ߗߋߦߊߟߌ ߟߋ߬ ߥߟߌ߬ߣߍ߲߫ ߞߊ߬ ߝߘߊ߫ ߞߊ߲ߞߊ߲߫ ߞߕߌߡߛߊߦߌ߲ߘߊ ߟߊ߫߸ ߣߴߏ߬ ߞߎ߲߭ ߦߋ߫ ߡߊߙߑߥߊߣ ߓߊߟߑߘߋ߬ ߘߌ߫߸ ߊ߬ߟߋ ߡߍ߲ ߦߋ߫ ߝߘߏ߬ߓߊ߬ ߞߕߌߞߊ߲ߘߊ߫ ߘߌ߫، ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ ߞߎ߬ߕߊ߬ߞߏ ߟߎ߬ ߟߊߕߐ߲ ߞߕߌߖߌ߲ ߠߊ߫ ߗߋߦߊߟߌ ߝߣߊ߫ ߦߋ߫ ߕߏ߲ ߘߐ߫߸ ߣߴߏ߬ ߟߎ߬ ߟߊ߫ ߛߌߟߊ߫ ߢߍߟߐ ߦߋ߫ ߊߟߑߝߐ߲ߛ ߛ߭ߊߙߟ ߥߑߙߊߦߕ ߘߌ߫߸ ߊ߬ߟߋ ߦߋ߫ ߞߕߌߞߊ߲ߘߊ߫ ߓߟߏߡߊߞߊ߬ߣߍ߲ ߠߋ߬ ߘߌ߫ ߞߙߌߦߍߝ ߟߊ߫، ߒ߬ߓߊ߬߸ ߏ߬ ߟߎ߬ ߦߋ߫ ߛߋ߲߬ߠߊ߬ߓߐߟ߫ߌ ߟߋ߬ ߞߊ߲߬ ߛߌ߯ߙߌ߲߫ ߞߣߐ߫ ߕߋ߲߬.

ߓߐߒߡߊߟߌ ߡߍ߲ ߦߋ߫ ߣߌ߲߬߸ ߏ߬ ߞߎ߲߭ ߦߋ߫ ߦߙߐ ߟߎ߬ ߞߎ߲ߝߊ߲ߓߐ ߟߋ߬ ߘߌ߫߸ ߛߌ߯ߙߌ߲߫ ߟߊ߬ߡߌߣߌ߲ ߓߘߊ߫ ߘߐߖߊߛߌ߫ ߛߊߣߌ߲߫ ߢߌߣߌ߲ ߞߍߢߊ߫ ߖߎ߮ ߓߟߏ߫ ߢߊ ߡߍ߲ ߡߊ߬߸ ߣߴߊ߬ ߞߏ ߢߊߢߌߣߌ߲ ߦߴߌߘߐ߫ ߕߋ߲߬߸ ߞߵߏ߬ ߛߥߊ߬ߓߊ߬ ߖߐ߲ߖߐ߲ ߛߐ߬ߘߐ߲߬، ߊ߬ߟߎ߬ ߟߊ߫ ߕߊ߯ߡߊ ߣߌ߲߬ ߞߎ߲߭ ߠߵߏ߬ ߘߌ߫.

ߊ߬ߟߎ߬ ߛߋ߫ ߘߊ߫ ߦߙߐ߫ ߛߌߦߊߡߊ߲߫ ߘߐ߫ ߕߊ߯ߡߊ ߣߌ߲߬ ߝߍ߬߸ߛߎߡߙߊߞߐߓߊ߸ ߖߊ߬ߕߋ߬ߟߊ߫߸ ߊ߬ ߣߌ߫ ߦߙߐ߫ ߜߘߍ߫ ߟߎ߫، ߛߊ߬ߙߌ߬ߦߊ߬ߓߊ߰ߙߊ߬ߟߊ߫ ߝߌ߬ߟߊ ߢߌ߲߬ ߠߎ߫ ߞߊ߬ ߟߊ߬ߞߙߐ߬ߛߌ߬ߟߌ ߡߍ߲ ߠߎ߬ ߞߍ߫߸ ߊ߬ߟߎ߫ ߞߵߊ߬ ߦߋ߫ ߞߏ߫ ߞߌ߬ߣߌ߲߬ߞߌ߬ߣߌ߲߬ߞߏ ߖߍ߬ߘߍߖߍ߬ߘߍ ߟߋ߬ ߛߌ߯ߙߌ߲߫ ߘߎ߰ߞߏߟ ߟߊ߫ ߞߏ ߘߌ߫ ߕߋ߲߬߸ ߓߐ߰ߝߍ ߓߘߊ߫ ߘߐߖߊߛߌ߫ ߝߋߎ߫.

