ߞߊ߬ߝߏ߬ ߖߊߛߏ߲ ߡߍ߲ ߞߍ߫ ߘߊ߫ ߂߀߂߁ ߠߊ߫߸ ߏ߬ ߛߊ߲߬ ߣߊ߯ߣߌ߲ ߠߋ߬ ߕߋ߲߬، ߒ߬ߓߊ߬߸ ߖߌ߬ߣߍ߫ ߖߡߊ߬ߣߊ ߦߋ߫ ߥߊ ߞߊ߲߬ ߞߊ߲ߕߌ߯ ߢߣߊߕߊߟߌ ߟߋ߬ ߡߊ߬ ߣߌ߲߬߸ ߡߍ߲ ߞߏ ߡߎ߰ߡߍ ߦߋ߫ ߘߐ߬ߕߊߡߌ߲ ߞߊ߲ߕߌ߮ ߓߟߏ߫ ߝߊߦߌߘߊ߫߸ ߡߊ߬ߡߊ߬ߘߌ߬ ߘߎ߲ߓߎߦߊ߫، ߊ߬ ߛߌ߬ߣߊ ߡߊ߲߫ ߛߌߦߊ߫߸ ߝߊ߲߬ߞߊߛߌ߬ߣߊ ߟߎ߫ ߝߊ߲߬ߞߊ ߞߊ߫ ߘߐ߯߸ ߛߌ߰ߞߊ߲ ߓߘߊ߫ ߘߐߦߟߍ߬ߡߊ߲߫߸ ߞߊ߬ ߛߌߡߊ߲ߘߎ߯ ߞߏ ߓߌ߬ߟߊ߬ ߞߏ ߓߍ߯ ߢߍߝߍ߬، ߢߣߊߕߊߟߌ ߓߘߊ߫ ߛߋ߫߸ ߊ߬ ߟߊ߫ ߛߎߘߊ߲ ߛߌߞߊ߫ ߕߍ߫ ߡߐ߰ ߛߌ߫ ߘߐ߫߸ ߤߊߟߵߊ߬ ߣߌ߫ ߡߍ߲ ߠߎ߬ ߦߋ߫ ߘߐ߲߭ ߘߐ߫.

ߖߌ߬ߣߍ߫ ߣߊ߲߬ߕߌ߯ ߞߊ߬ߝߏ߬ ߖߊ߬ߛߏ߲߬ ߞߊ߲ߕߌ߮ ߸ߡߊ߬ߡߊ߬ߘߌ߬ ߘߎ߲ߓߎߦߊ߫߸ ߞߏ ߡߍ߲ ߦߴߊ߬ ߣߌ߫ ߞߊ߲ߕߌ߯ߦߊ ߕߍ߫ ߕߋ߲߬߸ ߏ߬ ߟߋ ߢߣߊߕߊߟߌ߫ ߟߏ߲ ߘߌ߫ ߘߐߙߐ߲߫߸ ߡߍ߲ ߞߍߕߐ߫ ߞߊ߯ߙߌ߫ ߣߊ߬ߕߐ ߡߊ߬ ߞߊ߬ߣߌ߲߬، ߓߊߏ߬߸ ߓߍ߯ ߘߍ߲߬ߞߣߍ߬ߦߊ߬ߣߴߏ߬ ߟߋ ߡߊ߬ ߝߊߦߌߘߊ߫، ߊ߬ߟߋ ߟߋ߬ ߞߊ߬ ߞߊ߬ߝߏ߬ ߖߊߛߏ߲ ߞߍ߫ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊ߫ ߂߀߂߁ ߠߊ߫߸ ߞߊ߬ ߣߊ߬ ߛߋߓߊ߯ߦߊ ߟߊ߫، ߝߊ߲߬ߞߊ߬ ߓߟߏߡߊߞߊ߬ ߣߍ߲ (ߝߊ߲߬ߞߊ߬ ߝߌ߲) ߡߙߊ߬ߓߊ߰ ߞߘߐ ߟߋ߬ ߦߴߊ߬ ߘߌ߫߸ ߊ߬ ߛߌ߬ߣߊ ߟߎ߬ ߡߊ߲߫ ߛߌߦߊ߫߸ ߊ߬ߟߎ߬ ߘߐߝߘߊߣߍ߲߫߸ ߝߊ߲߬ߞߊ߬ ߕߴߊ߬ߟߎ߬ ߟߊ߫߸ ߏ߬ ߓߘߴߊ߬ߟߋ ߞߊ߬ߡߊ߲ ߞߘߐߕߊ߬ ߡߎ߬ߣߎ߲߬ ߞߊ߬ ߞ߲ߊߕߌ߯ߦߊ ߛߎߡߊ ߘߎ߬ߙߎ߫ ߊ߬ ߝߍ߬ ߞߎߚߎߕߎߕߎ߫.

