ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ߸ ߡߍ߲ ߞߎ߲߬ߠߊߛߌ߰ ߘߊ߫ ߡߊߡߊߘߎ߫ ߛߊߟߌߥߎ߬ ߖߊ߬ߞߌ߬ߕߋ߬ ߓߟߏ߫߸ ߏ߬ ߞߵߊ߬ ߟߊ߫ ߡߙߌߘߐ ߕߊ߬ ߞߎߣߎ߲ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߀ ߡߊ߬߸ ߞߊ߬ ߓߍ߲߬ ߛߊߣߌ߲߫ ߢߌߣߌ߲ ߡߊ߬ ߛߊ߬ߙߌ߬ߦߊ߬ ߛߐߛߐ ߘߐ߫ ߞߙߎ߬ߛߊ߫ ߘߎ߰ߞߟߏ ߞߊ߲߬، ߊ߬ߟߎ߬ ߦߙߌߞߊ ߦߋ߫ ߡߊ߬ߝߌ߲߬ߓߊ߰ߕߐ߬ ߁߇ ߢߐ߲߰ ߠߋ߬߸ ߘߊ߬ߡߊ߲ ߞߟߍ߬ߡߐ߰ߘߊ ߗߍ߬ߘߋ߲ ߠߎ߫ ߟߋ߬ ߞߵߊ߬ߟߎ߬ ߕߍ߯ ߞߍ߫ ߊ߬ߟߎ߬ ߘߐ߫ ߦߙߍߞߍߟߌ ߘߏ߫ ߛߋ߲߭ߝߍ߬߸ ߊ߬ߟߎ߫ ߣߐ߬ߝߍ߬ߜߍ߲߫ ߘߊ߫ ߏ߬ ߟߋ ߞߐ ߘߐ߫ ߣߌ߲߬ ߛߊ߫.

ߊ߬ߟߎ߫ ߖߡߊ߬ߓߊ ߣߌ߲߬ ߘߐ߫߸ ߡߐ߰ ߁߆ ߦߋ߫ ߕߎ߲ߞߊߙߊ߲ߞߋ ߟߎ߫ ߟߋ߬ ߘߌ߫߸ ߓߙߎߞߌߣߞߊ ߟߎ߬ ߣߌ߫ ߡߊ߬ߟߌ߬ߞߊ ߟߎ߬ ߣߌ߫ ߜ߭ߊ߯ߣߞߊ ߟߎ߬߸ ߓߌ߬ߟߊ߬ ߞߍߣߍ߲߫ ߊ߬ߟߎ ߞߐ߫ ߘߊ߬ߡߊ߲ ߕߣߐ߬ߓߐ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߞߛߐ ߣߌ߫ ߕߎ߬ߡߟߊ߬ߕߊߡߌ߲߫ ߟߊߘߌ߬ߢߍ߬ߓߊߟߌ ߝߊ߬ ߖߡߊߣߊ ߞߣߐ߫، ߖߌ߬ߣߍ߬ߞߊ߬ ߞߋߟߋ߲ ߡߍ߲ ߦߴߊ߬ ߘߐ߫߸ ߞߏ߫ ߡߎߛߊ߫ ߕߙߊߥߟߋ߫߸ ߊ߬ߟߋ ߕߊ ߘߐ߫߸ ߊ߬ ߛߐ߲߭ ߦߋ߫ ߘߊ߫ ߡߍ߲ ߘߐ߫ ߘߐߙߐ߲߫߸ ߏ߬ ߟߋ ߞߍ߫ ߘߊ߫ ߘߊ߬ߡߊ߲ ߕߣߐ߬ߓߐ߬ ߞߏ ߘߌ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߞߛߐ.