ߞߙߌߦߍߝ ߞߕߌߞߊ߲ߘߊ߫ ߓߟߏߡߊߞߊ߬ߣߍ߲ ߊߟߑߝߐ߲ߛ ߛ߭ߊߟߙ ߥߑߙߊߦߕ ߣߐ߬ ߞߎߡߊ ߕߊ߬ ߟߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߛߌߣߌ߲߫ ߢߍߛߌ߰ ߟߋ߬߸ ߞߊ߬ ߛߌ߯ߙߌ߲߫ ߘߎ߰ߞߟߏ ߟߊߞߊ߲ߘߊ߲߫߸ ߞߵߊ߬ ߓߐ߰ߝߍ ߟߊߕߊ߲߬ߞߊ߬.

<<ߗߍ ߡߍ߲ ߓߊ߯ ߞߍ߫ ߊ߲ ߓߟߏ߫߸ ߣߴߊ߲ ߞߊ߫ ߞߊ߲߫ ߞߵߊ߬ ߟߊߕߊ߲߬ߞߊ߬ ߛߌ߯ߙߌ߲߫ ߞߏߛߐ߲߬߸ ߏ߬ ߟߋ ߓߐ߰ߝߍ ߘߌ߫، ߡߐ߰ ߛߌ߫ ߡߴߊ߬ ߝߐ߫ ߞߏ߫ ߛߊߣߌ߲ ߡߊ߲߫ ߞߊ߲߫ ߞߊ߬ ߢߌߣߌ߲߫، ߞߊ߬ߕߎ߲߯߸ ߛߌ߯ߙߌ߲߫ ߦߋ߫ ߜߊ߬ߟߏ ߡߍ߲ ߕߍߡߊ߬ ߓߌ߬߸ ߏ߬ ߞߘߐ߫ ߕߍ߫ ߘߋ߬ ߞߏ߫ ߓߊ ߊߟߊ߫ ߓߘߴߊ߬ߟߎ߫ ߤߊ߬ߙߌ߬ߖߍ߯ ߘߎ߰ߘߐ߬ ߣߊ߲ߝߟߏ ߟߊ߫، ߊ߬ ߕߙߐߦߊ ߛߓߊߓߎ ߕߍ߫ ߘߏ߫ ߜߘߍ߫ ߘߌ߫߸ ߊ߬ ߟߊߓߊ߯ߙߊ߫ ߢߊ߫ ߖߎ߮ ߞߐ߫߸ ߏ߬ ߟߋ ߓߘߊ߫ ߣߊ߬ ߕߌߢߍߟߌ ߘߌ߫.>> ߊ߬ ߞߵߏ߬ ߦߌ߬ߘߊ߬.

ߡߍ߲ ߓߍ߲߬ߣߍ߲߫ ߕߙߏ߬ߞߏ߫ ߡߌ߬ߣߊ߬ߣߍ߲ ߘߏ߫ ߟߎ߫ ߟߊ߫ ߞߏ ߡߊ߬߸ ߞߕߌߞߊ߲ߘߊ߫ ߓߟߏߡߊߞߊ߬ߣߍ߲ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߦߙߐ ߡߍ߲ ߘߐ߫߸ ߏ߬ ߞߊ߫ ߞߊ߲߫ ߞߊ߬ ߟߐ߲߫߸ ߊ߬ߟߎ߬ ߟߊ߫ ߟߊߓߊ߯ߙߊ߫ ߢߊ ߝߣߊ߫ ߞߊ߫ ߞߊ߲߫ ߞߊ߬ ߝߐ߫ ߞߵߊ߬ ߘߐߜߍߦߊ߫ ߝߋߎ߫.

