ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߓߌ߲ߠߊߥߎߟߋ߲ ߕߟߋ߬ ߃߀߸ ߖߌ߬ߣߍ߬ ߘߌ߯ߣߊ߫ ߥߊߟߖߌ߫ ߛߎ߬ߟߋ߬ߡߊߣ ߛߘߌ߬ߓߋ߫߸ ߣߌ߫ ߓߍ߯ ߞߊ߲߫ ߊ߬ ߡߊ߬ ߞߏ߫ ߞߊ߬ߙߊ߲߬ߡߐ߯ ߛߏ߬ߟߏ߸ ߏ߬ ߞߊ߬ ߕߌ߲ߞߌ ߣߌ߫ ߘߎߓߊ߫ ߓߎ߰ߓߎ߰ߣߍ߲߫ ߠߋ߬ ߞߍ߫ ߊ߬ ߖߎߡߊ߫ ߛߊߟߌ߫ ߞߐ ߘߐ߫߸ ߞߵߊ߬ ߓߍ߲߬ ߛߎ߲ߞߊߙߏ߫ ߡߊߞߐߣߐ߲ ߕߟߋ߬ ߁߅ ߓߟߏߘߐߓߍ߲ ߠߎ߬ ߡߊ߬߸ ߏ߬ ߡߍ߲ ߦߋ߫ ߟߏ߲ߓߊ߫ ߘߌ߫ ߛߌ߬ߟߡߊ߬ߦߊ ߞߣߐ߫، ߖߊ߲߬ߖߏ߲ ߣߌ߲߬ ߞߍ߫ ߘߊ߫ ߣߎߙߑߘߌߣ ߕߌ߲ߓߌߘߌ߲ߘߓߊ ߟߋ߬ ߟߊ߫߸ ߡߊ߬ߛߑߖߌߘ ߣߎ߯ߙߑߘߌߣ߸ ߞߵߊ߬ ߛߐ߬ߘߐ߲߬ ߊ߬ ߟߊߘߌߦߊߢߍߓߊ߮ ߡߐ߰ ߥߊ߮ ߢߊ ߦߋ߫ ߜߍ ߘߐ߫߸ ߞߊ߬ ߝߘߊ߫ ߟߊ߬ߡߌߣߌ߲ ߛߏ ߟߎ߬ ߟߊ߫.
ߟߊ߬ߞߙߐ߬ߛߌ߬ߟߌ ߡߍ߲ ߠߎ߬ ߞߍ߫ ߘߴߊ߲ ߖߍ߬ߘߍ ߓߟߏ߫ ߜߍ ߘߐ߫߸ ߕߌ߲ߓߌߘߌ߲ߘߊ ߝߊ߫ ߘߊ߫ ߟߋ߬ ߞߵߊ߬ ߘߡߊߛߙߊߓߊ ߟߊ߫߸ ߞߵߊ߬ ߕߊ߬ ߞߣߍߡߟߊ ߡߊ߬ ߞߊ߬ ߛߴߊ߬ ߞߣߐ߫߸ ߝߊ߰ߣߌ߲߬ߜߍ߬ ߕߌ߮ ߟߎ߬ ߦߋ߫ ߝߊ߲߭ ߓߍ߯ ߘߐ߫، ߏ߬ ߡߍ߲ ߕߊ߬ߡߌ߲߬ ߘߴߊ߬ ߦߌ߬ߘߊ߬ ߞߏ߫ ߞߊ߬ߙߊ߲߬ߡߐ߯ ߛߏ߬ߟߏ ߦߋ߫ ߘߌ߯ߣߊ ߥߊߟߖߌ߫ ߕߐ߯ߕߌ߮ ߟߋ߬ ߘߌ߫߸ ߞߵߊ߬ ߓߍ߲߬ ߊ߬ ߞߊ߬ߣߌ߲߬ߓߊ߮ ߟߎ߬ ߓߐ߫ ߢߊ ߡߊ߬.
