ߛߊߦߝ ߌߛߑߟߊߡ ߞߘߊߝߌ߫ ߡߍ߲ ߦߋ߫ ߡߎ߬ߥߊ߬ߡߊߙ ߞߘߊߝߌ߫ ߘߋ߲ߞߍ߫ ߛߊ߲߬ ߅߃ ߘߌ߫߸ ߣߴߊ߬ ߖߊ߬ߕߋ߬ߣߍ߲߬ ߓߍ߯ ߓߟߏ߫ ߊ߬ ߝߊ߬ ߗߍߕߊߓߊ߮ ߘߌ߫ ߞߊ߬ ߞߐ߲߰ ߏߴ ߟߊߥߟߏ ߢߍ߫ ߂߀߁߁ ߠߊ߫، ߒ߬ߓߊ߬߸ ߊ߬ߟߎ߫ ߞߵߊ߬ߟߋ ߝߣߊ߫ ߝߊ߰ ߞߏ߲ߞߏߜߍ ߕߋ߬ߟߋ߫ ߃ ߡߊ߬ ߖ߭ߌߕߊ߲߫߸ ߟߓߌ߫ ߕߟߋ߬ߓߋ ߘߐ߫.
ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߦߋ߫ ߝߊ߬ߙߊ߲߬ߛߌ߬ߞߊ ߘߏ߫ ߟߋ߬ ߘߌ߫߸ ߞߏ߫ ߡߊߙߑߛߍߟ ߛߋߞߟߑߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߝߊ߰ ߘߊ߫ ߁߄ߙߋ߲ ߠߋ߬ ߡߊ߬ (ߟߓߌ߫ ߕߎ߬ߡߊ ߟߊ߫)߸ <<ߊ߬ ߝߊ߰ ߘߊ߫ ߞߎ߲߬ߞߊ߬ߓߊ߯ ߡߐ߰ ߣߊ߯ߣߌ߲߫ ߠߋ߬ ߓߟߏ߫ ߊ߬ ߟߊ߫ ߟߎ ߡߊ߬.>> ߡߙߊ߬ߒ߬ߡߊ߲߬ߝߋ߲߬ߕߌ߮ ߘߏ߫ ߟߎ߫ ߟߋ߬ ߣߊ߬ ߘߊ߫ ߕߋ߲߬߸ ߡߍ߲ ߠߎ߬ ߡߊ߫ ߛߋ߫ ߡߊߟߐ߲߫ ߠߊ߫߸ ߞߊ߬ ߛߐ߰ ߜߋ߬ߟߎ߲߬ߠߌ߲߬ ߖߌ߬ߦߕߊ߬ߟߊ߲ ߠߎ߬ ߟߊߛߊ߱ ߡߊ߬ ߡߎߣߎ߲߬߸ ߞߣߊ߬ߕߏ߫ ߊ߬ߟߎ߬ ߞߍ߫ ߟߊ߫ ߗߍ߭ ߡߊߞߍ߫ ߦߌߟߊ ߞߊ߲߬، ߞߎߡߊ ߏ߬ ߟߎ߬ ߝߐ߫ ߘߴߊ߬ ߟߊߡߌߣߌ߲ ߘߏ߲߬ߞߏ ߘߏ߫ ߟߎ߫ ߟߋ߬ ߓߟߏ߫.
ߊߟߎ߫ ߦߴߊ߬ ߟߐ߲߫߸ ߞߊ߬ߦߌ߯ ߂߀߁߁ ߡߙߎߕߟߌ ߟߋ߬ ߝߍ߬߸ ߡߊ߲߬ߕߏ߲߬ߕߍ߬ ߓߌ߲ߓߊߥߏߟߌ ߞߕߌߖߌ߲ ߞߵߊ߬ ߓߌ߬ߟߴߊ߬ ߞߐ߫ ߊ߬ ߢߌߣߌ߲߫ ߞߊ߲ߡߊ߬߸ ߝߏ߫ ߕߍ߮ ߞߍ߫ ߘߴߊ߬ ߘߐ߫ ߟߓߌ߫ ߥߙߏ߬ߘߎ߮ ߘߐ߫߸ ߞߣߊ߬ߕߏ߫ ߊ߬ ߟߊߣߊ߬ ߟߊ߫ ߥߛߎ ߟߊ߫ ߖ߭ߌ߲ߕߊ߲߫، ߊ߬ ߓߌ߬ߟߊ߬ ߘߊ߫ ߛߌ߭ ߡߎ߰ߡߍ ߥߛߎ ߟߊ߫ ߂߀߁߅ ߟߊ߫، ߊ߬ ߟߊ߫ ߞߕߌ ߏ߬ ߘߏ߲߬ ߡߊ߬ߞߕߌ߬ߟߌ ߛߌߦߊߦߊ߫ ߘߊ߫ ߓߊߟߋ߬، ߓߊ߬ߙߌ߬߸ ߊ߬ ߣߊ߬ ߘߊ߫ ߡߊ߬ߞߕߏ߬ߟߌ ߛߐ߬ߘߐ߲߬ ߞߐߟߊ߫߸ ߞߊ߬ ߘߌ߬ߢߍ߬ ߞߍ߫ ߊ߬ ߡߊ߬، ߞߊ߬ߦߌ߯ ߊ߬ ߓߌ߬ߟߊ߬ ߘߊ߫ ߏ߬ ߘߐ߫߸ ߊ߬ ߦߋ߫ ߓߐߟߌ߫ ߞߋ߬ߟߋ߲߬ߞߋߟߋ߲ ߠߎ߬ ߞߍ߫ ߟߊ߫ ߛߐ߲߬، ߊ߬ ߟߊ߫ ߟߊ߬ߝߛߊ߬ߟߌ߬ߟߊ ߖߍ߬ߘߍ ߟߋ߬ ߞߵߏ߬ ߟߊߛߙߋߦߊ߫، ߝߣߊ߫߸ ߏߏ߬ ߞߵߊ߬ ߦߌ߬ߘߊ߬ ߞߏ߫ <<ߊ߬ ߟߊ߫ ߟߊ߬ߞߊ߲߬ߘߊ߬ߟߌ ߖߐ߲ߝߐ߲ߣߍ߲߫ ߕߘߍ߬>> ߊ߬ ߟߊߛߏ߬ߓߌ߬ ߘߴߏ߬ ߞߎߡߊ ߟߊ߫ ߞߊ߬ ߕߟߋ߬ ߕߊ߲߫ ߢߐ߲߰ ߕߏ߫ ߊ߬ ߟߊ߫ ߛߊ߬ߦߊ ߢߌ߲߬ ߠߊ߫.
ߞߘߊߝߌ߫ ߘߋ߲ߞߍ ߣߌ߲߬߸ ߊ߬ߟߋ ߟߊߞߐ߯ ߘߊ߫ ߕߟߋ߬ߖߌ߰ߟߊ߫ ߟߋ߬߸ ߤߊߡߌ߲ ߡߍ߲ ߕߍ߬ߘߍ߫ ߊ߬ ߟߊ߫߸ ߦߊ߬ߣߴߊ߬ ߝߊ߬ ߦߋ߫ ߛߊ߬ ߂߀߁߁ ߠߊ߫߸ ߏ߬ ߟߋ ߊ߬ ߟߊ߫ ߞߏ ߟߊߘߏ߲߭ ߘߌ߫ ߓߍ߯ ߛߣߐ߬ߡߍ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߣߊ߬ߣߍ߲߫ ߦߟߍ߬ߡߊ߲ ߠߋ߬ ߟߊߘߏ߲߬ ߞߊ߲ߡߊ߬، ߡߙߎߕߟߌ ߡߍ߲ ߥߟߌ߬ ߘߴߊ߬ ߝߊ߬ ߞߊ߲ߡߊ߬ ߂߀߁߁ ߠߊ߫߸ ߊ߬ߟߋ ߟߋ߬ ߞߊ߬ ߖߊ߬ߡߊߙߌ <<ߖߋ߬ߟߌ߬ ߟߊ߬ߓߐ߲>> ߖߊ߬ߡߊߙߌ ߘߌ߫ ߏ߬ ߡߊ߲߬ߞߊ߲ ߝߍ߬.
߂߀߂߁ ߠߊ߫߸ ߊ߬ ߕߍ߬ߘߴߊ߬ ߝߍ߬ ߞߊ߬ ߘߏ߲߬ ߓߘߍ߬ߓߘߍ߬ߟߌ ߓߙߊ ߞߣߐ߫߸ ߝߏ߫ ߞߵߊ߬ ߟߊ߫ ߡߊ߬ߡߌ߬ߘߊ߬ߟߌ ߟߊߘߏ߲߬ ߞߊ߲ߕߌ߯ߦߊ߫ ߢߌߣߌ߲ ߢߣߊߕߊߟߌ ߘߐ߫߸ ߞߵߊ߬ ߖߌ߰ ߟߴߊ߬ ߝߊ߬ ߟߊ߫ ߡߙߊ߬ߞߊ߲ ߟߊߘߌߦߊߢߍߓߊ߮ ߟߎ߫ ߞߊ߲߬، ߓߊ߬ߙߌ߬߸ ߢߣߊߕߊߟߌ ߏ߬ ߓߐ߫ ߘߴߊ߬ ߡߊ߬ ߟߋ߬߸ ߏ߬ ߡߊ߫ ߛߋ߫ ߞߍ߫ ߟߊ߫، ߞߊ߬ߕߎ߲߯߸ ߟߓߌ߫ ߖߡߊ߬ߣߊ ߓߍ߲߬ߣߍ߲߬ ߕߍ߫ ߤߊ߲߯ ߕߋ߲߬߸ ߓߍ߲߬ߓߊ߬ߟߌ߬ߦߊ ߓߘߴߊ߬ ߘߐߕߟߊ߫.