ߒ߬ߓߊ߬߸ ߞߏߟߊߕߐ߲߫ ߓߟߏ ߡߊ߬ ߏ߬ ߘߐ߫߸ ߞߕߌߘߊ ߞߊ߬ ߕߎ߲ߞߊߙߊ߲ߞߋ߫ ߡߐ߰ ߁߆ ߏ߬ ߟߎ߬ ߖߊ߲߬ߞߌ߲߫ ߞߊߙߏ߫ ߝߌ߬ߟߊ߬ ߥߛߎ߫ ߘߐ߲ߘߐߣߍ߲ ߘߐߙߐ߲߫ ߠߊ߫߸ ߊ߬ ߣߌ߫ ߞߏ߫ ߊ߬ߟߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߦߋ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߂߀ ߛߙߊ߬، ߡߍ߲ ߟߐ߬ߣߍ߲߫ ߡߎߛߊ߫ ߕߙߊߥߟߋ߫ ߕߊ ߡߊ߬߸ ߊ߬ ߝߐ߫ ߞߏ߫ ߊ߬ߟߋ ߦߋ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߂ ߘߐߙߐ߲߫ ߠߋ߬ ߛߊ߬ߙߊ߫ ߢߌ߬ߢߍ߲߬ߘߐ߬ߓߍ߲ ߘߌ߫߸ ߏ߬ ߟߋ ߞߍ߫ ߘߴߊ߬ߟߋ߬ ߕߊ ߘߌ߫.

ߛߊ߬ߙߌ߬ߦߊ߬ ߡߐ߮ ߟߎ߬ ߓߊ߲߫ ߘߊ߲߫ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߊ߬ߣߊ߬ߓߊ߰ߕߐ ߢߌ߲߬ ߠߎ߬ ߓߟߏߝߋ߲ ߡߍ߲ ߠߎ߬ ߡߌ߬ߣߊ߬ ߘߊ߫߸ ߣߴߊ߬ߟߎ߬ ߦߋ߫ ߛߊ߬ߙߌ߬ߦߊ߬ ߕߍ߯ ߞߘߐ߫ ߕߋ߲߬߸ ߏ߬ ߟߎ߬ ߕߍ߫ ߘߌ߫ ߟߴߊ߬ߟߎ߫ ߡߊ߬ ߡߎ߬ߕߎ߲߬߸ ߏ߬ ߟߎ߬ ߓߘߊ߫ ߡߌ߬ߘߴߊ߬ߟߎ߬ ߟߊ߫ ߟߋ߬ ߏ߬ ߘߌ߫߸ ߞߵߊ߬ ߘߌ߫ ߖߡߊ߬ߣߊ ߡߊ߬، ߡߙߌߘߐ ߏ߬ ߕߊ߬ ߘߊ߫ ߞߊ߬ ߓߍ߲߬ ߘߊ߬ߡߊ߲ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߂߀߇ ߟߋ߬ ߡߊ߬߸ ߊ߬ ߣߌ߫ ߓߐ߰ߝߍ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߁߇߈߲.

ߦߊ߬ߣߌ߫ ߞߕߌ ߦߋ߫ ߕߍ߰ ߞߕߌߘߊ ߓߟߏ߫ ߣߌ߲߬ ߢߊ߸ ߞߊ߲ߓߍ߲ ߞߕߌߞߊ߲ߘߊ ߝߏߘߋ߬ ߓߌ߲ߕߎ߬ ߞߋߕߊ߬ ߕߎ߲߬ ߞߊ߬ ߡߌ߬ߣߊ߬ߞߊ߲߬ߝߐ ߡߍ߲ ߞߍ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߞߵߊ߬ߟߎ߫ ߖߊ߲߬ߞߌ߲߫ ߝߛߊߦߌ߫߸ ߓߊ߬ߙߌ߬ ߞߏ߫ ߞߵߊ߬ ߘߐߝߍߦߊ߫، ߊ߬ߟߋ ߟߊ߫ ߝߐߟߌ߫ ߘߐ߫߸ ߊ߬ߟߎ߬ ߛߌ߫ ߡߴߊ߬ߟߎ߫ ߛߐ߬ߛߐ߫ ߊ߬ߟߎ߫ ߛߐ߲߭ ߠߊ߫ ߢߊߢߌߣߌ߲ߠߌ߲ ߘߊߡߌߣߊ ߣߌ߫ ߛߌߛߍ߲߬ ߕߍ߫߸ ߤߊ߲߯ ߞߵߊ߬ߟߎ߬ ߛߋ߫ ߞߕߌ߫ ߘߊߞߎ߲ ߘߐ߫߸ ߊ߬ߟߎ߬ ߡߴߊ߬ߟߎ߫ ߛߐ߬ߛߐ߬، ߣߴߏ߬ ߕߍ߫߸ ߞߏ߫ ߊ߬ߟߎ߬ ߓߘߊ߫ ߡߐ߰ ߟߎ߬ ߟߊ߫ ߞߕߌ ߞߍ߫ ߦߋ߲߬߸ ߏ߬ ߟߎ߬ ߕߐ߯ ߟߋ߬ ߞߏ߫ <<ߒ ߡߴߊ߬ ߟߐ߲߫߸ ߒ ߡߴߏ߬ ߟߐ߲߫߸ ߒ ߕߴߏ߬ ߞߊ߬ߟߊߡߊ߬>> ߓߊ߬ߙߌ߬߸ ߞߏ߫ ߘߐ ߢߌ߲߬ ߠߎ߬ ߡߴߊ߬ߟߎ߫ ߛߐ߬ߛߐ߬.

