ߓߌ߬ ߞߎߣߎ߲ߟߏ߲ ߣߌ߲߬ ߡߊ߬߸ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߘߊ߫ ߌߛߌ߬ߙߊ߬ߌߟߊ߫ ߞߎ߲߬ߠߊ߬ߛߌ߮ ߓߟߏ߫߸ ߏ߬ ߞߏ ߓߘߊ߫ ߣߊ߬ ߢߊߥߟߏߒߘߐ߫ ߜߘߍ߫ ߘߌ߫ ߝߊ߲߬ߞߣߐ ߏ߬ ߟߎ߬ ߘߐ߫ ߦߋ߲߬ ߘߋ߬، ߓߊߏ߬߸ ߊ߲ ߧߋ߫ ߥߊ߯ߕߌ ߡߍ߲ ߘߐ߫ ߕߋ߲߬߸ ߌߛߌ߬ߙߊ߬ߌߟߊ߫ ߣߌ߫ ߛߙߌ߫ ߕߍߟߊ ߓߐߕߏ߲ ߞߟߊߡߊ߲߫ ߓߊߟߋ߬߸ ߏ߬ ߓߘߊ߫ ߕߟߋ߬ ߦߙߌߞߊ߫ ߓߐ߫߸ ߡߊ߬ߙߌ߬ߝߊ߬ߕߋ ߟߎ߬ ߦߴߌߘߐ߫ ߦߋ߲߬߸ ߣߊ߲߬ߒ߬ߕߊ߲ ߠߎ߬ ߣߌ߫ ߣߊ߲߬ߕߌ߰ ߕߏ߯ߝߏ ߘߏ߫ ߓߟߏ߫߸ ߡߍ߲ ߢߐ߲߰ ߡߊ߫ ߘߋ߬ߙߌ߬ ߞߍ߫ ߟߊ߫.

ߌߛߌ߬ߙߊ߬ߌߟߊ߫ ߕߎ߲ߞߊߙߊ߲ߞߋ ߟߎ߬ ߟߊ߫ ߞߏߕߌ߮߸ ߊߡߌߛ߭ߊߦߌ ߛ߭ߌߞߟߌ߫߸ ߏ߬ ߞߵߊ߬ ߟߊߛߋ߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫ ߓߌ߬ ߞߎߣߎ߲ߟߏ߲ ߣߌ߲߬ ߡߊ߬߸ ߞߏ߫ ߊ߬ߟߎ߬ ߣߌ߫ <<ߛߙߌ߫ ߕߟߍ߫ ߞߟߍ ߦߋ߫ ߡߊߕߊ߲߬ߞߊ߬ߓߊߟߌ ߟߋ߬ ߘߌ߫>> ߝߛߊߦߌ߫، ߊ߬ ߟߊ߫ ߞߎߡߊ ߏ߬ ߣߌ߫ ߣߊ߲߬ߕߌ߮ ߟߎ߬ ߟߊ߫ ߖߌ߬ߦߊ߬ߖߟߎ߬ ߞߎ߲߬ߞߎ߬ߘߎ߲߬ߣߍ߲ ߘߏ߫ ߟߋ߬ ߣߙߊߣߍ߲߫ ߕߘߍ߬ ߢߐ߲߮ ߠߊ߫߸ ߛߙߌ߫ ߣߊ߲߬ߕߌ߮ ߟߎ߬ ߦߋ߫ ߘߐ߲߬ߞߟߌ߬ߟߊ ߞߊ߲߬߸ ߓߛ߭ߊߙ ߊߟߑߊߛߊߘ ߟߊߥߟߏ ߣߴߊ߬ ߟߊ߫ ߝߊ߲߬ߞߊ ߕߌߢߍ ߛߊ߲߬ߞߎ߲߬ߢߐ߲߰ ߢߊ߯ߢߊ߮ ߛߋ߲߭ߝߍ߬، ߖߌ߬ߦߊ ߏ߬ ߘߐ߫߸ ߣߊ߲߬ߕߌ߮ ߟߎ߬ ߞߵߊ߬ ߝߐ߫ ߞߏ߫: <<ߜ߭ߊ߯ߖ߭ߊ߬߸ ߜ߭ߊ߯ߖ߭ߊ߬߸ ߊ߲ ߠߊ߫ ߞߋ߬ߟߋ߲߬ߧߊ ߞߟߌߟߌ߸ ߊ߲ ߝߊ߲߬ߞߊ ߛߎ ߣߌ߫ ߕߋ߬ߟߋ.>>

