ߌߙߊ߲߫ ߖߡߊߣߊ ߝߊ߲߬ߞߊߛߌ߬ߣߊ ߟߎ߬ ߘߐ߫ ߞߟߏߡߊ ߓߘߴߊ߬ ߞߊ߲ߠߊߘߌ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߡߊ߬، ߓߍ߯ ߘߏ߲߬ ߞߵߊ߬ ߟߐ߲߫ ߞߏ߫ ߌߙߊ߲߫ ߣߌ߫ ߊߡߙߌߞߌ߬ ߕߍ ߜߍ߬ߟߍ߲߬ߡߊ߲߫ ߠߋ߬ ߘߐ߬ߝߐ ߞߣߐ߫ ߞߘߐ߬ߡߊ߲߬، ߒ߬ߓߊ߬߸ ߏ߬ ߓߘߊ߫ ߣߊ߬ ߛߌߞߊ ߘߌ߫ ߖߊ߬ߡߊ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߔߊߞߌߛߦߊ ߡߍ߲ ߦߋ߫ ߛߋ߲߬ߠߊ߫ ߌߙߊ߲߫ ߞߣߐ߫߸ ߏ߬ ߘߎ߰ ߞߘߐ߬ ߞߓߊ ߦߋ߫ ߊߡߙߌߞߌ߬ ߟߋ߬ ߘߌ߫.
ߡߊ߬ߝߐ߬ߦߌ߲߬ߝߐ߬ߦߌ߲߬ߠߌ߲߬ߠߊ ߡߍ߲ ߠߎ߬ ߦߋ߫ ߔߊߞߌߛߦߊ ߞߊ߲߬ ߌߙߊ߲߫ ߞߣߐ߫ ߕߋ߲߬߸ ߏ߬ ߟߎ߬ ߟߊ߫ ߕߏ߰ߝߏ ߓߘߊ߫ ߝߊ߬ߘߌ߬ ߞߎߘߊ߫ ߕߊ߬ ߘߎߢߊ߫ ߞߊߓߋ ߟߊ߫߸ ߓߍ߯ ߢߊ ߦߋ߫ ߡߍ߲ ߞߏ ߝߍ߬، ߞߊ߬ߕߎ߲߯߸ ߛߌ߬ߣߌ߲߬ߟߏ߲ ߂߀߂߆ ߓߌ߲ߠߊߥߎߟߋ߲ ߕߋ߬ߟߋ߫ ߉ ߡߊ߬߸ ߙߋߖ߭ߊ߬ ߔߊߤߑߟߊߝ߭ߌ߫ ߡߍ߲ ߦߋ߫ ߌߙߊ߲߫ ߝߊ߲߬ߞߊߛߌ߬ߣߊ ߟߎ߬ ߘߐ߫ ߞߟߏߡߊ ߘߏ߫ ߘߌ߫߸ ߣߴߊ߬ ߦߋ߫ ߢߊߣߌ߲ߡߊߓߏߙߌ ߘߐ߫، ߊ߬ߟߋ ߦߋ߫ ߌߙߊ߲߫ ߡߊ߲߬ߛߊ߬ ߞߘߐ ߡߏ߬ߤߊ߬ߡߍ߬ߘ ߙߋߖ߭ߊ߬ ߔߊߤߑߟߊߝ߭ߌ߫ ߘߋ߲ ߠߋ߬ ߘߌ߫߸ ߏ߬ ߡߍ߲ ߞߊ߬ ߌߙߊ߲߫ ߡߙߊ߬ ߁߉߄߁ ߣߌ߫ ߁߉߇߉ ߕߍߟߊ ߛߊ߲߭ ߂߈ ߞߣߐ߫ ߞߊ߬ߣߌ߲߬، ߒ߬ߓߊ߬߸ ߏ߬ ߘߋ߲ߞߍ߫ ߟߋ߬ ߣߐ߬ ߊ߬ ߕߏ߫ ߟߊ߫ ߢߊߣߌ߲ߡߊߓߏߙߌ ߘߐ߫߸ ߞߊ߬ ߞߊ߬ߝߏ߫ ߘߍ߬ߣߍ߲ ߞߊ߲ߕߌ߮ ߘߏߣߊߟ ߕߑߙߐ߲ߔ ߞߟߌ߫߸ ߞߏ߫ ߊ߬ ߦߴߊ߬ ߛߋ߲߭ߓߌ߬ߟߊ߬ ߌߙߊ߲߫ ߞߏߢߊ ߣߌ߲߬ ߘߐ߫ <<ߌߞߘߐߞߘߐߣߌ߲߬߸ ߞߟߊߡߊ߲ ߘߐ߫>> ߝߋߎ߫، ߓߊߏ߬߸ ߞߏ߫ ߌߙߊ߲߫ ߞߏߢߊ ߓߘߊ߫ ߓߐ߫ ߊ߬ ߟߐ߲߫ ߦߙߐ ߘߐ߫.