ߝߘߏ߬ߓߊ߬ ߞߏߕߌ߯ߘߊ ߞߐߦߌߘߊ߸ ߝߏߘߋ߬ ߓߌ߲ߕߎ߬ ߞߋߕߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫߸ <<ߢߌ߲߬ ߠߎ߬ ߕߍ߫ ߛߐ߲߬ߡߊ߬ ߘߌ߫ ߛߐ߬ߡߊ߬ߦߊ ߖߍ߬ߘߍߖߍ߬ߘߍ ߟߊ߫>>߸ ߞߏ߫ ߘߋ߲ߡߌߛߍ߲ ߢߌ߲߬ ߠߎ߫ ߣߊ߬ߣߍ߲߫ ߖߌ߬ߣߍ߬ ߞߣߐ߫ <<ߞߍߒߘߌߦߊ ߟߋ߬ ߢߊߢߌߣߌ߲߫ ߞߊ߲ߡߊ߬.>> ߊ߬ ߞߵߊ߬ ߝߐ߫ ߏ߬ ߟߋ ߘߐ߫߸ ߞߏ߫ ߞߊ߬ ߛߊ߲߭ ߝߌ߬ߟߊ߬ ߥߛߎ߫ ߘߐ߲ߘߐ߫ ߕߎ߲ߞߊߙߊ߲ߞߋ ߏ߬ ߟߎ߫ ߡߊ߬߸ ߊ߬ ߣߌ߫ ߞߊ߬ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߃߀ ߟߴߊ߬ ߞߋ߬ߟߋ߲߬ߞߋ߬ߟߋ߲߬ߠߊ ߞߎ߲߬߸ ߞߊ߬ ߓߊ߲߫ ߞߊ߬ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߂ ߟߊ߫ ߡߎߛߊ߫ ߕߙߊߥߟߋ߫ ߞߎ߲߬߸ ߊ߬ߟߎ߬ ߓߍ߯ ߦߋ߫ ߥߴߊ߬ߟߎ߬ ߓߘߊ، ߞߊ߬ߕߎ߲߯߸ ߞߏ߫ ߊ߬ߟߎ߬ ߓߘߊ߫ ߕߎ߬ߡߊ ߡߍ߲ ߞߍ߫ ߥߛߎ ߟߊ߫ ߣߌ߲߬߸ ߏ߬ ߘߴߊ߬ߟߎ߬ ߟߊߟߌ߫.

