ߡߊ߬ߟߌ ߞߎ߲߬ߠߊ߬ߛߌ߮ ߞߎ߲߬ߕߌ߰ ߞߘߐ ߡߎߛߊ߫ ߡߊ߰ߙߊ ߓߘߊ߫ ߓߌ߬ߟߊ߬ ߥߛߎ ߟߊ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߅ ߘߓߊ߬ߓߌߟߊ ߕߟߋ߬ ߁߭߸ ߟߊ߬ߥߟߍ߬ߟߌ߬ ߛߌߦߊߡߊ߲ ߠߎ߬ ߞߐߝߍ߬ ߓߟߐߟߐ߫ ߞߎ߲ߞߏߕߐߦߊ ߞߟߍ߬ߓߊ߮ ߟߎ߬ ߕߊ߫ ߓߟߏ߫ ߡߊ߬، ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߊ߬ ߞߊ߬ ߛߓߍߟߌ ߘߏ߫ ߟߋ߬ ߟߊߖߍ߲ߛߍ߲߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫ ߘߍ߬ߞߙߏߝߏ ߞߊ߲߬߸ ߝߏ߫ ߞߊ߬ ߛߌߞߊ ߟߊߘߏ߲߬ ߡߐ߱ ߟߎ߬ ߘߐ߫ ߖߡߊ߬ߣߊ ߥߊߘߌ߫ ߞߏ ߘߏ߫ ߞߊ߲߬.
ߊ߬ ߞߊ߬ ߟߊ߬ߖߍ߲߬ߛߍ߲߬ߠߌ߲ ߣߌ߲߬ ߞߍ߫ ߂߀߂߅ ߞߊ߬ߙߌ߬ߝߐ ߕߋ߬ߟߋ߫ ߂߉ ߟߋ߬ ߡߊ߬߸ ߡߎߛߊ߫ ߡߊ߰ߙߊ߫ ߞߵߊ߬ ߦߌ߬ߘߊ߬ ߞߏ߫: ߞߎ߲߬ߠߊ߬ߛߌ߮ ߦߴߊ߬ ߞߊ߲߬ ߞߊ߬ <<ߖߟߎ߬ ߞߏ ߘߏ߫ ߟߋ߬ ߢߡߊߘߏ߲߰>>߸ ߞߵߏ߬ ߞߎ߲߭ ߞߍ߫ ߝߘߏ߬ߓߊ߬ ߓߟߏ߬ߟߊ߬ߘߍ߬ ߞߏ ߘߏ߫ ߟߊߛߋ ߘߌ߫ ߘߐ߬ߕߊߡߌ߲ ߞߊ߲ߕߌ߮ ߓߟߏ߫، ߊ߬ ߟߊ߫ ߞߎߡߊ ߏ߬ ߟߋ ߟߊߖߍ߲ߛߍ߲߫ ߘߊ߫ ߡߐ߰ ߛߌߦߊߡߊ߲߫ ߓߟߏ߫߸ ߝߏ߫ ߊ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߖߡߊ߬ߣߊ ߛߊ߬ߙߌ߬ߦߊ߬ ߘߏ߲ߞߏ ߟߎ߫ ߓߌ߬ߟߴߊ߬ ߞߐ߫.
ߞߊ߬ߙߌ߬ߝߐ ߏ߬ ߖߍ߬ߘߍ ߟߊ߫ ߡߎߣߎ߲߬߸ ߊ߬ ߞߟߌ߫ ߘߊ߫ ߛߋ߲߬ߢߊ߬ ߛߌߦߊߡߊ߲߫ ߠߋ߬߸ ߞߕߌ߫ ߢߊߢߌߣߌ߲ ߓߙߌ߬ߝߐߝߐ ߟߊ߫߸ ߊ߬ ߣߌ߫ ߞߊ߬ߝߏ߬ߙߋ߲ ߄߲ ߞߕߌߓߋߟߋ߲ ߝߣߊ߫ ߝߍ߬، ߡߎߛߊ߫ ߡߊ߰ߙߊ ߡߊߢߌ߬ߣߌ߲߬ߞߊ ߘߊߡߌߣߊ ߘߐ߫ ߡߎߣߎ߲߬߸ ߊ߬ ߝߐ߫ ߘߊ߫ ߟߋ߬ ߞߏ߫ ߊ߬ ߣߐ߬ ߞߏ߫ ߟߋ߬ ߞߍ߫ ߟߊ߫ ߡߍ߲ ߡߊ߫ ߓߍ߲߬߸ ߏ߬ ߦߋ߫ ߡߎ߲߬ ߘߌ߫߸ ߊ߬ ߣߐ߬ ߊ߬ ߝߐ߫ ߟߊ߫ ߡߐ߱ ߘߏ߫ ߟߎ߫ ߟߋ߬ ߡߊ߬ ߖߡߊ߬ߣߊ ߞߣߐ߫ ߡߍ߲ ߠߎ߬ ߦߋ߫ ߥߛߎ ߟߊ߫߸ ߞߴߏ߬ ߟߎ߬ ߦߋ߫ ߓߌ߬ߟߊ߬ߣߍ߲߬ <<ߥߛߎ ߟߴߊ߬ߟߎ߬ ߡߙߌߦߊ>>. ߏ߬ ߟߎ߫ ߟߋ߬ : ߙߊߛ ߓߊߕ߸ ߙߏߖ߭߸ ߞߑߟߋߡߊ߲߫ ߘߊ߲߬ߓߟߍ߬߸ ߌߛߊ߫ ߞߊ߬ߥߎ߸ ߒߖߌߡ߸ ߌ߬ߡߊߡ ߓߊ߲߬ߖߜ߭ߎ߸ ߊ߬ ߥߊ߫ ߘߊ߫ ߟߋ߬ ߓߐ߫ ߏ߬ ߟߎ߫ ߡߊ߬ ߥߛߎ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߏ߬ ߟߎ߬ ߓߌ߬ߟߊ߬ߣߍ߲߫ ߥߛߎ ߟߴߊ߬ߟߎ߬ ߡߙߌߦߊ ߟߋ߬ ߝߍ߬.