ߊ߬ߟߋ ߦߋ߫ ߡߊ߬ߖߌ߮ ߘߐ߫ ߥߊ߲ߛߌ߲ߕߐ߲߫ ߘߊߝߍ߬ ߟߋ߬߸ ߊ߬ ߓߘߊ߫ ߞߟߌߟߌ ߞߍ߫߸ ߊ߬ ߟߊ߫ ߞߟߌߟߌ ߣߌ߲߬ ߘߐ߫߸ ߞߟߌߟߌ߫ ߝߌ߬ߟߊ߫ ߟߋ߬ ߞߍߣߴߊ߬ ߓߟߏ߫، ߊ߬ ߞߊ߬ ߘߏߣߊߟ ߕߑߙߐ߲ߔ ߞߟߌ߫߸ ߞߏ߫: <<ߛߟߊߕߌ߮ ߞߊ߲ߕߌ߮߸ ߣߌ߲߬ ߦߋ߫ ߞߟߌߟߌ߫ ߞߊ߲ߠߊ߫ ߟߋ߬ ߘߌ߫ ߞߊߟߌߦߊ߫ ߘߐ߫߸ ߊ߬ ߣߴߌߞߘߐߞߘߐߣߌ߲߬߸ ߛߴߌ ߘߴߌ ߢߊ ߟߐ߬ ߣߌ߲߬ ߞߏ ߘߐ߫߸ ߞߵߌ ߛߋߞߏ ߞߍ߫߸ ߞߊ߬ ߡߊ߬ߘߍ߬ߡߍ߲߬ߠߌ߲ ߞߍ߫.>>
ߊ߬ ߞߊ߲߫ ߊ߬ ߟߊ߫ ߟߊ߬ߖߍ߲߬ߛߍ߲߬ߠߌ߲ ߘߐ߫ ߘߍ߬ߞߙߏߝߏ ߞߊ߲߬߸ ߞߏ߫ ߌߙߊ߲ߞߊ ߟߎ߬ ߦߋ߫ ߓߐ߫ ߛߌߟߊ ߞߊ߲߬߸ ߞߊ߬ ߖߡߊ߬߬ߣߊ ߕߐ߲ߓߟߏߡߊ ߟߎ߬ ߞߐߜߊ߬߸ ߞߵߊ߬ߟߎ߬ ߢߊߞߘߐߣߐ߯، ߏ߬ ߟߎ߫ ߘߏ߲߬ ߦߋ߫ ߢߊߞߘߐߣߐ߯ ߟߊ߫ ߖߊ߬ߡߊ ߟߋ߬ ߟߊ߫߸ ߏ߬ ߘߐ߫ ߞߏ߫ ߖߊ߬ߡߊ ߦߋ߫ ߓߐ߫، ߟߊ߬ߞߙߐ߬ߛߟߌ߬ߟߊ߬ ߛߌߦߊߡߊ߲߫ ߦߴߊ߬ ߟߊ߫ ߞߎߡߊ ߣߌ߲߬ ߦߋ߫ ߟߊ߫ ߡߐ߰ ߜߘߍ߫ ߞߟߌ ߟߋ߬ ߘߌ߫߸ ߞߵߊ߬ߟߎ߬ ߕߊߕߘߍ߬ ߌߙߊ߲߫ ߖߍ߬ߘߍ ߞߎ߲߬ߞߊ߲߬ߞߏ ߘߐ߫، ߓߍ߯ ߘߏ߲߬ ߞߵߊ߬ ߟߐ߲߫ ߞߊ߬ߦߌ߯ ߦߟߍ߬ߘߐ߬ߞߍ߬ ߦߙߌߞߊ߫߸ ߌߙߊ߲߫ ߣߌ߫ ߊߡߙߌߞߌ߬ ߕߍ߫ ߓߍ߲߬ ߠߊ߫߸ ߊ߬ߟߎ߬ ߟߊ߫ ߞߎ ߕߍ߫ ߡߐ߬ ߟߊ߫ ߘߊ߰ ߞߋߟߋ߲߫ ߘߐ߫، ߝߏ߫ ߓߌ߲߬ߓߊ߬ߥߏ߬ ߞߏ ߟߎ߬ ߓߍ߯ ߓߘߊ߫ ߓߐ߫ ߊ߬ ߘߐ߫ ߥߊ߯ߕߌ߫ ߕߊ߬ߡߌ߲߬ߣߍ߲ ߠߎ߬ ߘߐ߫.
