ߌߙߑߟߊ߲ߘߌ߬ ߞߎ߲߬ߠߊ߬ߛߌ߮ ߓߘߊ߫ ߡߐ߰ ߟߤߊ߬ߥߥߎ߬ߖߍ߬ ߣߊ߲ߝߟߏ ߘߏ߫ ߛߌ߰ ߕߎ߲ߞߊߙߊ߲ߞߋ ߟߎ߬ ߦߋ߫߸ ߡߍ߲ ߠߎ߬ ߦߋ߫ ߞߎ߲߬ߞߊ߬ߙߌ߬ߝߊ߬ߟߌ߬ ߓߟߏ ߡߵߊ߬ߟߎ߬ ߟߊ߫ ߖߡߊ߬ߣߊ ߞߣߐ߫، ߊ߬ߟߎ߬ ߞߊ߲߫ ߞߏ߫ ߞߵߊ߬ ߟߊߥߟߌ߬ ߞߏ ߟߎ߬ ߟߊߣߐ߰ߦߊ ߡߊ߬߸ ߊ߬ ߣߴߊ߬ߟߎ߫ ߘߏ߬ߣߌ߲ ߠߊߝߍߦߊ ߡߊ߬߸ ߞߏ߫ ߣߌ߫ ߡߍ߲ ߠߎ߬ ߞߵߊ߬ ߓߐ߫ ߊ߬ߟߎ߫ ߖߘߍ߬ ߘߐ߫߸ ߊ߬ߟߎ߬ ߡߊ߫ ߞߘߊߡߊ߫ ߝߋߎ߫߸ ߞߵߊ߬ߟߎ߬ ߟߊߞߐߛߊ߬ߦߌ߫ ߊ߬ߟߎ߬ ߓߘߊ߸ ߊ߬ߟߎ߬ ߘߴߏ߬ ߟߎ߬ ߟߊߘߌߦߊ߫.
ߌߙߑߟߊ߲ߘߌ߬ ߓߘߊ߫ ߣߊ߬ ߡߙߌߘߐ߫ ߞߎߘߊ ߘߏ߫ ߕߊ߬߸ ߡߍ߲ ߞߎߡߊ ߓߘߊ߫ ߛߌߦߊߦߊ߫ ߞߊߕߌ߫، ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߘߌ߫ ߋߙߏ ߁߀ ߀߀߀ ߘߌ߫ ߡߐ߰ ߟߎ߫ ߡߊ߬߸ ߡߍ߲ ߠߎ߬ ߓߊ߯ ߛߐ߲߬ ߞߵߊ߬ߟߎ߬ ߟߊ߫ ߞߎ߲߬ߞߊ߬ߙߌ߬ߝߊ߬ߟߌ߬ ߞߏ ߓߐ߫ ߊ߬ ߡߊ߬ ߊ߬ߟߎ߫ ߖߘߍ߬ ߦߋ߫߸ ߞߵߊ߬ߟߎ߬ ߞߐߛߊ߬ߦߌ߲߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߣߌ߫ ߞߘߊߡߊߟߌ߫ ߕߍ߫، ߊ߬ߟߎ߫ ߞߊ߬ ߞߎߡߊ ߣߌ߲߬ ߝߐ߫ ߕߎߟߊߝߌ߲ ߕߋ߬ߟߋ߫ ߂߉ ߟߋ߬ ߡߊ߬߸ ߞߊ߬ ߝߘߴߊ߬ߟߎ߬ ߟߊ߫ ߞߎ߲߬ߝߍ߬ߕߊ߰ ߕߎ߲ߞߊߙߊ߲ߞߋ ߟߎ߬ ߣߌ߫ ߕߋߟߋ߲ߓߊ߯ߦߊ ߞߏߕߌ߮ ߟߊ߫߸ ߛߟߊߕߌ߯ ߖߌߡ ߏߞߟߊߜ߭ߊ߲߫، ߏ߬ ߟߋ ߞߍߣߍ߲߫ ߞߍߞߌߦߊ߫ ߘߴߊ߬ߟߎ߬ ߓߟߏ߫߸ ߛߊ߫ ߘߏ߫ ߘߌ߫ ߓߐ߫ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫߸ ߏ߬ ߟߎ߬ ߡߍ߲ ߠߎ߬ ߖߊ߬ߡߊ ߓߘߊ߫ ߛߌߦߊߦߴߊ߬ߟߎ߫ ߝߍ߬ ߦߋ߲߬ ߞߊ߬ߣߌ߲߬.
