ߞߟߊ߬ߘߏ߲ߛߏ߫ ߡߏߙߌ߫ ߞߡߊ߬ߙߊ߫ ߖߐ߲߬ߡߊߛߌߣߌ߲ߟߐ߲߫ ߦߋ߫ ߓߐ߫ ߟߊ߫ ߞߎߣߊߘߎ߯ ߖߊߟߏ߲߫ ߠߋ߬߸ ߏ߬ ߦߋ߫ ߡߊ߲߬ߖߊ߲߬ߠߊ߫ ߟߋ߬ ߘߐ߫ ߖߌ߬ߣߍ߬ ߞߊ߲ߓߍ߲، ߕߋ߲߭ߕߋ߲߭ ߣߌ߲߬ ߘߐ߫߸ ߊ߬ ߡߊߖߌ߰ߣߍ߲߫ ߞߊ߬ߦߋ߫ ߘߎ߱ ߟߋ߬ ߞߣߐ߫߸ ߡߊ߬ߟߌ ߞߊ߲ߓߍ߲، ߊ߬ߟߋ ߦߋ߫ ߒߞߏ ߞߟߊ߬ߘߏ߲ߛߏ ߟߎ߬ ߘߐ߫ ߥߊ߬ߣߊ ߟߋ߬ ߘߌ߫߸ ߡߍ߲ ߢߐ߲߰ ߡߊ߫ ߣߊ߬ ߘߎߢߊ߫ ߘߐ߬ߝߐ ߞߣߐ߫ ߡߎߣߎ߲߬، ߓߊߏ߬߸ ߊ߬ ߓߘߊ߫ ߞߊ߬ߝߊ߫ ߂߀߀ ߛߓߍ߫ ߛߊ߲߬ ߛߋߦߌ߲߫ ߞߘߐ߫߸ ߂߀߁߅ ߣߌ߫ ߂߀߂߃ ߕߍߟߊ ߘߐ߫߸ ߏ߬ ߦߋ߫ ߞߏߓߊ߫ ߟߋ߬ ߘߌ߫߸ ߘߐ߬ߝߐ ߘߴߊ߬ ߢߊߣߐ ߕߏ߫ ߡߍ߲ ߡߊ߬، ߊ߬ ߟߊ߫ ߞߊ߬ߝߊ ߟߎ߬ ߘߐ߫߸ ߛߓߍߦߊߣߍ߲ ߠߎ߬ ߣߌ߫ ߘߟߊߡߌ߬ߣߊ߬ߣߍ߲ ߠߎ߬ ߦߴߊ߬ ߘߐ߫߸ ߡߍ߲ ߓߘߊ߫ ߛߌߦߊߡߊ߲߫ ߢߊ߬ ߟߐ߲ߠߌ߲ ߓߏߟߏ߲߫ ߛߌߦߊߡߊ߲߫ ߘߐ߫ ߒߞߏ ߞߣߐ߫߸ ߊ߬ ߕߌ߯ߕߌ߯ ߘߌ߯ߣߊ.
ߊ߬ ߟߊ߫ ߞߝߊ߬ ߛߓߍߣߍ߲ ߦߙߌߞߊ ߞߙߎߞߍ߬ߙߍ ߦߋ߫ ߞߊ߬ߝߊ߫ ߂߂߀ ߠߋ߬ ߘߐ߫ ߕߋ߲߬.
ߊ߬ ߟߊ߫ ߞߊ߬ߝߊ ߟߎ߬ ߘߐ߫߸ ߞߊ߬ߝߊ ߡߍ߲ ߞߐߜߍ ߞߊ߫ ߛߌߦߊ߫ ߒߞߏ ߞߝߊ ߓߍ߯ ߘߌ߫߸ ߏ߬ ߟߋ « ߞߎ߬ߙߊ߬ߣߊ ߛߎߓߌߢߍ » ߘߌ߫߸ ߏ߬ ߘߍ߲߬ߘߍ߲ ߥߊߣߍ߲߫ ߠߋ߬ ߝߏ߯ ߞߐߜߍ߫ ߁ ߄߅߀߸ ߏ߬ ߢߐ߲߰ ߞߝߊ߬ߓߊ߫ ߡߊ߫ ߛߓߍ߫ ߒߞߏ ߘߐ߫ ߝߟߐ߫، ߏ߬ ߢߊ߫ ߞߋߟߋ߲ ߠߋ߬ ߝߣߊ߫ ߡߊ߬߸ ߊ߬ ߟߊ߫ ߞߝߊ߬ ߕߌ߲ߛߐ߲ ߡߍ߲ ߕߐ߯ ߞߏ߫ « ߛߎߞߏ ߣߌ߫ ߞߣߍߓߐ« ߸ ߏ߬ ߝߣߊ߫ ߞߙߎ ߟߊߘߍ߬ߣߍ߲ ߦߋ߫ ߕߌ߲ߛߐ߲߫ ߈ ߠߋ߬ ߘߌ߫߸ ߡߍ߲ ߢߐ߲߰ ߞߝߊ߬ ߕߌ߲ߛߐ߲߫ ߥߙߍ߫ ߕߍ߫ ߒߞߏ ߘߐ߫ ߡߎߣߎ߲߬، ߞߵߊ߬ ߟߴߊ߬ ߞߊ߲߬߸ ߒߞߏ ߛߓߍߛߎ߲ ߛߓߍߘߋ߲߫ ߂߇ ߓߍ߯ ߟߊߘߍ߬ߣߍ߲ ߞߵߊ߬ ߕߐ߯ߟߊ߫ ߞߝߊ߫ ߛߐ߬ߘߐ߲߫ ߠߋ߬ ߊ߬ ߟߊ߫ ߞߊ߬ߝߊ ߢߌ߲߬ ߠߎ߬ ߘߐ߫.
ߓߏ߲߬ߘߏ߲ ߡߍ߲ ߦߋ߫ ߒߞߏ ߟߐ߲ߠߌ߲ ߠߎ߬ ߓߏ߲߬ߘߏ߲߬ߓߊ ߘߌ߫ ߓߌ߬ ߝߐߟߌ߫ ߘߐ߫߸ ߊ߬ ߓߘߊ߫ ߛߌߦߊߡߊ߲߫ ߞߍ߫ ߏ߬ ߞߣߐ ߘߐߞߍ ߘߐ߫، ߞߊ߬ߕߎ߲߯߸ ߊ߬ ߓߘߊ߫ ߒߞߏ ߛߓߍߛߎ߲ ߞߍ߫ ߘߎߢߊ߫ ߟߐ߲ߠߌ߲ߓߊ ߟߎ߬ ߕߌ߱ ߘߌ߫، ߡߐ߰ ߞߏ߬ߣߌ߲߬ ߘߴߊ߬ ߝߐ߫ ߕߋ߲߬߸ ߊ߬ߟߋ߫ ߢߐ߲߰ ߞߝߊ߬ ߛߓߍ߬ߟߊ߬ߓߊ߫ ߡߊ߫ ߣߊ߬ ߘߐ߬ߝߐ ߞߣߐ߫ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.