ߞߏ ߘߊߡߌߣߊ߸ ߘߎ߲߬ߓߎߦߊ߬ ߞߵߊ߬ ߝߐ߫ ߟߋ߬ ߞߵߊ߬ ߟߊߕߍ߰ ߞߏ߫ ߊ߬ߟߋ ߕߍߣߊ߬ ߞߍ߫ ߟߊ߫ ߡߊ߬ߡߌ߬ߣߊ߬ߟߌ߬ߟߊ߫ ߘߌ߫، ߓߊ߬ߙߌ߬ ߛߌ߰ߞߊ߲߬ ߞߎߘߊ ߡߍ߲ ߕߊ߬ ߘߊ߫ ߕߎߟߊߝߌ߲߫ ߕߊ߬ߡߌ߲߬ߣߍ߲߸ ߏ߬ ߞߊ߬ ߛߐ߰ߟߊ߲ ߏ߬ ߟߊߞߊ߬ ߟߋ߬߸ ߞߊ߬ ߛߌߟߊ ߟߊߞߵߊ߬ ߦߋ߫ ߝߊ߲ߞߎߟߊ߲߫، ߛߌ߰ߞߊ߲ ߏ߬ ߞߣߐ߫߸ ߞߊ߲ߕߌ߯ߦߊ ߛߕߊ ߓߐ߫ ߘߊ߫ ߛߊ߲߬ ߟߏ߯ߟߎ ߘߐ߫ ߞߵߊ߬ ߞߍ߫ ߥߐߙߐ߲ߝߌ߬ߟߊ߬ ߘߌ߫، ߊ߬ ߛߌ߬ߣߊ ߟߎ߬ ߘߐ߫ ߞߟߏߡߊ ߘߏ߫ ߦߋ߫ ߡߊߡߊߘߎ߫ ߛߋߟߎ߫ ߘߊߟߍ߲߬ ߖߊߟߏ߫ ߡߍ߲ ߘߌ߫߸ ߏ߬ ߦߋ߫ ߢߊߣߌ߲ߡߊߓߏߙߌ ߘߐ߫، ߡߊ߬ߡߌ߬ߘߊ߬ߟߌ߬ߟߊ߬ ߛߌߦߊߡߊ߲߫ ߝߣߊ߫ ߞߵߊ߬ ߞߎ߲߭ ߠߊߓߐ߫߸ ߞߓߊ ߛߌ߰ ߘߴߏ߬ ߛߌߦߊߡߊ߲߫ ߞߎ߲߭ ߞߊ߲߬ ߠߋ߬߸ ߊ߬ߟߎ߬ ߡߊ߫ ߛߌߟߊ߫ ߛߐ߬ߘߐ߲߬، ߛߋߦߌ߲߫ ߛߐ߬ߘߐ߲߬ ߘߊ߫߸ ߞߊ߬ ߝߊ߬ߙߴߊ߬ߟߋ߫ ߖߍ߬ߘߍ ߞߊ߲߬߸ ߝߊ߲߬ߞߊ߬ ߝߏߦߌ߬ ߘߏ߲߬ ߕߴߏ߬ ߛߋߦߌ߲ ߠߊ߫߸ ߡߍ߲ ߘߴߌ ߛߎߡߊ߲߫ ߊ߬ߟߋ ߘߐ߫.

ߓߋߟߊ߬ ߓߊ ߞߵߏ߬ ߟߋ ߝߐ߫߸ ߞߏ߫: <<ߊ߲ ߞߊߣߵߊ߲ ߖߍ߬ߘߍ߫ ߛߍ߰: ߝߊ߲߬ߞߊߛߌ߬ߣߊ ߝߋ߲߫ ߕߴߦߋ߲߬߸ ߡߍ߲ ߘߴߌ ߛߎߡߊ߲߫ ߊ߬ ߘߐ߫>> ߏ߬ ߖߍ߬ߘߍ ߞߵߊ߬ ߝߐ߫ ߟߋ߬ ߞߏ߫ ߡߍ߲ ߞߊ߫ ߢߌ߲߬߸ ߞߊ߲ߕߌ߯ ߢߣߊߕߊߟߌ ߓߊ߯ ߓߊ߲߫ <<ߞߊ߲ߕߌ߮ ߦߴߊ߬ ߞߐߝߍߣߍ߲߫߸ ߞߵߊ߬ ߟߊ߫ ߛߋߓߊ߯ߦߊ ߟߊߕߊ߯ߡߊ߫ ߢߊ ߡߊߝߊ߬ߟߋ߲߬.>>

