߂߀߀߉ ߕߎߟߊߝߌ߲ ߂߈ ߞߕߌ ߡߍ߲ ߦߴߌߘߐ߫ ߖߌ߬ߣߍ߬ ߞߣߐ߫߸ ߖߊ߰ߘߏ ߞߵߊ߬ ߘߋ߲߫ ߞߎߘߊ߫ ߞߍ߫ ߊ߬ ߟߊ߫ ߏ߬ ߞߏߢߊ ߘߐ߫ ߓߌ߬ ߞߊ߬ߙߌ߬ߝߐ ߂߇ ߣߌ߲߬ ߡߊ߬، ߊ߬ ߦߌ߬ߘߊ߬ ߘߊ߫ ߞߏ߫ ߝߊߙߌ߲ ߓߌߦߊ߲ߝ߭ߋߣߎ߳ ߟߡߊ߫ ߛߐ߲߬ ߡߊ߫ ߦߋ߫ ߞߏߢߊ ߣߌ߲߬ ߘߐ߫ ߞߕߌ ߞߐߝߍ߬، ߞߊ߬ߕߎ߲߯߸ ߊ߬ ߞߕߌ ߕߎ߲߬ ߦߴߌߘߐ߫ ߘߌ߬ߞߑߛߌߣ ߞߎ߲߬ߞߏ߬ߓߊ߬ߕߐ ߟߎ߬ ߟߊ߫ ߞߕߌߘߊ ߟߋ߬ ߓߟߏ߫߸ ߡߍ߲ ߠߊ߫ ߞߕߌߕߍ߮ ߣߌ߲߬ ߕߘߍ߬ ߞߍ߫ ߟߊ߫ ߞߐߣߊߞߙߌ߫ ߞߕߌ߫ ߡߛߊߦߌ߲ߘߊ ߟߊ߫.

ߞߕߌߕߍ߯ߟߊ߫ ߊߓߎߓߞߊߙ ߗߊߡ ߠߊ߫ ߟߊ߬ߡߍ߲߬ߠߌ߲ ߓߍ߯ ߞߐߝߍ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߓߍ߲ߝ߭ߋߣߎ߳ ߟߡߊ߫ ߟߊ߫ ߞߕߌ ߓߘߊ߫ ߛߴߊ߬ ߞߎ߲߬ߝߊ߮ ߡߊ߬߸ ߞߏ߫ ߓߌ߬ߟߊ߬ ߞߍߣߍ߲߫ ߕߴߊ߬ ߞߐ߫ ߡߎ߬ߕߎ߲߬، ߏ߬ ߟߋ ߞߍ߫ ߘߊ߫ ߓߟߏߓߐ߫ ߢߊ ߘߴߊ߬ ߘߐ߫، ߓߌ߬ߟߊ߬ ߞߍߣߍ߲߫ ߕߍ߬ߘߍ߫ ߊ߬ߟߋ߬ ߞߐ߫ ߡߎ߲߬ ߘߐ߫؟ ߏ߬ ߟߋ ߝߊ߲߬ߞߊ߬ ߟߊ߬ߖߊ߲ߞߏ ߘߌ߫߸ ߊ߬ ߣߌ߫ ߡߐ߰ ߝߊ߮߸ ߓߋ߬ߒ߬ߞߊ߲߬ߠߌ߲߸ ߡߐ߰ ߟߊ߬ߕߎߣߎ߲߸ ߖߊߟߌߞߦߊ߸ ߘߍ߬ߡߍ߲߬ߠߌ߲߬ ߞߏ ߛߋ߲߬ߠߊ߬ߛߌ߸  ߊ߬ ߣߌ߫ ߡߊ߬ߘߍ߬ߡߍ߲߬ߠߌ߲߬ߓߊߟߌߦߊ.