ߊ߬ ߞߍ ߞߊ߬ ߡߐ߱ ߟߎ߬ ߞߟߌ߫ ߓߐߟߌ ߣߌ߲߬ ߡߊ߬߸ ߊ߬ ߞߵߏ߬ ߡߊߛߎ߬ߕߙߊ߬ ߞߊ߲ ߞߍ߫ ߡߎ߲߬ ߘߌ߫߸ ߓߟߐߟߐ ߓߘߊ߫ ߕߍ߰ ߖߡߊ߬ߣߊ߬ߘߋ߲ ߠߎ߬ ߡߊ߬߸ ߕߐ߲ߓߟߏߡߊ ߟߎ߬ ߦߋ߫ ߜߊ߬ߟߏ ߟߊ ߞߊ߲߬ ߔߊߞߌߛߦߊߟߊ ߟߎ߫ ߞߊ߲߬، ߓߊ߬ߙߌ߬߸ ߊ߬ ߣߐ߬ ߞߎߡߊ ߝߐ߫ ߟߊ߫ ߢߊ ߡߍ߲߸ ߊ߬ ߣߴߊ߬ ߣߐ߬ ߡߍ߲ ߠߎ߬ ߞߟߌ߫ ߟߊ߫߸ ߏ߬ ߟߋ ߣߐ߬ ߡߐ߰ ߛߌߦߊߡߊ߲߫ ߞߣߐ߬ߘߐߝߟߌ߬ ߟߊ߫، ߊ߬ ߞߊ߲߫ ߞߏ߫: <<ߊߟߴߊߟߎ߫ ߓߌ߫߸ ߞߊ߬ ߣߊ߬ ߌߙߊ߲߫߫ ߡߌ߬ߙߌ߲߬ߘߌ ߡߊߘߍ߬ߡߍ߲߬.>> ߊ߬ ߞߵߏ߬ ߛߓߍ߫ ߓߟߐߟߐ ߞߊ߲߬، ߞߊ߬ ߓߊ߲߫ ߞߵߊ߬ ߟߊ߫ ߞߎߡߊ ߞߎ߲߬ߛߌ߫ ߊߡߙߌߞߌ߬ ߞߊ߲ߕߌ߮ ߟߊ߫ ߌߞߘߐ߫߸ ߞߵߊ߬ ߛߐ߬ߘߐ߲߬ ߏ߬ ߖߍ߬ߘߍ ߝߣߊ߫ ߕߎ߲߬ ߓߘߊ߫ ߌߙߊ߲߫ ߡߊߛߌߟߊ߲߫ ߓߌߟߏ߲߫ ߕߊ߬ߡߌ߲߬ߣߍ߲߸ ߞߏ߫ ߣߴߌߙߊ߲߫ ߞߊ߬ ߔߊߞߌߛߦߊߟߊ ߘߏ߫ ߝߊ߰߸ ߊ߬ ߝߣߊ߫ ߘߴߊ߬ߟߎ߫ <<ߥߊ߬ߟߏ߲߬ ߊ߬ ߖߎ߯ߡߊ߲ ߠߊ߫.>>
ߣߴߌ ߛߋ߫ ߘߊ߫ ߌߙߊ߲߫ ߖߡߊ߬ߣߊ ߖߍ߬ߘߍ ߞߣߐ߫߸ ߌ ߘߴߊ߬ ߦߋ߫ ߞߏ߫ ߞߎߡߊ ߢߌ߲߬ ߠߎ߬ ߓߘߊ߫ ߣߊ߬ ߛߌߞߊ ߘߌ߫ ߡߐ߰ ߛߌߦߊߡߊ߲߫ ߘߐ߫، ߓߊߏ߬߸ ߊ߬ ߞߊ߫ ߛߌߦߊ߫ ߕߋ߲߬߸ ߡߍ߲ ߠߎ߬ ߦߋ߫ ߘߎߢߊ߫ ߝߊ߬ߞߊ߬ߡߊ ߢߌ߲߬ ߠߎ߬ ߡߊߝߌ߲߬ ߠߊ߫߸ ߊ߬ߟߎ߬ ߟߊ߫ ߞߏߟߊ߲ߘߌߦߊ ߣߌ߫ ߕߊߓߍߒߞߣߐߦߊ ߟߊ߫߸ ߊߡߙߌߞߌ߬ ߟߋ߬ ߦߴߏ߬ ߝߟߐߡߊ ߘߌ߫ ߕߋ߲߬، ߊ߬ߟߎ߬ ߦߋ߫ ߕߊ߬ߡߌ߲߬ ߠߊ߫ ߕߊ ߟߊߝߍ߫ ߟߊ߫ ߟߋ߬ ߦߙߐ߫ ߛߌߦߊߡߊ߲߫ ߘߐ߫߸ ߞߊ߬ ߡߐ߱ ߟߎ߬ ߟߊߡߙߎߕߌ߫ ߖߡߊ߬ߣߊ ߛߋߓߊ߯ߦߊ ߞߊ߲ߡߊ߬߸ ߞߊ߬ ߝߛߏ߬ߝߛߊ ߘߏ߲߬ ߓߘߍ߬ߓߘߍ߬ߟߌ ߘߐ߫، ߏ߬ ߘߊ߬ߟߎ ߘߏ߫ ߦߋ߫ ߡߍ߲ ߘߌ߫߸ ߞߏߕߌ߯ ߝߟߐ ߡߍ߲ ߠߊߥߟߏ߫ ߘߊ߫ ߁߉߅߃ ߟߊ߫߸ ߣߊߟߌ߬ߡߎ߲߬ ߡߏ߬ߤߊ߬ߡߍߘ ߡߏߛߊߘߍߜ߭ ߘߌ߫߸ ߊ߬ߟߋ߬ ߞߏߟߊ߲ߘߌߦߊ߫ ߞߋߟߋ߲ ߠߋ߬ ߞߍ߫ ߘߴߏ߬ ߕߎ߬ߙߎ ߘߌ߫߸ ߏ߬ ߘߏ߲߬ ߦߋ߫ ߡߐ߰ ߛߌߦߊߡߊ߲߫ ߞߣߐ߫ ߤߊߟߌ߬ߛߊ߫.
ߒ߬ߓߊ߬߸ ߣߌ߫ ߔߊߞߌߛߦߊߟߊ ߟߎ߬ ߕߏ߫ ߘߴߊ߬ߟߎ߬ ߟߊ߫ ߡߐߣߍߦߊ ߦߌ߬ߘߊ ߟߊ߫ ߖߡߊ߬ߣߊ ߞߣߐ߫ ߞߏ ߟߎ߬ ߘߐ߫߸ ߤߊ߲߯ ߞߏߟߊ߲ߘߌ ߟߎ߬ ߦߋ߫ ߣߵߊ߬ߟߎ߫ ߛߋ߲߭ߓߌ߬ߟߴߊ߬ ߘߐ߫، ߖߡߊ߬ߣߊ ߓߟߏߡߟߊߣߍ߲߫ ߝߊ߲߬ߞߊߛߌ߬ߣߊ ߡߍ߲ ߡߊ߬߸ ߏ߬ ߝߣߊ߫ ߣߐ߬ ߊ߬ ߞߊ߲ߠߊߘߌ߫ ߟߊ߫ ߞߐߞߊ߲߫ ߖߡߊߣߊ ߟߎ߫ ߟߋ߬ ߡߊ߬߸ ߞߏ߫ ߞߵߊ߬ߟߎ߫ ߘߍ߬ߡߍ߲߬، ߏ߬ ߓߘߊ߫ ߣߊ߬ ߓߊ߬ߟߌ ߣߌ߫ ߞߣߐ߬ߘߐ߬ߝߟߌ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.