ߓߘߍ߬ߓߘߍ߬ߟߌ ߘߊߘߐߖߊߥߏ ߟߎ߬ ߕߍ߫ ߞߍ߫ ߟߊ߫ ߘߐ߬ߝߎ߬ߟߋ߲߬ ߓߟߏ ߡߊ߬ ߡߎ߬ߕߎ߲߬، ߣߊ߲߬ߒ߬ߕߊ߲߬ ߘߍߞߙߎ ߟߎ߬ ߓߘߊ߫ ߛߋ߲߬ߠߊߛߘߌ߬ ߔߊߞߌߛߦߊ߫ ߞߏ ߟߎ߬ ߘߐ߫߸ ߝߐ߰ߓߍ߬ߦߊ߬ߟߊ ߟߎ߫ ߓߊ߬߸ ߝߊ߲߬ߞߊߛߌ߬ߣߊ ߟߎ߫ ߓߊ߬߸ ߏ߬ ߟߎ߬ ߓߍ߯ ߓߘߊ߫ ߛߋ߲߬ߠߊߛߘߌ߬߸ ߞߊ߬ ߞߓߊ ߛߌ߰ ߘߏ߫ ߟߎ߫ ߘߊ ߞߊ߲߬، ߏ߬ ߓߍ߯ ߣߴߊ߬ ߕߊ߫߸ ߘߎ߲߬ߓߎߦߊ߬ ߘߊߘߐߞߊ߲ ߦߋ߫ ߡߎ߲߬ ߘߌ߫: ߏ߬ ߟߋ ߛߌߡߊ߲ߘߎ߯ ߘߊ߬ߡߊ߲߬ ߖߊ߬ߕߋߘߐߛߌ߮ ߘߌ߫߸ ߏ߬ ߡߍ߲ ߦߴߊ߬ߟߎ߬ ߓߟߏ߫ ߣߍ߰ߓߐ߬ ߘߊߡߊ߲ ߓߍ߯ ߘߐ߫ ߕߣߐ߬ߡߊ ߘߌ߫߸ ߡߍ߲ ߢߐ߲߰ ߘߐ߬ߛߏ߬ߘߏ߲߬ߜߊ߬ߓߊߟߌ߫ ߕߍ߫ ߘߎߢߊ߫ ߘߐ߫ ߝߊߦߌߘߊ߫، ߒ߬ߓߊ߬߸ ߊ߬ߟߎ߫ ߣߐ߬ ߏ߬ ߟߋ ߞߍ߫ ߟߴߊ߬ߟߎ߬ ߟߊ߫ ߥߙߎߞߌ ߞߐ߬ߡߊ߬ߛߐ߬ߘߐ߲߬ ߛߊߝߌߣߊ ߘߌ߫߸ ߞߏ߫ <<ߛߌߡߊ߲ߘߎ߯ ߂߀߄߀>> ߢߍߥߟߊ.

ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߕߌ߮߸ ߎߛߑߡߊߣߌ߲߫ ߜ߭ߊ߯ߥߊߟ ߖߊߟߏ߫ ߞߵߊ߬ ߝߐ߫ ߟߋ߬ ߓߙߊߡߊߖߊ߲ߓߊ߲ ߢߐ߲߯ߓߍ߲ ߘߏ߫ ߘߐ߫߸ ߞߏ߫ :<<ߖߌ߬ߣߍ߬ ߕߍ߫ ߟߐ߯ ߘߐ߫ ߡߎ߬ߕߎ߲߫ ߘߋ߬ ߞߵߊ߬ ߡߊߦߌ߬ߘߊ߬>>، ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߫ ߖߍ߬ߘߍ ߟߵߊ߬ ߟߊ߫ ߖߊ߬ߕߋ߬ߘߐ߬ߛߌ߮ ߟߎ߬ ߣߴߊ߬ ߟߊ߫ ߞߏ ߓߍ߯ ߡߊߡߙߊ߬ ߟߊ߫ ߡߎ߬ߕߎ߲߬߸ ߡߐ߰ ߕߍ߫ ߣߊ߬ ߟߴߊ߬ ߛߊ߬ߥߏ߬ ߞߍ߫ ߟߊ߫ ߖߌ߬ߣߍ߬ ߞߣߐ߫ ߏ߬ ߞߐ߫، ߦߏ߫ ߡߊ߬ߟߌ ߣߌ߫ ߓߙߎߞߌߣߊ߫ ߝߊ߬ߛߏ߬ ߣߌ߫ ߖߋ߬ߟߌ߬ߓߊ߬ߘߎ߯ ߟߎ߫ ߞߊ߬ ߡߍ߲ ߛߎ߮ ߝߐ߫، ߏ߬ ߟߋ ߓߘߊ߫ ߕߊ߬ߡߌ߲߫ ߘߎ߲߬ߓߎߦߊ߬ ߟߊ߫ ߛߘߊ ߥߙߊ߬ ߟߊ߫.