ߊ߬ߟߎ߬ ߟߊ߫ ߟߊ߬ߕߍ߰ߦߊ ߣߌ߲߬ ߞߣߐ߫߸ ߊ߬ ߦߌ߬ߘߊ߬ߣߍ߲߫ ߞߏ߫ ߣߌ߫ ߡߐ߰ ߞߋߟߋ߲߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߘߴߊ߬ ߞߐߛߊ߬ߦߌ߲߫ ߊ߬ߟߎ߫ ߖߘߍ߬ ߦߋ߫߸ ߊ߬ߟߎ߬ ߦߋ߫ ߋߙߏ ߂ ߅߀߀ ߟߋ߬ ߘߌ߫ ߟߴߏ߬ ߕߌ߱ ߡߊ߬߸ ߣߌ߫ ߘߋ߲ߓߦߊ ߟߋ߬ ߘߏ߲߬ ߦߋ߫߸ ߏ߬ ߟߎ߬ ߕߊ ߘߌ߫ ߥߊ߫ ߤߊ߲߯ ߋߙߏ ߁߀ ߀߀߀، ߓߊ߲߬ ߓߘߊ߫ ߞߍ߫ ߡߍ߲ ߠߎ߬ ߟߊ߫ ߞߎ߲߬ߞߊ߬ߙߌ߬ߝߊ߬ߟߌ߬ ߞߏ ߡߊ߬ ߛߋ߲߬ߢߊ߬ ߞߋߟߋ߲߫߸ ߏ߬ ߟߎ߬ ߟߊ߫ ߘߍ߬ߡߍ߲ ߘߌ߫ ߟߊߖߌ߰ ߁ ߅߀߀ ߘߐ߫߸ ߣߌ߫ ߘߋ߲ߓߦߊ߫ ߞߋߟߋ߲߫ ߠߋ߬ ߘߏ߲߬ ߦߋ߫߸ ߋߙߏ ߆ ߀߀߀ ߟߵߏ߬ ߟߎ߬ ߕߊ ߘߌ߫، ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߡߍ߲ ߣߐ߬ ߞߐߛߊߦߌ߲ߠߌ߲ ߠߊߢߌߣߌ߲߫ ߠߊ߫߸ ߏ߬ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߞߏ߫ ߟߊߛߴߏ߬ ߡߊ߬߸ ߏ߬ ߟߊ߫ ߞߐߛߊߦߌ߲ߠߌ߲߫ ߞߏ ߘߌ߫ ߓߐ߫ ߊ߬ ߡߊ߬.
