ߛߌߡߊ߲ߘߎ߯ ߘߊ߬ߡߊ߲߬ ߞߏߟߊߘߍ ߡߍ߲ ߘߟߊߞߊ߬ ߛߊ߲ ߦߋ߫ ߕߋ߲߬߸ ߏ߬ ߓߘߊ߫ ߛߌߦߊߡߊ߲߫ ߓߐ߫ ߊ߬ ߟߊ߫ ߓߊ߯ߙߊߞߍߟߊ ߟߎ߬ ߟߊ߫߸ ߞߵߊ߬ ߓߟߏߓߐ߫ ߊ߬ߟߎ߬ ߘߐ߫ ߝߋߎ߫، ߓߊ߯ߙߟߊ߫ ߡߐ߰ ߥߊ߯ ߦߙߌߞߊ߫߸ ߡߍ߲ ߠߎ߬ ߣߐ߬ ߊ߬ߟߎ߫ ߖߘߍ߬ ߦߋ߫ ߟߊ߫ ߓߊ߯ߙߓߊߟߌߦߊ ߘߐ߫߸ ߢߣߊߕߊߟߌ ߢߊߞߘߐߟߊ ߣߌ߲߬ ߘߐ߫ ߕߋ߲߬߸ ߏ߬ ߓߘߊ߫ ߣߊ߬ ߞߣߐ߬ߘߐ߬ߝߟߌ ߘߌ߫ ߡߐ߰ ߛߌߦߊߡߊ߲߫ ߠߊ߫ ߣߌ߲߬ ߞߏ ߘߐ߫߸ ߊ߬ ߝߐߣߍ߲߫ ߞߏ߫ ߊ߬ߟߋ ߡߍ߲ ߞߍߕߐ߫ ߖߌ߬ߣߍ߬ߞߊ ߟߎ߫ ߖߌ߰ߡߝߊ߬ ߦߙߐ߬ߓߊ ߘߏ߫ ߘߌ߫ ߞߊ߬ߣߌ߲߬.
ߊ߰ ߝߐ߫ ߟߊ߫ ߞߏ߫ ߛߌߡߊ߲ߘߎ߯ ߟߋ߬ ߦߋ߫ ߖߌ߬ߣߍ߫ ߛߐ߬ߘߐ߲ ߢߡߊߦߟߍߡߊ߲ ߣߌߘߐ ߘߌ߫߸ ߘߊ߬ߡߊ߲߬ ߞߏߟߊߘߍ ߡߍ߲ ߖߊ߬ߕߋ߬ߣߍ߲߫ ߓߍ߯ ߓߟߏ߫ ߖߡߊ߬ߣߊ ߡߊߦߟߍ߬ߡߊ߲߬ ߦߙߐ ߘߌ߫ ߞߊ߬ߣߌ߲߬، ߒ߬ߓߊ߬߸ ߊ߬ ߘߟߊߞߊ߭ ߞߊߙߏ߫ ߞߋߟߋ߲ ߣߌ߲߬ ߞߣߐ߫ ߕߋ߲߬߸ ߞߊ߬ ߣߍ߰ ߓߊ߯ߙߊ ߘߊߡߌ߬ߣߴߊ߬ ߞߣߐ߫߸ ߊ߬ߟߎ߫ ߣߐ߬ ߜߍ߲ߠߌ߲߫ ߛߌߦߊߡߊ߲߫ ߠߋ߬ ߞߍ߫ ߟߊ߫ ߢߐ߲߮ ߞߐ߫߸ ߡߍ߲ ߓߘߊ߫ ߡߐ߰ ߥߊ߯ ߦߙߌߞߊ߫ ߓߌ߬ߟߊ߬ ߓߊ߯ߙߓߊߟߌߦߊ ߘߐ߫، ߏ߬ ߟߎ߫ ߘߏ߲߬ ߦߋ߫ ߡߐ߰ ߟߎ߫ ߟߋ߬ ߘߌ߫߸ ߡߍ߲ ߠߎ߬ ߕߊ߬ ߘߊ߫ ߟߐ߬ߟߌ ߕߎ߬ߡߊ ߟߊ߫߸ ߊ߬ߟߎ߬ ߟߊ߫ ߓߊ߯ߙߊ߫ ߘߌ߲ߞߌߙߊ ߟߎ߫ ߟߐ߬ ߕߎߡߊ ߟߊ߫ ߞߊ߬ߣߌ߲߬߸ ߣߴߊ߬ߟߎ߬ ߓߍ߯ ߦߟߌߛߌ߰ߣߍ߲߫ ߕߘߍ߬ ߞߏ߫ ߓߊ߯ߙߊ ߓߊ߯ ߘߊߡߌ߬ߣߊ߬߸ ߊ߬ߟߎ߬ ߟߊ߫ ߤߙߍ ߘߊ ߟߋ߬ ߟߊߞߊ߬ߣߴߏ߬ ߘߌ߫.