ߝߘߏ߬ߓߊ߬ ߞߏߕߌ߯ߘߊ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߡߌ߬ߣߊ߬ߓߊ߰ߕߐ ߢߌ߲߬ ߠߎ߫ ߕߘߍ߬ ߝߋ߲ ߡߍ߲ ߠߎ߬ ߟߊߓߊ߯ߙߊ߫ ߟߊ߫ ߘߊ߬ߡߊ߲߬ ߓߊ߯ߙߊ ߣߌ߲߬ ߘߐ߫߸ ߣߴߊ߬ ߡߌ߬ߣߊ߬ ߘߊ߫߸ ߊ߬ߟߎ߫ ߘߏ߲߬ ߕߘߍ߬ ߓߊ߯ߙߊ߫ ߟߊ߫ ߛߊ߬ߙߌ߬ߦߊ߬ ߛߐߛߐ ߟߋ߬ ߞߊ߲߬߸ ߞߏ߫ ߞߊ߬ ߝߋ߲ ߏ߬ ߟߎ߬ ߓߍ߯ ߡߌ߬ߣߴߊ߬ߟߎ߬ ߟߊ߫߸ ߊ߬ ߝߋ߲߫ ߞߊ߫ ߘߴߊ߬ߟߎ߫ ߡߊ߬ ߡߎ߬ߕߎ߲߬، ߓߊߏ߬߸ ߛߓߍ߫ ߕߴߊ߬ߟߎ߬ ߓߟߏ߫߸ ߡߍ߲ ߦߴߊ߬ߟߎ߬ ߖߊߙߋ߫ ߟߊ߫ ߘߊ߬ߡߊ߲߬ߛߋ߲ ߠߊ߫߸ ߏ߬ ߘߏ߲߬ ߦߋ߫ ߞߏ߫ ߟߊߕߐ߲ߣߍ߲ ߠߋ߬ ߘߌ߫ ߖߌ߬ߣߍ߫ ߛߊ߬ߙߌ߬ߦߊ߬ ߛߓߍ ߟߎ߬ ߞߣߐ߫، ߞߏ߬ߣߌ߲߬߸ ߞߕߌߓߋߟߋ߲ ߞߊ߬ ߞߕߌߘߊ ߘߐߛߎ߫ ߘߐ߬ߞߏ߬ߦߊ߬ߕߏ߬ߟߌ ߡߊ߬߸ ߝߏߘߋ߬ ߓߌ߲ߕߎ߬ ߞߋߕߊ߬ ߞߵߊ߬ ߦߌ߬ߘߊ߫ ߏ߬ ߟߋ ߘߐ߫߸ ߞߏ߫ <<ߊ߬ ߕߍ߫ ߛߋ߫ ߝߐ߫ ߟߊ߫ ߞߏ߫ ߞߊ߬ ߡߐ߱ ߡߌ߬ߣߊ߫ ߛߊ߬ߙߌ߬ߦߊ ߞߋߟߋ߲߫ ߔߋ߫ ߟߊ߫ ߕߋ߲߬.>> ߊ߬ ߞߵߊ߬ ߞߊ߲ߠߊߘߌ߫ ߞߕߌߘߊ ߡߊ߬߸ ߞߏ߫ ߊ߬ ߦߴߊ߬ ߟߐ߲߫ ߞߏ߫ <<ߓߟߏߞߏߟߏ߲ߧߊ ߕߍ߫ ߡߐ߰ ߘߍ߬ߢߐ߲߯ ߘߌ߫.>> ߏ߬ ߟߋ ߞߊ߬ ߢߌ߲߬ ߠߎ߫ ߕߎ߲߬ߕߎ߲߫ ߞߵߊ߬ߟߎ߫ ߟߐ߬ ߞߍߓߊߟߌ ߞߍ߫ ߟߊ߫.

ߊ߬ ߟߊߓߊ߲ ߘߐ߫ ߝߊߦߌߘߊ߫߸ ߞߕߌߘߊ ߖߍ߬ߘߍ ߖߌ߰ ߘߊ߫ ߟߋ߬ ߊ߬ߟߋ ߕߊ߫ ߝߐߣߍ߲ ߏ߬ ߞߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߛߐ߲߭ ߦߴߊ߬ ߘߐ߫ ߝߋߎ߫߸ ߓߊ߬ߙߵߊ߬ ߡߊ߫ ߖߊ߲߬ߞߟߌ߬ ߜߌߟߌ߲߫ ߟߴߊ߬ߟߎ߫ ߞߎ߲߬߸ ߊ߬ߟߎ߫ ߞߵߊ߬ߟߎ߬ ߓߟߏߝߋ߲ ߏ߬ ߟߎ߬ ߓߍ߯ ߝߣߊ߫ ߕߵߊ߬ߟߎ߬ ߓߟߏ߫ ߟߋ߬.