ߡߊ߬ߟߌ ߝߊ߬ߛߏ ߟߊ߬ߞߟߏ߬ߞߟߏ߬ߟߌ ߞߏߕߌ߯ߘߊ ߡߍ߲ ߦߋ߫ ߡߊ߬ߟߌ ߟߊ߫߸ ߏ߬ ߓߘߊ߫ ߥߛߊ߬ߓߊ߰ߦߊ߫ ߝߊ߬ߛߏ߬ߟߊ߬ߞߊ ߘߏ߫ ߛߏ߯ߙߏ߫ ߞߵߊ߬ ߞߣߐ ߟߊߘߎ߲߬ߧߊ߬ ߞߏߛߓߍ߫، ߞߵߏ߬ ߞߍ߫ ߥߛߊ߬ߓߊ߰ߦߊ߬ ߘߌ߫߸ ߡߍ߲ ߞߍߕߐ߫ ߞߎ߬ߙߎ߲߬ߘߎ߫ ߛߌ߲߬ߝߏ߲߬ߠߊ߬ߞߊ ߟߊߘߊ߲߫ ߠߊ߫ ߞߊ߬ ߞߎ߲߬ߠߊ߬ߛߌ߰ ߞߊ߲ ߠߎ߬ ߓߊ߯ߙߊ߫ ߢߊ ߘߊ߲߬ߠߊߕߍ߰، ߡߙߌߘߐ߫ ߛߓߍ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߂߀߂߅ ߞߊ߬ߙߌ߬ߝߐ ߕߟߋ߬ ߁߈ ߠߋ߬ ߡߊ߬߸ ߡߍ߲ ߡߙߌߘߐ ߘߝߊߣߍ߲ ߝߙߍߕߍ ߦߋ߫: ߝ.߂߀߂߅-߀߀߀߀߀߄߃߄/ߟߞߝ-ߝߞ߸ ߣߴߊ߬ ߖߌ߬ߦߊ߬ߓߍ ߦߋ߫ ߘߎ߰ߟߊ߫.
ߊ߬ߟߎ߬ ߟߊ߫ ߥߛߊ߬ߓߊ߰ߦߊ ߣߌ߲߬ ߠߊߘߊ߲ ߘߐ߫߸ ߞߊ߲ߞߏ ߢߊߟߐߓߊ߯ ߛߌߦߊߡߊ߲߫ ߣߌ߫ ߛߋߒߞߏߟߊ߫ ߛߌ߲ߝߏ߲ߘߊ߫ ߛߌߦߊߡߊ߲߫ ߠߋ߬ ߞߐߦߌ߬ߘߊ߬ߣߴߊ߬ ߞߣߐ߫، ߊ߬ ߛߌ߲߬ߝߏ߲߬ ߠߊߘߍ߬ߣߍ߲ ߠߎ߬ ߘߐ߫߸ ߒߞߏ ߞߙߎߝߓߊ ߡߐ߱ ߘߏ߫ ߟߎ߫ ߦߴߏ߬ ߘߐ߫߸ ߞߵߏ߬ ߡߊ߬ߟߌ ߓߊߟߌߞߎ߫ ߛߓߍߟߌ ߘߍ߬ߞߙߎ ߘߏ߫ ߟߎ߫ ߞߊ߲߬߸ ߞߎߡߊߕߍ߫ ߊߓߘߎߟ ߥߤߊߔ ߕߎ߬ߙߋ ߡߊ߬߸ ߊ߬ ߣߌ߫ ߦߛߎߝ ߤߊߦߌߘߙߊ ߣߌ߫ ߛߊߟߌߝߎ߬ ߓߍߙߑߕߋ߫.
ߥߛߊ߬ߓߊ߰ߦߊ ߢߌ߲߬ ߠߊߘߊ߲ߣߍ߲߫ ߞߵߊ߬ ߓߍ߲߬ ߛߌ߰ߞߊ߲ ߕߐ߲ߛߋ߲߫ ߝߌߟߊߣߊ߲ ߠߋ߬ ߡߊ߬߸ ߊ߬ߟߎ߬ ߟߊ߫ ߓߊ߯ߙߊ ߞߍߕߐ߫ ߞߏ ߘߏ߫ ߟߎ߫ ߟߋ߬ ߘߐߞߣߍ ߣߴߊ߬ߟߎ߬ ߘߐߞߕߌ ߣߴߊ߬ߟߎ߬ ߢߍߥߟߊߦߊ ߘߌ߫߸ ߞߊ߬ ߞߍߕߊ ߟߎ߫ ߝߊ߲߬ߝߘߊ ߡߊߗߍ߲߬߸ ߞߵߊ߬ߟߎ߬ ߓߐߢߟߊ߫ ߢߊ ߟߎ߬ ߝߣߊ߫ ߘߊ߲߬ߠߊߕߍ߰߸ ߞߊ߬ ߓߊ߲߫ ߞߵߊ߬ߟߎ߫ ߡߊ߲߬ߤߙߍ ߟߎ߬ ߝߣߊ߫ ߛߍ߲ߛߍ߲߫ ߞߏߢߊ߬ ߞߵߊ߬ ߟߐ߲߫ ߞߊ߲߫ ߞߏ ߘߌ߫ ߛߋ߫ ߟߊߓߊ߯ߙߊ߫ ߟߊ߫ ߖߡߊ߬ߣߊ ߞߣߐ߫ ߘߌ߬߸ ߞߵߏ߬ ߞߍߢߊ ߣߴߊ߬ ߟߊߕߊ߯ߡߊ߫ ߢߊ ߟߎ߬ ߓߍ߯ ߢߊߓߐ߫ ߞߵߊ߬ߟߎ߬ ߞߍ߫ ߞߎ߬ߙߎ߲߬ߘߎ߫ ߛߌ߲߬ߝߏ߲߬ߠߊ߬ߞߊ ߘߌ߫߸ ߡߍ߲ ߘߌ ߟߥߊߟߌ߫ ߞߊ߲ߞߏ ߡߊ߬ߘߎ߮ ߘߐ߫ ߖߡߊ߬ߣߊ ߞߣߐ߫، ߊ߬ ߓߊ߯ ߟߥߊߟߌ߫ ߝߣߊ߫߸ ߊ߬ ߥߊߘߌ߫ ߞߏ ߓߍߣߊ߬ ߢߊߓߐ߫ ߖߡߊ߬ߣߊ ߖߍߍ߬ߘߍ ߟߋ߬ ߓߟߏ߫߸ ߊ߬ ߣߌ߫ ߞߏߟߊߘߍߢߐ߲߮ ߠߎ߬.
ߣߌ߲߬ ߦߋ߫ ߡߊ߬ߟߌ ߞߎ߲߬ߠߊ߬ߛߌ߮ ߟߊ߫ ߛߋ߲߬ߕߊ߬ߓߊ߫ ߟߋ߬ ߘߌ߫߸ ߝߊ߬ߛߏ߬ ߞߊ߲ ߠߎ߬ ߡߐ߬ߟߐ߲߬ߡߊ߬ߦߊ ߘߐ߫߸ߊ߬ߟߎ߬ ߟߊߓߊ߯ߙߊ ߘߐ߫ ߖߡߊ߬ߣߊ ߟߞߊ߬ߙߊ߲߬ߠߌ߲ ߞߊ߲ߞߋߦߊ ߘߐ߫߸ ߊ߬ ߣߌ߫ ߡߊ߬ߡߙߊ߬ߟߌ ߘߊߞߎ߲ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.