ߞߏߢߊ ߘߊߡߌ߬ߣߊ߬ ߘߊ߫ ߖߎߡߊ ߞߕߎ߬ߓߊ ߟߋ߬ ߡߊ߬ ߞߊ߬ߙߊ߲߬ߡߐ߯ ߛߌ߬ߛߋ ߓߟߏ߫ ߡߎߣߎ߲߬߸ ߞߵߏ߬ ߞߎ߲߬ߘߏ߲ ߞߍ߫ ߕߌ߲ߞߌ߫ ߓߎ߰ߓߎ߰ߣߍ߲ ߘߌ߫ ߞߊ߬ߙߊ߲߬ߡߐ߯ ߛߏ߬ߟߏ ߖߍ߬ߘߍ ߓߟߏ߫، ߊ߬ ߟߊ߫ ߛߙߊ߬ߣߎ߲ ߘߐ߫߸ ߜߟߍ߬ߦߊ ߡߍ߲ ߦߋ߫ ߟߎ ߟߎ߬ ߞߣߐ߫߸ ߛߍ߱ ߡߍ߲ ߦߋ߫ ߘߋ߲ߡߌߛߍ߲ ߠߎ߬ ߞߊ߲߬߸ ߖߊ߲߬ߞߊ߬ߙߏ߬ߕߐ ߡߍ߲ ߠߎ߬ ߦߋ߫ ߖߊ߬ߡߊ ߘߐ߫߸ ߊ߬ ߞߊ߬ ߘߎ߬ߥߊ߬ߥߎ߬ ߞߙߍߞߙߍߣߍ߲߫ ߞߍ߫ ߏ߬ ߟߎ߬ ߦߋ߫، <<ߖߡߊ߬ ߛߌߦߊߡߊ߲߫ ߦߴߊ߲ ߘߐ߫ ߦߊ߲߬ ߓߌ߬߸ ߗߍ߬ ߖߡߊ؛ ߡߐߣߍ ߦߴߊ߬ߟߎ߬ ߘߐ߫߸ ߊ߬ߟߎ߬ ߡߴߊ߬ ߓߐ߫ ߢߊ߫ ߟߐ߲߫، ߡߛߏ߬ ߖߡߊ߸ ߞߣߐ߬ߘߐ߬ߝߟߌ ߦߋ߫ ߟߎ ߟߎ߬ ߞߣߐ߫߸ ߓߏ߲ ߠߎ߬ ߞߣߐ߫߸ ߊ߬ߟߎ߬ ߡߴߊ߬ ߓߊߛߌ߫ ߢߊ߫ ߟߐ߲߫، ߘߋ߲ߡߌߛߍ߲߫ ߖߡߊ ߓߘߊ߫ ߣߊ߬߸ ߝߊ߲߬ ߞߋߟߋ߲ ߓߍ߯ ߦߴߊ߬ ߝߍ߬ ߞߊ߬ ߡߐߣߍ ߓߐ߫ ߊ߬ߟߎ߫ ߝߊ߬ ߣߴߊ߬ߟߎ߬ ߣߊ߫ ߟߎ߫ ߘߐ߫، ߊߟߊ߫ ߒ ߓߘߴߌ ߕߙߊ߫߸ ߛߋ ߌߟߋ ߟߋ߬ ߦߋ߫، ߒ ߦߋ߫ ߒ ߣߘߐ߬ ߖߡߊ ߛߐ߫ ߟߌ߬ߡߣߊ߬ߦߊ ߟߊ߫߸ ߌ ߦߴߊ߲ ߛߣߐ߬ߡߍ ߟߊߕߊ߲߬ߞߊ߫ ߟߌ߬ߡߣߊ߬ߦߊ ߟߊ߫.>> ߊ߬ ߞߵߏ߬ ߟߋ ߝߐ߫.
