ߝߍ߬. <<ߖߌߥߎ ߕߏ߲ߜߊ߫ ߅ ߟߋ߬ ߦߋ߫ ߞߍ߫ ߟߴߊ߲ ߞߎ߲߬، ߣߴߌ ߦߴߊ߬ ߝߍ߬ ߞߊ߬ ߦߍ߬ߟߍ߫ ߏ߬ ߛߊ߲ߘߐ߫߸ ߏ߬ ߞߎߡߊ ߞߊ߫ ߛߌߦߊ߫ ߞߏߛߓߍ߫، ߓߊߏ߬߸ ߝߏ߫ ߌ ߦߋ߫ ߘߏ߫ ߟߋ߬ ߟߴߊ߬ ߞߊ߲߬ ߕߘߋ߫.>> ߊ߬ ߞߵߏ߬ ߦߌ߬ߘߊ߬، ߊ߬ߟߋ ߟߊ߫ ߝߐߟߌ߫ ߘߐ߫߸ ߘߏ߫ ߟߎ߫ ߦߋ߫ ߣߊ߬ ߟߊ߫ ߟߋ߬ ߖߌߥߎ ߕߊ߬ ߟߊ߫߸ ߞߊ߬ ߥߴߊ߬ ߝߋ߬ߙߋ߫ ߛߐ߲߬ߞߐ߬ ߜߍߟߍ߲ ߠߊ߫ ߟߐ߯ߝߌ߲ ߠߎ߬ ߘߐ߫.

ߞߊ߲ߞߊ߲߫ ߛߌߟߊ ߟߎ߫ ߝߍ߬ ߕߋ߲߬߸ ߖߌߥߎ ߦߋ߫ ߛߐ߬ߘߐ߲߬ ߠߊ߫ ߘߓߌ߬ߘߓߌ߬ ߓߟߏ ߡߊ߬ ߝߛߊߦߌ߫، ߓߊ߬ߙߌ߬߸ ߝߏ߫ ߌ ߦߋ߫ ߂߀ ߀߀߀ ߤߊ߲߯ ߂߅ ߀߀߀ ߟߋ߬ ߓߐ߫߸ ߘߏ߫ ߟߎ߫ ߖߍ߬ߘߍ ߘߌ߫ ߅߀ ߀߀߀ ߓߍ߯ ߝߐ߫، ߏ߬ ߘߏ߲߬ ߦߋ߫ ߘߊ߲߬ߠߕߊ߬ߡߌ߲߬ ߛߐ߲ߞߐ ߟߋ߬ ߘߌ߫ ߝߋߎ߫.

ߖߌߥߎ߫ ߞߏߖߊ ߣߌ߲߬ ߞߐߝߟߌ ߦߋ߫ ߓߍ߯ ߟߋ߬ ߞߊ߲߬߸ ߘߊߞߎ߲ ߓߍ߯ ߘߏ߫ ߘߐ߫، ߞߊ߬ߙߊ߲߬ߠߊ߬ߘߋ߲ ߠߎ߬ ߓߊ߬߸ ߓߊ߯ߙߊߞߍߟߊ ߟߎ߬߸ ߥߊߟߌߥߊߟߌ߫ ߓߏߙߌߟߊ ߟߎ߬߸ ߡߊ߲߬ߕߐߙ ߦߴߊ߬ ߓߍ߯ ߞߊ߲߬ ߣߌ߲߬ ߞߏ ߘߐ߫، <<ߥߊ߯ߕߌ ߣߌ߲߬ ߞߊ߫ ߞߊ߲߫ ߕߘߍ߬ ߞߊ߬ ߒߠߋ ߛߐ߬ߘߐ߲߬ ߖߊ߯ߓߘߊ ߟߋ߬ ߟߊ߫߸ ߓߊ߬ߙߌ߬ ߒ ߓߘߊ߫ ߣߊ߬ ߟߢߊߙߊ߲߫ ߦߊ߲߬، ߖߌߥߎ߫ ߕߍ߫ ߒ ߞߎ߲߬߸ ߕߊ߯ߟߌ ߜߍ߬ߟߍ߲߬ߡߊ߲߬ ߦߙߐ ߟߊ߫ ߖߊ߲߰ߧߊ ߞߏߛߐ߲߬.>> ߟߊ߱ߦߌ߬ ߞߙߎ߬ߡߊ߫ ߟߋ߬ ߞߊ߲߫ ߕߋ߲߬.

ߡߐ߱ ߟߎ߬ ߟߊ߫ ߖߌߥߎ߫ ߛߐߘߐ߲ߓߊߟߌߦߊ ߡߊ߲߬ߕߙߐ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߏ߫ ߜߘߍ߫ ߝߣߊ߫ ߓߘߊ߫ ߟߊߞߙߐ߬ߛߌ߫ ߊ߬ ߘߐ߫߸ ߡߍ߲ ߦߋ߫ ߡߐ߱ ߟߎ߬ ߕߙߐ߫ ߟߊ߫ ߖߌߥߎߘߊ ߟߎ߬ ߟߊ߫، ߛߌߞߊ߫ ߞߍߣߍ߲߫ ߢߣߊߕߐߡߐ߲ߠߌ߲ ߠߋ߬ ߡߊ߬ ߟߐ߲ߓߊ߯ߦߊ߫ ߞߏ ߣߌ߫ ߥߊߘߌ߫ ߡߌߛߍ߲ߣߍ߲߫ ߡߌߣߊ ߘߐ߫، ߣߴߌ ߦߴߊ߬ ߝߍ߬ ߞߊ߬ ߖߌߥߎ߫ ߛߌߦߊߡߊ߲߫ ߛߐ߬ߘߐ߲߬߸ ߝߏ߫ ߌ ߦߋ߫ ߘߏ߫ ߟߊ߫ ߛߐ߲߬ߞߐ߬ ߡߊߟߐ߲ߣߍ߲ ߞߊ߲߬.

ߖߌߥߎ߫ ߞߏߖߊ ߣߌ߲߬ ߞߎ߲߬ߢߐ߲߰ ߦߙߌߞߊ ߟߋ߬ ߕߋ߲߬߸ ߞߊ߲ߠߊߘߌ߫ ߓߘߊ߫ ߞߍ߫ ߝߊ߰ߡߊ ߟߎ߫ ߡߊ߬߸ ߢߊ߫ ߕߍ߫ ߞߏ߫ ߡߊ߬ ߡߎߣߎ߲߬، ߞߣߍ ߞߊ߲߬߸ ߓߍ߯ ߞߎ߲ߝߊ߲ߣߍ߲߫ ߖߌߥߎ߫ ߞߏߖߊ ߓߊ߲ ߠߊ߫߸ ߓߊ߬ߙߵߊ߬ ߓߊ߲߫ ߢߊ߫ ߦߋߣߍ߲߫ ߕߍ߫ ߡߎߣߎ߲߬، ߞߊ߲ߞߊ߲߫ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߖߌߥߎ ߛߐ߲߬ߞߐ ߟߋ߬ ߜߍ߬ߟߍ߲߬ߡߊ߲߫ ߓߊ߬߸ ߥߟߴߊ߬ ߛߐ߬ߘߐ߲߬ ߠߋ߬ ߜߍ߬ߟߍ߬ߡߊ߲߬߸ ߏ߬ ߓߍ߯ ߟߋ߬ ߢߐ߲߮ ߘߐ߫ ߦߋ߲߬.