ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲߫ ߕߏ߯ߝߏ ߡߍ߲ ߕߐ߯ ߞߏ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ߸ ߏ߬ ߕߍߣߊ߬ ߛߋ߫ ߟߊ߫ ߕߊ߯ ߟߊ߫ ߥߛߊ߬ߘߋ߲߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲ ߢߣߊߕߊߟߌ߫ ߣߊ߬ߕߐ ߘߐ߫߸ ߡߍ߲ ߟߐ߯ߟߊߣߍ߲߫ ߞߵߊ߬ ߕߏ߫ ߂߀߂߆ ߘߓߊ߬ߕߊ ߕߋ߬ߟߋ߫ ߂߄ ߠߊ߫، ߒ߬ߓߊ߬߸ ߟߊ߬ߛߋ߬ߟߌ߬ ߞߟߊߒߞߋ߫ ߞߍ߫ ߘߴߊ߬ߟߎ߬ ߓߟߏ߫ ߞߏ߲ߞߏߘߓߌ ߕߟߋ߬ ߅ ߡߊ߬߸ ߡߍ߲ ߞߟߊ߬ߣߐ߬ߦߊ߬ߣߴߊ߬ߟߎ߬ ߟߊ߫ ߞߊ߲ߕߌ߮ ߓߟߏ߫߸ ߛߎߝߌߦߣߊ߫ ߞߊ߲ߕߍ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߡߊ߫ ߛߊ߫ ߡߐ߰ ߓߐ߫ ߟߊ߫ ߢߣߊߕߊߟߌ߫ ߣߊ߬ߕߐ ߢߌ߲߬ ߠߎ߬ ߘߐ߫߸ ߞߵߏ߬ ߞߎ߲߭ ߞߍ߫ ߘߌ߬ߢߍ߬ߛߓߍ ߛߐ߬ߘߐ߲߬ߓߊߟߌߦߊ ߘߴߊ߬ߟߎ߬ ߓߟߏ߫߸ ߏ߬ ߡߍ߲ ߦߋ߫ ߛߋ߲ߛߋߘߋ߲ ߘߌ߫.
<< ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߡߊ߫ ߛߋ߫ ߡߐ߰ ߛߌ߫ ߟߊߓߐ߫ ߟߊ߫ ߞߊ߬ ߕߘߍ߬ ߢߣߊߕߊߟߌ ߡߊ߬، ߞߵߏ߬ ߞߎ߲߭ ߞߍ߫ ߟߊ߬ߘߌ߬ߢߍ߬ߛߓߍ ߛߐ߬ߘߐ߲߬ߓߊߟߌߦߊ ߘߌ߫ ߊ߲ ߓߟߏ߫ ߞߊ߬ ߓߍ߲߬ ߢߣߊߕߊߟߌ ߡߊ߬.>> ߟߊ߬ߛߋ߬ߟߌ߬ ߛߓߍ ߣߌ߲߬ ߞߵߏ߬ ߔߘߋߔߘߋߟߊߕߍ߰.
ߞߊ߬ ߓߍ߲߬ ߏ߬ ߞߏߢߊ ߡߊ߬ ߛߊ߫߸ ߕߏ߰ߝߏ ߣߌ߲߬ ߡߙߊ߬ߘߊ ߞߏߟߊߕߍ߮ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߛߌ߲߬ߝߏ߲ ߠߎ߬ ߦߴߊ߬ߟߎ߫ ߛߊ߬ߥߏ߬ ߘߐ߫ ߖߌ߬ߣߍ߬ ߞߣߐ߫߸ ߊ߬ ߣߌ߫ ߖߌ߬ߣߍ߬ ߞߐߞߊ߲߬. << ߓߍ߯ ߦߴߊ߬ ߛߊ߬ߥߏ߬ ߘߐ߫ ߢߣߊߕߊߟߌ ߣߌ߲߬ ߘߐ߫߸ ߞߊ߬ ߡߐ߰ ߛߎߥߊ߲ߘߌ߫ ߡߍ߲ ߞߵߌߟߋ ߖߍ߬ߘߍ ߤߣߍ߫.>> ߏ߬ ߝߐߣߍ߲߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫߸ ߞߵߊ߬ ߦߌ߬ߘߊ߬ ߞߏ߫ ߓߍ߯ ߘߌ߫ ߛߋ߫ ߊ߬ ߕߊ߫ ߡߐ߰ ߛߎߥߊ߲ߘߌߕߊ߫ ߛߎߥߊ߲ߘߌ߫ ߟߊ߫߸ ߞߵߊ߬ ߞߐߡߊߓߌ߲ߓߌ߲߫ ߝߊ߬ߘߌ ߓߍ߯ ߘߏ߫ ߘߐ߫ ߞߊ߬ ߓߍ߲߬ ߢߌߣߌ߲ߞߏ ߓߐߢߟߊ ߡߊ߬.