ߓߌߦߍ߲ߝ߭ߋߣߎ߳ ߟߡߊ߫ ߞߵߊ߬ ߡߊߝߌ߲߬ߞߊ߲ ߏ߬ ߟߎ߬ ߓߍ߯ ߡߊߛߐ߬ߛߐ߫ ߟߋ߬، ߊ߬ ߟߊߥߟߍ ߛߋ߲߭ߝߍ߬߸ ߊ߬ ߞߵߊ߬ ߦߌ߬ߘߊ߬ ߞߏ߫: <<߂߀߀߉ ߕߎߟߊߝߌ߲ ߂߈ ߖߊ߲߬ߖߏ߲ ߠߎ߬ ߓߊ߬߸ ߒ ߡߊ߫ ߛߐ߲߬ ߊ߬ ߞߎߡߊ߫ ߝߐߣߍ߲ ߠߎ߬ ߡߊ߬ ߝߋߎ߫ ߞߊ߬ ߝߐ߫ ߞߏ߫ ߒ ߛߐ߲߭ ߦߴߊ߬ ߘߐ߫.>> ߊ߬ ߝߐ ߡߍ߲ ߞߍ߫ ߘߊ߫ ߝߣߊ߫߸ ߞߏ߫ ߊ߬ ߞߊ߬ ߡߐ߰ ߕߊ ߞߍ߫ ߞߊ߬ߟߋ߬ߦߊ߫ ߞߟߍ߬ߡߐ߰ߘߊ ߞߊ߬ߙߊ߲߬ߕߊ߫ ߝߊ߬ߛߏ߬ߟߊ߬ߞߊ ߟߊ߫߸ ߣߴߏ߬ ߟߎ߫ ߛߐ߬ߘߐ߲߬ ߘߊ߫ ߕߎߟߊߝߌ߲ ߂߈ ߖߊ߲߬ߖߏ߲ ߘߐ߫߸ ߞߏ߫ ߊ߬ߟߋ ߛߐ߲߬ ߕߴߏ߬ ߘߐ߫.

ߞߕߌߓߋߟߋ߲ ߘߏ߲߬ ߜߎ ߞߵߊ߬ ߝߐ߫ ߟߋ߬ ߛߊ߬ߙߌ߬ߦߊ߬ ߦߋ߫߸ ߞߏ߫ ߓߌߦߍ߲ߝ߭ߋߣߎ߳ ߛߐ߲߭ ߦߋ߫ ߣߌ߲߬ ߞߏ ߘߐ߫߸ ߞߏ߫ ߞߵߊ߬ ߖߊ߲߬ߞߌ߲߫، ߞߊ߬ ߓߊ߲߫ ߝߣߊ߫߸ ߞߏ߫ ߞߵߊ߬ ߟߊ߫ ߞߕߌ ߦߟߍ߬ߡߊ߲߫ ߞߵߊ߬ ߞߍ߫ ߡߐ߰ߦߊ ߞߎ߲߬ߞߏ߬ߓߊ߬ߕߐ߬ߦߊ ߞߕߌ ߘߌ߫، ߊ߬ ߣߌ߫ ߝߣߊ߫߸ ߞߏ߫ ߞߊ߬ ߛߊ߲߬ ߕߊ߲߫ ߥߛߎ߫ ߟߴߊ߬ ߞߎ߲߬߸ ߘߊ ߕߍ߫ ߛߎ߫ ߊ߬ ߘߐ߫ ߝߏ߫ ߛߊ߲߬ ߟߏ߯ߟߎ߫ ߓߊ߯ ߕߊ߬ߡߌ߲߬.

ߓߌߦߍ߲ߝ߭ߋߣߎ߳ ߟߡߊ߫ ߡߍ߲ ߦߋ߫ ߣߌ߲߬߸ ߊ߬ ߟߊߘߏ߲߬ ߘߊ߫ ߥߛߎ ߟߊ߫ ߞߊ߬ߦߌ߯ ߂߀߂߂ ߣߍߣߍߓߊ ߕߋ߬ߟߋ߫ ߂߁ ߠߋ߬ ߡߊ߬߸ ߊ߬ ߓߘߊ߫ ߛߊ߲߭ ߛߓߊ߬ ߣߌ߫ ߞߊߙߏ߫ ߛߋߦߌ߲߫ ߖߊ߬ߕߋ߬ ߞߍ߫ ߥߛߎ ߟߊ߫ ߢߊ ߏ߬ ߡߊ߬ ߞߐߣߊߙߌ߫ ߥߛߎߖߌ߲ߓߊ ߟߊ߫.

ߡߐ߰ ߞߏ߬ߣߌ߲߬ ߘߴߊ߬ ߝߐ߫ ߞߏ߫ ߊ߬ ߞߏߢߊ ߡߊ߫ ߓߊ߲߫ ߡߎߣߎ߲߬ ߝߋߝߋ߫، ߓߊߏ߬߸ ߕߟߋ߬ ߁߅ ߟߋ߬ ߘߌߣߍ߲߫߸ ߣߌ߫ ߡߍ߲ ߠߎ߬ ߡߊ߫ ߓߍ߲߬ ߞߕߌ ߡߊ߬߸ ߏ߬ ߟߎ߬ ߘߌ߫ ߞߕߌ ߡߊߛߊ߬ߦߌ߲߬ ߞߏ ߟߊߢߌߣߌ߲߫.