ߣߴߌ ߣߊ߬ ߘߊ߫ ߞߣߍ ߞߊ߲߬߸ ߢߣߊߕߊߟߌߟߊ ߟߎ߫ ߞߵߊ߬ ߦߌ߬ߘߊ߬ ߞߏ߫: <<ߊ߲ ߕߍ߫ ߓߙߊߡߊߖߊ߲ߓߊ߲ ߞߟߍ߬ߟߊ߬ߡߊ ߦߋ߫ ߟߊ߫ ߡߎ߬ߕߎ߲߬، ߓߍ߯ ߦߴߊ߬ ߟߊ߫ ߟߊ߬ߖߊ߲߬ߞߏ߬ߟߌ߫ ߞߊ߲߬ ߣߌ߫ ߝߐߢߐ߲߯ߞߐ߫ ߕߍ߫.>> ߏ߬ ߝߐ߫ ߘߊ߫ ߡߏ߬ߤߊ߬ߡߍߘ ߞߋߕߊ߬ ߟߋ߬ ߓߟߏ߫߸ ߏ߬ ߦߋ߫ ߗߍ߬ ߊ߲߬ ߆߅ ߘߏ߫ ߟߋ߬ ߘߌ߫߸ ߡߍ߲ ߛߌ߰ߣߍ߲߬ ߞߐߣߊߞߙߌ߫، ߖ߭ߌߟ ߦߊ߬ߓߌ߬ ߟߊ߫ ߝߐߟߌ߫ ߘߐ߫ <<ߓߙߊߡߊߖߊ߲ߓߊ߲ ߕߊ߬ߡߌ߲߬ ߢߊ ߏ߬ ߕߴߛߋ߫ ߡߐ߰ ߟߐ߬ ߟߴߊ߬ ߝߐ߫ ߟߊ߫ ߞߏ߫ ߢߣߊߕߊߟߌ ߘߌ߫ ߞߍ߫ ߟߊ߬ߝߎߟߋ߲ ߣߌ߫ ߕߋߟߋ߲ ߘߐ߫ ߘߋ߬، ߓߊߏ߬ ߊ߬ ߞߍ߫ ߘߊ߫ ߢߊ߫ ߛߌ߫ ߡߊ߬߸ ߛߋߓߊ߯ߦߊ ߕߏߕߐ߫ ߣߊ߲߬ߕߌ߮ ߟߎ߫ ߟߋ߬ ߕߍ߯ ߞߘߐ߫.>>

ߡߊ߬ߞߕߌ߬ߟߌ߬ߓߊ ߟߎ߬ ߓߍ߯ ߣߴߊ߬ ߕߊ߫߸ ߛߘߋߦߊߥߏ ߡߊ߫ ߘߏ߫ ߜߘߍ߫ ߞߍ߫߸ ߏ߬ ߞߵߊ߬ ߟߊ߫ ߗߋߘߋ߲ ߠߎ߬ ߟߋ߬ ߟߊߣߊ߬ ߖߌ߬ߣߍ߬ ߞߣߐ߫߸ ߟߊ߬ߞߙߐ߬ߛߟߌ߬ ߞߊ߲ߡߊ߬، ߣߴߏ߬ ߕߍ߫߸ ߛߘߋߦߊߥߏ ߞߊ߬ ߖߌ߬ߣߍ߬ ߟߊߘߎ߲߫ ߞߊ߬ߦߌ߯ ߂߀߂߁ ߠߋ߬ ߟߊ߫، ߏ߬ ߟߵߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ߟߎ߬ ߣߌ߫ ߖߌ߬ߣߍ߬ ߦߋ߫ ߥߊ߫ ߟߴߊ߬ߟߎ߬ ߞߌߙߌ߲ߞߌߙߌ߲ ߡߊ߬ ߟߋ߬ ߢߡߊߟߐ ߘߐ߫، ߢߣߊߕߊߟߌߟߊ߫ ߡߐ߰ ߞߋ߲߬ߥߟߎ߬ ߆،߇ ߟߋ߬ ߞߵߊ߬ߟߎ߬ ߕߐ߮ ߛߓߍ߫ ߢߣߊߕߊߟߌ߫ ߛߓߍ ߘߐ߫߸ ߖߋ߬ߓߌ߫ ߞߎ߲߬ߝߟߐ ߟߎ߬ ߘߌ߫ ߟߊߓߐ߫ ߢߣߊߕߊߟߌ ߕߎ߬ߡߊ߬ߙߋ߲߬ ߄߈ ߡߊ߬ ߢߣߊߕߊߟߌ߫ ߖߛߊ ߟߎ߬ ߘߊߕߎ߲߮ ߞߐ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.