ߖߌ߬ߣߍ߬ ߞߏߕߌ߯ ߝߟߐ ߡߍ߲ ߦߋ߫ ߢߊߣߌ߲ߡߊߓߏߙߌ ߘߐ߫ ߕߎ߲ߞߊ߲ ߠߊ߫ ߕߋ߲߬߸ ߏ߬ ߡߊ߫ ߛߋ߫ ߛߐ߬ߘߐ߲߬ ߠߊ߫ ߞߊ߲ߕߌ߯ ߢߣߊߕߊߟߌ߫ ߣߊ߬ߕߐ ߣߌ߲߬ ߘߐ߫ ߡߎߣߎ߲߬، ߏ߬ ߟߋ ߘߐ߫߸ ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߓߘߴߊ߬ߟߎ߬ ߡߊߞߊ߬ߛߌ߬ ߝ.ߕ.ߞ.ߡ.ߘ ߞߕߌߘߊ ߟߊ߫߸ ߞߵߏ߬ ߞߎ߲߭ ߞߍ߫ ߊ߬ ߛߋ߲߬ߠߊߛߌ߬ߘߌ ߘߌ߫ ߊ߬ ߟߊ߫ ߘߎ߰ߘߋ߲߬ߧߊ ߤߊߞߍ ߘߏ߫ ߘߐ߫.
ߛߋߟߎ߫ ߘߊߟߍ߲߬ ߖߊߟߏ߫ ߡߍ߲ ߦߋ߫ ߖߌ߬ߣߍ߫ ߝߊ߲߬ߞߊߛߌ߬ߣߊ ߟߎ߬ ߘߐ߫ ߕߐ߯ߟߡߊ ߘߏ߫ ߘߌ߫߸ ߏ߬ ߛߊ߲߬ ߘߊ߲ߘߐ ߟߋ߬ ߕߎ߲ߞߊ߲ ߢߊߝߍ߬ ߕߋ߲߬߸ ߢߊߣߌ߲ߡߊߓߏߙߌ߫ ߓߟߏ ߡߊ߬߸ ߊ߬ ߣߐ߬ ߏ߬ ߡߍ߲ ߖߊ߬ߕߋ߬ ߟߊ߫ ߟߊ߬ߞߊ߲߬ߘߊ߬ߟߌ ߘߌ߫، ߒ߬ߓߊ߬߸ ߢߣߊߕߊߟߌ ߟߐ߯ߟߊ ߞߐ ߣߌ߲߬ ߘߐ߫ ߞߵߊ߬ ߕߏ߫ ߂߀߂߅ ߞߏߟߌ߲ߞߏߟߌ߲ ߂߈ ߠߊ߫߸ ߣߌ߫ ߡߊ߬ߡߌ߬ߘߊ߬ߟߌ ߕߐ߯ ߟߊߘߏ߲߬ ߠߎ߬ ߓߘߊ߫ ߓߊ߲߫؛ ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߘߊߟߍ߲߬ ߓߘߊ߫ ߡߊߕߊ߯ ߢߣߊߕߊߟߌ ߞߏߢߊ ߟߎ߬ ߟߊ߫߸ ߞߵߊ߬ ߟߊߥߌ߬ߟߌ߫ ߊ߬ ߛߋ߲߬ߠߊߛߌ߬ߘߌ ߡߊ߬، ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߫ ߞߊ߬ ߟߊ߬ߛߋ߬ߟߌ߬ ߛߓߍ ߘߏ߫ ߟߋ߬ ߟߊߖߍ߲ߛߍ߲߫߸ ߡߍ߲ ߞߍ߫ ߘߊ߫ ߞߊ߬ߙߊ߲߬ߡߐ߰ ߊߡߊߘߎ߬ ߖߊߟߏ߫ ߣߌ߫ ߞߊ߬ߙߊ߲߬ߡߐ߰ ߥߟߌߦߊߡ ߓߎߙߑߘߐ߲߫ ߣߌ߫ ߝ߭ߍ߲ߛߊ߲ ߓߑߙߊ߲ߜ߭ߊߙ ߓߟߏ߫߸ ߞߵߊ߬ ߦߌ߬ߘߊ߬ ߛߓߍ ߣߌ߲߬ ߞߣߐ߫ ߞߏ߫ ߊ߬ߟߎ߬ ߟߊ߫ ߟߊ߬ߝߛߊ߬ߕߊ ߡߊߓߐߣߍ߲߫ ߠߋ߬ ߢߣߊߕߊߟߌ ߓߙߊߞߣߐߟߊ ߟߊ߫ ߝߋߎ߫، ߊ߬ߟߎ ߟߊ߫ ߝߐߟߌ߫ ߘߐ߫߸ ߞߏ߫ ߛߊ߬ߙߌ߬ߦߊ߫ ߞߊ߬ ߛߙߊߕߌ߫ ߝߏߦߌ߬ ߝߐ߫ ߢߣߊߕߊߟߌ ߣߌ߲߬ ߡߊ߬ߡߌ߬ߘߊ߬ߟߌ ߟߊ߫߸ ߏ߬ ߓߍ߯ ߘߝߊߣߍ߲߫ ߘߊߟߍ߲߬ ߠߊ߫ ߟߋ߬ ߞߐ߲߫.
