ߖߌ߬ߣߍ߬ ߞߣߐ߫߸ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߡߍ߲ ߘߐߞߊ߬ߙߊ߲߬ ߘߊ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߥߊ߯ߕߌ߫ ߘߐ߫߸ ߝߊ߬ߛߏ߬ ߞߊ߲߬ ߞߏ ߛߍ߬ߘߏ߲߬ߠߊ ߟߎ߬ ߓߘߴߊ߬ߟߎ߬ ߢߊ ߡߊߖߌ߰ ߏ߬ ߞߏ ߞߘߐ߫ ߞߏߛߓߍ߫، ߛߌ߰ߞߊ߲߬ ߖߊߕߋߘߐߛߌ߮ ߣߌ߲߬ ߕߐ߲ߛߋ߲ ߅߲ ߠߋ߬ ߞߊ߲߫ ߞߏ߫ ߝߊ߬ߛߏ߬ ߞߊ߲ ߠߎ߬ ߓߘߊ߫ ߟߊߞߎ߲߬ߠߊ߬ߛߌ߰ߦߊ߫ ߝߊ߬ߙߊ߲߬ߛߌ߬ ߞߊ߲ ߘߊߝߍ߬߸ ߓߊ߬ߙߌ߬ ߞߏ߫ ߝߊ߬ߙߊ߲߬ߛߌ߬ ߞߊ߲ ߠߋ߬ ߓߊ߯ߙߊ߫ ߞߊ߲ ߘߌ߫، ߛߋ߲߬ߕߊ߬ ߓߟߋߓߟߋ ߣߌ߲߬ ߞߏ ߟߎ߬ ߝߏ߬ߣߍ߲߫ ߞߊ߲߫ ߞߏ ߛߍ߬ߘߏ߲߬ߠߊ ߟߎ߬ ߓߟߏ߫ ߟߋ߬ ߞߊߕߌ߫߸ ߡߍ߲ ߠߎ߬ ߛߋ߫ ߘߊ߫ ߓߊ߬ߘߏ߬ߢߐ߲߰ߦߊ߬ ߟߊ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߓߟߏ߫ ߞߊ߬ߣߌ߲߬، ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߏ߫ ߟߋ߬ ߞߍߣߴߊ߬ߟߎ߬ ߓߟߏ߫ ߛߌ߬ߞߊ߲ ߣߌ߲߬ ߞߣߐ߫߸ ߡߍ߲ ߢߐ߲߰ ߕߎ߲߬ ߡߊ߫ ߞߍ߫ ߝߟߐ߫، ߓߊ߬ߙߌ߬߸ ߝߏ߫ ߞߊ߬ ߢߊ ߡߊߖߌ߰ ߟߋ߬ ߞߏ ߘߏ߫ ߟߎ߫ ߝߍ߬ ߊ߬ ߞߣߐ߫.
<< ߊ߲ ߞߐ߬ߣߌ߲߫ ߛߍߥߊߣߍ߲߫ ߝߊ߬ߛߏ߬ ߞߊ߲ ߠߎ߬ ߘߊ߲ߞߎ߲ ߡߊ߬ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߞߣߐ߫ ߞߵߊ߬ ߓߍ߲߬ ߞߎ߲߬ ߘߊ߲ߘߐ߫ ߡߊ߬. ߏ߬ ߝߟߐ ߦߋ߫ ߡߍ߲ ߘߌ߫߸ ߣߴߌ ߞߵߊ߬ ߡߊߝߟߍ߫ ߊ߬ ߛߌߦߊߡߊ߲ ߘߐ߫߸ߞߵߊ߬ ߕߊ߬ ߖߌ߬ߣߍ߬ ߟߊ߫ ߤߙߐߦߊ ߕߊ߭ ߡߊ߬ ߞߣߊ߬ ߛߋ߫ ߓߌ߬ ߡߊ߬߸ ߊ߲ ߦߴߏ߬ ߛߊ߲߬ ߆߀ ߣߌ߫ ߞߐ߫ ߢߐ߲߰ ߠߋ߬ ߘߐ߫ ߕߋ߲߬، ߡߙߊ߬ߞߊ߲߬ ߘߊ߲ߘߐ߫ ߟߋ߬ ߓߘߊ߫ ߕߊ߬ߡߌ߲߬ ߏ߬ ߞߣߐ߫߸ ߡߙߊ߬ߞߊ߲ ߠߎ߬ ߞߵߊ߬ߟߎ߬ ߛߋߞߏ ߞߍ߫ ߝߊ߬ߛߏ߬ ߞߊ߲ ߠߎ߬ ߣߊ߬ߞߏ ߛߌߟߊ ߝߍ߬، ߊ߬ ߣߌ߫ ߝߣߊ߫߸ ߞߐߟߕߊ ߣߌ߲߬ ߝߣߊ߫ ߢߐ߲߰ ߕߘߍ߬ ߡߊ߫ ߞߍ߫ ߊ߬ ߞߏ ߘߐ߫ ߝߟߐ߫߸ ߣߴߏ߬ ߦߋ߫ ߘߐ߬ߕߊߡߌ߲ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߕߋ߬ߟߋ ߘߌ߫، ߏ߬ ߓߟߏߡߊ߬߸ ߒߠߋ ߘߴߊ߬ ߝߐ߫ ߞߏ߫ ߊ߲ ߛߍߥߊߣߍ߲߫ ߊ߬ ߟߊ߫ ߞߏߛߓߍ߫߸ >>
ߓߊߛߓߊ߬ߕߌ߫ ߛߘߌ߬ߓߋ߬ ߛߍߥߊߡߍߣߍ߲ߕߐ ߞߵߏ߬ ߟߋ ߝߐ߫߸ ߊ߬ߟߋ ߡߍ߲ ߦߋ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߘߏ߲߬ߖߟߎ߬ߡߊ߬ߟߌ߬ߟߊ ߘߌ߫ ߞߊ߲ߞߊ߲߫.
ߛߌߟߊ߫ ߞߋߟߋ߲ ߏ߬ ߝߍ߬߸ ߊߡߊ߬ߘߎ߫ ߛߎ߲߬ߕߎ߫ ߖߊ߰ߓߌ߬ ߡߍ߲ ߝߣߊ߫ ߦߋ߫ ߒߞߏ ߟߊߥߊ߲߬ߞߊ߲߬ߓߊ߯ ߘߌ߫߸ ߊ߬ ߣߌ߫ ߓߊߛߌߦߟߊ߫ ߘߌ߫߸ ߏ߬ ߕߊ߫ ߡߙߌ߫ ߘߐ߫߸ ߞߏ߫ ߝߊ߬ߛߏ߬ ߞߊ߲ ߠߎ߬ ߘߊ߲ߞߎ߲ ߛߌ߰ߞߊ߲ ߘߐ߫ ߣߌ߲߬ ߢߊ߸ ߏ߬ ߣߊ߬ߣߴߊ߬ߟߎ߬ ߟߊߛߍߥߊ߫ ߟߊ߫ ߟߋ߬ ߞߵߊ߬ߟߎ߫ ߖߎ߬ߛߎ ߟߊߖߌ߰، <<ߞߵߊ߬ ߓߍ߲߬ ߝߊ߬ߛߏ߲߬ ߞߊ߲ ߠߎ߬ ߘߊ߲ߞߎ߲ ߡߊ߬ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߞߣߐ߫߸ ߊ߬ ߘߏ߲߬ ߊ߬ ߝߐߣߍ߲߫ ߠߋ߬ ߞߏ߫ ߞߎ߲߬ߠߊ߬ߛߌ߮ ߟߊ߫ ߛߓߍ ߟߎ߬ ߣߌ߫ ߖߡߊ߬ߣߊ ߛߊ߬ߙߌ߬ߦߊ ߟߎ߬ ߞߊ߫ ߞߊ߲߫ ߞߊ߬ ߦߟߍ߬ߡߊ߲߫ ߊ߬ ߘߐ߫. ߒ߬ߓߊ߬ ߸ ߏ߬ ߦߋ߫ ߞߏ߫ ߞߎߘߊ ߟߋ߬ ߘߴߊ߬ ߞߏ ߘߐ߫، ߓߊߏ߬߸ߊ߬ ߝߟߐ ߟߋ߬ ߕߋ߲߬ ߖߌ߬ߣߍ߬ ߞߊ߲ ߠߎ߬ ߦߋ߫ ߘߊ߲ߞߎ߲߫ ߛߌ߰ߞߊ߲ ߞߣߐ߫߸ ߘߐ߬ߕߊߡߌ߲ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫( ߏ߬ ߡߍ߲ ߝߏ߬ߕߊ ߦߋ߫ ߞߊ߬ߣߌ߲߬) ߏ߬ ߓߟߏߡߊ߬߸ ߊ߲ ߞߏ߬ߣߌ߲ ߘߴߊߟߊ߫ ߕߊ߲ߘߴߏ߬ ߟߊ߫ ߞߏߛߓߍ߫߹
ߓߊ߬ߙߌ߬߸ ߊ߲ ߧߴߊ߬ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߟߎ߬ ߝߍ߬߸ ߊ߬ߟߎ߬ ߞߴߊ߬ ߘߊ߲߬ ߛߓߍߘߐ߫ ߞߎߡߊ ߘߐߙߐ߲߫ ߡߊ߬ ߘߋ߬، ߝߏ߫ ߊ߬ߟߎ߬ ߦߴߊ߬ ߓߟߏߦߊ߫ ߟߋ߬، ߡߍ߲ ߘߴߊ߬ ߦߌ߬ߘߊߞߵߊ߲ ߠߊ߫ ߞߏ߫ ߊ߲ ߠߊ߫ ߟߊ߬ߢߌߣߌ߲ ߠߎ߬ ߓߘߊ߫ ߓߐ߫ (ߢߊ߫) ߟߊ߫؛ ߓߊߏ߬߸ ߣߴߌ ߞߊ߬ ߞߎߡߊ߫ ߝߐ߫ ߡߐ߱ ߦߋ߫ ߌ ߡߴߊ߬ ߓߟߏߦߊ߫߸ ߏ߬ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߡߐ߱ ߟߎ߬ ߟߊߕߍ߰ ߌ ߘߐ߫߸ ߞߵߊ߬ ߞߎ߲߭ ߞߍ߫ ߌ ߟߊ߫ ߞߎߡߊߞߊ߲߫ ߡߝߊߓߊߟߌߦߊ ߘߌ߫، ߏ߬ ߘߐ߫ ߝߏ߫ ߊ߬ߟߎ߬ ߦߴߊ߬ ߓߟߏߦߊ ߟߋ߬߸ ߞߊ߬ ߓߊ߲߫ ߞߵߊ߬ ߕߊ߬ ߓߊ߫ ߘߐ߫، ߖߐ߲߰ߛߊ߫ ߖߡߊ߬ߣߊ߬ߘߋ߲ ߠߎ߬ ߞߊߣߊ߬ ߕߍ߰ ߊ߬ߟߎ߬ ߘߐ߫>>
ߓߊ߬ߙߌ߬ ߟߊ߬ߛߍ߬ߥߊ߬ߟߌ ߣߌ߲߬ ߓߍ߯ ߣߴߊ߬ ߕߊ߫߸ ߘߏ߫ ߟߎ߫ ߞߊ߲߫ ߞߏ߫ ߝߏ߫ ߞߊ߬ ߖߊ߲߬ߕߏ߬ ߞߍ߫ ߟߋ߬ ߡߎߣߎ߲߬ ߘߋ߬، ߓߊߛߓߊ߬ߕߌ߫ ߛߘߌ߬ߓߋ߬ ߞߊ߬ ߦߟߌߓߌߟߊߟߌ ߘߏ߫ ߞߍ߫ << ߤߊߟߌ߬߸ ߣߴߊ߬ ߦߴߊ߬ ߛߐ߬ߘߐ߲߫ ߠߋ߬ ߞߏ߫ ߘߎߢߊ߫ ߖߡߊ߬ߣߊ߫ ߥߙߎߞߌߣߍ߲ ߕߐ߭ ߟߎ߬ ߘߍ߬ߣߍ߲߫ ߊ߬ߟߎ߬ ߟߊ߫ ߞߊ߲ ߞߟߊ߬ߟߊ߬ߡߊ ߘߏ߫ ߟߎ߫ ߟߋ߬ ߟߊ߫، ߓߊߏ߬߸ ߞߏ߫ ߊ߲ ߠߎ߬ ߕߊ ߣߌ߫ ߥߊߟߌߞߊ߲ ߠߋ߬ ߟߊߘߍ߬ߣߍ߲߫ ߦߋ߫ ߊ߲ ߠߊ߫ ߖߡߊ߬ߣߊ ߞߣߐ߫ ߣߴߏ߬ ߦߋ߫ (ߝߊ߬ߙߊ߲߬ߛߌ) ߘߌ߫߸ ߏ߬ ߞߏ߬ߣߌ߲߬ ߕߴߊ߲ ߞߢߊ߬ ߛߍߥߊ߫ ߟߴߊ߬ ߟߊ߫؛ ߓߊߏ߬߸ ߞߏ ߟߋ߬ ߦߴߊ߬ ߘߌ߫ ߝߣߊ߫ ߡߍ߲ ߢߐ߲߱ ߕߘߍ߬ ߡߊ߫ ߘߋ߬ߙߌ߬ ߞߊ߬ ߞߍ߫ ߟߊ߫ ، ߊ߲ ߞߏ߬ߣߌ߲ ߘߌ߫ ߡߍ߲ ߝߐ߫ ߞߎ߲߬ߠߊ߬ߛߌ߮ ߟߎ߬ ߦߋ߫߸ ߊ߬ߟߎ߬ ߞߊߣߊ߬ ߞߏ ߣߌ߲߬ ߞߍ߫ ߛߓߍߘߐ߫ ߞߎߡߊ ߟߎ߬ ߘߐߙߐ߲߫ ߘߌ߫ ߘߋ߬ ߸ ߓߊߏ߬߸ ߣߴߊ߲ ߞߵߊ߬ ߡߊߝߟߍ߫ ߊ߬ ߛߌߦߊߡߊ߲ ߘߐ߫߸ ߡߍ߲ ߠߎ߬ ߦߋ߫ ߝߐ߫ ߟߊ߫ ߒ߬ ߠߊ߫ ߛߓߍ ߟߎ߬ ߞߣߐ߫߸ ߏ߬ ߟߎ߬ ߕߍ߫ ߓߟߏߦߊ߫ ߟߊ߫، ߐ߲߹ ߣߴߊ߬ ߘߏ߲߬ ߡߊ߫ ߢߊ߬߸ߊ߬ ߓߘߊ߫ ߝߐ߫ ߞߏ߫ ߊ߲ ߠߊ߫ ߞߎ߲߬ߠߊ߬ߛߌ߰ ߞߊ߲ ߓߘߊ߫ ߞߍ߫ ߝߊ߬ߛߏ߬ ߞߊ߲ ߠߎ߬ ߣߌ߫ ߝߊ߬ߙߊ߲߬ߛߌ߬ ߞߊ߲ ߘߌ߫߸ ߓߊߏ߬߸ ߣߌ߫ ߝߊ߬ߙߊ߲߬ߛߌ߬ ߞߊ߲ ߝߐ߫ ߘߊ߫ ߝߊ߲߬ߛߌ߫߸ ߝߏ߫ ߊ߲ ߝߣߊ߫ ߟߊ߫ ߞߊ߲ ߦߋ߫ ߝߐ߫ ߦߋ߲߬ ߠߋ߬،>>
ߤߊߟߌ߬ߛߊ߫߸ ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߝߏ߫ ߞߊ߬ ߘߐ߬ߖߊ ߣߌ߫ ߞߊߘߊ߲ ߖߍ߬ߘߍߖߍ߬ߘߍ ߟߋ߬ ߞߍ߫: ߓߋߟߋ߲ߠߊ ߟߎ߬ ߦߋ߫ ߛߋ߫ ߞߍ߫ ߟߊ߫ ߝߊ߬ߛߏ߬ ߞߊ߲ ߠߎ߬ ߘߐ߫߸ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ ߟߎ߬ ߦߋ߫ ߦߟߍ߬ߡߊ߲߫ ߊ߬ ߘߐ߫߸ ߞߊ߬ ߓߊ߲߫ ߞߊ߬ ߝߊ߬ߛߏ߬ ߞߊ߲ ߠߎ߬ ߞߊ߬ߙߊ߲߬ ߞߏ ߡߊߜߟߍ߬ߦߊ߫ ߞߊ߬ߦߌ߯ ߡߐ߱ ߟߎ߫ ߘߐ߰ߡߊ߲߬ߣߍ߲.