ߓߊ߬ߙߌ߬߸ ߞߊ߲ߕߌ߮ ߞߊ߬ ߘߐ߬ߞߣߍ߬ߟߌ߬ ߞߍ߫߸ ߞߊ߬ ߓߍ߲߬ ߕߏ߰ߝߏ ߟߊ߫ ߞߏ ߡߊ߬ ߓߘߍ߬ߓߘߍ߬ߟߌ ߛߌߟߊ ߞߊ߲߬ ߢߣߊߕߊߟߌ ߓߙߊߡߊߖߊ߲ߓߊ߲߫ ߣߊ߬ߕߐ ߘߐ߫، ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊߕߐ߲ߣߍ߲߫ ߠߋ߬ ߜߘߋߜߘߋ߫߸ ߞߊ߬ ߕߏ߰ߝߏ ߕߐ߮ ߟߊߓߊ߯ߙߊ߫߸ ߊ߬ ߟߊ߫ ߕߐ߰ߡߊ߬ߦߋߙߋ߲߸ ߊ߬ ߥߊ߲߬ߥߊ߲ ߣߴߊ߬ ߝߊ߰ߣߌ߲ ߠߎ߬߸ ߞߎߡߊߕߴߊ߬ ߓߟߐߟߐ߫ ߞߍߦߙߐ ߟߎ߫ ߡߊ߬، ߞߏ߫ ߟߊ߬ߖߊ߲߬ߞߏ߬ߟߌ߬ ߓߊ߯ߙߊ ߏ߬ ߓߍ߯ ߟߊߕߐ߲ߣߍ߲߫ ߠߋ߬ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߐ߯ ߘߐ߫߸ ߊ߬ ߞߍߦߙߐ ߟߎ߫ ߞߊ߲߬ ߡߊ߬ߡߌ߬ߘߊ߬ߟߌ߬ߟߊ߫ ߜߘߍ߫ ߦߋ߫.
ߊ߬ߟߎ߫ ߞߵߊ߬ ߦߌ߬ߘߊ߫ ߏ߬ ߟߋ ߘߐ߫ ߞߏ߫: << ߣߴߊ߲ ߞߵߏ߬ ߘߏ߫ ߞߍ߫ ߘߐߙߐ߲߫߸ ߏ߬ ߘߌ߫ ߛߋ߫ ߝߙߋߞߋ ߓߌ߬ߟߊ߬ ߟߊ߫ ߊ߲ ߠߊ߫ ߛߓߍ߫ ߞߏ߫ ߘߐ߫߸ ߓߊߏ߬ ߛߊ߬ߙߌ߬ߦߊ ߕߍߣߊ߬ ߘߌ߬ߢߍ߬ ߟߴߊ߬ ߡߊ߬.>> ߏ߬ ߝߐ߫ ߘߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߘߐ߫߸ ߡߍ߲ ߞߟߊ߬ߣߐ߬ߦߊ߬ ߘߊ߫ ߞߊ߲ߕߌ߮ ߓߟߏ߫߸ ߛߎߝߌߦߣߊ߫ ߞߊ߲ߕߍ߫.
ߟߊ߬ߛߋ߬ߟߌ ߣߌ߲߬ ߞߎ߲߭ ߠߋ߬ ߊ߬ ߦߌ߬ߘߊ ߘߌ߫߸ ߞߏ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߦߋ߫ ߓߊ߯ߙߊ߫ ߟߊ߫ ߞߊ߬ ߓߍ߲߬ ߖߡߊ߬ߣߊ ߛߊ߬ߙߌ߬ߦߊ ߟߎ߬ ߥߊ߫ ߝߊߘߌ ߟߋ߬ ߡߊ߬߸ ߖߐ߲߰ߛߊ߫ ߕߊ߲߬ߞߊ߬ ߘߌ߫ ߞߍ߫ ߓߌ߬ߟߊ ߡߊ߬ ߛߊ߬ߙߌ߬ߦߊ߫ ߕߣߊ߬ ߘߐ߫߸ ߞߊ߬ ߕߏ߰ߝߏ ߟߊ߫ ߛߓߍ߫ ߛߐߘߐ߲ ߜߟߍ߬ߦߊ߬߸ ߏ߬ ߡߍ߲ ߦߋ߫ ߖߌ ߞߍ߫ ߟߊ߫ ߕߏ߰ߝߏ ߟߊ߫ ߛߌ߬ߡߊ߬ߦߊ ߝߍ߬، ߓߊߏ߬߸ ߢߣߊߕߊߟߌ ߕߎ߬ߡߊ ߢߍ߬ߣߍ߲ ߓߏ߲߬ߓߊ߫ ߕߏ߰ߝߏ ߟߎ߬ ߟߊ߫ ߞߎ߲߬ߠߊ߫ ߞߏߛߓߍ߫، ߘߏߣߍ߲߫ ߕߋ߲߬߸ ߌ ߘߌ߫ ߕߣߍ߬ߣߍ߬، ߒ߬ߓߊ߬߸ ߛߊ߫ ߜߟߍ߬ߦߊ߬ ߞߊߣߊ߬ ߘߏ߲߬ ߛߓߍ߫ ߛߐߘߐ߲߫ ߞߏ ߘߐ߫ ߡߊ߬ߡߙߊ߬ߟߌ߬ ߞߎ߲ߘߊ߫ ߢߊ ߡߍ߲ ߡߊ߬߸ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߓߘߴߊ߬ ߦߌ߬ߘߊ߬ ߞߏ߫ ߊ߬ ߛߌ߲߬ߝߏ߲ ߠߎ߬ ߦߋ߫ ߡߐ߰ ߛߎߥߊ߲ߘߌ߫߸ ߡߍ߲ ߞߊ߫ ߘߴߊ߬ߟߎ߬ ߦߋ߫߸ ߊ߬ ߣߌ߫ ߡߍ߲ ߞߊ߫ ߘߴߊ߬ߟߎ߬ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.