ߔߊߞߌߛߦߊ ߟߋ߬ ߛߋ߲߬ߠߊ߫ ߌߙߊ߲߫ ߖߡߊ߬ߣߊ ߞߣߐ߫߸ ߡߍ߲ ߞߎ߲߬ߢߐ߲߯ ߝߌ߬ߟߊ ߦߋ߫ ߕߋ߲߬߸ ߞߵߏ߬ ߞߎ߲߭ ߞߍ߫ ߜߟߍ߬ߦߊ ߥߊ߬ߙߊ ߘߌ߫، ߒ߬ߓߊ߬߸ ߖߡߊ߬ߣߊ ߝߊ߰ߡߊ ߟߎ߬ ߓߘߊ߫ ߞߊ߲߬ߞߊߙߌ ߟߊ߫߸ ߞߏ߫ ߔߊߞߌߛߦߊ ߏ߬ ߕߍߣߵߊ߬ߟߎ߬ ߟߊߦߙߍߦߙߍ߫ ߟߊ߫ ߘߋ߬߸ ߓߊߏ߬ ߊ߬ߟߎ߬ ߢߊ߯ ߣߌ߲߬ ߞߏ ߟߊ߫ ߟߋ߬߸ ߦߏ߫ ߞߏ߫ ߜߘߍ߫ ߟߋ߬ ߦߴߊ߬ ߞߘߐ߫.
ߌߙߊ߲߫ ߛߌ߬ߟߡߊ߬ ߞߊ߲ߓߍ߲ ߞߊ߲ߘߊ߸ ߊߦߊߕߏߟߊ߫ ߊ߬ߟߌ ߞߊߡߣߋߦߌ߫ ߓߘߴߊ߬ ߟߊߛߋ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߞߏ߫ ߖߡߊ߬ߣߊ ߛߋߓߊ߯ߦߊ ߕߍߣߵߊ߬ <<ߓߟߏߓߐ߫>> ߟߊ߫ ߔߊߞߌߛߦߊߟߊ ߟߎ߫ ߜߊ߰ߢߊ߬ߜߊ߯ߢߊ ߘߐ߫ ߘߋ߬߸ ߏ߬ ߡߍ߲ ߓߘߊ߫ ߕߊ߬ߡߌ߲߫ ߥߙߊ߬ ߟߊ߫ ߖߡߊ߬ߣߊ ߝߊ߲߭ ߠߎ߬ ߘߐ߫ ߕߋ߲߬ ߞߊ߬ߣߌ߲߬، ߊ߬ ߟߊ߫ ߓߋߟߋ߲ߠߊ ߣߌ߲߬ ߡߍ߲ ߠߊߖߍ߲ߛߍ߲߫ ߘߊ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ <<ߛߋ߲߬ߘߐ߬ ߥߊߣߌ߲>> ߘߏ߫ ߟߎ߫ ߟߋ߬ ߣߌ߲߬ ߞߏ ߘߐ߫ ߞߵߊ߬ ߘߐߛߋ߲߬߸ ߣߊߟߌ߬ߡߎ߲߫ ߞߐߞߊ߲߫ ߝߊ߲ߞߊ߫ ߕߌ߮ ߘߏ߫ ߟߎ߫ ߘߌ߫߸ ߡߍ߲ ߠߎ߬ ߦߋ߫ ߘߎ߰ ߞߘߐ߬ ߞߓߊ߬ߦߊ ߟߊ߫߸ ߊ߬ ߕߌ߯ߕߌ߯ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲.
