ߡߊ߬ߟߌ ߛߊ߬ߙߌ߬ߦߊ߫ ߞߎ߲߬ߠߊߛߌ߬ߓߊ߮ ߟߎ߫ ߣߐ߬ ߓߘߍ߬ߓߘߍ߬ߟߌ߬ ߞߕߌ߫ ߟߋ߬ ߕߍ߰ ߟߊ߫߸ ߓߍ߯ ߢߊ ߕߘߍ߬ ߡߍ߲ ߞߏߢߊ ߝߍ߬ ߞߏߛߓߍ߫، ߝߊߙߌ߲ ߛߊ߲ߘߐߕߊ ߞߊߛߎߡ ߜ߭ߏ߬ߦߌ߬ߕߊ߫ ߡߍ߲ ߦߋ߫ ߖߡߊ߬ߣߊ ߟߊ߬ߞߊ߲߬ߘߊ߬ߟߌ ߝߘߏ߬ߓߊ߬ ߗߋ߬ߕߌ߰ ߞߘߐ ߘߌ߫߸ ߏ߬ ߖߊ߲߬ߞߌ߲߬ ߘߊ߫ ߛߌ߬ߣߌ߲߬ߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߄ ߡߊ߬߸ ߞߵߊ߬ ߘߏ߲߬ ߛߊ߲߬ ߁߅ ߥߛߎߖߌ߲߫ ߓߊߟߊ߲ߣߍ߲ ߠߊ߫ ߞߎ߲߬ߞߏ߬ߓߊ߬ߕߐ ߟߎ߬ ߖߊ߲߬ߞߌ߬ ߢߊ ߡߊ߬߸ ߡߐ߰ ߞߏ߬ߙߏ߲߬ ߘߍ ߣߌ߫ ߓߍ߲߬ߓߍ߲߬ߓߍ߲ ߕߐ߲߬ߕߍ ߞߏߛߐ߲߬ ߞߎ߲߬ߠߊ߬ߛߌ߮ ߞߊ߲ߡߊ߬.

ߡߊ߬ߝߌ߲߬ߓߊ߰ߕߐ߫ ߛߓߊ߬ ߝߣߊ߫ ߦߋ߫ ߦߋ߲߬߸ ߊߓߘߎߟߊߦߌ߬ ߓߊߟߏ߫߸ ߞߏߢߊߓߐߟߊ߫ ߛߊ߲ߘߌ ߊߤߑߡߍߘ ߛߊߟߎߡ߸ ߊ߬ ߣߌ߫ ߌߛߊ߫߫ ߛߡߊ߬ߞߍ߬ ߡߍ߲ ߞߊ߲߬ߕߐ߮ ߦߋ߫ ߖߐߛ ߘߌ߫߸ ߏ߬ ߟߎ߬ ߝߣߊ߫ ߓߌ߬ߟߊ߬ ߘߊ߫ ߛߊ߲߬ ߁߅ ߥߛߎ߫ ߟߋ߬ ߟߊ߫، ߞߊ߬ߟߌߟߎ߬ ߘߎ߲ߓߌߦߊ߫߸ ߏ߬ ߡߍ߲ ߕߘߍ߬ ߞߊ߲ߕߌ߯ߘߊ ߝߘߏ߬ߓߊ߬ ߞߟߊ߬ߕߌ߰ ߞߘߐ ߘߌ߫߸ ߊ߬ ߣߌ߫ ߕߐ߲ߓߟߏߡߟߊ߫ ߕߐ߲ߕߌ߯ ߞߘߐ ߡߎߛߑߕߊ߬ߝߊ߫ ߖߊ߬ߞߌ߬ߕߋ߫߸ ߏ߬ ߟߎ߬ ߝߣߊ߫ ߓߌ߬ߟߊ߬ ߘߊ߫ ߛߊ߲߬ ߥߐߙߐ߲ߝߌ߬ߟߊ߬ ߥߛߎ߫ ߟߋ߬ ߟߊ߫߸ ߊ߬ߟߋ߬ ߞߏߢߊ ߛߋ߲߬ߘߏ߲߬ߢߐ߲߰ߦߊ ߞߏߛߐ߲߬.

ߓߘߍ߬ߓߘߍ߬ߟߌ߬ ߞߏ߬ ߖߊ߲ߖߏ߲ ߡߍ߲ ߞߍ߫ ߘߊ߫ ߂߀߂߁ ߠߊ߫߸ ߏ߬ ߟߋ ߞߏߢߊ ߞߐߝߟߌ ߦߋ߫ ߣߌ߲߬ ߓߍ߯ ߘߌ߫، ߛߌߞߊ߫ ߞߍ߫ ߘߊ߫ ߢߌ߲߬ ߠߎ߫ ߡߊ߬ ߟߋ߬߸ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߞߊ߬ߝߏ߬ ߖߊߛߏ߲ ߞߍ߫، ߞߊߛߎߡ ߜ߭ߏ߬ߦߌ߬ߕߊ߫߬ ߡߊ߫ ߛߐ߲߬ ߞߎߡߊ ߏ߬ ߡߵߊ߬ ߟߊ߫ ߞߕߌ ߞߎ߲߬ߕߊ߮ ߞߣߐ߫ ߝߋߎ߫، ߛߊ߲߬ ߁߅ ߟߋ߬ ߘߴߊ߬ ߞߎ߲߬ ߞߕߌߕߍ߯ߟߊ ߓߟߏ߫، ߣߴߏ߬ ߕߍ߫߸ ߞߕߌߓߋߟߋ߲ ߖߍ߬ߘߍ ߞߵߊ߬ ߝߐ߫ ߟߋ߬ ߞߏ߫ ߞߊ߬ ߛߊ߲߭ ߂߀ ߟߴߊ߬ ߞߎ߲߬߸ ߊ߬ ߦߴߏ߬ ߥߛߎ ߞߍ߫.

ߊ߬ߟߋ߬ ߡߊ߬ߝߌ߲߬ߓߊ߰ߕߐ ߟߎ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߞߵߊ߬ ߦߌ߬ߘߊ߬ ߞߕߌ ߣߌ߲߬ ߕߍ߰ߣߍ߲߫ ߓߘߍ߬ߓߘߍ߬ߟߌ ߟߋ߬ ߟߊ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߓߍ߲߬ ߞߕߌ ߡߊ߬߸ ߞߏ߫ ߊ߬ ߕߐ߭ ߓߘߊ߫ ߕߏ߫ ߛߊ߬ߙߌ߬ߦߊ߬ ߟߊ߬ ߞߟߍ ߟߋ߬ ߡߊ߬ ߛߍߣߍ߲߬.