ߊ߬ߟߎ߬ ߟߊ߫ ߕߋߟߋ߲ߓߊ߯ߦߊ ߞߏߕߌ߮ ߖߌߡ ߞߵߊ߬ ߦߌ߬ߘߊ߬ ߞߏ߫: <<ߊ߲ ߞߊ߫ ߞߊ߲߫ ߞߊ߬ ߘߏ߫ ߓߐ߫ ߞߏ ߘߏ߫ ߟߎ߫ ߟߊ߫ ߡߎ߬ߕߎ߲߬߸ ߡߍ߲ ߠߎ߬ ߕߣߐ߬ ߛߎ߮ ߏ߬ ߕߴߊ߲ ߠߊ߫ ߖߡߊ߬ߣߊ ߞߊ߲߬.>> ߊ߬ ߞߊ߲߫ ߞߏ߫ ߣߴߌ ߞߵߊ߬ ߡߊߝߟߍ߫߸ ߡߐ߰ ߞߋߟߋ߲ ߠߊ߫ ߞߎ߲߬ߞߊ߬ߙߌ߬ߝߊ߬ߟߌ ߘߐ߫߸ ߌ ߓߴߊ߬ ߟߊ߫ ߖߌ߰ߦߊ߬ ߦߙߐ߬ ߞߏ ߕߊ߬߸ ߣߴߊ߬ ߟߊ߫ ߘߊ߲ߘߊߟߌ߫ ߞߏ ߣߌ߫ ߞߊ߬ߙߊ߲߬ ߞߏ ߣߌ߫ ߡߐ߰ߦߊ ߞߏ ߕߐ߭ ߟߎ߬߸ ߏ߬ ߥߊߘߌ ߦߋ߫ ߥߊ߫ ߟߊ߫ ߟߋ߬ ߤߊ߲߯ ߋߙߏ ߁߂߂ ߀߀߀ ߢߐ߲߰.
ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߓߍ߫ ߕߍ߫ ߡߐ߱ ߡߍ߲ ߠߎ߬ ߟߊ߫߸ ߏ߬ ߘߎ߫ ߝߣߊ߫ ߕߎ߲߬ ߓߘߊ߫ ߞߐߛߊߦߌ߲ߠߌ߲߫ ߞߏ ߝߐ߫ ߞߘߐ߬ߡߊ߲߬߸ ߏ߬ ߖߍ߬ߘߍ ߓߘߊ߫ ߞߍ߫ ߛߊߓߎ߫ ߘߌ߫߸ ߡߐ߰ ߁ ߂߀߀ ߓߘߊ߫ ߓߐ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫ ߂߀߂߅ ߓߌ߲ߠߊߥߎߟߋ߲ ߣߌ߫ ߛߌߛߍ߲߬ ߕߍ ߘߐ߫، ߞߵߊ߬ ߛߐ߬ߘߐ߲߬ ߣߌ߲߬ ߢߐ߲߰ ߥߊ߫ߕߌ߫ ߟߊ߫ ߛߊߙߏ߲߬߸ ߡߐ߰ ߅߅߀ ߘߐߙߐ߲߫ ߠߋ߬ ߛߋ߫ ߘߊ߫ ߓߐ߫ ߟߊ߫، ߏ߬ ߟߋ ߘߐ߫߸ ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߘߌ߫ ߡߐ߱ ߟߎ߬ ߟߊ߫ ߛߊ߲ߡߊߞߎߟߎ߲߫ ߛߓߍ ߦߋ߫ ߋߙߏ ߁ ߂߀߀ ߤߊ߲߯ ߂߀߀߀ ߟߋ߬ ߘߌ߫ ߞߵߊ߬ ߓߍ߲߬ ߞߐߙߍ߫ ߞߏ ߡߊ߬.
<<ߊ߬ߟߎ߬ ߘߌ߫ ߛߋ߫ ߘߏ߲߬ ߠߴߊ߬ߟߎ߬ ߓߘߊ ߞߎ߲߬ߠߊ߬ߦߋߙߋ߲ ߘߐ߫߸ ߞߊ߬ ߛߴߊ߬ߟߎ߬ ߟߊ߫ ߞߏ ߟߎ߬ ߘߊߡߌ߬ߣߊ߬ ߟߴߊ߬ ߢߌ߬ߡߊ ߟߊ߫ ߦߋ߲߬.>> ߞߐߟߡ ߓߙߏߝߌ߫ ߟߋ߬ ߞߵߏ߬ ߝߐ߫߸ ߞߊ߬ߝߏ ߞߏߕߌ߮ ߡߍ߲ ߘߐ߱ߘߏ߲߬ߣߍ߲߫ ߕߎ߲ߞߊߙߊ߲ߞߋ ߟߎ߬ ߟߊ߫ ߞߏ ߟߊ߫.