ߞߊ߬ߙߌ߬ߐߝ ߕߋ߬ߟߋ߫ ߂߁ ߡߊ߬߸ ߊ߬ ߝߐ߫ ߘߴߊ߬ ߡߊ߬ ߞߏ߫ ߊ߬ ߞߊߣߊ߬ ߓߐ߫ ߖߡߊ߬ߣߊ ߞߣߐ߫، ߓߐߛߎ߲߫ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫߸ ߊ߬ ߟߊ߫ ߥߛߎ߫ ߟߊߘߏ߲ ߡߍ߲ ߦߋ߫ ߣߌ߲߬߸ ߏ߬ ߞߎ߲߬ ߡߊ߫ ߞߍ߫ ߊ߬ ߡߙߌߦߊ ߦߌ߬ߘߊ ߘߌ߫ ߥߛߎߟߊߘߋ߲ ߏ߬ ߟߎ߬ ߟߊ߫ ߞߏ ߞߊ߲߬ ߘߋ߬، ߓߊ߬ߙߌ߬߸ ߊ߬ ߞߍ ߞߊ߬ ߖߡߊ߬ߣߊ ߞߎ߲߬ߠߊ߬ߛߌ߮ ߟߊ߫ ߓߟߏߟߊߘߍ߫ ߞߏ ߝߍ߬ߛߋ߲߬ ߊ߬ ߕߊ߫ ߢߊ߫ ߡߊ߬߸ ߊ߬ ߞߏ ߡߊ߫ ߟߊߥߟߌ߬ ߡߍ߲ ߡߊ߬.
ߤߊ߲߯ ߕߋ߲߬߸ ߊ߬ ߡߌ߬ߘߊ߬ ߞߎ߲߬ ߝߏߦߌ߬ ߡߊ߫ ߝߐ߫ ߞߎ߲߬ߠߊ߬ߛߌ߮ ߓߟߏ߫ ߡߎߣߎ߲߬߸ ߞߕߌߓߋߟߋ߲ ߡߊ߫ ߝߣߊ߫ ߡߊߞߎ߲߬ߣߍ߲߬ ߕߋߜߊ߫ ߟߋߟߋ߫߸ ߊ߬ ߟߊ߫ ߥߛߎ ߕߎ߬ߡߊ߫ ߘߏ߲߬ ߡߊ߫ ߝߐ߫، ߡߎߛߊ߫ ߡߊ߰ߙߊ ߟߊ߫ ߡߐ߰ ߝߣߊ߫ ߡߊ߫ ߟߊ߬ߛߋ߬ߟߌ߬ ߞߍ߫ ߊ߬ ߟߊ߫ ߥߛߎ߫ ߟߊߘߏ߲߫ ߞߏ ߣߌ߲߬ ߞߊ߲߬ ߡߎߣߎ߲߬߸ ߞߎߡߘߊ ߣߌ߲߬ ߛߓߍ߫ ߕߎߡߊ ߟߊ߫، ߊ߬ ߞߏ߬ߣߌ߲߬ ߓߘߊ߫ ߦߌ߬ߘߊ߬ ߓߐߛߎ߲ ߘߏ߫ ߟߎ߫ ߓߟߏ߫ ߞߏ߫ ߊ߬ ߟߊ߫ ߞߕߌ ߓߍߣߊ߬ ߘߊߡߌ߬ߣߊ߬ ߕߎߟߊߝߌ߲ ߕߋ߬ߟߋ߫ ߂߉ ߣߊ߬ߕߐ ߡߊ߬.
ߡߎߛߊ߫ ߡߊ߰ߙߊ ߡߍ߲ ߦߋ߫ ߣߌ߲߬߸ ߊ߬ ߞߍ߫ ߘߊ߫ ߓߡߊ߬ߞߐ߫ ߞߊ߬ߝߏ߬ߙߋ߲ ߄߲ ߞߊ߬ߝߏ߬ߙߋ߲߬ߕߌ߮ ߘߌ߫߸ ߊ߬ ߞߍ߫ ߘߊ߫ ߥߛߊ߬ߘߋ߲ ߘߌ߫߸ ߊ߬ ߞߍ߫ ߘߊ߫ ߞߎ߲߬ߠߊ߬ߛߌ߮ ߘߌ߫ ߂߀߁߄ ߞߏ߲ߞߏߘߓߌ ߣߌ߫ ߂߀߁߅ ߓߌ߲ߠߊߥߎߟߋ߲ ߕߍߟߊ ߝߣߊ߫ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
Aucun commentaire pour le moment.