ߞߊ߬ߙߊ߲߬ߡߐ߯ ߛߏ߬ߟߏ ߟߊ߫ ߞߎߡߊ߫ ߘߐ߫߸ ߊ߬ ߞߵߊ߬ ߓߊ߲ߓߊ߲߫ ߖߛߎ߬ߛߎߡߊ ߞߎߡߊ ߞߊ߲߬߸ ߞߍߞߋߟߋ߲ߘߌ ߞߊ߲߬،ߊ߬ ߞߊ߬ ߖߡߊ߬ߣߊ ߘߐߛߎߡߊ ߟߊ߫ ߞߊߦߌߙߊ ߞߊ߲߬߸ ߛߊ߫ ߖߌ߬ߣߍ߬ ߘߌ߫ ߕߊ߲߬ߞߊ߫ ߕߙߐߦߊ ߡߊ߬، ߊ߬ ߞߊ߬ ߘߎ߬ߥߊ߬ߥߎ߬ ߞߋߟߋ߲ ߏ߬ ߢߐ߲߰ ߠߋ߬ ߝߣߊ߫ ߞߍ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫߸ ߞߏ߫ ߊߟߊߡߵߊߟߊ߫ ߞߵߏ߬ ߘߍ߬ߡߍ߲߫ ߖߡߊ߬ߣߊ ߟߊߛߓߊ߬ߕߌ ߣߴߊ߬ ߟߊߥߙߎߞߌ ߘߐ߫߸ ߊ߬ ߣߌ߫ ߛߌ߬ߡߊ߬ߦߊ ߟߊ߫.
ߞߊ߬ߙߊ߲߬ߡߐ߯ ߛߏ߬ߟߏ ߞߎߡߊ߫ ߘߊ߫ ߛ߭ߊ߰ߓߊߣ ߕߟߋ߬ ߁߅ ߕߐ߬ߣߐ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߓߌ߬ ߕߊ ߣߌ߲߬ ߞߍߣߍ߲߫ ߖߊ߬ߡߊ ߦߟߌߓߌ߬ߟߊ ߟߋ߬ ߘߌ߫߸ ߓߍ߯ ߦߴߊ߬ ߟߐ߲߫ ߞߏ߫ ߢߐ߲߯ߓߍ߲ߓߊ߫ ߦߴߊ߬ ߓߟߏ߫ ߖߊ߲ߛߎߡߣߊ߫ ߞߣߐ߫ ߞߏ߲ߞߏߜߍ ߕߋ߬ߟߋ߫ ߂ ߡߊ߬߸ ߏ߬ ߡߍ߲ ߓߍ߲߬ߕߐ߫ ߛߎ߲ߞߊߙߏߡߊߞߐߣߐ߲ ߕߟߋ߬ ߁߅ ߡߊ߬ ߞߊ߬ߣߌ߲߬، ߖߡߊ߬ ߟߊ߬ߘߍ߬ߓߊ߫ ߟߋ߬ ߞߍߕߐ߫ ߊ߬ ߝߊ߬ߛߏ ߟߋ߬ ߟߊ߫߸ ߖߊ߲ߛߎߡߣߊ߫ ߞߣߐ߫ ߏ߬ ߟߏ߲߸ ߊ߬ ߓߍߣߊ߬ ߞߓߊߞߏ߫ ߞߎߡߊ ߘߏ߫ ߢߊߝߐ߫ ߡߍ߲ ߞߣߍ ߞߊ߲߬߸ ߞߵߊ߬ ߓߍ߲߬ ߛߎߡߊߘߌߦߊߟߊ߲ ߘߏ߫ ߟߊ߫ ߞߏ ߡߊ߬߸ ߞߏ߫ ߡߎߛߞ.
ߛߊ߲߭ ߺ ߊ ߺ ߛߊ߲߬߸ ߊ߬ ߞߊ߬ߣߎ߲߬ߓߊ߮ ߦߋ߫ ߓߐ߫ ߟߊ߫ ߟߋ߬ ߤߊߟߌ߬ ߞߐߞߊ߲߫ ߖߡߊߣߊ ߟߎ߬ ߘߐ߫߸ ߞߊ߬ ߣߊ߬ ߛߐ߬ߘߐ߲߬ ߖߊ߲߬ߖߏ߲ ߣߌ߲߬ ߘߐ߫، ߢߌ߬ߣߊ߲߬ ߕߊ ߣߌ߲߬ ߘߏ߲߬ ߦߴߏ߬ ߛߌߟߊ߫ ߞߋߟߋ߲ ߠߋ߬ ߝߣߊ߫ ߞߊ߲߬.
