ߊ߲ ߧߋ߫ ߦߋ߫ ߛߋ߲߬ߠߊ߬ߓߐ߬ߟߌ ߡߍ߲ ߞߊ߲߬ ߘߎ߰ߣߍ߲ ߠߎ߬ ߛߌ߰ߝߊߘߌ ߢߊߢߌߣߌ߲ ߠߊ߫ ߸ ߊ߲ ߛߋ߫ ߘߊ߫ ߜߙߋߘߎ߯ ߞߊ߬ߣߌ߲߬ߡߌ߬ߛߊ߬ߦߊ߫ ، ߏ߬ ߡߍ߲ ߦߋ߫ ߜߙߋߘߎ߯ ߓߙߊߣߊ߬ߡߊ߫ ߡߙߊ߬ߘߊ߬ߙߋ߲ ߡߊ߬ߙߊ ߘߐ߫ ߸ ߞߎߘߍ߫ ߃߀ ߢߐ߲߰ ߊ߬ ߣߌ߫ ߞߊ߲ߞߊ߲߫ ߡߙߊ߬ߓߊ߰ߘߊ ߕߍ߫.

ߣߴߌ ߞߵߊ߲ ߘߊߝߍ߫ ߛߏߣߍ߲ ߘߐߜߍ߫ ߞߊ߬ߙߊ߲߬ߛߏ߬ ߞߏ ߘߊߞߎ߲ ߘߐ߫ ߸ ߌ ߘߴߊ߬ ߦߋ߫ ߞߊ߬ߙߊ߲߬ߛߏ߬ ߞߏ ߕߍ߫ ߝߙߋߞߋ ߘߌ߫ ߸ߓߊ߬ߙߌ߬ ،ߞߙߊ߬ߡߐ߰ ߞߏ  ߣߌ߫ ߓߊ߯ߙߊ߫ ߡߎߙߊ߲߫ ߞߏ ߟߋ߬ ߝߙߋߞߋ ߘߌ߫.

 ߡߊ߬ߡߎߘߎ߬ ߝ߭ߌߦߋ߬ ߞߐ߲ߘߍ߫ ߞߊ߬ߣߌ߲߬ߡߌ߬ߛߊ߬ߦߊ߫ ߘߎ߬ߕߌ߮ ߦߴߏ߬ ߟߊߛߙߋߦߊ߫ ߕߋ߲߬ ߢߊ߫ :<< ߞߊ߬ߙߊ߲߬ߕߊ ߦߴߊ߲ ߓߟߏ߫ ߓߏ߲߫ ߞߣߐ߫ ߆߸ ߓߊ߬ߙߌ߬ ߞߙߊ߬ߡߐ߰ ߞߏ߬ߖߊ ߟߴߊ߲ ߞߊ߲߬ ߸ߓߐ߬ߟߐ߲߬ߞߊ߬ ߞߋߟߋ߲߫ ߔߋ߫ ߟߋ߬ ߦߴߊ߲ ߖߌ߭ ߘߌ߫ ߕߋ߲߬ ߸ߣߴߏ߬ ߕߍ߫ ߛߴߊ߲ ߓߘߊ߫ ߞߘߐߓߐ߫>>

ߊ߬ ߡߊ߫ ߘߊ߲߬ ߏ߬ ߘߐߙߐ߲߫ ߡߊ߬ ߘߋ߬ ߸ ߊ߬ ߛߋ߫ ߘߊ߫ ߞߵߊ߬ ߦߌ߬ߘߊ߬ ߞߏ߫ :

<< ߊ߲ ߠߊ߫ ߛߏ ߘߋ߲ߣߍ߲߫ ߠߎ߬ ߦߋ߫ ߕߊ߯ߡߊ߫ ߞߊ߬ߙߊ߲߬ߛߏ ߟߴߊ߬ ߢߌ߬ߡߊ ߝߛߊߦߌ߫ ߸ ߓߊ߬ߙߌ߫ ߞߊ߬ߙߊ߲ ߠߋ߬ ߕߍ߫ ߞߍ߫ ߟߊ߫ ߞߵߏ߬ ߞߎ߲߭ ߞߍ߫ ߞߙߊ߰ߡߐ߰ ߞߋ߬ߟߋ߲߬ ߞߏ ߘߌ߫߸ߣߴߏ߬ ߕߍ߫ ߞߊ߬ߙߊ߲߬ߘߋ߲߬ ߞߏ߫ ߕߍ߫ ߤߊ߲߫ >>.

ߊ߬ ߟߊ߫ ߞߎߡߊ߫ ߞߎ߲߬ߘߏ߲ ߘߐ߫ ߛߊ߫ ߸ߊ߬ߟߎ߫ ߞߵߊ߬ߟߎ߫ ߖߌ߭ ߟߊ߫ ߞߎ߲߬ߠߊ߬ߛߌ߮ ߟߊ߫ ߘߍ߬ߡߍ߲߬ߠߌ߲ ߠߋ߬ ߘߐ߫߸ߞߊ߰ߕߎ߲߯ ߓߍ߯ ߞߊ߲߫ ߠߋ߬ ߞߏ߫ ߞߎ߲߬ߠߊ߬ߛߌ߮ : << ߊ߲ ߧߋ߫ ߡߍ߲ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߟߎ߬ ߝߍ߬ ߕߋ߲߭ߕߋ߲߬ ߸ ߏ߬ ߟߋ߬ ߞߵߊ߲ ߘߍ߬ߡߍ߲߬ ߸ߓߊߏ߬ ߝߏ߫ ߡߐ߱ ߦߋ߫ ߞߊ߬ߙߊ߲ ߠߋ߬ ߸ߏ߬ ߝߏ߫ ߞߵߊ߲ ߡߊߜߍ߲߫ ߞߙߊ߬ߡߐ߰ ߞߏ ߘߐ߫ ߟߋ߬ ߞߏߛߓߍ߫ ߸ߓߊߏ߬ ߸ߏ߬ ߟߋ߬ ߦߴߊ߲ ߣߌ ߞߊ߲߬ ߕߋ߲߬ ߞߵߊ߬ ߓߍ߲߬ ߞߊ߬ߙߊ߲߬ߛߏ߬ ߞߏ ߡߊ߬ߝߊ߲ ߡߊ߬> >

ߞߊ߬ߣߌ߲߬ߡߌ߬ߛߊ߬ߦߊ߫ ߘߎ߬ߕߌ߮ ߟߋ߬ ߞߊ߲߫ ߕߋ߲߬.

ߣߴߌ ߘߏ߲߬ ߞߵߊ߬ ߘߐߜߍ߫ ߸ ߝߊ߰ߡߊ ߟߎ߬ ߡߊ߲߫ ߞߊ߲߫ ߝߋߎ߫ ߞߊ߬ ߢߌ߬ߣߊ߬ ߘߋ߲ߣߍ߲߫ ߠߎ߬ ߟߊ߫ ߞߊ߬ߙߊ߲߬ ߞߏ ߘߐ߫ ߝߛߍߞߘߎ߫ ߸ߞߊ߬ߕߎ߲߯ ،ߊ߬ߟߎ߫ ߟߋ߬ ߖߡߊ߬ߣߊ ߛߌߣߌ߲ߢߍߛߌ߮ ߥߟߏߒߘߐ ߟߎ߬ ߘߌ߫.

 ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