ߌߙߊ߲߫ ߞߊ߲ߘߊ ߓߏ߲߬ߓߊ߸ ߊߦߊߕߏߟߊ߫ ߊ߬ߟߌ ߞߊߡߣߋߦߌ߫ ߓߘߊ߫ ߞߊ߬ߛߙߋ߬ߡߊ߬ߟߊ ߘߏ߫ ߞߍ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߞߏ߫ ߊ߬ ߟߊ߫ ߖߡߊ߬ߣߊ <<ߕߍߣߵߊ߬ ߖߘߍ߬ ߟߊߓߌ߬ߟߊ߬ ߟߊ߫>> ߡߊ߬ߝߐ߬ߦߌ߲߬ߝߐ߬ߦߌ߲߬ߠߌ߲߬ ߓߊ߲ߓߊߟߌ ߣߌ߲߬ ߞߘߐ߫ ߝߋߎ߫߸ ߏ߬ ߡߍ߲ ߓߘߊ߫ ߥߟߏ߫ ߡߙߌߦߊ߫ ߜߘߍ߫ ߟߎ߫ ߟߊ߫ ߕߋ߲߬ ߞߊ߬ߣߌ߲߬߸ ߡߍ߲ ߓߘߊ߫ ߞߍ߫ ߜߟߍ߬ߦߊ ߘߴߊ߬ߟߎ߫ ߞߊ߲߬، ߝߊߦߌߘߊ߫߸ ߊ߬ ߢߐ߲߰ ߕߎ߲߬ ߡߊ߫ ߛߌ߬ߟߊ߬ߡߊ ߟߎ߬ ߟߊ߫ ߡߙߊ߬ߞߊ߲ ߣߌ߲߬ ߛߐ߬ߘߐ߲߬ ߡߎߣߎ߲߬ ߞߵߊ߬ ߕߵߊ߬ߟߎ߫ ߣߊ߭ ߡߊ߬ ߁߉߇߉ ߟߊ߫ ߤߊ߲߯ ߕߋ߲߬.
ߔߊߞߌߛߦߊߟߊ ߡߍ߲ ߠߎ߬ ߦߋ߫ ߖߌ߰ ߟߊ߫ ߝߏ߲߬ߘߏ ߞߊ߲߬ ߕߤߋߙߊ߲߫ ߣߌ߫ ߘߎ߰ߓߊ߬ ߜߘߍ߫ ߟߎ߫ ߞߣߐ߫ ߕߋ߲߬߸ ߏ߬ ߟߎ߬ ߞߊ߲߫ ߠߋ߬ ߜߍ ߘߐ߫ ߡߎ߬ߕߎ߲߬ ߥߛߊߞߙߊ߫ ߞߏ߫߸ ߞߏ߫ ߊ߬ߟߎ߬ ߕߍ߫ ߛߌ߯ߦߊ ߟߎ߬ ߟߊ߫ ߡߏߙߌߡߙߊ ߣߌ߲߬ ߝߍ߬ ߡߎ߬ߕߎ߲߬، ߞߵߊ߬ ߛߐ߬ߘߐ߲߬߸ ߊ߬ߟߎ߫ ߣߐ߬ ߞߎ߲߬ߢߐ߲߯ ߝߌ߬ߟߊ ߡߍ߲ ߞߍ߫ ߟߊ߫ ߔߊߞߌߛߦߊ ߟߊ߫ ߣߌ߲߬߸ ߊ߬ߟߎ߫ ߞߵߊ߬ ߦߌ߬ߘߊ߫ ߟߋ߬ ߞߏ߫ ߖߡߊ߬ߣߊ ߓߘߊ߫ ߜߟߍ߬ߦߊ߫ ߞߊ߬ ߝߋ߲ ߠߎ߬ ߛߐ߲߬ߞߐ ߦߟߍ߬ ߞߏߖߎ߯ߦߊ߫. ߒ߬ߓߊ߬߸ ߏ߬ ߟߎ߫ ߟߋ߬ ߘߊߘߐߞߊ߲ ߦߋ߫ ߡߎ߬ߕߎ߲߬ ߞߏ߫: <<ߖߊߟߌߞߦߊߟߊ ߦߋ߫ ߝߊ߰.>>
ߒ߬ߓߊ߬߸ ߊ߬ߟߌ ߞߊߡߣߋߦߌ߫ ߟߐ߬ߣߍ߲ ߠߋ߬ ߕߏߣߴߊ߬ ߟߊ߫ ߖߊ߬ߡߊ ߢߊߞߘߐ߫ ߓߌ߬߸ ߞߵߊ߬ ߦߌ߬ߘߊ߬ ߞߏ߫ <<ߊߡߙߌߞߌ߬ ߡߊ߬ߞߏ ߦߋ߫ ߛߊ߬>>߸ ߊ߬ ߟߊ߫ ߡߊ߬ߘߌ߬ߡߌ߲߬ߠߌ߲߬ ߞߎߡߊ ߏ߬ ߡߍ߲ ߠߊߖߍ߲ߛߍ߲߫ ߘߊ߫ ߖߡߊ߬ߣߊ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߞߊ߬ߣߌ߲߬.