ߘߎ߬ߥߊ߬ߥߎ ߣߌ߲߬ ߞߣߐ߫߸ ߞߊ߬ߙߊ߲߬ߡߐ߯ ߛߏ߬ߟߏ ߞߵߊ߬ ߞߊ߬ߣߎ߲߬ߓߊ߮ ߟߎ߬ ߞߟߌ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߦߴߊ߬ߟߎ߬ ߛߎߡߊߘߌߦߊߟߊ߲ ߠߊߓߐ߫߸ ߏ߬ ߡߍ߲ ߠߊߓߊ߯ߙߢߊ ߢߊߝߕߐ߫ ߖߊ߲ߛߎߡߣߊ߫، ߞߵߊ߬ ߦߌ߬ߘߊ߬ ߞߏ߫ ߓߍ߯ ߦߴߊ߬ ߖߌ߰ ߟߊ߫ ߡߊ߰ߙߌ ߞߊ߲߬߸ ߏ߬ ߡߍ߲ ߦߋ߫ ߘߍ߬ߡߍ߲ ߞߍ߫ ߟߊ߫.
<<ߣߌ߫ ߓߟߏߞߏߟߏ߲ ߡߐ߱ ߥߊ߯ ߞߋߟߋ߲߫ ߞߍ߫ ߘߊ߫ ߒ ߠߊߡߌߣߌ߲ ߘߐ߫ ߓߌ߬߸ ߒ ߓߘߴߌ ߕߙߊ߫ ߌ ߦߋ߫ ߤߌߣߊ߫ ߒ ߠߊ߫߸ ߔߊ߬ߙߌ߬ߝߍ߲ ߣߌ߲߬ ߘߟߊߞߊ߬ߣߍ߲ ߞߐ߸ ߌ ߦߋ߫ ߝߋ߲ߕߌ߯ ߞߎߘߊ ߟߎ߬ ߟߊߘߊ߲߫߸ ߞߊ߬ ߓߟߏߞߏߟߏ߲ߧߊ ߣߊ߰ߛߌ߬، ߞߊ߬ ߤߊ߬ߙߌ߬ߖߍ߰ ߞߎߘߊ ߕߌ߱ ߟߎ߬ ߟߊߘߊ߲߫، ߟߎ߫ ߡߊߖߌ߰ߣߍ߲ ߠߎ߬ ߦߴߊ߬ߟߎ߫ ߖߘߍ߬ ߦߋ߫ ߞߘߐߕߊ߫ ߓߟߏ ߡߊ߬، ߡߍ߲ ߠߎ߬ ߞߘߐߕߊ߬ߣߍ߲߬߸ ߣߴߊ߬ߟߎ߬ ߢߊߞߍߣߍ߲߫ ߟߎ ߟߎ߬ ߞߣߐ߫߸ ߌ ߦߴߊ߬ߟߎ߬ ߢߊߓߐ߫.>> ߊ߬ ߞߵߊ߬ ߛߍ߲߫ ߊ߬ ߞߊ߬ߙߊ߲߬ߡߐ߰ ߣߴߊ߬ ߝߊ߬ ߕߍ ߟߊ߫߸ ߊ߬ ߣߴߊ߬ ߓߊ߫ ߣߴߊ߬ ߝߊ߬ ߕߍ ߟߊ߫߸ ߞߵߏ߬ ߟߴߊ߬ߟߋ߫ ߖߍ߬ߘߍ ߝߣߊ߫ ߟߊ߫ ߛߍ߲ߠߌ߲ ߞߊ߲߬ ߛߊ߬ߓߊ߰ߕߐ߫ ߛߊ߬ߓߊ ߏ߬ ߟߎ߬ ߞߐߛߌߟߊ ߕߊ߯ߡߊ ߟߊ߫.
ߓߌ߬ ߞߍ߫ ߘߊ߫ ߖߊ߲߬ߖߏ߲߬ߓߊ߫ ߟߋ߬ ߘߌ߫߸ ߓߍ߯ ߛߍߥߊ߫ ߘߊ߫ ߡߍ߲ ߞߍߟߌ ߟߊ߫߸ ߞߊ߬ ߊ߯ߡߌ߯ߣߊ ߛߌߦߊߡߊ߲ ߠߊߡߌ߬ߣߊ߬߸ ߞߵߊ߬ߟߎ߫ ߘߍ߲߬ߞߣߍ߬ߦߊ߬ߣߍ߲ ߕߏ߫ ߖߌ߰ߡߊ߬ߝߊ ߛߐ߬ߘߐ߲ ߠߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
Aucun commentaire pour le moment.