ߖߌ߬ߣߍ߬: ߞߊ߬ߝߏ߬ ߞߎ߲ߕߌ߮ ߓߘߊ߫ ߞߊ߲ߓߍ߲ ߞߎ߲߬ߠߊ߬ߛߌ߮ ߟߊ߫ ߓߊ߬ߘߌ߬ߕߊ߬ ߝߟߐߝߟߐ ߟߊߛߐ߬ߘߐ߲߬

߂߀߂߅ ߣߍߣߍߓߊ ߕߟߋ߬ ߁߭ ߡߊ߬߸ ߘߐ߬ߝߐ ߞߐߜߍ߫ ߞߎߘߊ߫ ߦߟߍ߬ߡߊ߲߬ ߘߊ߫ ߞߎߓߋ߫ ߡߏ߬ߤߊ߬ߡߍ߬ߘ ߅߲ ߞߣߐ߫، ߓߊߏ߬߸ ߞߵߊ߬ ߕߊ߬ ߁߉߅߈ ߡߊ߬ ߤߊ߲߯ ߕߋ߲߬߸ ߡߍ߲ ߢߐ߲߰ ߕߎ߲߬ ߡߊ߫ ߞߍ߫߸ ߏ߬ ߟߋ ߞߍ߫ ߘߊ߫، ߞߊ߬ߕߎ߲߯߸ ߖߌ߬ߣߍ߬ ߞߊ߲ߓߍ߲ ߖߡߊ߬ߣߊ ߞߵߊ߬ ߟߊ߫ ߓߊ߬ߘߌ߬ߕߊ߬ ߝߟߐߝߟߐ ߟߊߛߐ߬ߘߐ߲߬߸ ߡߍ߲ ߠߊߕߊ߬ߡߌ߲߬ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߡߊ߬ ߓߏ߲߬ߧߊ ߘߝߊߣߍ߲ ߘߐ߫ ߕߋߟߋ߲ߓߊ߯ߦߊ ߞߏߕߌ߮ ߓߟߏ߫.

ߣߌ߲߬ ߘߊߞߎ߲ ߘߐ߫߸ ߞߏߕߌ߯ ߝߟߐ߸ ߊߡߊߘߎ߫ ߎ߯ߙߌ߬ ߓߊ ߕߘߍ߬ ߞߣߍ ߞߊ߲߬߸ ߊ߬ ߣߌ߫ ߞߎ߲߬ߠߊ߬ߛߌ߰ ߛߌ߲ߝߏ߲ ߠߎ߬߸ ߞߵߏ߬ ߟߊ߫ ߖߡߊ߬ߣߊ ߡߊ߬ߞߟߐ߬ ߛߊ߲ߘߐ ߛߌߦߊߡߊ߲߫ ߞߊ߲߬߸ ߓߊ߬ߘߌ߬ߕߊ ߟߎ߬ ߟߊߘߊ߬ߙߏ ߞߏߕߌ߮ ߦߊߦߊ߬ ߞߊߦߌߙߓߊ߫ ߞߊ߬ߓߊ ߞߊ߬ ߖߌ߬ߣߍ߬ ߞߊ߲ߓߍ߲ ߠߊ߫ ߓߊ߬ߘߌ߬ߕߊ߬ ߝߟߐߝߟߐ ߦߌ߬ߘߊ߬ ߞߊ߲ߕߌ߮ ߟߊ߫ ߏ߬ ߟߎ߬ ߓߍ߯ ߟߋ߬ ߢߊߞߘߐ߫ ߦߋ߲߬߸ ߏ߬ ߡߍ߲ ߞߍߣߍ߲߫ ߘߐ߬ߝߐ ߟߏ߲ߓߊ ߘߏ߫ ߘߌ߫ ߞߊ߬ߣߌ߲߬.