ߞߵߊ߬ ߓߍ߲߬ ߖߌ߬ߣߍ߫ ߖߡߊ߬ߣߊ ߟߊ߫ ߥߊ߯ߕߌ߫ ߝߐߣߍ߲ ߡߊ߬ ߛߌߡߊ߲ߘߎ߯ ߓߊ߯ߙߝߊ ߟߎ߬ ߦߋ߫߸ ߊ߬ߟߎ߬ ߓߘߊ߫ ߞߏߘߐߦߟߍߡߊ߲߫ ߛߌߦߊߡߊ߲߫ ߞߍ߫߸ ߛߊ߫ ߓߊ߯ߙߊ ߥߓߊ߬ߞߏ߬ߞߍ ߘߌ߫ ߞߍ߫، ߞߵߊ߬ ߕߊ߬ ߂߀߂߄ ߡߊ߬ ߞߵߊ߬ ߛߌ߰ ߂߀߂߅ ߢߌ߲߬ ߠߊ߫߸ ߡߐ߰ ߆߀ ߀߀߀ ߟߋ߬ ߕߘߍ߬ ߓߊ߯ߙߊ߫ ߟߊ߫ ߘߊ߬ߡߊ߲߬ߘߊ ߢߌ߲߬ ߠߊ߫߸ ߡߍ߲ ߣߍ߰ߛߌߟߊ ߦߋ߫ ߞߎߘߍ߫ ߆߇߀ ߘߌ߫߸ ߞߵߏ߬ ߟߊ߫ ߟߐ߬ߟߌ߬ ߛߌߦߊߡߊ߲߫ ߞߊ߲߬، ߒ߬ߓߊ߬߸ ߊ߬ߟߎ߬ ߓߊ߲ ߓߊ߯ߙߊ߫ ߞߎ߲߬ߝߟߐ ߏ߬ ߟߎ߬ ߟߊ߫߸ ߞߊ߬ ߣߊ߬ ߛߋ߫ ߕߣߐ߬ߓߐ߬ߟߌ ߖߍ߬ߘߍ ߘߊߡߌ߬ߣߊ ߡߊ߬ ߘߊ߬ߡߊ߲ ߞߣߐ߫߸ ߊ߬ߟߎ߫ ߡߊ߬ߞߏ ߦߟߍ߬ߡߊ߲߬ ߘߊ߫ ߥߟߊߞߌ߫، ߏ߬ ߞߐߝߟߌ ߞߍ߫ ߘߊ߫ ߡߎ߲߬ ߘߌ߫߸ ߡߐ߰ ߆߀ ߀߀߀ ߡߍ߲ ߕߊ߬ ߘߊ߫ ߞߏ ߘߊߡߌߣߊ ߟߊ߫߸ ߊ߬ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߡߐ߰ ߁߅ ߀߀߀ ߖߊ߬ߕߋ߬߸ ߏ߬ ߟߎ߬ ߘߌ߫ ߛߴߊ߬ߟߎ߫ ߡߊ߬ߞߏߢߊ߬ ߟߊ߫ ߡߎ߬ߕߎ߲߬، ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߕߐ߭ ߏ߬ ߟߎ߬ ߓߍ߯ ߟߋ߬ ߟߊ߫ ߓߊ߯ߙߊ ߕߌߢߍߣߍ߲߫ ߏ߬ ߘߌ߫.