<<ߕߍ߮ ߓߘߊ߫ ߕߙߏ߬ߞߏ ߟߎ߬ ߘߐ߫، ߊ߲ ߞߊ߫ ߞߊ߲߫ ߞߵߊ߬ ߟߐ߲߫߸ ߊ߬ߟߎ߬ ߦߋ߫ ߡߌ߲߫߸ ߊ߬ ߣߌ߫ ߡߎ߲߬ ߞߍߣߍ߲߫ ߊ߬ߟߎ߬ ߟߊ߫، ߊ߬ߟߋ߬ ߕߙߏ߬ߞߏ ߟߎ߬ ߦߋ߫ ߡߌ߲߫؟ ߒ ߧߴߊ߬ ߝߍ߬ ߊ߲ ߧߋ߫ ߛߐ߰ ߏ߬ ߟߋ ߝߟߐ߫ ߡߊ߬ ߡߎߣߎ߲߬، ߕߙߏ߬ߞߏ ߡߍ߲ ߠߎ߬ ߕߍ߬ߘߍ߫ ߦߊ߲߬߸ ߒ ߧߴߊ߬ ߝߍ߬ ߞߵߊ߬ ߟߐ߲߫ ߊ߬ߟߎ߬ ߦߋ߫ ߦߙߐ߫ ߞߋߟߋ߲ ߡߍ߲ ߘߐ߫.>>

ߊߟߑߝߐ߲ߛ߭ ߛ߭ߊߙߟ ߥߑߙߊߦߕ ߞߵߊ߬ ߦߌ߬ߘߊ߬߸ ߞߏ߫ ߡߍ߲ ߠߎ߬ ߕߘߍ߬ ߓߊ߯ߙߊ߫ ߟߊ߫ ߛߌ߯ߙߌ߲߫ ߦߊ߲߬߸ ߣߴߊ߬ߟߎ߬ ߟߊߘߎ߲ߣߍ߲߫߸ ߞߏ߫ ߏ߬ ߟߎ߫ ߣߐ߬ߝߍ߬ߜߍ߲߬ߕߊ ߟߋ߬، ߡߐ߰ ߟߊߘߎ߲ߣߍ߲ ߡߍ߲ ߠߎ߬ ߘߏ߲߬ ߦߴߏ߬ ߘߌ߫߸ ߛߌ߯ߙߌ߲߫ ߡߙߊ߬ߓߊ߮ ߦߴߊ߬ ߘߐ߫، ߏ߬ ߞߘߐ ߟߋ߬ ߞߏ߫ ߞߕߌ ߣߐ߬ߝߍ߬ߜߍ߲߬ߠߌ߲ ߘߊߞߎ߲ ߦߴߊ߬ߟߎ߬ ߓߍ߯ ߟߊ߫.