ߞߊ߬ߦߌ߯ ߂߀߂߂ ߟߋ߬ ߟߊ߫߸ ߖߊ߬ߡߊ ߛߌߦߊߦߊ ߘߊߡߌ߬ߣߊ߬ ߘߊ߫ ߌߙߑߟߊ߲ߘ߸ ߞߎ߲߬ߞߊ߬ߙߌ߬ߝߊ߬ߟߌ߬ ߞߏ ߘߐ߫: ߡߐ߰ ߁߁ ߅߉߈ ߠߋ߬ ߞߊ߬ ߞߎ߲߬ߞߊ߬ߙߌ߬ߝߊ߬ߟߌ ߟߊߢߌߣߌ߲߫ ߂߀߂߂ ߟߊ߫، ߂߀߂߃ ߕߊ ߕߍ߬ߘߍ߫ ߡߐ߰ ߁߃ ߂߆߄ ߠߋ߬ ߘߌ߫، ߊ߬ ߣߌ߫ ߡߐ߰ ߁߈ ߆߅߁ ߠߋ߬ ߕߘߍ߬ ߂߀߂߄ ߕߊ ߘߌ߫، ߞߎ߲߬ߠߊ߬ߛߌ߮ ߞߏ߬ߣߌ߲ ߟߊߣߴߊ߬ ߟߊ߫ ߞߏ߫ ߊ߬ߟߎ߫ ߣߐ߬ ߡߙߌߦߊ ߡߍ߲ ߕߊ߬ ߟߊ߫ ߣߌ߲߬߸ ߏ߬ ߓߍߣߊ߬ ߘߏ߫ ߓߐ߫ ߞߏ ߟߎ߬ ߟߊ߫.
ߓߊ߬ߙߌ߬ ߞߣߍ ߞߊ߲߬߸ ߡߊ߬ߞߕߌ߬ߟߌ ߓߘߊ߫ ߥߙߊ߬ ߞߏߛߓߍ߫، ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫ ߞߏߟߊߕߍ߯ߘߊ ߡߍ߲ ߦߋ߫ ߌߙߑߟߊ߲ߘߌ߬ ߞߣߐ߫ ߦߋ߲߬߸ ߣߴߊ߬ ߗߋߕߌ߮ ߦߋ߫ ߣߊߦߌߞ ߤߊ߲ߘߍߙߑߛߐ߲߫ ߘߌ߫߸ ߏ߬ ߞߊ߲߫ ߞߏ߫ <<ߞߍߢߊ ߣߌ߲߬ ߓߍ߲߬ߣߍ߲߬ ߕߍ߫ ߛߊ߬ߙߌ߬ߦߊ ߡߊ߬.>> ߊ߬ ߣߌ߫ ߞߏ߫ <<ߘߍ߬ߡߍ߲߬ߠߌ߲߬ ߞߏ߬ ߞߎߡߊ ߣߌ߬ ߝߐߣߍ߲߫ ߠߋ߬ ߞߵߊ߬ ߛߐ߬ߘߐ߲߬ ߡߐ߰ ߛߌߦߊߡߊ߲߫ ߦߋ߫ ߡߊ߬ߞߐ߬ߣߐ߲߬ߠߌ߲ ߛߌ߱ ߘߐ߫، ߏ߬ ߞߘߐ ߟߋ߬ ߞߏ߫ ߞߎߡߊ ߣߌ߲߬ ߕߊ߬ߡߌ߲߬ߕߐ߫ ߏ߬ ߟߎ߬ ߕߙߐ߫ ߟߊ߫ ߟߋ߬ ߝߣߊ߫، ߓߍ߲߬ߛߋ߲߬ߡߊ ߘߏ߲߬ ߦߋ߫ ߡߐ߰ ߛߌߦߊߡߊ߲߫ ߢߍ߫ ߞߊ߬ ߞߎ߲߬ߞߊ߬ߙߌ߬ߝߊ߬ߟߌ߬ ߛߓߍ ߛߐ߬ߘߐ߲߬.>>
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.