ߟߊ߬ߞߙߐ߬ߛߟߌ߬ߟߊ ߛߌߦߊߡߊ߲߫ ߞߊ߲߫ ߠߋ߬߸ ߞߏ߫ ߞߘߊߝߌ߫ ߘߋ߲ߞߍ߫ ߟߊ߫ ߛߊ߬ߦߊ ߣߌ߲߬ ߠߋ߬ ߞߍߕߐ߫ ߊ߬ ߞߍ߫ ߟߊ߫ ߛߋ߰ߘߎ߬ ߝߎߙߋ ߘߌ߫ ߖߡߊ߬ߣߊ߬ߘߋ߲ ߝߊ߲߬ߓߊ ߓߟߏ߫، ߏ߬ ߘߊ߬ߟߎ ߘߏ߫ ߦߋ߫ ߡߍ߲ ߘߌ߫߸ ߞߘߊߝߌ߫ ߕߟߋ ߡߙߊ߬ߞߊ߲ ߓߋߟߋ߲ߕߌ߯ ߞߘߐ߸ ߡߎߛߊ߫ ߌߓߙߊߤߌߡ ߞߵߊ߬ ߦߌ߬ߘߊ߬ ߞߏ߫ ߊ߬ ߝߊ߰ߣߍ߲߫ <<ߖߊ߲߬ߝߊ߬>> ߟߊߛߘߌ߬ߣߍ߲ ߠߋ߬ ߘߐ߫، ߓߊߏ߬߸ ߡߙߌߦߊ߫ ߜߘߍ߫ ߕߎ߲߬ ߕߍ߫ ߛߊߦߝ ߌߛߑߟߊߡ ߠߊ߫߸ ߝߏ߫ ߞߊ߬ <<ߟߓߌ߫ ߟߊߘߍ߬߸ ߞߵߊ߬ ߟߊ߫ ߖߘߍ߬ߕߌ߰ߦߊ ߓߊ߲ߓߊ߲߫.>> ߓߋߟߋ߲ߕߌ߯ ߞߘߐ ߟߋ߬ ߞߊ߲߫ ߕߋ߲߬.
ߞߘߊߝߌ߫ ߟߊߥߟߏ ߛߊ߲߬ ߕߊ߲ ߣߌ߫ ߣߊ߯ߣߌ߲ ߠߋ߬ ߕߋ߲߬߸ ߖߡߊ߬ߣߊ ߡߊ߫ ߓߊߛߌ߰ ߏ߬ ߞߎ߲߮ ߞߣߐ߫ ߡߎߣߎ߲߬ ߝߋߎ߫، ߞߊ߬ߕߎ߲߯߸ ߝߊ߰ߡߊ߫ ߝߌ߬ߟߊ߫ ߟߋ߬ ߛߋߓߊ߯ߦߊ ߛߊ߬ߡߊ߲߬ߢߐ߲߰ߕߍ ߞߊ߲߬: ߝߊ߬ߛߏ ߞߋ߬ߟߋ߲߬ߧߊ ߞߎ߲߬ߠߊ߬ߛߌ߮߸ ߏ߬ ߦߋ߫ ߕߙߌߔߏߟߌ߫ ߟߋ߬߸ ߏ߬ ߟߊߛߌ߰ ߘߊ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߋ߬ ߓߟߏ߫، ߊ߬ ߣߌ߫ ߡߊ߬ߡߙߊ߬ߟߌ߬ ߜߘߍ߫߸ ߏ߬ ߝߣߊ߫ ߡߊߞߍߣߍ߲߫ ߓߍ߲ߜ߭ߊߖ߭ߌ߫߸ ߏ߬ ߞߐߡߊߓߌ߲ߓߌ߲ߣߍ߲߫ ߞߊ߬ߟߌߝߊ߬ ߊߝߑߕߊߙ ߟߋ߬ ߓߟߏ߫، ߞߎ߲߬ߠߊ߬ߛߌ߯ ߝߌ߬ߟߊ ߏ߬ ߟߋ ߟߓߌ߫ ߞߎ߲߬ߠߊ߫.
ߞߘߊߝߌ߫ ߘߋ߲ߞߍ߫ ߟߊ߫ ߛߊ߬ߦߊ ߣߌ߲߬ ߓߘߊ߫ ߕߊ߬ߡߌ߲߬ ߟߓߌ߫ ߟߊ߫ ߖߋߟߌ߫ ߞߘߐ ߘߐߜߊ߬ ߟߊ߫߸ ߢߐ߲߯ ߖߌߖߎ߯ ߟߊߞߎߣߎ߲ ߓߘߊ߫ ߞߍ߫ ߕߙߎ߬ ߘߌ߫ ߖߡߊ߬ߣߊ ߡߍ߲ ߞߣߐ߫ ߞߊ߬ߣߌ߲߬ ߞߵߊ߬ ߟߊ߫ ߛߌߣߌ߲߫ ߣߊ߬ߕߐ ߞߍ߫ ߝߍߓߊ߫ ߘߐ߫ ߖߌ ߘߌ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.