<<ߡߊ߬ߞߟߐ ߡߍ߲ ߺ ߍ ߺ ߡߍ߲߫ ߠߊߘߎ߲߫ ߘߊ߫߸ ߊ߬ߟߎ߬ ߓߍ߯ ߘߌߣߊ߬ ߣߐ߬ߝߍ߬ߜߍ߲߫߸ ߤߊߟߌ߬ ߡߙߊ߬ߓߊ߰ ߞߘߐ، ߊ߬ߟߎ߫ ߞߊ߬ ߡߍ߲ ߞߍ߫߸ ߝߏ߫ ߊ߬ߟߎ߬ ߦߴߏ߬ ߛߊ߬ߣߊ߲ ߛߊ߫ ߟߋ߬، ߊ߬ ߕߴߛߋ߫ ߝߐ߫ ߟߊ߫ ߞߏ߫ ߊ߲ߠߎ߬ ߟߋ߬ ߛߌ߯ߙߌ߲߫ ߝߊ߰ߡߊ ߘߌ߫߸ ߌ ߦߋ߫ ߓߊ߲߫ ߞߊ߬ ߛߌ߯ߙߌ߲߫ ߓߐ߰ߝߍ ߕߏ߫ ߢߊ߫ ߛߎ߮ ߣߌ߲߬ ߡߊ߬ ߕߋ߲߬. ߊ߲ ߓߘߊ߫ ߞߏߢߊߢߌߣߌ߲߫ ߛߌ߰ ߛߋ߲߬ߠߊ߫߸ ߞߊ߬ ߓߊ߲߫ ߞߊ߬ ߡߌ߬ߘߊ߬ߟߌ߬ ߞߊ߲ ߠߎ߬ ߓߍ߯ ߛߐ߬ߘߐ߲߬، ߡߙߊ߬ߘߊ߬ߓߊ ߕߐ߲ߓߟߏߡߟߊ߫ ߗߋߕߌ߮ ߘߴߊ߬ ߟߊ߫ ߓߊ߯ߙߊ ߘߊߡߌ߬ߣߊ߬ ߛߌߣߌ߲߫ ߡߎ߰ߡߍ.>>

ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߞߊ߲ߘߊ߸ ߡߊߙߑߥߊߣ ߓߊߟߑߘߋ߬ ߞߵߊ߬ ߦߌ߬ߘߊ߬ ߞߏ߫ ߡߐ߰ ߗߍ߬ ߣߌ߫ ߞߐ߫ ߟߋ߬ ߛߋ߲߬ ߦߋ߫ ߣߌ߲߬ ߞߏ ߘߐ߫߸ ߊ߬ߟߎ߬ ߓߍ߯ ߘߏ߲߬ ߓߘߊ߫ ߡߌ߬ߣߊ߬.

ߡߌ߬ߣߊ߬ߓߊ߰ߕߐ ߏ߬ ߟߎ߬ ߘߐ߫߸ ߞߐߞߊ߲߫ ߡߐ߮ ߘߏ߫ ߟߎ߫ ߦߴߊ߬ ߘߐ߫߸ ߜ߭ߊ߯ߣߞߊ ߟߎ߬߸ ߓߙߎߞߌߣߞߊ ߟߎ߬߸ ߊ߬ ߣߌ߫ ߛߣߍ߬ߜ߭ߊ߬ߟߌ߬ߞߊ ߟߎ߬߸ ߞߵߏ߬ ߟߊ߫ ߖߌ߬ߣߍ߬ߞߊ ߘߏ߫ ߟߎ߫ ߞߊ߲߬.

ߗߋߦߊߟߌ ߣߌ߲߬ ߞߍߣߍ߲߫ ߛߋ߲߬ߕߊ߬ ߞߎߘߊ߫ ߟߋ߬ ߘߌ߫ ߛߌ߯ߙߌ߲߫ ߞߣߐ߫߸ ߞߕߌ ߝߊ߰ߡߊ ߟߎ߫ ߣߐ߬ ߡߍ߲ ߛߌ߰ ߟߊ߫ ߛߋ߲߬ߠߊ߫߸ ߞߊ߬ ߛߊߣߌ߲ ߢߌߣߌ߲߫ ߢߊ߫ ߖߎ߮ ߞߟߍ߬߸ ߔߏߞߑߟߍ߲ ߠߎ߬ ߖߌߣߊߟߡߊ ߡߍ߲ ߕߎߣߎ߲ߣߍ߲߫߸ ߞߵߏ߬ ߢߊߛߐ߬ߘߐ߲߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߡߍ߲ ߦߴߌߘߐ߫߸ ߞߊ߬ ߢߊ߫ ߛߐ߬ߘߐ߲߫ ߏ߬ ߡߊ߬.