ߊ߬ ߞߊ߲߫ ߞߏ߫: <<ߛߌ߬ߟߡߊ߬ ߞߊ߲ߓߍ߲ ߕߍߣߵߊ߬ ߖߘߍ߬ ߟߊߓߌ߬ߟߊ߬ ߟߊ߫ ߘߕߐ߬ߛߟߌ߬ߟߊ߬ ߛߌ߫ ߞߘߐ߫ ߡߎ߬ߕߎ߲߬، ߞߎߣߎ߲߬߸ ߊ߬ߟߋ߬ ߡߐ߰ ߞߙߌߞߙߊ ߘߏ߫ ߟߎ߫ ߣߊ߬ ߘߊ߫ ߕߌߢߍߟߌ ߞߍ߫ ߕߤߋߙߊ߲߫߸ ߞߊ߬ ߓߏ߲ ߘߏ߫ ߟߎ߫ ߘߐߕߌߢߍ߫߸ ߛߴߊ߬ߟߎ߬ ߘߌ߫ ߊߡߙߌߞߌ߬ ߞߊ߲ߕߌ߮ ߛߊ߬ߥߏ ߞߍ߫.>> ߊ߬ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߘߏߣߊߟ ߕߑߙߐ߲ߔ ߟߊ߫ <<ߖߘߍ߬ߘߐ߬ߓߊ߬ߦߊ ߣߌ߲߬ ߘߌ߫ ߟߴߊ߬ ߞߎ߲߭ ߞߊ߲߬>> ߊ߬ߟߌ ߞߊߡߣߋߦߌ߫ ߟߋ߬ ߞߊ߲߫ ߕߋ߲߬߸ ߊ߬ߟߎ ߡߍ߲ ߠߎ߬ ߟߊ߫ ߡߊ߲߬ߛߊ߬ߓߏ߲ ߦߋ߫ ߌߙߊ߲߫ ߞߎ߲߬ߠߊ߫ ߞߊ߬ߦߌ߯ ߛߌ߬ߟߊ߬ߡߊ ߟߎ߬ ߟߊ߫ ߥߎ߬ߦߊ߲߬ߞߌ߬ߟߌ ߝߍ߬ ߁߉߇߉ ߟߊ߫.
ߊ߬ ߞߵߊ߬ ߟߊߛߋ߫ ߝߣߊ߫߸ ߞߏ߫ ߕߟߋ߬ ߁߂ ߞߟߍ ߡߍ߲ ߠߊߥߟߌ߬ ߘߊ߫ ߌߛߌ߬ߙߊ߬ߌߟߊ߫ ߓߟߏ߫߸ ߣߌ߫ ߓߟߏ ߟߊߞߏ߬ ߘߊ߫ ߖߋ߬ߟߌ ߟߊ߫ ߏ߬ ߛߋ߲߭ߝߍ߬߸ ߊߡߙߌߞߌ߬ ߟߊ߫ ߛߊߓߎߖߎ߯ߦߊ ߕߎ߲߬ ߦߴߏ߬ ߞߏ ߘߐ߫.