ߊ߬ ߓߘߊ߫ ߞߍ߫ ߕߐߘߐ߲ߒߖߎ߬ߟߊ ߘߌ߫߸ ߓߊ߯ߙߟߊ߫ ߛߌߦߊߡߊ߲߫ ߓߘߊ߫ ߓߌ߬ߟߊ߬ ߓߊ߯ߙߊ߫ ߞߏߖߊ ߘߐ߫߸ ߞߵߊ߬ ߛߐ߬ߘߐ߲߬ ߓߍ߲߬ߒ߬ߛߋ߲߬ߡߊ ߘߐ߯ߡߊ߲߫ ߖߡߊ߬ߣߊ ߞߣߐ߫߸ ߓߊ߯ߙߊ߫ ߦߙߐ ߟߎ߬ ߡߊ߲߫ ߛߌߦߊ߫، ߏ߬ ߟߋ ߓߘߊ߫ ߣߊ߬ ߖߐ߬ߘߐ ߘߌ߫ ߡߐ߰ ߛߌߦߊߡߊ߲߫ ߠߊ߫ ߛߍߣߍ߲߬߸ ߞߵߊ߬ ߛߐ߬ߘߐ߲߬ ߓߍ߯ ߦߟߌߛߌ߰ߣߍ߲߬ ߞߏ߫ ߛߌߡߊ߲ߘߎ߯ ߟߋ߬ ߞߍߕߐ߫ ߓߊ߯ߙߊ߫ ߓߟߏߕߍ߰ߓߊߟߌ ߘߌ߫ ߟߊ߫ ߘߋ߲ߡߌߛߍ߲ ߠߎ߬ ߡߊ߬.
ߊ߲ ߘߌ߫ ߛߋ߫ ߡߍ߲ ߝߐ߫ ߟߊ߫ ߞߵߊ߬ ߓߍ߲߬ ߛߌߡߊ߲ߘߎ߯ ߟߊ߫ ߡߐ߰ ߓߌߟߊ ߣߌ߲߬ ߞߎ߲߭ ߡߊ߬߸ ߏ߬ ߝߟߍ߫: ߟߐ߬ߟߌ ߘߊߡߌߣߊ߸ ߡߊ߬ߞߏ ߕߍ߬ߘߍ߫ ߖߡߊ߬ ߛߌߦߊߡߊ߲߫ ߠߋ߬ ߟߊ߫، ߓߊ߬ߙߌ߬߸ ߛߋ߫ ߓߘߊ߫ ߞߍ߫ ߘߍ߲߰ߦߊ߬ߟߌ ߘߊߞߎ߲ ߠߋ߬ ߘߐ߫ ߕߋ߲߬، ߏ߬ ߟߋ ߘߐ߫߸ ߞߵߊ߬ ߓߍ߲߬ ߊ߬ߟߎ߬ ߣߌ߫ ߖߡߊ߬ߣߊ ߝߊ߰ߡߊ ߟߎ߬ ߟߊ߫ ߕߎ߬ߡߊ߬ ߝߐߣߍ߲ ߡߊߓߏ߲߬ߧߊ ߡߊ߬ ߓߊ߯ߙߊ ߘߊߡߌ߬ߣߊ߬ ߞߏ ߘߐ߫߸ ߊ߬ߟߎ߫ ߛߐ߰ ߘߊ߫ ߡߐ߰ ߆߀ ߀߀߀ ߕߊ߭ ߡߊ߬ ߏ߬ ߟߋ ߘߐ߫ ߂߀߂߄ ߣߌ߫ ߂߀߂߅ ߕߍߟߊ ߘߐ߫߸ ߛߊ߫ ߞߏ ߟߎ߬ ߘߌ߫ ߟߞߊߟߌߦߊ߫߸ ߞߊ߬ ߘߏ߲߬ ߘߍ߲߰ߦߊ߬ߟߌ ߘߊߞߎ߲ ߘߐ߫߸ ߏ߬ ߡߍ߲ ߓߊ߯ߙߊ ߞߊ߫ ߛߌߦߊ߫ ߕߘߍ߬، ߓߊ߬ߙߌ߬߸ ߣߴߊ߬ ߕߏ߫ ߘߊ߫ ߘߊ߲ߞߊ߲ ߓߊ߯ߙߊ ߣߍ߫ ߘߊ߬ߡߊ߲ ߖߍ߬ߘߍ ߓߊ߯ߙߊ ߣߌ߫ ߣߍ߰ߛߌ߬ߟߊ߬ ߞߏ ߡߊ߬߸ ߊ߬ߟߎ߫ ߡߊ߬ߞߏ ߦߋ߫ ߡߐ߰ ߁߅ ߀߀߀ ߘߐߙߐ߲߫ ߠߋ߬ ߟߊ߫، ߏ߬ ߟߋ ߘߐ߫߸ ߊߟߎ߬ ߓߘߊ߫ ߘߏ߫ ߓߐ߫ ߊ߬ߟߎ߫ ߘߏ߬ߣߌ߲ ߠߊ߫، ߒ߬ߞߊ߬߸ ߘߏ߫ ߓߐ߫ ߘߏ߬ߣߌ߲߬ ߠߊ ߏ߬ ߟߋ ߘߊ߲ߘߊ߫ ߢߊ߫ ߕߴߦߋ߲߬ ߡߎߣߎ߲߬߸ ߓߊߏ߬ ߖߡߊ߬ߣߊ ߓߊ߯ߙߊ߫ ߞߏ ߜߍ߬ߟߍ߲߬ߡߊ߬ ߞߏߛߓߍ߫.
ߊ߬ߟߎ߬ ߟߊ߫ ߡߐ߰ ߓߌߟߊ ߣߌ߲߬ ߞߍߣߍ߲߫ ߢߣߊߕߊߟߌ ߢߊߞߘߐߟߊ ߟߋ߬ ߘߐ߫ ߕߋ߲߬߸ ߏ߬ ߡߍ߲ ߓߙߊߡߊߖߊ߲ߓߊ߲ ߜߊ߬ߣߍ߲߫ ߝߊ߲߭ ߓߍ߯ ߘߐ߫ ߞߊ߬ߣߌ߲߬߸ ߞߵߊ߬ ߓߍ߲߬ ߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߡߊ߬، ߡߊ߬ߡߌ߬ߘߊ߬ߟߌ߬ߟߊ߫ ߞߐ߬ߣߐ߲߬ߘߐ߫ ߟߋ߬ ߛߐ߬ߘߐ߲߬ߕߐ߫ ߏ߬ ߘߐ߫߸ ߞߊ߬ߝߏ߬ ߖߊ߬ߛߏ߲߬ ߞߎ߲ߕߌ߮ ߖߍ߬ߘߍ ߦߴߏ߬ ߕߍߡߊ߬ ߟߋ߬߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫߸ ߊ߬ߟߋ ߟߋ߬ ߡߊ߲߬ߘߌߡߊ߲ ߘߌ߫ ߊ߬ ߞߏ ߘߐ߫ ߕߋ߲߬ ߞߏߛߓߍ߫، ߣߍߣߍߓߊ߫ ߞߊߙߏ߫ ߛߊ߬ߣߍ߲ ߠߊ߫߸ ߊ߬ ߛߐ߬ߘߐ߲߬ ߘߊ߫ ߟߋ߬ ߛߌߡߊ߲ߘߎ߯ ߟߊ߬ߥߟߏ߬ߟߌ ߖߎ߬ߛߌ߮ ߘߟߊߞߊߟߌ ߘߐ߫߸ ߊ߬ ߣߴߊ߬ ߓߐߢߐ߲߯ߞߏ߫ ߞߊ߲ߕߌ߮ ߘߏ߫ ߟߎ߫ ߜ߭ߊߓߐ߲߫ ߣߌ߫ ߙߎߥߊ߲ߘߊ߫ ߟߎ߫ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.