ߌߛߌ߬ߙߊ߬ߌߟߊ߫ ߖߟߐ߬ߞߐ ߛ߭ߍߣ ߘߎߖ߭ ߟߊ߫ ߝߐߟߌ߫ ߘߐ߫߸ ߞߎߡߊ ߣߌ߲߬ ߝߐߣߍ߲߫ ߠߋ߬ ߞߵߊ߬ ߛߐ߬ߘߐ߲߬ ߕߍߜߟߍߦߊ ߦߴߊ߬ߟߎ߬ ߕߍ߫ ߞߊ߬ ߓߊ߲߫، ߓߊߏ߬߸ ߓߌ߬ߟߊ߬ߒ߬ߘߐ ߘߏ߫ ߞߍ߫ ߘߊ߫ ߞߎ߬ߣߋߦߌߕߙߊ߬߸ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߫ ߞߊ߬ ߞߌ߬ߛߍ ߖߍ߬ߘߍߖߍ߬ߘߍ ߝߏߘߏ߲߫ ߦߋ߲߬߸ ߊ߬ ߣߌ߫ ߞߌ߬ߛߍ߬ߜߘߊ߫ ߛߌ߬ߛߌ߬ߛߙߎ߬ߟߊ߸ ߞߵߏ߬ ߞߎ߲߬ߛߌ߲߫ ߛߙߌ߫ ߣߊ߲߬ߒ߬ߕߊ߲ ߘߏ߫ ߟߎ߫ ߟߊ߫ ߕߍߝߘߊߟߌ ߛߌ߬ߕߊ߬ߙߌ߬ߞߎ߲ ߠߊ߫، ߦߙߐ ߏ߬ ߘߐ߫ ߦߋ߲߬߸ ߡߐ߰ ߝߌ߬ߟߊ߫ ߟߋ߬ ߖߐߞߌ߫ ߘߊ߫߸ ߣߊ߲߬ߕߌ߮ ߟߎ߬ ߘߏ߲߬ ߦߴߊ߬ ߝߐ߫ ߟߴߏ߬ ߟߋ ߡߊ߬ ߞߏ߫ <<ߖߊ߬ߛߙߋ߬ߡߟߊ߬ߟߌ ߝߏ߬ߦߌ߬ߟߌ>>.

ߥߊ߯ߕߌ ߏ߬ ߟߋ ߣߌ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߠߊ߫ ߗߋߘߋ߲ ߠߊ߫ ߕߊ߯ߟߌ ߓߍ߲߬ ߘߊ߫ ߛߟߊߕߌ߯ ߡߊߦߞ ߥߊߟߕ߸ ߏ߬ ߡߍ߲ ߦߋ߫ ߡߟߛ ߟߊ߫ ߞߊ߬ߣߌ߲߬߸ ߣߴߊ߬ ߓߌ߬ߟߊ߬ߛߌ߬ߟߊ߬ߣߍ߲߫ ߕߘߍ߬ ߌߛߌ߬ߙߊ߬ߌߟߊ߫ ߟߊ߬ߛߌ߰ߘߋ߲ ߓߟߏ߫ ߘߊߣߌ ߘߊߣߐ߲߫، ߊ߬ߟߎ߬ ߥߊ ߘߌ߲߬ߞߌߙߊ ߏ߬ ߘߐ߫ ߦߋ߲߬߸ ߏ߬ ߕߊ߬ߡߌ߲߬ ߘߊ߫ ߞߟߊߦߊ ߞߍ߫ ߟߊ߫ ߝߌ߬ߘߌ ߘߐ߫ ߞߏߞߎߘߊ߫߸ ߞߊ߬ ߡߊ߲߬ߞߊ߲ ߥߙߊ߬ ߜ߭ߏߟߊ߲߫ ߠߊߡߌߣߌ߲ ߘߐ߫.

ߣߴߌ ߞߊ߬ ߞߊߣ ߊߙߑߣߘߊ߫ ߕߌ߲߬ߞߎߘߎ߲ ߕߊ߬߸ ߦߋ߲߬ ߛߌ߰ߓߊ߮ ߟߎ߬ ߓߘߊ߫ ߔߊߞߌߛߦߊ ߘߏ߫ ߛߌ߰ ߛߋ߲߬ߠߊ߫߸ ߞߵߊ߬ ߦߌ߬ߘߊ߬ ߞߏ߫ ߌߛߌ߬ߙߊ߬ߌߟߊ߫ ߣߊ߲߬ߕߌ߮ ߟߎ߬ ߦߴߊ߬ߟߎ߫ ߝߍ߬ ߦߋ߲߬߸ ߊ߬ߟߎ߬ ߟߊ߫ ߞߎߟߎ߲ߞߎߟߎ߲ ߠߎ߬ ߦߋ߫ ߞߎߟߎ߲ߞߎߟߎ߲ߠߊ߫ ߦߋ߲߬ ߛߐ߲߬߸ ߏ߬ ߘߏ߲߬ ߦߋ߫ ߓߊ߬ߛߊ߲ ߠߊߘߏ߲߭ ߠߋ߬ ߘߌ߫ ߡߐ߱ ߟߎ߬ ߟߊ߫ ߓߊ߯ߙߊ ߘߐ߫߸ ߞߊ߬ ߛߌߟߊ ߠߊߘߏ߲߬ ߓߍ߯ ߖߎ߬ߛߎ ߘߐ߫.