ߊ߬ߟߋ ߟߊߘߊ߲ߣߍ߲߫ ߞߵߊ߬ ߞߍ߫ ߖߌ߬ߣߍ߬ ߟߊ߫ ߝߘߏ߬ߓߊ߬ ߞߏߟߊߕߍ߯ߦߊ ߡߊ߬ߛߙߋ ߘߌ߫߸ ߓߊ߬ߘߌ߬ߕߊ ߢߌ߲߬ ߠߋ߬ ߊ߬ ߦߌ߬ߘߊ߬ ߟߊ߫ ߞߏ߬ ߖߌ߬ߣߍ߬ ߞߊ߲ߓߍ߲ ߓߘߊ߫ ߜߘߌߛߌ߯ߟߌ ߞߍ߫ ߢߊߞߎߘߦߊߟߌ ߘߊߞߎ߲ ߘߐ߫ ߡߊ߬ߡߙߊ߬ߟߌ߬ ߞߎ߲ߘߊ߫، ߞߊ߬ߦߌ߯ ߖߘߍ߬ߕߌ߰ߦߊ ߕߊ߬ ߘߊ߫ ߁߉߅߈ ߠߊ߫߸ ߖߌ߬ߣߍ߬ ߞߊ߲ߓߍ߲ ߕߎ߲߬ ߡߊ߫ ߣߌ߲߬ ߢߐ߲߰ ߛߐ߬ߘߐ߲߬ ߝߟߐ߫، ߏ߬ ߟߋ ߘߐ߫߸ ߕߋߟߋ߲ߓߊ߯ߦߊ ߞߏߕߌ߮ ߦߊߦߊ߬ ߞߊߦߌߙߓߊ߫ ߞߍߕߐ ߣߌ߲߬ ߘߌ߫ ߟߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫: <<ߓߊ߬ߘߌ߬ߕߊ ߕߍ߫ ߞߟߊ߬ߣߐ߬ߦߊ߬ߟߌ߬ ߞߍ߫ ߟߊ߫߸ ߓߊ߬ߙߵߊ߬ ߦߋ߫ ߞߏ ߟߎ߬ ߓߏ߲߬ߧߊ߬ ߟߊ߫ ߟߋ߬ ߞߵߊ߬ߟߎ߬ ߞߍ߫ ߔߌߦߐߔߌߦߐ ߘߌ߫.>>

ߖߡߊ߬ߣߊ ߟߊ߫ ߓߊ߬ߘߌ߬ߕߊ ߡߍ߲ ߦߋ߫ ߣߌ߲߬߸ ߝߊ߲߭ ߝߌ߬ߟߊ߫ ߟߋ߬߸ ߊ߬ ߝߊ߲߬ ߞߋߟߋ߲߸ ߏ߬ ߦߋ߫ ߞߊ߲ߓߍ߲ ߕߐ߰ߡߊ߬ߦߋߙߋ߲ ߠߋ߬ ߘߌ߫߸ ߝߊ߬ ߓߘߊ ߞߎ߲߬ߞߊ߲ ߦߋ߫ ߡߍ߲ ߞߊ߲߬: <<ߓߊ߯ߙߊ – ߕߋߟߋ߲ – ߢߐ߲߯ߘߍߡߍ߲>> ߊ߬ ߝߊ߲߬ ߘߐ ߝߣߊ߫ ߞߊ߲߬߸ ߖߌ߬ߣߍ߫ ߔߊ߬ߔߘߊ ߟߵߏ߬ ߞߊ߲߬߸ ߡߍ߲ ߘߊ߲߬ߟߊߣߍ߲߫ ߖߌ߬ߣߍ߬ ߛߎ߲ߞߎ߲ ߕߌ߲߬ߞߎ߬ߘߎ߲߬ ߣߊ߯ߣߌ߲ ߠߊ߫߸ ߞߵߏ߬ ߟߊߡߌߣߌ߲߫ ߡߊ߲߬ߞߕߎ ߘߏ߫ ߟߊ߫: <<ߖߌ߬ߣߍ߫ ߡߌ߬ߙߌ߲߬ߘߌ ߕߐ߯ ߘߐ߫>>، ߊ߬ ߓߍ߯ ߓߊ߬ߘߌ߬ߣߍ߲߫ ߞߢߊ߬ ߥߎߟߋ߲ ߠߋ߬ ߟߊ߫ ߡߙߎߝߋ߫ ߞߟߐ߬ ߛߓߊ߬ߡߊ ߘߏ߫ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߔߌߦߐߔߌߦߐ ߟߋ߬ ߘߌ߫.

ߦߊߦߊ߬ ߞߊߦߌߙߓߊ߫ ߞߊ߬ߓߊ ߟߊ߫ ߞߎߡߊ ߘߐ߫߸ ߊ߬ ߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߝߏ߬ ߊ߬ ߟߊ߫ ߥߎߟߊߟߊߦߋߟߌ ߘߐ߫߸ ߊ߬ߟߋ ߡߍ߲ ߞߊ߬ ߖߊ߬ߕߋ߬ߘߐ߬ߛߌ߮ ߣߌ߲߬ ߛߌ߰ ߡߙߌߘߐߕߊ߬ ߞߊ߬ߣߌ߲߬، ߦߊߦߊ߬ ߞߊߦߌߙߓߊ߫ ߞߵߊ߬ ߦߌ߬ߘߊ߬ ߞߏ߫: <<ߖߡߊ߬ߣߊ ߟߊ߫ ߖߘߍ߬ߕߌ߰ߦߊ ߣߴߊ߬ ߟߊ߫ ߛߋߓߊ߯ߦߊ ߟߊߛߊ߬ߦߌ߲߬ ߞߏ߬ߓߊ߫ ߟߋ߬ ߣߌ߲߬ ߘߌ߫.>>

ߖߌ߬ߣߍ߬ ߓߘߴߊ߬ ߟߊ߫ ߖߘߍ߬ߕߌ߰ߦߊ ߕߐ߰ߡߊ߬ߛߙߋ ߟߋ߬ ߟߊߘߊ߲߫ ߣߌ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