<<ߛߟߊߕߌ߯ ߛߋߟߎ߫ ߘߊߟߍ߲߬ ߖߊߟߏ߫߸ ߊ߬ ߦߋ߫ ߛߎߥߊ߲ߘߌߕߊ ߟߋ߬ ߘߌ߫ ߢߣߊߕߊߟߌ ߣߌ߲߬ ߘߐ߫߸ ߞߊ߲ߕߌ߯ ߢߣߊߕߊߟߌ ߡߍ߲ ߞߍߕߐ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬ ߞߊ߬ߣߌ߲߬، ߛߌߞߊ߫ ߘߏ߲߬ ߕߴߊ߬ ߘߐ߫߸ ߛߎߘߊ߲ ߛߎߡߊ ߘߙߎ߬ߣߴߊ߬ ߝߍ߬ ߟߋ߬ ߞߎߚߎߕߎߕߎ߫.>> ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߫ ߟߋ߬ ߞߊ߲߫ ߕߋ߲߬، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫߸ ߞߏ߫ ߊ߬ߟߎ ߦߋ߫ ߢߣߊߕߊߟߌ ߣߌ߲߬ ߦߋ߫ ߟߊ߫ ߕߎ߬ߢߊ ߛߌ߬ߣߊ ߟߋ߬ ߘߌ߫ ߡߊ߬ߛߊ߲߬ߕߊߡߎ߲ ߞߊ߲߬، <<ߞߊ߬ ߝߊ߲߬ߞߊߛߌ߬ߣߊ ߟߎ߫ ߝߊ߲߬ߞߊ ߟߊߕߍ߰߸ ߞߊ߬ ߛߋߓߊ߯ߦߊ ߡߊߣߡߊߙߊ߫ ߝߍ߬ߙߍ ߓߍ߯ ߘߏ߫ ߟߊ߫ ߡߎߕߎ߲߬ ߛߊ߫.>> ߊ߬ߟߎ߫ ߞߵߏ߬ ߟߋ ߡߊ߬ߓߎ߬ߙߎ߲߬ߕߟߌ߬ ߞߊ߲ ߟߐ߬ ߘߐ߬ߕߊߡߌ߲ ߘߏ߲߬ߞߏ ߢߌ߲߬ ߠߎ߫ ߡߊ߬.
ߊ߬ߟߎ߫ ߞߊ߬ ߞߏ߫ ߘߊ߲ߘߐ߫ ߟߋ߬ ߝߐ߫߸ ߡߍ߲ ߠߎ߬ ߦߋ߫ ߖߊ߬ߕߋ߬ ߟߴߊ߬ߟߎ߬ ߓߟߏ߫ <<ߛߊ߬ߙߌ߬ߦߊ߬ ߛߐߛߐ>> ߘߌ߫߸ ߞߵߊ߬ ߟߊ߫ ߓߘߍ߬ߓߘߍ߬ߟߌ ߤߊߞߍ ߡߊߛߐ߬ߛߐ߬، ߏ߬ ߟߋ ߘߐ߫߸ ߘߊߟߍ߲߬ ߠߊ߫ ߟߊ߬ߝߛߊ߬ߟߌ߬ߟߊ ߢߌ߲߬ ߠߎ߫ ߞߊ߬ ߝ.ߕ.ߞ.ߡ.ߘ ߟߊߛߐ߬ߘߐ߲߫ ߡߞߊ߬ߛߌ߬ߟߌ ߘߌ߫ (ߝ.ߕ.ߞ.ߡ.ߘ ߕߋߟߋ߲ߓߊ߯ߦߊ ߞߕߌߖߌ߲)، ߊ߬ߟߎ߫ ߣߐ߬ ߞߏ߫ ߘߊ߲ߘߐ߫ ߟߋ߬ ߢߌߣߌ߲߫ ߠߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߞߕߌߘߊ ߣߌ߲߬ ߝߍ߬߸ ߢߊ ߞߊ߫ ߞߊ߲߫ ߞߊ߬ ߟߐ߬ ߡߍ߲ ߘߐ߫ ߌߞߘߐߞߘߐߣߌ߲߬:
- ߞߊ߬ ߛߐ߲߬ ߊ߬ ߡߊ߬ ߞߏ߫ <<ߓߊ߲߬ ߞߍߣߍ߲߫ ߠߋ߬ (ߘߊߟߍ߲߬ ߕߐ߮) ߟߊߘߏ߲߬ ߞߏ ߡߊ߬ ߢߣߊߕߊߟߌ߫ ߛߓߍ ߞߣߐ߫߸ ߏ߬ ߘߏ߲߬ ߦߋ߫ ߛߊ߬ߙߌ߬ߦߊ߬ ߛߐߛߐ ߜߍߞߟߐ ߟߋ߬ ߘߌ߫، (ߏ߬ ߘߐ߫߸ ߝߏ߫ ߞߊ߬ ߛߌߟߊ߫ ߘߴߊ߬ ߡߊ߬) ߊ߬ ߦߋ߫ ߛߋ߫ ߛߐ߬ߘߐ߲߬ ߠߴߊ߬ ߟߊ߫ ߖߡߊ߬ߣߊ ߝߘߏ߬ߓߊ߬ ߞߏߢߊ ߟߎ߬ ߘߐ߫ ߟߊ߬ߝߎߟߋ߲ ߘߝߊߣߍ߲ ߘߐ߫.>>