ߞߊ߬ߦߌ߯ ߓߛ߭ߊߙ ߊߟߑߊߛߊߘ ߟߊߥߟߏ߫ ߘߊ߫߸ ߌߛߌ߬ߙߊ߬ߌߟߊ߫ ߞߊ߬ ߣߊ߲߬ߕߌ߮ ߟߎ߬ ߟߊߕߊ߯ ߟߋ߬ ߘߌ߲߬ߞߌߙߊ ߏ߬ ߟߎ߬ ߘߐ߫߸ ߡߍ߲ ߠߎ߬ ߦߋ߫ ߡߟߛ ߟߊ߫ ߡߊ߬ߙߊ ߞߣߐ߫߸ ߦߋ߲߬ ߠߎ߬ ߣߌ߫ ߜ߭ߏߟߊ߲߫ ߕߍߟߊ ߘߐ߫ ߞߊ߬ߣߌ߲߬، ߊ߬ߟߎ߬ ߟߊ߫ ߞߏߕߌ߯ ߝߟߐ ߓߍ߲ߖ߭ߊߡߍ߲ ߣߋߕߦߊߤߎ߫ ߞߵߊ߬ ߦߌ߬ߘߊ߬߸ ߞߏ߫ ߝߏ߫ ߣߊ߲߬ߕߌ߮ ߟߎ߬ ߦߋ߫ ߟߊߕߊ߯ ߟߋ߬ ߦߋ߲߬߸ ߓߊߏ߬ <<ߏ߬ ߞߍ ߦߋ߫ ߛߋ߲ߛߋߘߋ߲ ߠߋ߬ ߘߌ߫>> ߛߊ߫ ߌߛߌ߬ߙߊ߬ߌߟߊ߫ ߟߊ߫ ߘߌ߲߬ߞߌߙߊ ߏ߬ ߟߎ߬ ߘߌ߫ ߟߊߞߊ߲ߘߊ߫ ߞߵߊ߬ߟߎ߬ ߣߴߊ߬ߟߎ߬ ߟߊߡߌߣߌ߲ ߓߍ߯ ߟߊߞߊ߲ߘߊ߫ ߓߐߕߏ߲ ߠߊ߫ ߦߋ߲߬߸ ߊ߬ ߣߌ߫ ߞߊ߬ ߕߊ߲߬ߞߊ߬ ߞߍ߫ ߞߍߒߞߊ߲ߠߌ߲ ߛߎ߯ߦߊ ߓߍ߯ ߡߊ߬.

ߛߙߌ߫ ߞߐߞߊ߲ߞߏ ߟߎ߬ ߞߏߕߌ߮ ߊߛߊߘ ߊ߬ߟߑߛ߭ߌ߬ߓߊ߬ߣߌ ߞߵߊ߬ ߦߌ߬ߘߊ߬ ߞߊ߯ߙߌߟߏ߲߸ ߞߏ߫ ߘߡߊߛ ߕߍߣߊ߬ ߛߐ߲߬ ߠߊ߫ ߊ߬ߟߎ߬ ߣߌ߫ ߌߛߌ߬ߙߊ߬ߌߟߊ߫ ߟߊ߫ ߓߍ߲߬ߞߊ߲߬ ߛߌ߫ ߡߊ߬߸ ߝߏ߫ ߣߊ߲߬ߕߌ߮ ߟߎ߬ ߓߊ߯ ߟߊߓߐ߫ ߟߋ߬ ߦߙߐ ߏ߬ ߟߎ߬ ߘߐ߫ ߘߍ߯، ߊ߬ ߞߵߊ߬ ߦߌ߬ߘߊ߬ ߞߏ߫ ߞߵߊ߬ ߕߊ߬ ߞߏߟߌ߲ߞߏߟߌ߲ ߕߟߋ߬ ߇ ߡߊ߬ ߞߊ߬ ߥߊ߫߸ ߌߛߌ߬ߙߊ߬ߌߟߊ߫ ߓߘߊ߫ ߞߍ߫ ߖߛߎ߬ߜߊ ߕߐ߬ߡߊ߬ߛߙߋ ߘߴߊ߬ߟߎ߬ ߟߊ߫ ߡߌ߬ߙߌ߲߬ߘߌ ߞߊ߲ߞߊ߲߬ ߦߋ߲߬.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.