ߞߊ߬ ߞߐ߲߰ ߊ߬ ߟߊ߫ ߞߎߡߊ ߣߌ߲߬ ߢߍ߫߸ ߘߏߣߊߟ ߕߑߙߐ߲ߔ ߞߵߊ߬ ߦߌ߬ߘߊ߬ ߞߏ߫ ߣߌ߫ ߌߙߊ߲߫ ߞߎ߲߬ߠߊ߬ߛߌ߮ ߟߎ߫ ߞߊ߬ ߜߊ߬ߟߏ ߟߊ߫ ߔߊߞߌߛߦߊߟߊ ߟߎ߫ ߞߊ߲߬߸ ߊ߬ߟߎ߬ ߘߌ߫ <<ߌߙߊ߲߫ ߥߊ߬ߟߏ߲߬ ߞߏ߬ߖߎ߰ߦߊ>> ߞߍ߫، ߕߑߙߐ߲ߔ ߞߵߊ߬߬ ߝߐ߫ ߣߌ߫ ߕߡߊ߬ߖߌ߬ ߕߍ߫߸ ߞߏ߫ <<ߊ߲ ߓߌߣߍ߲߫ ߏ߬ ߞߍߟߌ ߟߊ߫ ߝߋߝߋ߫>> ߓߊߏ߬߸ ߖߡߊ߬ߣߊ߬ߘߋ߲ ߢߌ߲߬ ߠߎ߬ ߛߍߥߊߣߊ߲ߞߏ ߦߋ߫ ߡߍ߲ ߘߌ߫߸ ߏ߬ ߟߋ ߡߙߊ߬ߞߊ߲ ߢߌ߲߬ ߠߊߥߟߏߣߍ߲ ߦߋ ߘߌ߫.
ߞߎߣߎ߲߬ ߓߌߟߏ߲߸ ߔߊߞߌߛߦߊߓߊ߫ ߟߋ߬ ߞߍ߫ ߘߊ߫ ߕߤߋߙߊ߲߫ ߞߣߐ߫߸ ߝߏ߫ ߊ߬ߟߎ߫ ߞߊ߬ ߓߟߐߟߐ ߕߍ߰ ߖߡߊ߬ߣߊ ߡߎ߰ߡߍ ߞߣߐ߫، ߘߍ߬ߞߙߎ߬ ߛߌߦߊߡߊ߲߫ ߓߘߴߏ߬ ߞߏߢߊ ߘߐߜߏߦߊ߫߸ ߡߍ߲ ߣߌ߫ ߞߍߟߌ ߡߊ߲߫ ߞߊ߲߫.
ߔߊߞߌߛߦߊ ߞߍ߫ ߘߊ߫ ߖߡߊ߬ߣߊ ߝߊ߲߬ ߜߘߍ߫ ߟߎ߫ ߘߐ߫߸ ߦߏ߫ ߕߊߓߙߌߖ߭߸ ߡߛ߭ߊߘ ߘߎ߰ ߓߛߍ߸ ߊ߬ ߣߌ߫ ߕߟߋ߬ߓߋ ߘߐ߫ ߞߎߙߘ߸ ߊ߬ ߣߌ߫ ߞߍߙߑߡߊ߲ߛ߭ߊ߫ ߘߎ߰ߓߊ ߟߊߡߌߣߌ߲ ߘߐ߫.
ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߌߙߊ߲߫ ߖߌ߬ߦߊ߬ߞߊ߲߬ߛߏ ߞߊ߬ ߖߌ߬ߦߊ߬ߖߟߎ ߘߏ߫ ߟߊߓߐ߫߸ ߖߊ߬ߡߊ ߘߏ߫ ߟߎ߫ ߓߘߊ߫ ߓߐ߫ ߔߊߞߌߛߦߊߟߊ ߟߎ߬ ߞߟߍ߬ ߞߊ߲ߡߊ߬߸ ߏ߬ ߟߎ߬ ߦߋ߫ ߞߎ߲߬ߠߊ߬ߛߌ߮ ߟߋ߬ ߞߐߡߊߓߌ߲ߓߌ߲߫ ߠߊ߫.