ߞߊ߬ߙߊ߲߬ߡߐ߰ ߖߐ߲ߖߐ߲ ߞߋߕߊ߬ ߡߍ߲ ߦߋ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߞߐߦߌߘߊߓߊ߮ ߘߌ߫ ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲߫ ߞߊ߲ߡߊ߬߸ ߏ߬ߝߣߊ߫ ߞߊ߬ ߓߊߛߓߊ߬ߕߌ߬ ߟߊ߫ ߞߎߡߊ ߏ߬ ߟߋ ߛߐ߫ ߖߌߟߊ߫، ߞߵߊ߬ ߦߌ߬ߘߊ߬ ߞߏ߫: << ߞߏ ߡߍ߲ ߞߎ߬ߘߎ ߕߘߍ߬ ߊ߲ ߞߊ߲߫ ߠߊ߫߸ߏ߬ ߟߋ߬ ߕߍ߬ߘߍ߫ ߖߌ߬ߣߍ߫ ߛߌ߰ߞߊ߲ ߖߊ߬ߕߋ߬ߘߐ߬ߛߌ߮ ߢߍߕߊ ߕߐ߲ߛߋ߲߫ ߂߲ ߘߌ߫،ߓߊߏ߬ ߛߌ߰ߞߊ߲ ߖߊ߬ߕߋ߬ߘߐ߬ߛߌ߯ ߢߍߕߊ߯ ߝߟߐߡߊ ߏ߬ ߕߎ߲߬ ߞߵߊ߬ ߦߌ߬ߘߊ߫ ߟߋ߬ ߊ߲ ߠߊ߫ ߞߏ߫ ߸ ߊ߲ ߧߴߊ߬ ߡߙߌߦߊ ߟߎ߬ ߘߌ߫ ߝߊ߬ߛߏ߬ ߞߊ߲߬ ߞߏ ߡߊ߬ ߸ߊ߲ߠߎ߬ ߘߏ߲߬ ߝߣߊ߫ ߞߵߊ߲ ߡߙߌߦߊ ߏ߬ ߘߌ߫ ߟߋ߬ ߸ߞߏ߫ ߞߊ߬ ߖߌ߬ߣߍ߫ ߝߊ߬ߛߏ߬ ߞߊ߲ ߠߎ߬ ߞߍ߫ ߞߎ߲߬ߠߊ߬ߛߌ߰ ߞߊ߲ ߣߌ߫ ߓߊ߯ߙߊ߫ ߞߊ߲ ߘߌ߫ ߸ߞߊ߬ߕߎ߲߰ ߸ߏ߬ ߟߋ߬ ߦߋ߫ ߝߐ߫ ߟߊ߫ ߘߌ߲߬ߞߌ߬ߙߊ߬ ߛߘߍߡߊ߲߫ ߘߐ߫ ߦߏ߫ » ߟߐ߯ߝߍ ߟߎ߬ ߣߌ߫ ߖߡߊ߬ ߟߊ߬ߘߍ߬ ߓߟߋߓߟߋ߫ ߓߐߣߍ߲ߢߐ߲߰ߡߊ ߟߎ߬ ߘߐ߫ »
ߊ߲ ߕߏߣߍ߲߫ ߏ߬ ߡߊ߬ߞߣߐ߬ߟߌ ߛߌ߱ ߟߋ߬ ߘߐ߫ ߛߊ߫ ߸ ߊ߲ ߞߵߊ߬ ߦߋ߫ ߖߌ߬ߦߊ߬ߞߊ߲߬ߛߏ߫ ߟߎ߬ ߣߌ߫ ߖߌ߬ߣߍ߫ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߖߍ߬ߘߍ ߞߣߐ߫ ߞߏ߫ :ߝߊ߬ߛߏ߬ ߞߊ߲ ߠߎ߬ ߣߌ߫ ߝߊ߬ߙߊ߲߬ߛߌ ߟߋ߬ ߦߋ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߰ ߞߊ߲ ߠߎ߬ ߘߌ߫߸ߝߊ߬ߙߊ߲߬ߛߌ ߟߋ߬ ߦߋ߫ ߓߊ߯ߙߊ߫ ߞߊ߲ ߘߌ߫… ߊ߲ ߛߋߥߊ߫ ߘߴߏ߬ ߟߊ߫ ߞߏߛߓߍ߫ ߸ ߓߊ ،ߏ߬ ߕߎ߲߬ ߡߊ߫ ߘߍ߬ߙߌ߬ ߞߍ߫ ߟߊ߫.>>
ߊ߬ߟߋ ߕߊ߫ ߡߙߌ߫ ߘߐ߫߸ ߟߊ߬ߢߌߣߌ߲ ߖߍ߬ߘߍߖߍ߬ߘߍ ߦߋ߫ ߡߍ߲ ߘߌ߫߸ ߏ߬ ߟߋ ߓߊ߯ߙߊ ߛߐ߬ߘߐ߲ ߘߌ߫ ߝߊ߬ߞߊ߲ ߘߐ߫: <<ߞߎ߲߬ߠߊ߬ߛߌ߮ ߦߋ߫ ߘߏ߫ ߟߴߊ߬ߟߎ߫ ߟߐ߬ߛߋ߲ ߠߎ߬ ߞߊ߲߬ ߞߊ߬ ߝߊ߬ߛߏ߫ ߞߊ߲ ߘߏ߫ ߟߋ߬ ߞߍ߫ ߓߊ߯ߙߊ߫ ߞߊ߲ ߘߌ߫ ߕߘߋ߫ ߸ ߏ߬ ߟߋ߬ ߘߌ߫ ߘߎ߰ߘߋ߲ ߠߎ߬ ߝߣߊ߫ ߞߟߊߓߎ߫ ߞߍ߲ߘߍߦߊ߫ ߞߊ߬ ߝߊ߬ߛߏ߬ ߞߊ߲ ߠߎ߬ ߡߐ߬ߟߐ߲߫ ߛߊ߲ߞߘߐߕߊ߬ ߓߐ߲ߛߐ߲߫ ߥߟߌ߬ߕߐ߬ߟߊ ߟߎ߬ ߓߟߏ߫߸ߏ߬ ߟߋ߬ ߖߍ߬ߘߍ ߢߍߓߊ߮ ߛߋ߲߬ߠߊ߬ߞߊߟߌߡߊ߲߫ ߞߏߛߓߍ߫.
ߓߊ߬ߙߌ߬ ߣߌ߫ ߝߊ߬ߙߊ߲߬ߛߌ߬ ߞߊ߲ ߞߍ߫ ߘߊ߫ ߓߊ߯ߙߊ߫ ߞߊ߲ ߘߌ߫ ߸ ߏ߬ ߟߎ߬ ߡߍ߲ ߠߎ߬ ߝߐߓߊ߮ ߟߎ߬ ߦߋ߫ ߛߓߍߘߊ߫ ߟߎ߬ ߣߌ߫ ߞߏߕߌ߯ߘߊ ߟߎ߬ ߘߐߙߐ߲߫ ߠߊ߫ ߸ ߞߵߊ߬ ߕߘߍ߬ ߝߊ߬ߛߏ߬ߘߋ߲ ߠߎ߬ %߁߅ ߟߋ߬ ߦߋ߫ ߝߊ߬ߙߊ߲߬ߛߌ߬ ߞߊ߲ ߏ߬ ߝߊ߰ߡߎ߲߬ ߠߊ߫.
ߊ߬ ߕߐ߬ % ߈߅ ߟߎ߬ ߛߌ߫ ߕߴߊ߬ ߝߊ߰ߡߎ߲߬ ߠߊ߫.
ߒ߬ߓߊ߬ ߝߏ߫ ߞߎ߲߬ߠߊ߬ߛߌ߮ ߦߋ߫ ߘߌ߲߬ߞߌߙߊ߫ ߏ߬ ߝߊ߰ߡߎ߲߬ ߠߋ߬ ߞߊ߬ ߝߊ߬ߛߏ߬ ߞߊ߲ ߘߏ߫ ߞߍ߫ ߝߊ߬ߛߏ߫ ߓߊ߯ߙߊ߫ ߞߊ߲ ߘߌ߫>>
ߛߌߟߊߓߐߛߐ߯ߣߊ߫ ߞߏ߬ߣߌ߲ ߦߴߊ߬ ߞߊ߲߬ ߞߊ߬ ߝߊ߬ߛߏ߬ ߞߊ߲ ߛߍ߬ߘߏ߲߲߬ߠߊ ߟߎ߬ ߘߊߞߘߐߓߐ߫߸ ߊ߲ ߓߍߣߊ߬ ߘߏ߫ ߜߘߍ߫ ߟߎ߫ ߝߣߊ߫ ߡߙߌߦߊ ߢߊߝߐ߫ ߊߟߎ߫ ߦߋ߫ ߟߏ߲߫ ߣߴߊ߬ ߣߊ߬ߕߐ ߟߎ߬ ߘߐ߫، ߖߐ߲߰ߛߊ߫ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߡߙߌߦߊ ߘߌ߫ ߟߐ߲߫ ߞߏߢߊ ߣߌ߲߬ ߞߊ߲߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߣߌ߫ ߛߎ߯ߟߊ߲ߘߌ߫ ߛߊ߬ߞߐ߬ ߟߎ߬ ߟߊ߫ ߛߋ߲߬ߠߊ߬ߓߐ߬ߟߌ ߟߋ߬߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
Aucun commentaire pour le moment.