- ߞߵߊ߬ ߝߐ߫ ߖߌ߬ߣߍ߫ ߖߡߊ߬ߣߊ ߡߙߊ߬ߓߊ߮ ߟߎ߬ ߦߋ߫߸ ߞߏ߫ ߊ߬ߟߎ߬ ߦߋ߫ ߞߊߘߊ߲ ߓߍ߯ ߟߊߘߍ߬ߣߍ߲ ߞߍ߫ <<ߛߟߊߕߌ߯ ߛߋߟߎ߫ ߘߊߟߍ߲߬ ߠߊ߫ ߣߊ߲߬ߒ߬ߕߊ߲߬ߧߊ߬ ߤߊߞߍ ߣߴߊ߬ ߟߊ߫ ߓߘߍ߬ߓߘߍ߬ߟߌ߬ ߤߊߞߍ ߓߍ߯ ߦߋ߫ ߟߊߛߊ߬ߦߌ߲߫ ߊ߬ ߡߊ߬߸ ߞߵߏ߬ ߟߴߊ߬ ߕߐ߮ ߟߊߘߏ߲߭ ߞߊ߲߬ ߢߣߊߕߊߟߌ߫ ߛߙߍߘߍ ߘߐ߫ ߌߞߘߐߞߘߐߣߌ߲߬.>>
ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߞߊ߲߫ ߞߏ߫߸ ߣߌ߲߬ ߞߎߡߊ ߓߘߊ߫ ߕߊ߬ߡߌ߲߬ ߛߎߥߊ߲ߘߌߕߦߊ߫ ߞߏ߫ ߞߎߡߊ ߞߊ߲߬، ߞߏ߫ ߣߌ߫ ߛߋߟߎ߫ ߘߊߟߍ߲߬ ߖߊߟߏ߫ ߡߊ߫ ߓߌ߬ߟߊ߬ ߢߣߊߕߊߟߌ߫ ߛߙߍߘߍ ߘߐ߫߸ ߏ߬ ߦߴߊ߬߬ ߟߊ߫ ߓߘߍ߬ߓߘߍ߬ߟߌ ߤߊߞߍ ߣߌ߫ ߣߊ߲߬ߒ߬ߕߊ߲߬ߧߊ ߤߊߞߍ ߟߋ߬ ߡߊߣߐ߯ߣߍ߲ ߘߌ߫߸ ߓߊߏ߬ ߛߊ߬ߙߌ߬ߦߊ߫ ߛߐ߲߬ߣߍ߲߬ ߞߏ߫ ߊ߬ ߦߋ߫ ߘߌ߫ ߛߋ߫ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߡߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߊ߬ ߦߋ߫ ߕߎ߲ߞߊ߲ ߠߊ߫.
ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߣߌ߫ ߘߊߟߍ߲߬ ߛߋ߲߬ߓߐ߬ ߘߊ߫߸ ߞߏ߫ ߢߣߊߕߊߟߌ ߣߌ߲߬ ߓߘߊ߫ ߓߐ߫ ߟߋ߬ ߓߍ߯ߦߊ ߞߊߡߊ߲ ߞߣߐ߫ ߏ߬ ߘߌ߫ ߝߋߝߋ߫، ߊ߬ ߘߌ߫ ߞߍ߫ ߛߊߓߎ߫ ߘߊ߫ ߞߵߊ߬ ߜߍߦߊ߫ ߞߏ ߞߍ߫ ߛߊ߲߬ߘߊ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߕߋߟߋ߲߫ ߕߴߊ߬ ߞߏߢߊ ߘߐ߫.
ߟߊ߬ߛߋ߬ߟߌ߬ ߛߓߍ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߂߀߂߅ ߣߍߣߍߓߊ ߕߟߋ߬ ߄ ߠߋ߬ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.