ߊ߬ ߟߊ߫ ߞߎߡߊ ߣߌ߲߬ ߘߐ߫߸ ߊ߬ ߦߌ߬ߘߊ߬ ߘߊ߫ ߕߤߋߙߊ߲߫ ߞߊ߬ߝߏ߬ߙߋ߲߬ߕߌ߮ ߓߟߏ߫߸ ߞߏ߫ ߔߊߞߌߛߦߊ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߖߌ߰ߖߊ߰ ߄߂ ߟߋ߬ ߖߋ߬ߣߌ߲߬߸ ߊ߬ ߣߌ߫ ߝߘߏ߬ߓߊ߬ ߘߎ߯ߞߎߟߎ߲ ߠߎ߬ ߣߌ߫ ߛߋ߲߬ߘߐ߬ߞߎߟߎ߲ ߘߏ߫ ߟߎ߫߸ ߞߊ߬ ߕߊ ߛߎ߫ ߏ߬ ߟߎ߬ ߓߍ߯ ߟߊ߫߸ ߊ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߓߏ߲߫ ߁߀ ߢߐ߲߰ ߝߣߊ߫.
ߌߙߊ߲߫ ߝߊ߲߬ߞߊߛߌ߬ߣߊ ߘߏ߫ ߦߋ߫ ߢߊߣߌ߲ߡߊߓߏߙߌ ߘߐ߫߸ ߏ߬ ߘߋ߲ߞߍ߫ ߙߋߖ߭ߊ߬ ߔߊߤߑߟߊߝ߭ߌ߫ ߦߋ߫ ߔߊߞߌߛߦߊ ߣߌ߲߬ ߘߐ߫߸ ߏ߬ ߓߘߊ߫ ߕߊ߬ߡߌ߲߫ ߖߊ߬ߡߊ ߟߊߡߙߎߕߌ߫ ߟߊ߫ ߞߏߞߎߘߊ߫، ߞߏ߫ ߝߏ߫ ߞߊ߬ ߘߊ߲߭ߛߌ߰ ߖߊߟߌߞߦߊߟߊ ߢߌ߲߬ ߠߎ߬ ߟߊ߫ ߡߊ߬ߙߊ ߟߊ߫ ߟߋ߬.
ߞߊ߬ߦߌ߯ ߂߀߂߂ ߓߐ߫ ߘߴߊ߬ ߘߐ߫߸ ߔߊߞߌߛߦߊ ߡߍ߲ ߞߍ߫ ߘߊ߫ ߛߊ߲߭ ߏ߬ ߟߊ߫ ߡߊߤߑߛߊ߬ ߊߡߣߌ߫ ߟߊ߫ ߛߊ߬ߦߊ ߘߐ߫ ߞߎ߲߬ߠߊ߬ߓߌ߬ߘߌ߲߬ ߞߏ ߘߐ߫߸ ߣߌ߲߬ߛߋ߲߬ ߕߊ ߣߌ߲߬ ߢߐ߲߰ ߔߊߞߌߛߦߊ߫ ߡߊ߫ ߞߍ߫ ߌߙߊ߲߫ ߞߣߐ߫ ߡߎߣߎ߲߬.
ߞߵߊ߬ ߓߍ߲߬ ߣߌ߲߬ ߞߏ ߟߊ߫ ߜߟߍ߬ߦߊ ߡߊ߬߸ ߋߙߐߔߎ߬ ߞߋ߬ߟߋ߲߬ߧߊ ߣߌ߫ ߝߊ߬ߙߊ߲߬ߛߌ߬ ߓߘߴߊ߬ ߦߌ߬ߘߊ߬߸ ߞߏ߫ ߌߙߊ߲߫ ߝߊ߰ߡߊ ߟߎ߬ ߦߴߊ߬ߟߎ߬ ߝߊ߲ߕߊ߲߬ߞߊ߫ ߜߊ߬ߟߏ ߟߊ ߡߊ߬ ߔߊߞߌߛߦߊߟߊ ߟߎ߫ ߞߊ߲߬߸ ߊ߬ ߣߴߊ߬ߟߎ߬ ߦߋ߫ ߓߟߐߟߐ ߟߊߛߊ߬ߦߌ߲߫ ߊ߬ ߢߊ ߡߊ߬ ߌߞߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.